吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 懷孕前後› 剛係QE照過結構?好似唔係好掂咁! 醫生照定係助產士照多 ...

懷孕前後今日: 11|主題: 330598

收藏本版

發帖

返回列表

跳至頁

查看: 1530 | 回覆: 18

剛係QE照過結構?好似唔係好掂咁! 醫生照定係助產士照多架? [複製鏈接]

spicymama

伯爵府

積分: 17900

1^#

發表於 10-4-13 23:15 |只看該作者 |倒序瀏覽 |打印

上個禮拜係QE照完結構性檢查,個助產士幫我照左10分鐘,佢一路講果時我都有好留心聽,10分鐘度講得都算詳細,但係佢無講俾我知性別,最後我見到佢都無意慾講俾我知我咪問佢囉,點之佢話呢啲要係出邊私家俾錢照先會知架,我地只係幫你照結構咋,最後我都問多佢一次,然後佢就好勉強答我,個BB兩隻腳夾住左睇唔到,之後我再問佢不如我轉一轉身或者郁一郁睇下照唔照到,跟住個女助產士就話就算轉一轉身都無用架,不過有機會係女黎既,當時佢有指住BB器官果位話,你睇下,呢度唔似係仔呀,但係夾住左囉,講完之後佢就開始起身執床墊,好似想講住走咁

.....,搞到我都唔好意思再問,而佢講野好唔肯定,都唔知信唔信佢好,煩死!其實我諗住會係7個月再照一照4D,但係如果一早知道,我就可以買定啲衫仔,床仔俾BB,唔知有無人係同我個case一樣呢,睇完以上講既野,你地覺得個助產士講BB性別既時候準唔準呢??我好心急,依家想快啲準備定啲野俾BB呀!

0 0 0

私人傳訊

marco114

別墅

積分: 593

好媽媽勳章

2^#

發表於 10-4-13 23:24 |只看該作者

我唔知E院係咩準則, 同一間E院, 我係護士照, 我同事係E生照, 分別係我同事係第二胎, 大我幾年, 唔知有無關係.

說不說性別, 我估係看下照個個人NICE 唔NICE. 我都無問個NURSE, 她就已經問我想唔想知性別了.

準唔準就未知, 不過佢同我C家照到的一樣, 我想人地照左咁多年, 錯的 chance 比較少, 不過如果係夾住看不到就另計. 如果好想早D知, 去私家到看一看,順手檢查下!!

[ 本帖最後由 marco114 於 10-4-13 23:28 編輯 ]

私人傳訊

bosch

瑪瑙宮

積分: 128545

馬年勳章 2026勳章 2025中秋節勳章母親節2025勳章 2025勳章蛇年勳章 2024年龍年勳章 2023年兔年勳章虎到金來勳章開心吸收勳章

3^#

發表於 10-4-14 06:47 |只看該作者

照結構既重點唔係睇性別, 而係睇個bb 有冇身體缺陷. 政府醫生肯講bb 性別就只係照果個人nice. d 私家醫生要討好客仔, 梗係會花時間去睇bb 性別.

我諗個助產士係肯定既話, 應該會話你知既. 同埋唔好介懷係醫生定係助產士去照, 醫生係職位高, 但講經驗, 助產士既經驗都唔輸蝕, 有d 工序可能比醫生更熟悉添.

你係心急買野, 可以買住中性既用品先. 或者去搵個私家個產檢.

私人傳訊

MiniCooperS

大宅

積分: 3837

4^#

發表於 10-4-14 10:56 |只看該作者

原帖由 spicymama 於 10-4-13 23:15 發表
上個禮拜係QE照完結構性檢查,個助產士幫我照左10分鐘,佢一路講果時我都有好留心聽,10分鐘度講得都算詳細,但係佢無講俾我知性別,最後我見到佢都無意慾講俾我知我咪問佢囉,點之佢話呢啲要係出邊私家俾錢照先會知架,我 ...

我係QE生，有係QE照結構，亦有係私家照﹗
我覺得分別唔大﹗
照結構的重點係睇BB有無結構上的問題，唔係睇性別﹗你最關心的，似乎係性別，唔係BB的健康﹗
而且姑娘話夾住，又點睇呢？咁就係唔掂？
你去私家做普通的產檢，醫生次次都會講﹗想知就去私家照囉﹗
BB的野根本唔需要咁早買，我係7個幾月先去買﹗而家不如多D休息﹗

私人傳訊

chanyanki

民房

積分: 29

5^#

發表於 10-4-14 11:30 |只看該作者

我只係ｑｅ照，　哥時姑娘照講左都幾耐你度係什麼哥度係什麼之後醫生入來睇左一陣話ｂｂ產期要改又話ｂｂ肺唔清，　叫我一個月再返去照過，當時都驚，　到了一個月後全程又醫生照，　佢話ｂｂ無野不過產期就遲一星期，真係比佢講中，　真係遲一星期，　第一次無講過性別，　但第二次醫生照院就主動話我知．

私人傳訊

waterznew

禁止訪問

積分: 318

6^#

發表於 10-4-14 12:12 |只看該作者

提示: 作者被禁止或刪除內容自動屏蔽

私人傳訊

polliebb

水晶宮

積分: 54767

虎到金來勳章

7^#

發表於 10-4-14 13:45 |只看該作者

你地有得照都好啦, 我10週第一次去已經話冇位啦.

私人傳訊

spicymama

伯爵府

積分: 17900

8^#

發表於 10-4-14 16:10 |只看該作者

BB健康都好緊要,照得結構緊係想知埋個性別架啦,呢個係好正常,有邊個唔想知架,不過我覺得果護士好似好趕住走咋,我連褲都未扣好哂啲縷,佢就收起哂啲床墊,仲有我問佢野個時佢態度一般,好勉強咁答我,呢樣我真係覺得唔係好掂,同埋就算我係香港居民照結構唔駛錢咁又點,都要講Service架.....

私人傳訊

chanwendy

伯爵府

積分: 16931

9^#

發表於 10-4-14 16:38 |只看該作者

我兩胎都有去 QE 照, 兩次都係醫生照. 其實私家醫生唔係照結構時都會睇到咩性別, 如果你有去私家睇, 你下次去覆診可以問醫生, 普通 2D 都已經睇到的.

私人傳訊

mandy108

珍珠宮

積分: 40977

虎到金來勳章減齡達人勳章認識瑞士牛牛第二回好媽媽勳章睛靈勳章

10^#

發表於 10-4-14 16:44 |只看該作者

我係qe照過，我都唔清楚係姑娘定女e生黎
不過我問佢佢都有講我知係仔定女，而且都好清楚咁見到有jj
我諗可能你照個陣真係咁岩睇唔到，公立e院咁多人，真係好難話花咁多時間同你慢慢照架

私人傳訊

j947

男爵府

積分: 7847

11^#

發表於 10-4-14 20:57 |只看該作者

我諗我係你講果d唔係咁在乎bb性別的人,果時我三個幾月,係私家產檢,私家有問過我想唔想知係仔定女,我都係答佢"冇所謂啦",之後私家都話,咁唔好浪費時間係依到啦(咁我都認同,因為係仔係女,都定左架啦,如果唔係你心目中的性別就唔要咩),咁照照下,點都會去到bb下面,當時我見到,同醫生講,"哎呀,我睇到呀",之後私家講,係呀,不過唔係100%準,遲d先準,都冇特別去照bb下面.
之後bb第四個月,係醫院照結構,我只係同醫生講,最緊要照清楚個心有冇事,咁醫生都照左好耐,之後佢都有問我想唔想知,我話,其實我都知架啦,之後佢都有講,我仲問佢係大b定細b黎,佢都有答我.
樓主,其實你唔駛咁擔心bb的性別啦,因為當你不斷咁每個月去照超聲波,你到時會睇到架啦,唔係照結構先見到,
最後,我個佬陪我去睇私家時(私家冇問我個佬想唔想知的情況下),佢照左比佢睇係仔定女,果刻我倆心諗,做咩咁快比我/佢知呀,唉,冇d神秘,仲唔開心,你話我地係咪怪人丫

[ 本帖最後由 j947 於 10-4-14 20:59 編輯 ]

私人傳訊

潘高壽

侯爵府

積分: 23542

畀面勳章

12^#

發表於 10-4-14 21:11 |只看該作者

原帖由 spicymama 於 10-4-13 23:15 發表
上個禮拜係QE照完結構性檢查,個助產士幫我照左10分鐘,佢一路講果時我都有好留心聽,10分鐘度講得都算詳細,但係佢無講俾我知性別,最後我見到佢都無意慾講俾我知我咪問佢囉,點之佢話呢啲要係出邊私家俾錢照先會知架,我 ...

唉..

政府係唔會講比你知架啵,講就人情,唔講就道理...要知,搵 c + 啦..

私人傳訊

melody228

珍珠宮

積分: 33517

熱血勳章好媽媽勳章

13^#

發表於 10-4-14 21:14 |只看該作者

可能我都係無咩所謂果D, 就算私家照U/S我都唔會刻意問, 次次都係醫生講就講, 唔講就算數...講真, 點都係自己小朋友, 點都要生架啦, 仔女我都一樣...

QE我都係姑娘照咋, 反而個醫生只係企响側邊睇, 但佢又照得好詳細喎

請勿打招呼～

私人傳訊

leungsiubma

洋房

積分: 95

14^#

發表於 10-4-14 22:12 |只看該作者

我o係QE同私家都有照結構，我覺得分別唔係好大(早知慳返千幾蚊啦~~)，QE個女醫生都講得好詳細，亦有主動問我想唔想知BB性別~~

我諗除o左要睇o個日個醫生好唔好人之外，仲有就係男BB係容易肯定過女BB。

醫生只要見到BB的JJ，就可以肯定o的講我o地知係男BB(當然佢都會好保留咁講話唔係100%啦~~)，但醫生睇唔到BB的JJ，都唔可以肯定係女BB，因為有時男BB的JJ會遮住o左睇唔到，所以我諗女BB就難o的肯定，咁佢O地咪唔主動去講~~

私人傳訊

快樂

公爵府

積分: 27878

畀面勳章

15^#

發表於 10-4-14 23:21 |只看該作者

我第一胎0係聯合照,唔問真係唔講bor...係護士黎既,到第二胎去將軍澳醫院照,我問佢會唔會話我知,個女醫生話睇到一定講.....我覺得係人既問題....同埋如果女仔都難睇d,佢唔肯定先唔講0者...

私人傳訊

lovebbb

珍珠宮

積分: 33783

16^#

發表於 10-4-14 23:25 |只看該作者

我私家同qe兩邊都有照結構,qe果次首先係一個應該係助產士學生幫我照,因為佢唔熟手,兼且佢身邊有個醫生指導緊佢(我覺得無所謂,點都要學先至會識),之後再由一位女醫生照一次,佢都好似係學生,因為我聽到佢逐個step講一次比另一個醫生聽,之後先至到男醫生,佢應該係最有經驗,因為佢落d位比較準,佢一邊照一邊同我講照緊邊,佢仲好主動講性別喎!
其實我覺得結構係睇器官,而不是睇性別