爸爸專區

跳至

首頁
1

尾頁
   0


複式洋房

積分: 253


1#
發表於 10-3-22 10:29 |只看該作者
個仔好鍾意去游水但只係玩唔肯練所以都依家都唔識游,試過去學市政、史xx、私人教練一對一。佢又理水有幾深都照去,試過陪佢去深水玩我自都唔係好掂,佢一攬住我就一齊沉。今年叫佢再學都唔肯要我教喎,大家有無計令佢學識?定係我應該練水考拯溺同教練牌不過我成四十幾會否太遲?


禁止發言

積分: 106


2#
發表於 10-3-22 14:21 |只看該作者
提示: 作者被禁止或刪除 內容自動屏蔽


複式洋房

積分: 253


3#
發表於 10-3-22 14:53 |只看該作者
原帖由 littlepiggydad 於 10-3-22 14:21 發表
你個仔幾大阿?


十歲半呀~143cm高47kg


民房

積分: 5


4#
發表於 10-3-23 09:56 |只看該作者
1.我覺得你最大問題係個教練,佢唔能夠引起小朋友對游水的興趣
2. 你要令佢知道,游水同讀書一樣重要。都係要比時間去訓練。
3.當佢上堂時,你最好避開。不要參與。

我有個表弟,當時好像6歲,跟了個私人教練,每星期練水2天至3天,約7個月後,他已經可以於大人池用自游式連續游5個塘。
所以我都係覺得選教練係好重要。


民房

積分: 5


5#
發表於 10-3-23 09:58 |只看該作者
你有問題可以pm 我


大宅

積分: 3655


6#
發表於 10-3-24 15:52 |只看該作者
原帖由 kkng007 於 10-3-22 14:53 發表

十歲半呀~143cm高47kg


十歲半...........

其實,除左軟功(鼓勵、獎賞)之外,可以加硬功(少少強迫、解釋游水既好處)。

你個仔已十歲,又唔抗拒水,只要迫下佢,一個星期兩次,相信一個暑假已經學識。


複式洋房

積分: 253


7#
發表於 10-3-24 17:48 |只看該作者
原帖由 tommythumb 於 10-3-24 15:52 發表


十歲半...........

其實,除左軟功(鼓勵、獎賞)之外,可以加硬功(少少強迫、解釋游水既好處)。

你個仔已十歲,又唔抗拒水,只要迫下佢,一個星期兩次,相信一個暑假已經學識。 ...

現在的小朋友迫唔到,佢叫我教只係肯練半小時,其他時間係玩。


大宅

積分: 3655


8#
發表於 10-3-24 19:46 |只看該作者
原帖由 kkng007 於 10-3-24 17:48 發表

現在的小朋友迫唔到,佢叫我教只係肯練半小時,其他時間係玩。


事在人為!!

我兩個仔.........都唔係鐘意游水。初學時,每次上完堂我都同佢地玩水半個鐘以上。

而家佢地學左幾年,都成日話唔再學,但我以對健康有好處為考慮,堅持要佢地繼續,話如果佢地唔學,就會相對減少佢地其他既遊玩時間。

如果你一向太過遷就佢就難 D 囉...........視乎你係咪認為游水重要囉...............


水晶宮

積分: 52950

好媽媽勳章 畀面勳章


9#
發表於 10-3-24 20:03 |只看該作者
如有朋友仔一齊,1對2
大家有目標唔衰得
o甘易d學


複式洋房

積分: 253


10#
發表於 10-3-25 17:25 |只看該作者
今日睇咗本教仔女游水既書,心想應該教得到佢,只係佢肯唔肯聽教唧,佢驚我老婆多些。


複式洋房

積分: 142


11#
發表於 10-3-25 21:35 |只看該作者
我都有一女一子,十歲和八歲。

讀大學果陣,我的學費都係靠教水賺返來(我當時有教練牌和拯溺牌,而家當然無教水啦)。所以,我都算有資格講下小朋友學游水的問題。

首先,只是為了教仔女游水,而去學教水及拯溺,除非有很大興趣,否則非常不化算。要教水,不是單懂理論就得,因為要試範動作時,如果自己都做得唔標準,咪即係無用。學拯溺,要求的體能都幾高,當然你一向游水及體能好好另計。

有好多人,以為自己識游水,就可以教,其實是一種誤解。因為識游,唔代表做到標準(或好)的動作。就以自由式的腳部動作為例,好多人都係單車腳。唔係咁多人做到大腿帶動的鞭狀動作。又如自由式的手部動作為例,入水後手的推水動作,亦都唔係咁多人做到(手唔係向兩邊划,係向後推)。單係踢腳、推水,就唔係好多人做得好。識游水,不代表知道怎樣才是好的動作,更不代表做到好的動作。

睇書睇帶教游水?不如吹下水好過。


複式洋房

積分: 142


12#
發表於 10-3-25 21:47 |只看該作者
教仔女游水(其他東西亦類似),有個困難的地方,就係細路心裏不當你係老師或教練。相信大家都有類似經驗,父母講的,點及老師講的權威。我就試過,明明老師教錯個字,阿仔都唔信老師係錯。老師(教練)在細路的心裏,地位始終不同的。

我讀大學果陣,有個教水的師姐,都教了超過十幾年。有一年,她帶個女來跟我們泳班。她唔識教個女咩?唔係,係試過教,但個女嗲下、扭下、又敢又敢,始終唔掂。在我們泳班,都係正常咁教,仲要學員多,但一個暑假,個女就已經基本游到。再下一個暑假,已經游到來去自如。


複式洋房

積分: 142


13#
發表於 10-3-25 22:06 |只看該作者
以前教水,有一次有個親戚個女,大概四年級掛,完全唔識來泳班。上完基本班,又是游到二十公尺到個隻(即是一般水準)。因為是親戚個女,之後駁住游改良班。改良班有些游得好的大女孩,游到洴洴澎澎,撈埋一齊玩,親戚個女進步得非常快。無法喎,個個都又跳水又轉池,唔通自己唔跟呀?

所以 kkng,你可以試下,找兩三個游得好些的、大過你個仔的、平時又玩得埋嘅,一起去學。到時阿仔想同人玩,佢自己就有學識的動力。

我都係人老豆,講到口水乾,都唔及阿仔阿女友儕的一句說話啦。


複式洋房

積分: 253


14#
發表於 10-3-26 10:13 |只看該作者
原帖由 DaddyBear 於 10-3-25 22:06 發表
以前教水,有一次有個親戚個女,大概四年級掛,完全唔識來泳班。上完基本班,又是游到二十公尺到個隻(即是一般水準)。因為是親戚個女,之後駁住游改良班。改良班有些游得好的大女孩,游到洴洴澎澎,撈埋一齊玩,親戚個女進步得非常快。 ...

有時唔係想自己教又唔係話睇下書就會教,只是私人教練都學咗兩個暑假都唔識,問佢重學唔學佢話要我教所以逼上梁山,找小朋友陪又係一大難題,鄰居只顧催逼小朋友温習,玩水也只是一兩次,而表姊弟又已經好叻可以游二百多米了不用學。

首頁
1

尾頁

跳至
Presslogic Logo
Baby Kingdom Logo