夫婦情感

收藏本版
發帖
返回列表
跳至頁

首頁
12

尾頁
   0
anan3388


大宅

積分: 4418


1#
發表於 10-7-24 15:06 |只看該作者
我係呢度既 CD-rom, 今日睇睇下 post, 又諗緊送咩俾老公好呢, 因為佢仲有一個月就生日啦~ 於是我諗到寫返我地既點點滴滴作為一齊十五年既紀念, 亦都係俾佢既生日禮物, 因為我好少同佢真正咁慶祝生日, 囝囝出世之後佢更加成日變左第二位... 希望我堅持到寫一個月啦(唔好意思, 佔左大家既版面), 多謝大家借個位俾我...唔知有無人會支持我呢?...

我想同我老公講, 我真係好欣賞佢, 又好多謝佢, 呢十五年黎佢一樣係對我咁好, 俾個心出黎, 佢知我好重視互相之間要誠實, 佢亦乜都唔會瞞我~

我地其實經歷過一次想分開既時候, 當時完全唔係有第三者, 而係, 我覺得兩個人好似距離好遠, 又成日跌入去 "我發嬲, 佢 tum返"既循環入面, 但又無解決到問題... 我當時好唔開心, 又因為大家年紀漸長都要決定係咪要bb, 所以我捉住佢同佢講左我既感覺, 我地一齊去左找婚姻輔導...

其實我真係好感激佢個人咁open, 佢唔會介意去找人幫手, 唔會話我"小題大做", 仲好認真咁同我一齊去...

仲記得個輔導覺得我地有點 "運吉", 因為佢睇到我地其實仲好恩愛(我地仲成日手拖手)... 雖然個輔導唔算話幫到好多, 但係, 就俾左一個溝通既橋樑我地, 結果, 老公明白左我點解咁唔開心, 我又明白左點解我成日唔開心, 大家終於找到一個出路...自此之後, 我老公變成了我最好既聆聽者, 我想講, 老公, 好多謝你!

而我地因為解除左呢個障礙, 亦決定左生 bb, 所以我地有一個好可愛既囝囝!

不過凡事唔係一帆風順既, 囝囝係一個 special child, 我成擔心血都放哂在佢度, 其實...都好多時忽略左老公, 仲會將d唔開心發左落佢度, e.g. 怨佢唔幫多d手...又黑面, 鬧佢...

老公都有時俾我激親, 但係, 每次佢都會先 tum 返我, 我最感動係, 有次佢等囝囝 sleep 左, 佢同我講 "老婆, 你呢排係咪唔開心, 不如我地傾下啦", 根住, 佢就俾我講講講, 講成個幾鐘佢都唔會話 stop 我, 而佢就聽聽聽, 間中一句: "你辛苦啦", 令我個心舒服好多...

我把口都係比較硬, 成日鍾意同佢開玩笑, 取笑下佢, 好少讚佢既, 但係心底裡我係好感激同欣賞佢. 老公, 多謝你!

(待續...)

[ 本帖最後由 anan3388 於 10-8-10 16:17 編輯 ]
私人傳訊

anan3388


大宅

積分: 4418


2#
發表於 10-7-24 16:50 |只看該作者
我都唔知點解想用"寫出黎"呢個方法黎慶祝, 可能, 我想十年後我可以找返呢篇文出黎俾大家睇, 睇下我地變左幾多, 係咪感情仲咁好? 可能, 我想我地兩個都會懂得珍惜, 兩個人可以一齊不容易, 要好好維持落去 (唔好衰收尾呀~)....

我以前無諗過自己可以同一個人一齊十五年, 我以前既男朋友成日話我係一個自私既人, 唔識得關心人... 我對婚姻好無信心, 身邊無乜人婚姻係開心既... 有親人同我講, 以前未婚拍拖時兩個人可以傾通頂, 結左婚, 講多句都嫌費事, 悶咪生個小朋友出黎, 兩個人多d話題 lor!... 我當時最鍾意睇亦舒d小說, 覺得現實中係唔會有一個 fit-in 既好男人既, 諗得好灰...

我記得我岩岩同老公拍拖時, 我同佢坦白話, 我對自己無信心, 我唔知可以鍾意佢幾耐, 因為前兩段感情我都以為可以同人地一生一世, 但結果都係我自己先唔鍾意佢地....

但我老公話 "唔緊要, 係依家鍾意就得, 到你有一日唔鍾意我, 我會靜靜走, 唔會怪你" "我亦會努力讓你繼續鍾意我..."

結果, 佢做到左!

其實結婚時我都仲未對自己有信心, 但後來我諗通左: 只要我今日同聽日都鍾意佢, 咁, 就會係一生一世啦!

依家我都未完全相信我地會可以一生一世(咁,咁多人有第三者...好多野講唔埋...), 但係, 我多左好多信心, 亦會同佢一樣, 努力讓佢繼續鍾意我啦~~~

(唔好意思, 會唔會睇到好痺呢...@.@)
私人傳訊

lamwyl


禁止發言

積分: 93


3#
發表於 10-7-24 19:10 |只看該作者
提示: 作者被禁止或刪除 內容自動屏蔽
私人傳訊

洛婷


水晶宮

積分: 58741

2018復活節勳章 醒目開學勳章 環保接龍勳章


4#
發表於 10-7-24 20:33 |只看該作者

私人傳訊

anan3388


大宅

積分: 4418


5#
發表於 10-7-25 06:55 |只看該作者
多謝妳地呀~ 到佢生日那天會連這些祝福也一併送俾佢 ^_^

開左呢個post 之後腦海中一直諗住, 諗左好多野想寫俾老公, 仲拿返十五年前我地相識同拍拖既日記出黎睇返~

原來我已經忘記左, 當年仲讀緊書既自己係咁多愁善感, 日日都唔開心, 好容易諗埋一邊, 個腦轉個不停, 又容易發佢脾氣, 又鬱埋自己~

而我老公就係好直接既人, 但佢唔粗心又有耐心, 我同佢拍拖初期日日情緒都好差 (因為同前度分手[我提出的], 我覺得好內疚, 對自己無哂信心)。佢盡力去了解我, 陪我, 靜靜聽我講[差唔多大半年都係呢個狀態]... 唔睇返我都唔記得自己係咁...

今時今日我都仲係比較多野諗o個種人, 但係, 已經係唔會咁易鑽牛角尖, 好容易就自己諗得通走得返出黎, 而我老公由相識到依家, 都係咁願聽我講我既心情, 無論雞毛蒜皮到駕車遇到d亂咁cut線既衰人, or有關親人既比較大件既事[e.g.有人離世,婚姻有困難,人地既婆媳關係,炒大鑊], 佢都係咁撐我, 俾我盡情講, 講完通常我會自己分析, 佢會好認真俾意見我, 好多時都點醒我...我最喜歡佢唔會直接 challenge我既觀點/感受, 又唔會長篇大論, 通常講一句半句就中哂! 又唔會迫我接受佢既觀點。我有時重複重複咁講, 佢都繼續肯聽, 直到我自己諗通走返出黎...

老公, 多謝你令我變得更好, 個人變得比以前更開朗&成熟, 多謝你
私人傳訊

cathy_1281


大宅

積分: 1522

畀面勳章


6#
發表於 10-7-25 07:59 |只看該作者
恭喜您可以咁幸福！
私人傳訊

全為愛


水晶宮

積分: 57901


7#
發表於 10-7-25 11:04 |只看該作者
anan3388：
你好幸福呀！有個願意聆聽和在乎你的老公，而你也看到他的優點並懂得欣賞和感激。
你以上的心聲，平日有沒有向他表達過呀？平時多點開口讚賞他，多點開口表達你收到他的關愛並開口表達感激 ... 這樣他會樂意再對你更好，你倆會更美滿幸福！
祝福你們呀！
私人傳訊

anan3388


大宅

積分: 4418


8#
發表於 10-7-26 07:08 |只看該作者
多謝你地既祝福!

我諗我地同好多好多平凡既夫妻一樣, 為日常既事而奔波, 磨擦同爭執都會有啦~ 間唔中先會有兩人既時間, 尤其係小朋友出左世後, 無左好多傾偈既時間la, 近排來大家刻意安排先多返少少啦~ 開口讚大家都有既, 不過有d野有時用寫出黎會容易d表達 la~ 其實我呢度講既以前都講過俾佢聽, 不過唔會日日講 lor, 依家想趁呢個機會一次過講啦~~ ^_^

====
繼續諗返起好多好多既事, 有d自己差d都唔記得 la. 多謝老公在我某親人遇到婚姻不遇快事件時, 陪住我一齊 support 佢, 同我一齊嬲一齊唔開心, 當時我差不多所有時間都俾左個親人, 佢無介意, 仲會聽我講返我地講既野。後來, 因為當時個親人有跡象想輕生, 我好擔心佢, 於是提出自己想同佢一齊住一排睇住佢(個親人間屋算大), 老公二話不說就主動話陪埋我一齊(好耐之前 lu, 當時未有囝囝), 佢當我個親人係佢既親人一模一樣, 我好感激佢呀~(後來只係住左短時間, 好彩我親人後來都平復左...依家無事 lu, 所以我差d都唔記得左呢件事!)

老公, 多謝你呀~~

[ 本帖最後由 anan3388 於 10-7-26 07:09 編輯 ]
私人傳訊

anan3388


大宅

積分: 4418


9#
發表於 10-7-27 09:02 |只看該作者
開頭諗緊會唔會寫到咁多日呢? 估唔到越諗越多野想寫。唔好意思, 將我地兩公婆雞毛蒜皮既東東霸左一個位~ 不過我覺得開始左呢個"功課"之後, 我都無形中對老公多左好聲好氣 =^_^= 希望自己維持到佢生日啦 ^_^

===
(續)

我覺得老公有樣好好, 就係應承左既野一定會盡力做。話說有次我發現共同既戶口少左萬零蚊, 於是問佢啦(平時我地用錢d少數大家都唔會"報案",但係大d既支出都會商量左先用), 原來佢係墊左出黎俾公司先, 過兩日會入返, 所以無同我講。我好唔開心, 解釋俾佢聽佢咁樣會令我好無安全感, 於是佢承諾左以後一定會先講聲我聽, 呢件事發生在我地結婚無耐既時候, 我明白佢都係岩岩開始同我夾份用錢所以唔明者~ 結果咁多年佢都無再試過, 有乜大數出入一定同我講先~ 佢有 keep 住佢應承我既野。

在財政上佢管理得好好, 完全唔駛我操心, 令我 100% 信任。我地兩個都係省錢既人, 但我有時都會買下d心頭好, 尤其係未有囝囝之前啦~ 每次我都同佢商量: 買唔買好呢? 佢就一定即時舉腳贊成, 陪埋我去買。佢自己咁多年都無乜買過野俾自己, 真係衫都唔多件 ga! 又無乜特別嗜好, 最多係買個好少少既電話, 都諗左諗右先捨得買, 次次都要我頂佢唔順捉佢去買佢先買 ga! 佢話佢既嗜好就係返工同埋老婆(依家多埋個囝) ^_^

佢識我之前都係捨得駛錢買下野既人, 識左我之後變埋 C9, 去超市唔減價既野係唔會買。我有問過佢, 會唔會掛住以前自己鍾意買乜就乜既時候, 佢話無喎, 仲話跟左我一齊精明左仲駛少左錢 tim

老公, 多謝你!
私人傳訊

unicath


男爵府

積分: 5995

好媽媽勳章


10#
發表於 10-7-27 16:11 |只看該作者
好羨慕你地~~咁恩愛
私人傳訊

vickymok717


王國會長

積分: 26868

虎到金來勳章 牛年勳章 畀面勳章 wyeth冷知識勳章 王國會長 環保接龍勳章 BK猜猜猜慶中秋


11#
發表於 10-7-27 16:23 |只看該作者
so sweet!!我同我老公都13年啦, 我發覺我地係結婚之後, 仲好過之前. 佢宜家當我好似公主咁, 連我阿媽都睇唔過眼, 呵呵
每日望住佢哋就充滿力量啦!
私人傳訊

anan3388


大宅

積分: 4418


12#
發表於 10-7-28 13:13 |只看該作者
謝謝你地睇呢個 post 同埋留言~ 我那邊既家人都係幫哂我老公反轉頭"話"我 ga, hehe~~~ ^_^

====
未寫今日想講既野之前, 我要多謝老公呢兩日在我病既時候照顧仔仔, 等我可以休息下。辛苦了, 老公! thank you ^_^

我想講, 多謝老公每次都會讚我煮餸好好味! 係每次都由心出發那種 "唔, 好味呀!", 又食哂我煮 d 野。唔好以為我餐餐煮d咩俾佢食, 只係炒下肉片, 烚下菜, 佢都次次食到好滿足咁, 令我好開心! 食足十幾年都唔厭... 謝謝你!

有次我先話:都唔明以前個菲傭點解煮唔到我ｄ味道呢? 照計都係落少少鹽 or 加少少蠔油者，唔知點解都係煮唔出一樣既味～

老公話：老婆，煮餸係講個"心"既, 放個心意落去, 先會煮得好味~~

多謝你繞個圈黎讚我, 又咁欣賞我d手藝 ^_^

諗返我細個小學開始已經煮哂全屋企人飯, 有某幾個家人食親飯一係就食完算, 一有唔岩口味或煮差左, 就"哇, 乜咁難食..."o個種煮完一身汗仲俾人踐既難受, 對比依家, 我覺得依家係好幸福

付出左既心意有人欣賞, 就算平平凡凡十幾廿蚊一餐既飯, 都係咁好味!

老公, 希望我可以快 d 好返再煮飯俾你同囝囝食
私人傳訊

cheungsiuB


別墅

積分: 642


13#
發表於 10-7-29 01:37 |只看該作者
anan3388 ,

好感動, 好羨慕你地咁恩愛! 每件事都以你為先, 將你放在第一位! 又願意聽你講唔開心既事,你先生對你真係好好!
希望你地一家三口,繼續開開心心生活!
私人傳訊

35C9


伯爵府

積分: 16162


14#
發表於 10-7-29 02:03 |只看該作者
恭喜你! 羨慕你 !
你帶出好多正能量,衷心祝願你再有好多個這樣開開心心的15年 !
私人傳訊

anan3388


大宅

積分: 4418


15#
發表於 10-7-29 09:37 |只看該作者
多謝你地既留言和祝福, 也祝願大家能尋到和享受自己既幸福

===
有樣野我好鍾意我老公既, 係佢永遠支持我所有決定。我返工時做得唔開心想辭職, 佢支持; 我辭職唔成反而轉左新職, 佢又支持; 到我有機會管下人, 佢支持; 到我曾經大想頭到想有自己既小生意(係想者), 佢支持; 到我想生bb唔做, 佢支持; 到我揍bb好悶(當時有工人)想返下兼職, 佢支持; 到我要全天候照顧仔仔又唔做兼職勒, 佢支持。每一次每一次佢都支持我, 當個決定影響到佢既, 佢一定會作出配合, 用行動黎支持, 寧願自己辛苦d撐起頭家, 都俾我做我想做既野。

我又好鍾意佢會講相反既意見俾我參考, 等我諗清楚d。到我決定既時候, 就無限量支持。有時連我自己都唔知自己想點時, 佢又耐心咁叫我俾時間自己去試下, 知道下自己想點。

佢唔會俾個框我要做乜做乜, 只要我講, 佢就聽, 就同我一齊分析, 最後, 就支持我既決定。

多謝你, 老公! 因為有你, 我可以隨心所欲咁生活, 呢種幸福對我來說就係富有-心靈上既富有-啦!
私人傳訊

anan3388


大宅

積分: 4418


16#
發表於 10-7-30 09:18 |只看該作者
今日天氣好好, 病都好返了, 一陣去買餸煮返餐好既俾老公同仔仔食先~ 祝大家一樣可以雨過天清啦!

===
(續)
我鍾意我老公在我面前做一個"小"男人, 佢會真情流露, 可以成個大細路咁, 有咩情緒都俾我見到。不過到我地有左囝囝, 佢都調節左一輪, 依家都開始有 Daddy 款~ 但得我地兩個, 佢都會繼續係咁...

我又鍾意佢俾我在佢面前做個"小"女人, 可以鍾意喊就喊, 笑就笑, 唔駛扮野, 唔駛收埋。當然依家做左阿媽, 要有阿媽款, 但係得我地兩個時, 我都可以繼續做返個 "小"女人~

我鍾意我老公唔介意在我d朋友對前俾我做"大"女人, 或者我個性格都係有主見鍾意話事o個隻, 佢唔介意俾我決定, 我話佢邊, 叫佢做乜, 佢都唔會托手踭。所以我d親友都幫哂佢, 話我係野蠻公主, 成日"點"個老公。我問左我老公好多次, 覺唔覺得我係咁? 佢又話: 唔覺喎! 有d野你諗得叻d, 咪俾你諗啦! 咁每次你都有問過我 ga ma! (咁又係, 我唔會迫佢做d唔想做既, 同埋我都無命令佢 ga! 我會話"咁咁咁, 好唔好?") 我覺得呢種係佢表達鍾意我既方式! 所以我想話俾佢聽, 我欣賞佢心胸闊, 人大方, 係一個真男人(唔大又唔小 la! )! [唔好意思, 會唔會痺到無眼睇 =.=]
私人傳訊

anan3388


大宅

積分: 4418


17#
發表於 10-7-31 15:52 |只看該作者
(續)

我覺得好好彩, 在我讀書時代遇到我老公。我地一齊踏入社會, 佢返工俾同事俾老闆屈, 我撐佢; 我遇到唔開心既事, 佢又撐我, 我地乜都拿出黎同對方講, 互呻互撐; 到大家年紀漸長, 行上左少少, 又可以分享到大家各自遇到既困難; 佢唔會因為佢做得叻過我就"敦"起個款教訓我, 反而俾到好好既意見我。而我公司發生既事, 好多時又成為佢既參考。

佢有既困難都會拿出黎講, 唔會話怕我有乜講而收埋。咁我亦會在我既角度同佢分析件事點樣好d, 佢又會"tum"我話我俾既意見好好, 好幫到佢 :) 我覺得好難得有一個咁好既 partner, 大家可以好理性咁討論一d問題, 討論完又會對大家工作上都有幫助。

我好鍾意我老公會平等咁睇我, 佢又唔會太就住我, 但又唔會踐低我, 我地好似咁高咁大地去討論, 意見唔同又可以"拗"一些觀點, "拗"到大家互相明白為止, 拗時就算我點激烈, 都唔會傷到佢感情(咁...我小氣d既, 所以佢會就住我黎坳啦~~)。因為我地密集咁交換意見, 咁多年黎, 都有一定既默契同信任。我好明白佢做既每一個決定背後既原因, 佢亦都係好明白我。我覺得做人做到咁, 已經係好好, 好難得。老公, 好多謝你。
私人傳訊

anan3388


大宅

積分: 4418


18#
發表於 10-8-2 13:38 |只看該作者
尋日 family day, 休息左一日無寫~

family day 好容易又係爭吵日~ 兩個人為左 d 好無謂好少既野嘈左幾句~ 我以為老公自把自為唔同我商量就做~ 我又以為老公覺得我自己攞黎, 嫌我煩~ 我老公又以為我唔信任佢唔俾佢試~ 以為我嫌佢煩俾佢試都嫌費事~~ 原來我以為佢諗既佢根本唔係咁諗, 佢以為我係咁, 我又根本唔係咁諗~

點解最後我地會互相知道大家點諗? 因為我地一邊嘈一邊會講出黎, 然後, 當大家都講既時候, 發覺....我地兩個好儍呀~ 估錯哂~ 根住就無野啦~ 兩個人又好返啦~~~

呢次都係一樣, 係老公出聲 tum 我先~~ 我都激到佢幾嬲 ga, 唔出聲左十幾分鐘, 佢先開口先~~

多謝你, 老公~~ 日常生活邊有咁好咁理性, 人人都有情緒唔好既時候。我地兩公婆可以坳完d無謂野, 又好返, 我覺得已經好難得~~ 希望我地可以繼續吵鬧, 繼續互相理解, 又繼續恩愛啦~~多謝老公成日讓我先呀 ^_^
私人傳訊

anan3388


大宅

積分: 4418


19#
發表於 10-8-3 15:46 |只看該作者
尋晚終於忍唔住...講左俾老公聽我在呢度寫 post 既事... 因為要有一件事瞞佢咁耐我真係未試過, 我覺得瞞佢太辛苦, 忍唔到... 所以都係早 d 俾佢知啦~~~
估唔到老公咁開心, 笑哂口咁, 佢話我同全世界人讚佢, 佢覺得好好好開心喎~~
我問佢知唔知我覺得佢咁好... 佢話: 唔知 ga!
咁我諗諗下, 自己又真係少d讚佢既, 或者太容易將一切變得理所當然啦 (以為佢知, 原來佢唔知)... 所以我決定... 繼續寫落去~ 雖然怕大家睇到悶/痺, 但係無法啦~ 我有個"忠實讀者"好想睇, 唔好意思, 繼續霸住個位...

=====
好多謝老公對囝囝好愛錫

其實一開始我地討論要唔要小朋友既時候, 佢同我講佢未 ready 做 daddy, 佢覺得自己都係一個大細路, 養一個小朋友係好大責任, 佢驚自己未準備好去承擔呢個責任。我聽完有唔開心, 有諗左去隔離。不過後來我諗返, 自己都唔係一開始就好熱心咁想做一個 mami, 都係睇左身邊既人有小朋友之後, 慢慢地覺得自己都會應付到 (自問唔係一個天生鍾意小朋友既人, 我怕對小朋友唔好...) 跟住, 大家都繼續傾呢個問題, 我又安排多d有小朋友既親人朋友一齊, 又鼓勵佢同d 新 daddy 傾下偈。慢慢地, 佢心結解開左, 對自己有左信心。

我多謝老公會 open 自己去嘗試接受一些本來唔太接受既事。佢係好用心佢諗, 唔會夾硬黎, 但決定左就唔會變。後來知道我地仔仔係非一般既時候, 佢從來無埋怨過係我主動話要小朋友, 而佢亦完全完全接受囝囝, 一樣咁愛錫佢。我覺得好難得。老公, 多謝你對我地不離不棄, 好多辛苦都願意去受。

反而我成日會諗得比較負面, 甚至覺得想放走我老公, 等自己照顧囝囝就好了, 我覺得對佢好似唔公平咁, 雖然佢最終都同意要bb, 但始終係我自己想要先, 結果也應我自己去承受呀~~

但佢三番四次同我講, 佢唔會離開我地, 叫我唔好趕佢走... 我想佢有自由, 想佢可以隨心所欲... 但佢話唔要o個d無左我地既自由, 想同我地一齊, 一齊先開心...

老公, 多謝你
私人傳訊

anan3388


大宅

積分: 4418


20#
發表於 10-8-4 13:01 |只看該作者
來繼續一日一篇~ 呢兩日同老公都有少少爭執, 不過我諗都會好快雨過天青既~~~ anyway 繼續寫埋落去先...

===
我多謝佢對我 200% 信任。以前我仲返工時, 工作上好多男同事, 偶然傾公事都會傾到幾夜, 同埋好多時都會單對單咁傾(咁, 當然在 office / 公眾地方 e.g. 餐廳), 同埋每次我都會同佢報案, 而傾完我都會將傾 d 咩大致講俾佢聽 (哈, 當時佢對我公司既野真係乜都知, 好彩我唔係做d要保密既行業者)。但, 雖然我有做足, 但也要感激佢重來都唔會有一絲一亳懷疑我。

我都有問過佢, 我成日同d男同事傾偈, 你唔怕我日久生情, 鍾意左第二個咩?

佢話, "怕 ga, 但係, 如果你真係鍾意左第二個, 而真係有第二個人更適合你, 我會讓路 lor! 同埋如果你真係鍾意第二個, 我要檢討下我自己有咩對你唔好...但係, 我對自己有信心! 仲有, 你根本都呃唔到我既, 你個人咁"腦實", 都收唔埋既"~~ 哈哈~ 多謝老公你咁了解我, 又咁信任我呀!
私人傳訊


首頁
12

尾頁

跳至頁
返回列表
回覆
發帖
Presslogic Logo
Baby Kingdom Logo
聯絡管理員 廣告查詢 使用條款 免責聲明 使用意見

Copyright © 2025 Baby-Kingdom.com Limited. | Privacy Policy