自由講場今日: 9|主題: 1348432

收藏本版

發帖

返回列表

跳至頁

查看: 327 | 回覆: 2

無了期的索賠 [複製鏈接]

zekekwan

民房

積分: 3

1^#

發表於 10-4-10 00:21 |只看該作者 |倒序瀏覽 |打印

話說2年幾前炒左車, 個司機不顧而去, 好彩我記到個車牌, 結果捉左佢, 攪左1年多佢終於肯上庭認罪.

收到哂d信件同埋d單據後, 等係拿拿林俾律師攪啦, 諗住快d收到錢啦. 誰知呢個係惡夢既開始. 呢間「螺絲」律師行, 一見我有哂d証明同埋資料, 便同我講會好快攪定, 叫我簽呢樣簽果樣, 好啦, 佢係律師就等係信佢, 交俾佢負責既啦. 點知, 交左俾佢之後果4-5個月都無影, 我等到唔耐煩打去同埋發e-mail去追, 追幾次先回覆話攪緊, 再過幾星期又話我要上來簽授權書, 唔係做唔到野. 好啦, 我上去簽埋仲即場問佢幾時ok, 結果都係果句, 好快.

再過多幾個星期, 又係無影, 我便再打去問啦, 點知今次收到既回覆係你仲欠咩咩文件, 叫我快d補埋, 唔係做唔到野. 我真係o哂咀, 呢d野你唔早d講, 唔一次過講, 要我追你你先講, 追幾次又分幾次講. 老板呀, 我現在請緊你幫我追錢呀, 點都係客呀, 你可唔可以有咩欠既, 一次過講哂去, 點解唔追又唔講, 我點知有d咩文件欠咩, 禁就白等左頭果4個月, 果4個月係度做緊咩呀?

好啦, 簽左文件無計, 點都要交俾佢攪埋去. 再等到新年前, 真係好等錢用啦, 打去日日吹, 點知呢間野又話追緊, 不過唔夠5萬可能要上錢債喎, 仲叫我影埋d傷勢話可以增加d說服力及金額, 仲話間insurance公司唔信有傷. 好啦, 再影俾佢啦, 仲同佢講明我可以上庭解決, 無所謂既, 你攪唔定出句聲, 我同你埋單走人. 結果, 我又等左1個月, 再發電郵去追, 點知, 佢覆番黎話叫我再俾過d相佢喎, 有無攪錯呀, 上個月先俾左, 今個月又俾, 我即係attach番上次個電郵俾佢, 同佢講邊時邊日俾左佢啦, 到底情況係點都覆下呀, 點知過左幾個星期都無覆. 好啦, 我終於忍唔住, 要分享呢d無了期的感受同埋千萬要小心選擇委託人.

好心佢地啦, 忙就唔好接禁多客啦, 好啦, 昆完人入局後又唔follow up, 你唔志在d錢者, 可能人地等住d錢來開飯既啦. 人地唔追, 你唔覆人; 人地唔追, 你唔講欠咩文件; 人地唔追你, 你唔問人拿相片. 好啦, 到現在連影都無埋.

請問有無師兄試過呢d情況? 我仲要等幾耐先拿番d錢? 我都同佢講明追唔到, 唔緊要既, 同我講聲我預左自己上小額. 你禁樣唔覆, 想人地點先. 今時今日呢間「螺絲」律師行既服務態度真係.