吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 婆媳關係› 你究竟係忠, 定係奸?? 我好迷惘....

婆媳關係今日: 0|主題: 27765

收藏本版

發帖

返回列表

跳至頁

查看: 1647 | 回覆: 16

你究竟係忠, 定係奸?? 我好迷惘.... [複製鏈接]

Doraemon_ng

伯爵府

積分: 16277

好媽媽勳章

1^#

發表於 10-5-3 13:34 |只看該作者 |倒序瀏覽 |打印

我由十六七歲, 已經認識佢, 那時佢代我好好, 感覺多一份母愛, 結婚後,順利成章一齊住. 那時我覺得, 佢是一位好媽媽, 好善解人意的好媽媽.

當我陀住第一胎時, 佢對我無微不致, 陪我出出入入去檢查, 我個心真是甜到漏.

當我大囡出世後, 佢都有陪我坐月, 整野俾我食. 真係好sweet.

當我大囡開始大了, 約七八個月開始, 老公叫我做某些事, 但佢在我面前有幾百樣理由, 叫我唔好做, 當然, 我是會聽佢講(話晒佢有經驗嘛). 但每次東窗事發, 我老公發火鬧時, 佢總是會落井下石......

大囡開始長大, 佢還不停咁對我大囡講很多, 我的壞話....

我又陀住細囝了, 因那時佢細囝剛巧又話要結婚, 要搬開住, 所以我地無得搬走...... 但那時, 佢細囝心情不好時, 會不停咁攞我(大肚婆)出氣.... 佢只會背著兩個仔, 面對我時垂淚. 我知佢好委屈, 因佢細囝都有攞佢出氣....

我細b囝出世了, 佢用好多藉口, 唔幫我做陪月, 我姑姐來做, 佢又"ee我我"咁, 到最後, 姑姐來了一星期後, 都不敢再來了.... (其實佢一早已講明, 生囝係無雞食的道理)

當然, 佢都有幫我照顧大細b, 只係佢自己細囝心情唔好時, 仲會攞兩個小朋友出氣. (當時佢細囝還未搬走).

期間, 佢又不停咁同我大囡講好多好多, 我的壞話. 又同我老公講我的不是...

起初, 我老公信以為真, 很多時會因佢的一句說話, xyz 我. 到最後, 我以離婚為由, 望我老公睇清事實.

08年年尾, 我老公終於發現佢又同我大囡講好多好離譜的說話: "唔好話俾媽咪知, 否則, 媽咪會打死你, 殺死你"等呢d 恐嚇說話, 當然, 是我發現囡囡的秘密後, 是囡囡用好恐怖的眼神, 大叫大嚷說 : " 唔好殺死我我, 我唔想死呀~" 呢d 說話下, 我們才知事態嚴重....

我老公開始不信任佢, 亦沒有再為佢一句說話而xyz 我.

佢開始連我老公都憎埋, 沒有外人時, 佢不理睬我們兩個....

連家務都越做越離譜, 越浪費.....

今年二月底, 佢又同我大囡講: "爸媽給你的食物, 你不可以吃, 要問準嫲嫲先喎..... 爸媽送給你的, 都要問準嫲嫲先可以要喎..."

我又發現了此事, 靜靜告知我老公, 翌日早上, 我老公跟住一起送大囡返學(嫲嫲+囡囡+老公), 佢全程黑口黑面, 下午約六時左右, 佢終於離家出走了, 走前, 只是我大囡同佢講一句: "我想媽咪同我沖涼", 就係咁, 就走左咯....

走左都不夠一星期, 佢就打俾我老公, 用d 好差既語氣, 問我老公攞番晒佢d 積蓄, 好似驚我老公用佢咁....

走了到現在, 佢有時"dum" 了我送給佢的物品, 有時偷了我買的用品, 但有時清潔屋企. 但有時亦會移動我雪櫃裡的食物, 以致變壞.......

佢對外, 宣稱我地蛤佢, 當佢工人用, 又講好多大話,如我老爺是老細等...... 但佢的妹妹們(即d 阿姨)及佢前夫(我老爺), 就話佢更本係一個咁既人,

其實, 佢究竟係忠?? 定係奸???

一方面, 我好想佢回來, 讓我照顧下佢, 但另一方面, 我又怕佢又搞搞震, 向我大囡講唔三唔四既說話.....

都唔知點好.... 好多朋友都勸我, 唔好理佢. 我知我要咁做, 但心裡, 還念住佢以前待我的好.......

0 0 0

私人傳訊

pomanlife

彩鑽殿

積分: 601596

2025中秋節勳章父親節2025勳章母親節2025勳章 2025勳章蛇年勳章 2024年龍年勳章虎到金來勳章牛年勳章 2018復活節勳章 2018母親節勳章 2018父親節勳章畀面勳章叻叻勳章有「營」勳章好媽媽勳章環保接龍勳章大廚勳章親子達人勳章 wyeth冷知識勳章遊學勳章 BK猜猜猜慶中秋冬日勳章春季勳章炎夏勳章秋日勳章 BK Milk勳章 hashtag旅遊勳章 hashtag影視迷勳章育兒性格勳章認識瑞士牛牛第一回認識瑞士牛牛第二回認識瑞士牛牛第三回認識瑞士牛牛第四回最關心BB問題熱投勳章 Xmas吸收勳章美好大世界2017勳章開心吸收勳章 HiPP勳章(1)

2^#

發表於 10-5-3 14:17 |只看該作者

好明顯你奶奶係奸到出汁嗰種啦

私人傳訊

meinatmn

伯爵府

積分: 19277

3^#

發表於 10-5-3 14:32 |只看該作者

仲使諗..........緊係奸啦，唔好比佢返黎添呀

私人傳訊

mother904

翡翠宮

積分: 80768

畀面勳章

4^#

發表於 10-5-3 14:41 |只看該作者

你仲想佢返黎？佢肯搬走你要還神啦！

私人傳訊

方麗娟

珍珠宮

積分: 40343

好媽媽勳章醒目開學勳章陪月勳章

5^#

發表於 10-5-3 14:43 |只看該作者

相見好, 同住難, 樓主你心裡面想對佢好, 咪間中表達下心意, 算係對得住自己囉, 唔好諗人哋領唔領情~ 唔識計較人永遠係最開心, 但作為新抱, 有時亦會身不由己, 唔係想同d老人家計, 而係人哋處處逼迫或玩針對...

私人傳訊

Anntang

大宅

積分: 1454

6^#

發表於 10-5-3 14:51 |只看該作者

奸又好, 忠又好, 總之攪到小朋友有心理問題, 就一定要解決. 你唔好望佢會改,快D同小朋友見社工, 約心理輔導, [可能有排等]. 我有個親戚又係咁, 個99見個個仔女都怕左佢, 就同個孫講佢唔係父母親生, 想個孫要祖母唔要父母. 攪到個細路離家出走. 差d 變左問題兒童.

原帖由 meinatmn 於 10-5-3 14:32 發表
仲使諗..........緊係奸啦，唔好比佢返黎添呀

私人傳訊

alice44

男爵府

積分: 7623

7^#

發表於 10-5-3 14:56 |只看該作者

佢係奸嘅!
要返自然會返, 唔返亦不用特別請佢返嚟! 呢d人不用理會.

私人傳訊

onon1022

子爵府

積分: 12589

好媽媽勳章

8^#

發表於 10-5-3 14:58 |只看該作者

雖然佢以前對你好好...但係佢同小朋友咁講野係唔O岩...如果你真係好想佢返黎同你住...等你照顧佢...或者你同你老公商量下...始終個個係佢阿媽...

[url=http://lilypie.com][img]

私人傳訊

farcow

別墅

積分: 707

9^#

發表於 10-5-3 16:06 |只看該作者

我識得有個朋友, 佢個媽媽都係差唔多係咁.......

忠同奸都唔係...... 原來係要見"心理醫生", 可能有野抑制住, 令佢變得古怪.....(聽你咁講, 之前佢真係好正常, 好好人)

唔係講笑, 係真架!! 其實你99唔係唔好, 我只係擔心佢會對你d小朋友不利..... 3時5刻教左佢地d唔好既野, 影響d小朋友...... 因為大人識保護自己, 細路唔識架.......

我個朋友個媽媽見完醫生, 食左藥, 真係正常番......其實係要有專業人士同佢傾下.......

私人傳訊

chaklongma

男爵府

積分: 5958

10^#

發表於 10-5-3 17:44 |只看該作者

我覺鬼佢有精神病~~~
為咗兩個小朋友, 唔好亂叫佢返黎~~
好好同老公商量吓先

私人傳訊

hinhofion

大宅

積分: 4120

11^#

發表於 10-5-3 21:34 |只看該作者

好多新抱,包括我在內,都會為左c6,默默忍受99對自己ga傷害,但當99係自己仔女面前講是講非,無中生有,惡意中傷自己,離間母親同子女感情時,係最唔能夠接受,如果相處唔到,無謂勉強,分開住,間中帶對孫比佢見,過時過節食下飯,咁樣對你,c6,99,對仔女都係好事黎,仔女唔會再受到99恐嚇,你地關係亦唔會太緊,如果間屋係99的話,就讓返間屋比99住,自己一家4口搵地方搬,仲有呀,女女長期受99恐嚇,令佢對父母冇安全感,e方面要好好跟進,影響好大架

私人傳訊

Doraemon_ng

伯爵府

積分: 16277

好媽媽勳章

12^#

發表於 10-5-4 10:48 |只看該作者

我囡囡已經好返好多, 畢竟是我自己堅持要自己教返, 所以囡囡好多時都覺矛盾, 嫲嫲不斷講父母的不是; 但囡囡發現事實並不是如此....

囡囡現在雖然得六歲, 但佢思想比同齡小朋友高好多, 佢自細會自己訂下目標, (如將來讀邊間小學, 中學等.) 所以, 目前佢都好好, 學校社工及學校老師校長等其實都一直留意佢, 佢地話囡囡思想太成熟, 怕佢有時諗歪一邊. 所以大家放心, 囡囡目前很好....

我地兩公婆已對我奶奶死心, 亦對佢細佬死心..

想起當初, 佢走的第一天, 我老公同佢細佬講出問題所在時, 亦提議過叫佢細佬勸奶奶去見醫生. 但最後, 佢細佬兩公婆話係我地問題, 更本唔關佢地事. 要我地氹返奶奶回來便當無事喎~ 我地話咁樣會影響小朋友成長, 結果佢一句唔關我事便算數.....

搞到現在, 奶奶已經搵到地方搬, 但搬之前, 佢細佬打來給我老公, 話每人每月夾$3500 俾奶奶租屋住的...
但星期日晚卻email 來話要$38xx.15, 我老公當然好生氣, 第一, 點解佢細佬唔當面同佢講, 而要用email. 第二就係, 明明講左係$3500, 點解又多左三百幾蚊??? 所以我老公用email 回覆返, 叫佢細佬俾齊資料先講.

結果尋晚收到email, 一個excel 明細表, 內裡大致是:
床上用品 $xxx, 摺椅, 燈胆, 碗 $xxx, 上期按金厘印$xxxxx. 還有很多好細緻既都列埋出來, 但單據欠奉, 每月租金又唔細講, 只係將d 芝麻綠豆小事列晒入去, 搞到我老公更加氣頂.

於是我老公回覆一句: 當初話明係每人$3500的, 如果你要計得咁清楚, 咁阿媽咁多年既保險費同以後既手提電話費係咪需一併計埋......

現在唯有等佢, 呢個賤人細佬回覆.
講真, 一家人, 我唔想我地做得咁衰, 但對方咩都計到盡, 連一毫五仙都要計得清清楚楚, 咁我地無理由再忍讓嘛...

至於層樓, 係大家有份供的 (佢細佬+我兩公婆), 雖然係我奶奶名下, 但暫時佢有地方住之下, 我地都暫時唔郁住, 遲d 我奶奶真係衰格起來, 話要收樓的話, 到時唯有在我媽處暫住, 再搵地方搬.

因我細囝係病童一名, 所以我地搵地方搬, 都係一個問題, 我地唔想有咩事令佢個病情再惡化了....

其實如果仲有d 人性的話, 好心佢地唔好再玩埋d 咁既事情啦~ 俾個孫開開心心咁養好個身體啦~