吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 香港18區媽媽會› 馬鞍山Y姓醫生, 一肚火

香港18區媽媽會今日: 0|主題: 156974

收藏本版

發帖

返回列表

跳至頁

查看: 13940 | 回覆: 54

[沙田區] 馬鞍山Y姓醫生, 一肚火 [複製鏈接]

12 3

edea

王國長老

積分: 119074

王國長老

1^#

發表於 10-3-1 09:39 |只看該作者 |倒序瀏覽 |打印

因為搬左屋, 帶個女去睇樓下一個聽聞兒科出名既醫生, 點知一肚氣, 入到去, 我想話佢知個女既病徵, 點知佢唔俾我講野, 我講緊佢都打斷我, 有佢問冇我講. 佢問我, 個女有冇半夜咳醒, 我話有, 佢就話我個女可能係肺炎, 要入院, 我嚇左一跳.

跟住問"佢有冇咳", "有冇燒", "有冇痾"...我俾佢打斷兩次後, 我唔再講野, 由得佢問, 佢問完就同個女聽肺, 我加一句"佢好多痰", 佢話"多唔多痰唔係我地醫生既concern, 只係你地家長既著眼點,痰只係感冒連帶既關係..."

最後佢聽完肺, 就話個肺清, 應該唔係肺炎, 但可以照X光confirm一下.

我真係谷住度氣, 未睇過醫生態度咁差.

跟住我自己都要睇, 佢睇我時, 問我藥會唔會胃痛, 我話有時, 因為本身有胃病, 佢就話: "邊個香港人冇胃病? 只要你唔係次次食藥都有胃痛就唔算."

我冇再出聲, 我都有選擇權, 就當我同佢唔夾, 下次我唔會再睇呢個醫生.

0 0 0

我唔係經常上BK, 想搵我嘅朋友請email: [email protected]

私人傳訊

MrsYim

大宅

積分: 3436

2^#

發表於 10-3-1 11:50 |只看該作者

個醫生貴姓？

私人傳訊

hellokm

大宅

積分: 2968

3^#

發表於 10-3-1 13:47 |只看該作者

福安那一個?

私人傳訊

edea

王國長老

積分: 119074

王國長老

4^#

發表於 10-3-1 14:54 |只看該作者

已pm回答. 唔好意思, 唔想公開講得太白.

我唔係經常上BK, 想搵我嘅朋友請email: [email protected]

私人傳訊

小曳人

侯爵府

積分: 22599

開心吸收勳章醒目開學勳章畀面勳章貢獻勳章

5^#

發表於 10-3-1 15:27 |只看該作者

個style好似福安嗰個喎~

不過人夾人緣, 我又受到佢個style喎..

始終佢收得平 (相對其他專科) 又多病人睇佢, 就自己無咁多時間聽人講嘢, 但係佢唔會開重藥, 所以我都幾鍾意俾阿仔睇佢..
試過有次阿仔支氣管炎, 佢都即係寫紙俾我地去急症度照肺, 咁又真係堅架喎~

不過e+都睇少咗.. 因為有次佢同我講: 始終唔好食咁多西藥呀.. 咁我就開始變咗去佢度check吓有無大問題, 如果食西藥唔好就轉睇中医~

私人傳訊

rachel1224

大宅

積分: 1486

6^#

發表於 10-3-1 20:17 |只看該作者

的而且確Y醫生嘅說話方式未必人人接受，但佢真係好有料到!!

私人傳訊

annpoon51

大宅

積分: 3627

7^#

發表於 10-3-2 00:18 |只看該作者

同意, y醫生看病時間短, 說話相對多過茶, 但當你細意想想他的建議和診斷, 其實真是keypoints, 此外斷症的確幾準, 而且他是那些有真正需要才開藥的醫生, 所以我地全家都放心睇佢.

原帖由 小曳人 於 10-3-1 15:27 發表
個style好似福安嗰個喎~

不過人夾人緣, 我又受到佢個style喎..

始終佢收得平 (相對其他專科) 又多病人睇佢, 就自己無咁多時間聽人講嘢, 但係佢唔會開重藥, 所以我都幾鍾意俾阿仔睇佢..
試過有次阿仔支氣 ...

私人傳訊

Ivyl

男爵府

積分: 8507

8^#

發表於 10-3-2 00:21 |只看該作者

聽Y e生講嘢真係會俾佢激到"啤"一聲

,但我個囡又真係多數睇佢先好架喎

[img align=left]http://bb5.babyhome.com.tw/UPLOAD5/82641/84971.5658369.16127.jpg[/img][img align=right]http://bb5.babyhome.com.tw/UPLOAD5/82641/84971.6133754.17923.jpg[/img] [img align=left]http://bb5.babyhome.com.tw/UPLOAD5/82641/84971.7067918.00228.jpg[/img][img align=right]http://bb5.babyhome.com.tw/UPLOAD5/82641/84971.7067921.91191.jpg[/img]

私人傳訊

gucci_ha

子爵府

積分: 10098

好媽媽勳章醒目開學勳章

9^#

發表於 10-3-2 04:01 |只看該作者

我成家都睇開y e生
佢講野真係好無里頭

有次我問佢唔記得乜鬼野..
佢就反問我咁你覺得y e生靚唔靚仔呀?

佢講野係串d 但真係有point架

不過我而家多數去仁安睇下午去都係200有找

私人傳訊

hinhinmami

大宅

積分: 3341

10^#

發表於 10-3-2 09:29 |只看該作者

我的情況都差不多,最初比Y醫生講的話激到

但囝囝仍然睇佢先好,同埋Y醫生打針手勢一流,快而準,不是同佢賣廣告,只係囝囝由怕打針變成不怕,都係多謝佢!!
另外,我想請教馬鞍山有邊位中醫睇小朋友咳好呢?我同意吃太多西藥唔係咁好.

原帖由 小曳人 於 10-3-1 15:27 發表
個style好似福安嗰個喎~

不過人夾人緣, 我又受到佢個style喎..

始終佢收得平 (相對其他專科) 又多病人睇佢, 就自己無咁多時間聽人講嘢, 但係佢唔會開重藥, 所以我都幾鍾意俾阿仔睇佢..
試過有次阿仔支氣 ...

私人傳訊

h9822532

大宅

積分: 2385

11^#

發表於 10-3-2 11:10 |只看該作者

我都覺醒佢幾好, 我兩個女本來想睇個近d自己屋企的醫生, 一次病看兩三次都唔得, 但看dcotor y就一次ok, 仲有次女女皮膚敏感, 佢話mug都唔使做, 無開藥比我, 只收了診金, 果然幾天後, 就無事了

私人傳訊

Oscar媽

子爵府

積分: 14086

好媽媽勳章醒目開學勳章畀面勳章環保接龍勳章

12^#

發表於 10-3-2 11:39 |只看該作者

我以前都睇開佢,

但係幾年前發覺佢開始麻麻地,

我試過覆診 5 次都睇唔好之後已經冇再睇佢

私人傳訊

KINGBB

別墅

積分: 750

13^#

發表於 10-3-2 13:55 |只看該作者

咁, 有無邊個馬鞍山醫生睇大人或細路ok架?

私人傳訊

小曳人

侯爵府

積分: 22599

開心吸收勳章醒目開學勳章畀面勳章貢獻勳章

14^#

發表於 10-3-2 14:53 |只看該作者

原帖由 hinhinmami 於 10-3-2 09:29 發表
我的情況都差不多,最初比Y醫生講的話激到但囝囝仍然睇佢先好,同埋Y醫生打針手勢一流,快而準,不是同佢賣廣告,只係囝囝由怕打針變成不怕,都係多謝佢!!
另外,我想請教馬鞍山有邊位中醫睇小朋友咳好呢?我同意吃 ...

有朋友介紹我去睇陳執中.. 响新港城商場行去警署方向 (唔知叫第幾期) 右邊轉角有間藥房架 (恆成?)
陳医師要am先喺度
我就唔到時間, 所以睇pm嗰個, 都ok, 阿仔咳咗2-3個星期, 睇咗佢2次就明顯好咗.. 不過嗰期天氣成日轉, 所以前前後後睇咗5-6次, 連d 便便硬/口氣都搞掂埋!

私人傳訊

小曳人

侯爵府

積分: 22599

開心吸收勳章醒目開學勳章畀面勳章貢獻勳章

15^#

發表於 10-3-2 14:58 |只看該作者

原帖由 KINGBB 於 10-3-2 13:55 發表
咁, 有無邊個馬鞍山醫生睇大人或細路ok架?

我自己鍾意睇林超男, 帶過個仔睇佢, 嗰次係Y医生搞唔掂.. 所以帶佢睇林医生嘅~

不過佢真係好旺, 又唔係日日喺度, 我怕等 (分分鐘打去登記, 要4-5個鐘後先有得睇~) 所以.. 好少睇佢喇.. 嗰時第一胎有bb, 有病就一定搵佢, 貪佢讀過婦產科嘛! touch wood呢胎免疫力強勁.. 唔駛睇普通科..

私人傳訊

monkey05

大宅

積分: 3638

醒目開學勳章

16^#

發表於 10-3-2 16:12 |只看該作者

我個仔以前睇開 y 醫生, 佢個style 係咁架, 寸寸貢, 有佢講無你講, 如你唔接受呢套, 你會真係幾氣頂的, 馬鞍山大把醫生, 又真係唔一定要睇佢既. 睇佢, 勝在佢睇得快, 不用等太久, 而睇general 既病, 佢d 藥ok .

但上年發生過呢單野, 我就無再同小朋友睇佢了, 話說我個仔頭皮發炎, 睇 y 醫生, 係咁易睇完後, 同我講 "你問我, 就睇唔到佢有野喎", 之後打發我地走. 無奈的我同個仔去睇皮膚較叻的醫生, 對方一睇話佢發炎, 再唔用藥膏就會野開. 連我自己都睇到個仔頭皮有d 紅左, y 醫生就堅持話無紅. 呢次激到我彈起.

林超男我都同個仔睇過, d 藥太重之餘也不夾佢, 但佢態度好好的, 由於唔夾, 一次之後無再去. 而家睇鄧德誠. 他也是一個超好的醫生, 細心, 藥唔重, 也對正下藥, 仲會比d 知識你, 如: 小朋友咁咁病, 你煮d 咩咩咩野佢食啦. 佢都成村人在出面等睇, 鄧醫生都從不趕客, 比家長足夠時間發言. 而家我家上下都轉睇佢.

私人傳訊

siuchubb

大宅

積分: 2228

17^#

發表於 10-3-2 16:51 |只看該作者

原帖由 edea 於 10-3-1 09:39 發表
因為搬左屋, 帶個女去睇樓下一個聽聞兒科出名既醫生, 點知一肚氣, 入到去, 我想話佢知個女既病徵, 點知佢唔俾我講野, 我講緊佢都打斷我, 有佢問冇我講. 佢問我, 個女有冇半夜咳醒, 我話有, 佢就話我個女可能係肺炎, ...

我次次帶個女去睇呢個y 姓醫生, 唔係俾佢講既野嚇破膽就係俾佢激c.
係我個女得兩個月大時, 因個女有咳去睇y 醫生, y 醫生又話可能係肺炎, 嚇到我即刻去仁安急症再睇, o個仁安醫生同我講唔係, 因為任何"炎"症都會發燒, 但我個女無, 所以唔會係. 嚇c我

之後一次我個女唔知乜事發燒, 咁y 醫生又近屋企, 就再帶個女去睇y 醫生, 我問y 點解o個女食退燒藥先可以退到燒, 唔食藥就會即刻燒番, 係乜野事 (因為o個女又無其他感冒病徵, 真係想知阿囡會係乜事, 想聽吓佢d "專業意見"), 點知 y 無正面解答我既問題, 淨係用咗一個無稽既比喻, 話"我一日未死, 我都要食野啦", 我聽完即刻o 晒咀, 唔知可以講乜.

之後我寧願帶o個女去睇遠d 地方睇dr, 都唔再去y度, 費時俾佢激c.
不過, 佢打針都ok 既, 我嗰女係佢度打過幾支預防針, 阿女都無乜喊,嗰針口位又無乜見血, 之後帶阿女去健康院打其他預防針, 阿女喊咗成15分鐘, 同埋針口有成大滴血. 所以雖然我唔會再去y 醫生度睇症, 但係遲d 都會搵帶阿女去佢度打針

私人傳訊

hellokm

大宅

積分: 2968

18^#

發表於 10-3-2 22:41 |只看該作者

之下睇林超男都ok
不過太旺la, 可以等到晚上12:00!!

一早8"30book都可以去到11"30先有得睇

私人傳訊

米水

伯爵府

積分: 18262

19^#

發表於 10-3-3 00:36 |只看該作者

凈睇標題，我都估係佢，再睇內容，果然。。。。。

我都領教過佢! 咁多人睇,我對佢嘅醫術唔會懷疑,不過,佢咁樣態度,有人講無佢講,要人地"不要問只要信",咁嘅醫德,我真係不敢恭維! 我有一次冒名猜個囡睇佢,十足樓主所講嘅情況,BI RI BA LA好快咁講完一大輪,睇症睇到好趕時間咁(多病人等唔係借口囉!),仲要帶住口罩,我根本聽唔清楚佢講咩,我想開口話聽唔到佢都唔俾我講!:;pppp: 最後,我問佢意見(當然有關病情),佢竟然答我:"妳自己決定啦~!"

咁,我駛咩睇醫生,更加駛咩睇你JER?

老實講,出名過佢嘅醫生多的是,人地夠多症睇啦,都唔會寸寸貢,趕時間咁啦~!所以,我打死都唔會再睇佢,仲咩貼錢仲要受委屈JER?:;pppp:

至於林超男,唉~!佢態度好就好,又夾到我啦~可惜病都要病中佢出診果個時間先得,大佬~人地早上病到死死下,想快D睇完醫生食藥休息,點知佢就OFF,下午先有得睇,點等JER? 我試過早上發燒,可惜佢OFF,免為其難睇佢果度另一個姓嚴嘅,收我260蚊,可惜唔得,食完等於無食咁,結果撐左幾日,頂唔住想再睇,點知又係林醫生OFF,吹漲! 結果我要返去娘家附近睇開果個西醫先得! 次次病都要由MA ON SHAN老遠咁去葵涌睇病,真係唔係辦法,BUT,真係唔知睇邊個好呀? 每次病親我就好心煩!

私人傳訊

edea

王國長老

積分: 119074

王國長老

20^#

發表於 10-3-3 09:21 |只看該作者

多謝大家回應, 我自己幾乎忘記左返黎呢個topic睇睇

mouth:

我以前未結婚時住開富寶, 都有睇鄧德誠, 係幾好呀, 後尾婚後搬左去鑽石山, 囡囡病時, 唔太辛苦會帶佢去慈雲山睇, 連顯武醫生都係$180-190左右, 佢年紀大d但係好好, 好有耐性, 好nice, 囡囡辛苦就去荷里活睇, 最近係有個蔡堅, 佢診所標明$300 and up, 但都唔會態度咁差. 而且都睇得好個女.

最近搬左黎馬鞍山, 要請教各位邊度有好醫生

你地都估到我講Y醫生係邊個

好叻

我同囡囡一齊睇, 佢俾左抗生素我同囡囡, 但我自問感冒又唔係好嚴重, 只係有鼻水同疲累, 所以我自己冇食; 個女都冇俾佢食, 因為食左就要返佢度覆診, 再拎抗生素食夠5-7日.

不過我個女而家都冇乜事啦, 證明唔需要食抗生素都得.

仲有好奇係我見佢俾一包化痰丸我食, 但由頭到尾我都冇痰

唔知係唔係俾定先.

福安比較近我新家, 富寶就遠d. 唔知鄧德誠可以電話掛號嗎? 如果可以, 或者都會帶佢返上富寶睇.:lol:

林超男就近我屋企, 有機會都可以試一試, 唔知會唔會夾:lol: 仁安都近, touchwood個女再病或我自己病都可以試試.

對Y醫生我可能主觀左, 但咁多醫生, 無必要勉強自己一定要睇佢既.

其實睇前我都聽我姨媽講, 佢帶個孫去睇過Y醫生, 睇唔出有咩問題, 後尾轉醫生先睇得出(唔記得咩病), 所以佢話Y醫生唔係咁好. 但我同事講Y醫生兒科出名, 所以諗住試試先.

睇醫生, 都係人夾人緣卦. 但我覺得Y醫生果d姑娘(護士)就幾nice同有禮貌.