吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 自由講場› 對住我奶奶...真係愛在心裹口難開

自由講場今日: 86|主題: 1352863

收藏本版

發帖

返回列表

跳至頁

查看: 2685 | 回覆: 29

對住我奶奶...真係愛在心裹口難開 [複製鏈接]

catfishhome

大宅

積分: 1868

醒目開學勳章

1^#

發表於 10-4-20 18:12 |只看該作者 |倒序瀏覽 |打印

我結左婚10幾年，有一個5歲半嘅仔，有一個好好同埋好開通嘅老爺同奶奶，由我地第一日結婚我奶奶都講明唔使我同佢住，叫我地過2人世界，我老公一共5兄弟，佢排最細。

老爺奶奶好錫我，由以下事件就睇到
我自己係一個死淨種，屋企父母一早死左，拍拖個陣奶奶同老爺叫我老公要多多閞心我，唔好玩玩吓，因為我無人無物已經好慘。
結婚個陣2老想搞大佢開心d，又怕我無人坐女家主家席比老公朋友睇小，叫左屋企分開2台黎坐，等d人唔覺。
個仔出世，奶奶需然都係煩煩地咁唔比我洗白白，唔比飲凍野，重有就係要食佢每日指定飯送(佢有時會指定叫我老公要煮乜野，有時就自己煮比我。但係佢出於錫我我自己係知嘅，煩都唔係一齊住，佢講乜我都順佢由得佢。
我成日都返夜，收工湊仔返學，再整好晚飯再返工，好多時都唔夠訓，我奶奶次次見到我廋左就會叫，叫我如果真係辛苦就比佢湊2-3個鍾，等我訓吓，最近聽到我隻眼因為提早退化睇野唔清就整燕窩比我食。

我都好錫佢，每月定期要養佢地就唔使講啦，過年詔節一定會比多d，重會返去同佢食吓飯，之但係呢.......我奶奶份人好得意，超鍾意打牌....同埋個人無耐性，又唔聽我地講，次次有病呢就聽哂牌友呀，中醫呀.....最慘就係佢上一次心臟血管主要個2條塞哂，佢個個中醫就話佢耳水不平，最後係屋企暈左送埋入院要即做手術先條得住條命咋，我真係好嬲，好嬲...我嬲到問佢睇邊個中醫(我想落去鬧佢一大餐，大佬你唔識睇唔好亂講呀，害死人架)點知我奶奶醒到不得了，我一問佢就話....算啦，佢都唔知嘅......激死我。

早2日我大嫂話我知我奶奶搵佢陪睇醫生，事原係過年我奶奶發現自己個"空"有舊野，不過佢唔想係過年個陣講出黎，驚嚇親d仔女，到而家先講話仁濟話叫佢2個星期睇吓排唔排到專科睇，佢見自己個舊野好似大左，就搵呀嫂，因為我返夜更日頭送左個仔返學就會訓，所以佢一定唔會搵我，就係咁呀嫂同佢睇左私家，醫生話佢個"留"好深吓，重有2.3個cm咁大，要早早考慮做手術，奶奶問幾錢，醫生話8-10萬，奶奶話大貴要諗諗，日頭一睇完醫生呀嫂同佢搭車個陣都提佢唔好食燕窩呀鵝呀住架啦，點知佢一返到屋企第一時間就買個"差雞飯返屋企黎個快食，食完就彭彭聲出左去打牌，打到5點幾重整合滷水鵝返屋企唔使煮飯....我比佢激死，我話:呀媽，你唔好食呢d住呀，重有燕窩都係，點知我奶奶話...燕窩補身呀，我都係食小小者，hehe鵝都唔係成日食嘅，唉我呢個奶奶重話，如果醫院呢個星期都無消息呢咁不如去私家做左佢算啦，我話:你想去私家就去啦，不過記得唔好亂食野呀。

我真係怕左佢，佢好似小朋友咁，當而家好似生青春豆咁，切左就無野，我又唔想講得咁白比佢知，怕佢要等呢段時間好難過，之但係佢咁樣食野法...唉我no eye see，我無理由大大聲同佢講，呀奶奶你而家生"岩"機會好高架，你又心臟病，你再咁食唔得了架，我真係驚嚇鬼死佢.....真係愛佢在心裹個口唔知點開。

[ 本帖最後由 catfishhome 於 10-4-20 18:14 編輯 ]

0 0 0

私人傳訊

54heima

水晶宮

積分: 55644

2^#

發表於 10-4-20 18:16 |只看該作者

難得難得...

少奶奶的身份，丫頭的命...

私人傳訊

alicemic

翡翠宮

積分: 92556

2025勳章 2025勳章蛇年勳章好媽媽勳章醒目開學勳章畀面勳章環保接龍勳章大廚勳章 BK Milk勳章

3^#

發表於 10-4-20 18:21 |只看該作者

你99真係幾好！

私人傳訊

77777

男爵府

積分: 7188

好媽媽勳章醒目開學勳章

4^#

發表於 10-4-20 18:25 |只看該作者

您老公一家都錫您, 又理您感受, 心地咁好, 真係好難得..

希望您99快d無事啦, 吉人天相...

原帖由 catfishhome 於 10-4-20 18:12 發表
我結左婚10幾年，有一個5歲半嘅仔，有一個好好同埋好開通嘅老爺同奶奶，由我地第一日結婚我奶奶都講明唔使我同佢住，叫我地過2人世界，我老公一共5兄弟，佢排最細。

老爺奶奶好錫我，由以下事件就睇到
我自己係一個死淨種，屋企父母 ...

私人傳訊

瑄婷

侯爵府

積分: 22072

5^#

發表於 10-4-20 18:31 |只看該作者

有時老人家就好似小朋友,好容易受朋輩影響,所以我地要有耐性,慢慢解釋同理抽多點時間陪伴佢地.
其實,我都有個好好的奶奶,不過又係經常受人影響,所以我地會每星期都回去同佢食一次飯,有病就陪佢覆診,現在她都會乖乖聽話.
希望你奶奶早日康復

私人傳訊

catfishhome

大宅

積分: 1868

醒目開學勳章

6^#

發表於 10-4-20 18:33 |只看該作者

呢2日密密睇佢個病d資料，越睇我就越心驚，講真我地個個都唔係搵唔到錢，不過唔係搵得好多，佢睇私家做手術我地都會比到佢，但係之後個d驚人數字呀，重有就係會好痛好辛苦，我而家就咁睇都..........我奶奶好貪靚架，成日都扭計話要買化妝品品，我都會買比佢︿之但係如果第時要乜野電療化療，又無得靚又唔打得牌....點算..奶奶...係乖乖地聽話啦好唔好

[ 本帖最後由 catfishhome 於 10-4-20 18:34 編輯 ]

私人傳訊

瑄婷

侯爵府

積分: 22072

7^#

發表於 10-4-20 18:38 |只看該作者

到時至算啦!現在祗好等醫生正適報告,可能唔駛化療呢!唔好嚇自己啦!

私人傳訊

abercrombie_bbb

大宅

積分: 4872

8^#

發表於 10-4-20 21:54 |只看該作者

如果我奶奶有妳嗰個一半，我瞓醒都識笑:;pppp:

私人傳訊

yanpama

複式洋房

積分: 214

9^#

發表於 10-4-20 23:41 |只看該作者

如果我奶奶有妳嗰個十分一，我瞓着都識笑

有d老人家好似小朋友會扭計ng合作,要多d時間慢慢同佢講。（我都明白有時俾佢嚇死）同埋有時病緊張唔來，家人只有盡咗力去照顧同陪佢一齐面對。祝你
奶奶吉人天相。

私人傳訊

echoo

珍珠宮

積分: 33056

好媽媽勳章

10^#

發表於 10-4-21 00:07 |只看該作者

如果我奶奶有妳嗰個百分一，我瞓着都識笑

真係好人無好報, 壞人無天收.

私人傳訊

3boysmum

民房

積分: 81

11^#

發表於 10-4-21 01:11 |只看該作者

我覺得你要認真同９9傾吓,我怕佢唔想你地担心,而扮傻.一個咁細心既人,對自己既事咁處理,只聽雀友說,我怕99自己呃自己.

私人傳訊

cashcash

伯爵府

積分: 17616

好媽媽勳章 BK Milk勳章

12^#

發表於 10-4-21 01:20 |只看該作者

你99真係真係真係幾好！

私人傳訊

大豬既老婆

伯爵府

積分: 17545

13^#

發表於 10-4-21 03:45 |只看該作者

我奶奶都系咁。。。。
距閃親條腰，話俾我聽，我就話同距睇醫生啦，距話無事唔痛，閃親個時少少痛，現在已經完全唔痛。咁好啦，過幾日，又話俾我聽痛。咁我又話同距去睇醫生啦，心林會唔會距唔想睇西醫，咁我就話同距睇鐵打/中醫啦~ 距又話唔好/唔洗。咁我已經同距講，閃親腰可大可小，你呢幾日休息下啦。點知轉頭距就走去幫人搞裝修（你話系唔系激到翻曬眼），又一日到黑去後院度搞距種個D菜窩，大佬，搞個D菜要mou低整架嘛！好啦，再過2日就話好痛呀，轉個身都痛呀，但我話同距睇醫生都話唔好窩，訓一陣就得窩！

結果！第二日距有個朋友同距講話可大可小，叫距去睇鐵打/針灸，距之後返黎話我聽已經make左appointment。雖然高興距終於去睇醫生，但就激到死，人地講一句，就立刻去睇，我講左咁多次，都唔理我。。。。。

私人傳訊

我愛Corina

瑪瑙宮

積分: 137971

2025勳章 2025勳章蛇年勳章 2024年龍年勳章好媽媽勳章醒目開學勳章環保接龍勳章

14^#

發表於 10-4-21 06:44 |只看該作者

heehee!我奶奶老爺都好好,好錫我~佢地仲好錫自己,每一兩年做一次身體檢查...有病唔會亂黎,一定睇醫生....

樓主,你同你奶奶慢慢傾下啦..話你地個個都唔想佢有事..叫佢聽話d啦....

私人傳訊

emmypun

珍珠宮

積分: 37585

畀面勳章大廚勳章

15^#

發表於 10-4-21 07:21 |只看該作者

好好gei 奶奶, 好好gei新抱, 難得難得.
祝你奶奶吉人有天相, 大事化少, 少事化無, 身體健康!

女人是很脆弱, 但媽媽卻很堅強:)

私人傳訊

catfishhome

大宅

積分: 1868

醒目開學勳章

16^#

發表於 10-4-21 07:33 |只看該作者

最新消息，奶奶足之都排到星期5有專科睇啦，尋晚我老公打比佢問佢有無乜野唔舒服，佢話無呀，無乜野，叫我個仔記住一定要比媽媽訓吓，無得訓好易病架，我個仔話返我知......奶奶...你真係對我好好，我都知人老左一定會死，不過我真係一百萬個想你長命百歲，就算真係要百年歸老，只要你過得開心我就算要我一世都唔發達我都願。