吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 論盡家傭› 麻煩的工人

論盡家傭今日: 2|主題: 134067

收藏本版

發帖

返回列表

跳至頁

查看: 1472 | 回覆: 5

麻煩的工人 [複製鏈接]

kk42479

大宅

積分: 1021

1^#

發表於 05-5-9 18:22 |只看該作者

麻煩的工人

請工人請到我咁就煩死...!
做了一年我炒佢離開左大半年走去勞工处告我,話我欠糧10個月,糧單合約偷走晒,平時出現金...大獲!有排煩,勞处d人帮工人架!無理!我清佢睇仔女10個月無糧出你信唔信!好狗有口難言,勞处未搞完又搞入境处,又告我未批簽証用左佢1個月,
無孤.當時請佢急住用人嘛!佢公司話ok咪ok點知.....!個ユ人玩嘢佢公司都估唔到!!3670簽合約我用佢時政府改例,佢公司叫我比3270我照做,又衰多鑊,有無人好似我咁黑架....救命...!

甜字人人喜,苦字人人悲,莫為苦而悲,無苦不知甜.

私人傳訊

tweetybird

男爵府

積分: 5929

2^#

發表於 05-5-9 20:10 |只看該作者

Re: 麻煩的工人

有時一些agent為了錢就唔會理會僱主們的處境，成日都以為個工人在她們掌握之中，不過係無可能的事來的，當個工人做耐了就識得去想。

所以有時我們僱主真的無保障的，唯有自己在請工人時要萬事小心，如check清楚工人的documents，跟政府的law去做，唔好信晒個agent，因為衰了個agent唔使上堂，不過個僱主要呢...

雖然你只是聽從個agent的說話去做，但又的而且確俾少了錢又係無visa情況下用了她多一個月(但其實唔係好明點解你可以用多她一個月？係唔係她無完約你就請了她？)不過都希望你今次無事，祝好運。

私人傳訊

koko39

大宅

積分: 1116

3^#

發表於 05-5-9 20:14 |只看該作者

Re: 麻煩的工人

我之前請賓賓都係咁，第一份約都仲ok~第二份約開始日日黑晒口面仲成日蝦老人家，老人家又成日唔見錢同首飾(但次次成個星期先同我講我都冇法)一個月講成千幾2千元長途次次收到單先知。完第二份約後唔同佢續去勞工處告我話欠佢4年既大假，每月既例假，3張機票仲有係遣散費。

依家佢地個個月既糧單我都寫埋當月所有假期已清~~

私人傳訊

JKfish

複式洋房

積分: 209

4^#

發表於 05-5-9 21:14 |只看該作者

Re: 麻煩的工人

您排了期上庭未？一樣樣來解決
pls check PM

私人傳訊

JKfish

複式洋房

積分: 209

5^#

發表於 05-5-9 22:00 |只看該作者

Re: 麻煩的工人

請雇主分享防工人屈的心得

我4月19日早上，要上勞資審裁處了，偷野而即時解雇的印印，搵工會撐腰，告我欠代通知金年假。困擾了幾個月，覺得孤立無援，亦不知事情會如何發展，agent卸膊，闊佬懶理，一時心軟，後患無窮。
[好彩碰到好官，得各位BK媽指點，準備充足証據，工人當庭認偷野，可即時解雇，一毫子都屈唔到。但警方亦冇告佢，放走了！即係話，重有機會再申請來港害人！]

我交了學費，希望大家都來分享下您的心得，等大家做足保護措施，防止出事（越怕麻煩，越麻煩!!!!!）
以免無辜被屈，自已又煩又慘之外，重要造成惡劣先例，等工人學識出古惑，咁就累死所有其他冇專門組織撐腰的雇主

1>我是每月出劃線支票，等工人入戶口，另簽收據（寫明放了那幾天假的日期）
不過偷野印印仍搵工會告我：即時解雇冇畀代通知金、年假（既然冇屈我出少糧，咁我估支票+收據，都夠有效証明）

我寫上工人放假日期的日曆，竟全部「不翼而飛」，好彩另外存放好收據

2>提醒各位：出糧、放假等所有有關雇傭事項証據、文件，千萬不要放家中，存放銀行保險箱或公司吧！
- 畀工人偷了，您就大件事！

我的金飾財物單據，全部「不翼而飛」，冇法向警方証明財物屬於我!!!!
唔該大家將貴重物品影相，紀錄牌子型號(相，紀錄不要放在家)
貴重物品的定義，是從工人角度看(不是您認為貴重)，二三百元飾物、幾十元香水，都有機會成為目標

我損失的包括：電藥煲(!)、金飾、燕窩、罐頭鮑魚、冬蟲草、鹿茸等藥材、茄士咩冷衫、唇膏、八達通，
在工人行李搜出贓物，包括香水、頸巾、新毛巾、新的雪櫃磁石貼、新的購物車、襪、膠梳等

3>有財物失蹤，不要怕麻煩/唔好意思，即去警署報案（唔使話明邊個偷，記得平日便要查清楚自已家屬邊個警區，最近的警署，未必是您的警區，不要像我做人球，好蝕底）。

您去報案，唔使畀工人知，咁就唔驚即時破壞勞資關系

警察通常會覺得濕碎，唔會上門調查，但您一定要佢逐樣打入電腦，畀返張有編號的報案紙您。收埋（不要放家中），真出事了，或可幫您証明早有此損失。
我04-12月中，幾萬元燕窩等「不翼而飛」，冇即刻報警，好後悔！

報警/ 落口供，不要怕差人唔高興，堅持寫齊所知失物，講明重在點算，有發現再補充。
差人所寫口供通常都簡單，會有錯，您有權修改、補充、更正，不要怕醜。
我做了傻豬，買了教訓，不要相信「下次口供再補充」

4>炒工人/工人離職/離開您家時，一定要搵外人全過程在場，預備做証人。但又不要太多人或「兇」工人，否則佢可反咬您脅逼、恐嚇她。
管理員都可以應急，但真要上勞資審裁處/法庭，管理員/管理公司又未必肯做証，所以都係搵講明肯做証的親友穩陣

千萬不要單獨1人或兩公婆炒工人

5> 最好全過程錄影/錄音/照相，保存一兩年（不要放家中）。杜絕工人離職後被人聳恿來屈您，或新工人「找到」，誤會您/有準備另出計劃屈您

最好事先準備好印文（如是印印）與英文對照的聲明，否則也要即場寫下所有事(如「工人確已取走所有屬於她的東西」，「工人同意所計算的各項目款額/工人認為她應得的項目及款額」才離家，以免反口，玩殘雇主。不要怕濕碎

有書面就有呈堂証據，口講無憑。

6>工人唔肯走/行李搜出贓物（無論平貴）/有乜情況，即快快召警上門，不要心軟，可免日後麻煩、唔開心。

您可以報警，後來到成件事完結，才決定不追究，到時差人會很開心（因唔使做）
我就衰心軟，見到贓物都唔即刻報警，才被工人有機會屈我。
有獨立公正的差人見到乜事，上庭時冇咁易屈得成，工人就不會輕舉妄動

7>任何情況，冷靜斯文，唔好畀佢屈您兇佢。
一定要同工人保持安全距離（佢打您，您還手咩？畀佢推撞就唔抵啦）

8>工人有乜「輕微損傷」（撞瘀/熨傷燒傷...），即刻帶佢睇西醫（保險會賠門診）。一是保障工人健康，不會感染發炎，二是防小傷惡化，屈您搞到佢工傷，三是工人冇機會屈您傷害她。

要確保有醫生護士在場時，認真問清楚工人點解受傷，然後讓工人有與醫生護士單獨相處的時間，免她賴因您在場，不敢當您面投訴。
要醫生/護士聽到：工人係同意您陪她檢查，因工人也有私隱權。（雇主擔心溝通唔清楚，陪埋見醫生都好正常）

我1月24晚發現工人手腕小小熨傷，25日午即帶她看西醫檢查治理。29日証實她偷野即炒。
現在工人搵工會告我，如非已看了醫生，一旦畀佢屈我虐待工人，就唔知點証明清白了。（我冇裝攝錄機的，您裝也不會在廚房、熨衫地方裝吧？）

9>我自04年12月懷疑工人出事，一直向勞工處勞資關系組求助。
不要期望幫到您解決問題，但可幫助証明自已非不肯出糧的無良雇主，而且agent也會可能會錯或陰您，問官方，比對一下事實和法例要求，會穩陣些
（服務未夠一年，即時解雇原來不用畀年假，是勞工處勞資關系組的小姐計糧時教我的，agent都唔識）

最重要是留下聯絡電話，書面求助，勞工處一些定要回覆您。到時一定要要求職員書面回覆您，開了File,便有檔案編號，有答您的人、電話、傳真號碼。
我一直有將進展（工人搬離agent, 不聽agent電話, 準備了工資支票及機票，都無法聯絡到工人....），傳真給回覆我的勞工處職員。

10>入境處也要即時通知，最重要是留下聯絡電話，書面求助，政府部門一些定要回覆您。
到時一定要要求職員書面回覆您，開了File,便有檔案編號，有答您的人、電話、傳真號碼。一直將進展傳真給回覆您的職員，便不會冇証明。
給勞工處或其他政府部門的文件、順手影印多份給入境處

_________________