吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 大仔大女媽媽會› 6 個月大開始會俾邊 d 新野阿 b 試食呀?

大仔大女媽媽會今日: 0|主題: 177860

收藏本版

發帖

返回列表

跳至頁

查看: 1216 | 回覆: 4

[2009年] 6 個月大開始會俾邊 d 新野阿 b 試食呀? [複製鏈接]

LPN

大宅

積分: 1665

好媽媽勳章醒目開學勳章

1^#

發表於 10-4-22 00:13 |只看該作者 |倒序瀏覽 |打印

6 個月大開始會俾邊 d 新野阿 b 試食呀? 同埋大家會幾時轉奶粉?

0 0 0

私人傳訊

Fullstop

大宅

積分: 4009

好媽媽勳章醒目開學勳章畀面勳章

2^#

發表於 10-4-22 15:37 |只看該作者

For your reference

由6個月大至一歲大的bb餐單 (粥仔,湯水,生果) UPDATE

5個月打後:
初初學食固體食物的bb,煲的粥要稀些.你洗左米後,最好先浸3小時,再煲,咁d粥會爛些,bb易入口.我仔仔5個幾月開始食杰d既白米水, 我煲到好似yohurt 咁, 似sticky米水比佢習慣吓先, 之後就開始食稀粥.慢慢來啦, 比bb一個適應期用spoon 食嘢同學吞嘢.中間有時間比生果茸. 現在奶奶仲係bb既主要食物來架, 所以唔洗過份迫BB食大多份量既粥仔。

bb一開始食粥先比菜茸瓜茸薯茸果d先啦, 一來易d消化, 如紅蘿蔔切細用製作bb食物果個磨茸器磨紅蘿蔔茸, 放入粥仔一起煲, 咁就好快lam 架啦,bb呢個歲數食, 南瓜/薯仔/蕃薯/節瓜/冬瓜/菠菜/莧菜/菜芯/小棠菜會正氣少少, 菜茸可以用水烚林,用把BB專用較剪剪到好碎, 先要菜葉, 莖暫時唔食得住, 切碎既菜加入去一齊煲3-4分鐘左右,D 菜就會KEEP 得新鮮D, 又唔怕鞋口. 南瓜/薯仔/蕃薯呢D可以蒸熟壓茸放入粥仔, 節瓜/冬瓜可以先切細, 凍水同米一起煲, 煲到差唔多可以用支木捧壓爛,
一星期- 10日後先開始食稀粥.

6-7個月
節瓜米糊
莧菜米糊
菜芯米糊
節瓜菜芯米糊
薯仔莧菜米糊
菠菜蕃薯米糊
薯仔小棠菜米糊
薯仔白菜米糊
莧菜節瓜米糊
甘荀菜芯米糊
潺菜薯仔米糊
蛋黃1/3(壓碎)+節瓜粥
蕃薯潺菜粥
小棠菜南瓜粥
蛋黃冬瓜菜芯粥
蕃薯白菜粥
蕃薯小棠菜冬瓜粥
節瓜菜芯(粟米掉味)
薯仔紅蘿蔔莧菜粥
蛋黃冬瓜蓉菜芯粥(冬瓜連皮凍水同米一起煲)
蕃薯白菜粥(粟米掉味)
蛋黃節瓜紅蘿蔔津白葉粥

7個半月至8個半月
到7個月打後先比肉要來掉味, 唔好俾肉佢食,你可先煲滾水,落豬肉(不用切),再落米煲粥,煲好後將肉拿出來不要俾bb食. 可以嘗試用肉湯或蔬果煲的湯作底，等粥仔有味道(不過唔建議常用)

冬瓜菜芯薯仔粥(粟米瘦肉掉味)
小棠菜南瓜粥(粟米瘦肉掉味)
薯仔節瓜津白菜葉粥（瘦肉掉味)
蛋黃冬瓜莧菜粥(玉米掉味)
蕃薯白菜粥（瘦肉掉味）
節瓜紅蘿蔔玉米瘦肉湯, 用湯湯煲粥+菜心
冬瓜薯仔菠菜容粥(一塊西施骨掉味)
潺菜瘦肉湯煲粥
南瓜白菜葉容粥(玉米掉味）
蛋黃節瓜莧菜粥
玉米容薯仔菠菜粥
冬瓜菜芯粥(瘦肉掉味)
蕃薯小唐菜粥(瘦肉掉味)
粟米蓉薯仔白菜粥（瘦肉掉味）

8個半月至9個月打後
到8個月打後或是乎ＢＢ吞嚥情況先決定, 咁先加雞茸豬肉茸果d啦!咁bb腸胃易調節d, 減少出現便身秘情況, 其實肉茸有好多拷素, bb消化唔到, 便便就會硬成日放屁.

南瓜小棠菜鮮百合粥(瘦肉掉味) (鮮百合10片，用鹽水浸過後再沖水，當粥仔煲至8成後放入至煲溶即可)
蕃薯蜜豆菠菜粥(玉米瘦肉掉味) (蜜豆用鹽水烚林，沖水後剪碎)
津白豆腐蛋黃花粥(瘦肉掉味) (買林豆腐，取少部份用清水沖好後瀝乾，放少少鹽(可減少再出水)，放入雪櫃，粥仔差不多煲好時拿出來沖走d鹽後壓碎，收慢火放入粥仔，順時針攪拌，滾5分鐘即可)
南瓜菜芯蜜豆粥(栗米瘦肉掉味)
菠菜瘦肉容(3片)蜜豆節瓜粥(豬肉容要chopped到比平時的豬肉餅再碎些)
瘦肉容紅蘿蔔鮮百合菜芯粥(玉米掉味)
瘦肉容節瓜豆腐椰菜粥(玉米掉味)
薯仔蜜豆小棠菜蛋黃花粥(瘦肉掉味)
豬潤玉米容冬瓜菜芯粥(豬潤洗淨後用牛奶浸20min後chopped容)
雞肉蓉百合節瓜莧菜粥（玉米掉味）(雞肉chopped蓉後用少少蛋黃醃，待粥仔ｏｋ時放入去煮熟)
莧菜蛋黃節瓜粥仔(用瘦肉掉味)　　
玉米蓉薯仔菠菜粥(用瘦肉掉味)
玉米蓉蛋黃椰菜粥
雞蓉蜜豆菜芯粥
紅蘿蔔冬瓜粥(玉米瘦肉掉味)
潺菜瘦肉蓉粥仔
玉米蓉蛋黃椰菜粥
雞肉蓉蜜豆菜芯粥
莧菜豬肉容紅蘿蔔玉米容粥
冬瓜蜜豆小棠菜蛋花粥 (瘦肉掉味)
南瓜白菜冬瓜粥（用瘦肉掉味）
(玉米掉味)瘦肉容蜜豆鮮百合10 片菜芯粥　
豬潤玉米容節瓜菜芯粥
南瓜薯仔鮮百合10片白菜粥（用瘦肉掉味）
(玉米掉味)瘦肉容紅蘿蔔豆腐椰菜粥
(瘦肉掉味)薯仔豆腐白菜粥
雞肉蓉（ｃｈｏｐｐｅｄ好後用少少蛋黃業住佢，　等粥仔ｏｋ時放入去煮熟，　就可以滑身ｄ）＋節瓜＋莧菜粥　（可以用玉米掉味）
用兩塊西施骨出水後，連白米＋凍水煮粥＋黃芽白（菜莖）＋蕃薯煲粥＋菜葉就用鹽水烚好沖水比ｂｂ加入粥食．
雞潤洗乾淨 (用處理豬潤方法用牛奶浸, 之後CHOPPED 容)+玉米容+冬瓜或節瓜+菜芯粥
用西施骨+玉米(掉味)+紅蘿蔔+薯仔+黃芽白粥雞肉蓉百合節瓜莧菜粥（用玉米掉味）ｃｈｏｐｐｅｄ好ｄ雞肉蓉後用少少蛋黃業住佢等粥仔ｏｋ時放入去煮熟.
薯仔蜜豆豆腐白芽白粥　（用瘦肉掉味）
(西施骨2塊掉味)+玉米容+蛋黃+冬瓜+莧菜粥
(用玉米掉味)豆腐雞容冬瓜+白菜粥
用玉米掉味 -豬肉容+南瓜+白菜粥
用2塊西施骨出水-蕃薯+節瓜+菠菜粥
瘦肉容＋薯仔少少＋玉米容＋小棠菜粥
用西施骨掉味＋蕃薯＋冬瓜（或煲湯既老黃瓜）＋菜芯粥

10個月至1歲
玉米容蛋黃薯仔西蘭花粥 (10個月打後先用-十字花類既蔬果一般易有寄生蟲同埋有一陣菜青味，　煮前先用水鹽水浸２０分鐘，可令寄生蟲浮出來，再用鹽水焯熟，　ｄ菜青味就會去埋．用清水沖一沖剪碎ｄ花菜部份放入粥仔就食得．如果唔咁煮ｄ味好腥，　好多ｂｂ都唔ｌｉｋｅ食)

椰菜花節瓜雞蓉蜜豆粥(10個月打後先用椰菜花／西蘭花－要用鹽水煮林)
淮山瘦肉容鮮百合節瓜粥
蕃薯蜜豆瘦肉容莧菜粥
蛋黃玉米容節瓜雞肉西蘭花粥
豬潤蕃茄豆腐蜜豆大白菜粥(白菜莖凍水連米落-葉煮LAM加粥, 蕃茄用熱水浸一陣去皮去核,切小塊,粥仔煲至一半放入去煮)
雞潤節瓜蕃茄莧菜粥
蜜豆雞蓉薯仔黃芽白粥
馬碲豬潤瘦肉蓉紅蘿蔔小棠菜粥
玉米蓉蛋黃(1/3)椰菜薯仔粥
雞蓉豆腐蜜豆翠玉瓜紹菜粥
鮮百合波菜瘦肉蓉粥(可加鴨腎乾)
鴨腎乾鮮百合粥
鴨腎乾一個（唔好切碎，用刀界開幾下，出出水）
鮮百合一個（可用鹽擦乾淨ｄ黑色?）
蜜棗一個
菠菜 (烚熟剪碎最後落)

將鴨腎乾同蜜棗同米一齊煲...d粥差唔多就放鮮百合煲多陣就得,最後加埋（菠菜葉)
記住鴨腎乾要係生米開始一齊煲，因為咁樣鴨腎乾先會出味）

鴨腎乾係有鹹味架, 返來要浸之後出出水, 咁就唔會太多鹽份. 用來煲粥要D味而唔會比BB食. 我一向只建議8個月打後既BB先用鴨臀乾煲粥, 10日煲一次咁, 可幫BB清熱開胃同去奶積.

（以上都係９個月打後ｂｂ可以食既食物，但自己一定要同ｂｂ慢慢試，　因為每個ｂｂ體質唔同，對某ｄ食材，　對腸每個ｂｂ腸胃接受能力或皮膚過敏反應都不一，　一定要由少量同ｂｂ試食，　試新食物時ｍａｍｉ要多加留意，　每樣食物都有好與壞，所以在食物配合上自己多ｄ同ｂｂ調節，唔好太密偏食某幾樣食物，　豬／雞潤一星期比ｂｂ食少量１－２次就可以）*牛肉魚肉, 蕃茄或三文魚可視乎BB皮膚同腸胃問題先開始試.蛋白要一歲後先可以試食.

生果：(6個月打後)
大蕉，雪梨，木瓜，黃帝蕉，蘋果，木瓜蘋果蓉，啤梨(若唔夠熟可以放係米缸)，蜜梨

湯湯：7個半月開始既溫和湯水
無花果4粒(剪開)瘦肉($5)湯煲50min
蘋果雪梨無花果瘦肉湯
無花果玉米燈芯花淮山煲瘦肉湯(食2片淮山)
玉米無花果大杏仁淮山雪耳煲豬展
冬瓜或老黃瓜連皮扁豆赤小豆燈芯花玉米煲蜜早(1片果皮)
合掌瓜紅蘿蔔大杏仁玉竹無花果鮮百合豬展煲湯(湯湯煲一個半鐘才加鮮百合再煲半個鐘)
雪梨+蘋果+無花果水水

另外要注意嘅：
紅蘿白／木瓜或南瓜食得多會容易面黃的,所以一星期３次為限。有咳就唔好用的較寒涼的瓜菜(所有淺色嘅) 另外,咳最好暫時停一停生果會好d，如果有咳，平日屬於甘平（介於寒涼及溫熱之間）既瓜菜約有：碗豆／小棠菜／菠菜／紅蘿蔔／淮山／薯仔／蕃薯／菜心／蕃薯葉／節瓜／西蘭花果Ｄ。如果小朋友生病時都選擇呢Ｄ蔬菜就隱陣Ｄ，　不過如果平日小朋友冇咩特別大問題。
我覺得涼性果Ｄ如冬瓜／黃瓜／白蘿蔔／津白／莧菜／芥藍菜／絲瓜都可以間住比小朋友試下。咁小朋友體質先可以得到平衡　
 鮮百合:10日食1次就夠, 新鮮百合有少少清熱潤肺潤腸作用, 唔好食太密
 鴨腎煲既湯因為要落２－３隻先夠味，１歲打後先飲少少啦，太細個比太濃味，食咗佢唔肯食其他。仲　　有太濃味對ＢＢ都唔好囉。用半個煲粥試下先，少少味，又有益。
 百合只係用黎調味定係可以食呢＝新鮮既煲咗會溶，ｂｂ可以食
 咁係用鮮鴨腎煲定用鴨腎乾煲呢＝我用乾既，新鮮現在唔易買到，你知有話我知，我都想用．
 淮山係用鮮定乾呢＝新鮮／乾既我都有用／不過乾既我會用中藥房冇漂過果ｄ．打碎佢可以比ｂｂ食，唔　好太多，２－３條，不過有感冒便秘唔好食．
 點解bb唔食得茅根呢＝茅根好寒，ｂｂ太細當平日保健飲，唔雖要落，飲太寒涼既飲料ｂｂ脾胃唔好，
晚上會瞓得差ｄ，如果小朋友出水荳煲來飲，先至落．

私人傳訊

jk0925

男爵府

積分: 9844

好媽媽勳章

3^#

發表於 10-4-22 15:55 |只看該作者

嘩...非常之詳細，我已經copy係我note度。

原帖由 Fullstop 於 10-4-22 15:37 發表
由6個月大至一歲大的bb餐單 (粥仔,湯水,生果) UPDATE

5個月打後:
初初學食固體食物的bb,煲的粥要稀些.你洗左米後,最好先浸3小時,再煲,咁d粥會爛些,bb易入口.我仔仔5個幾月開始食杰d既白米水, 我煲到好似yohurt 咁, ...

私人傳訊

Macmacmami

複式洋房

積分: 424

4^#

發表於 10-4-29 13:24 |只看該作者

Thank you very much! this is very useful!

原帖由 Fullstop 於 10-4-22 15:37 發表
由6個月大至一歲大的bb餐單 (粥仔,湯水,生果) UPDATE

5個月打後:
初初學食固體食物的bb,煲的粥要稀些.你洗左米後,最好先浸3小時,再煲,咁d粥會爛些,bb易入口.我仔仔5個幾月開始食杰d既白米水, 我煲到好似yohurt 咁, ...