吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 論盡家傭› 賓賓出糧日子

論盡家傭今日: 0|主題: 134067

收藏本版

發帖

返回列表

跳至頁

查看: 1530 | 回覆: 5

賓賓出糧日子 [複製鏈接]

fishcakes

別墅

積分: 627

1^#

發表於 05-5-3 16:38 |只看該作者

賓賓出糧日子

如果賓賓在月中新返工,應該在下個月同一日出糧,定係先出半個月糧先.

私人傳訊

淑筠媽咪

大宅

積分: 1141

2^#

發表於 05-5-3 16:53 |只看該作者

Re: 賓賓出糧日子

我會在下月中出一個月糧比佢.因為我要做夠一個月先會出.費事佢話我出小比佢.有些賓賓以為妳可以好大方,做半個月就出一個月人工.

私人傳訊

fishcakes

別墅

積分: 627

3^#

發表於 05-5-3 17:10 |只看該作者

Re: 賓賓出糧日子

明白.咁你會出現金定支票比佢,因為第一次請工人所以好多東西唔曉.

私人傳訊

JKfish

複式洋房

積分: 209

4^#

發表於 05-5-3 17:44 |只看該作者

Re: 賓賓出糧日子

所有關於工人的文件、收據，不要放家中，工人偷了來屈您，不但賠錢，還有刑事責任！

一些定要有家規及工作時間表、要求，個否則將來很易生磨擦（可參考本版精華區/舊topics，開卷有益）

買食送錢一定要逐日畀，逐日附同單據清數
最好開本簿做工作日誌，寫低完成工作、表現、評語

唔想下下換工人，或到被工人玩返轉頭，切記均均真真，先嚴後寬（看工人人品、表現），
不要開始大方，將來嘔血

勞工處有中英印泰文版的
<僱用外籍家庭傭工實用指南 -- 外籍家庭傭工及其僱主須知> ，最好上民政處或勞工處取中英文版各一本，方便與工人溝通
一定要咪熟（工人/工人朋友/工會都會好了解，您不做功課，後患無窮.(agent 可能唔記得教您/唔識/唔想教您.....）
網頁http://www.labour.gov.hk/public/pdf/wcp/FDHguide.pdf

避免將來誣告您冇出糧、underpaid,冇放假、放少假，
一定堅持畀支票或轉賬，
畀現金是對雇主不夠保障
（上到勞資審裁處，一定講証據，支票或轉賬紀錄是有力証據）

一定要簽糧單：
要寫清楚每次放了假的日期，不要籠統地寫「4日」，最好寫明星期例假、本日是補勞工假X月X日...
（勞工法規定，雇主有責任保存工資等事宜完整紀錄）

日後工人簽糧單、警告信....，一定要用護照或合約上一式一樣的簽名（以免工人否認是她的簽名），
注意簽名不要有附加任何花款（有工人會玩花招，寫：我只得二千、我不知道，成功獲「賠」全數工資）

祝好運

私人傳訊

JKfish

複式洋房

積分: 209

5^#

發表於 05-5-4 01:14 |只看該作者

Re: 賓賓出糧日子

各位媽咪，

我4月19日早上，要上勞資審裁處了，偷野而即時解雇的印印，搵工會撐腰，告我欠代通知金年假。困擾了幾個月，覺得孤立無援，亦不知事情會如何發展，agent卸膊，闊佬懶理，一時心軟，後患無窮。【結果工人一毫子都屈我唔到，但警方又冇告她】

我交了學費，希望大家都來分享下您的心得，等大家做足保護措施，防止出事（越怕麻煩，越麻煩!!!!!）
以免無辜被屈，自已又煩又慘之外，重要造成惡劣先例，等工人學識出古惑，咁就累死所有其他冇專門組織撐腰的雇主

1>我是每月出劃線支票，等工人入戶口，另簽收據（寫明放了那幾天假）
不過偷野印印仍搵工會告我：即時解雇冇畀代通知金、年假（既然冇屈我出少糧，咁我估支票+收據，都夠有效証明）

我寫上工人放假日期的日曆，竟全部「不翼而飛」，好彩另外存放好收據

2>提醒各位：出糧、放假等所有有關雇傭事項証據、文件，千萬不要放家中，存放銀行保險箱或公司吧！
- 畀工人偷了，您就大件事！

我的金飾財物單據，全部「不翼而飛」，冇法向警方証明財物屬於我!!!!
唔該大家將貴重物品影相，紀錄牌子型號(相，紀錄不要放在家)
貴重物品的定義，是從工人角度看(不是您認為貴重)，二三百元飾物、幾十元香水，都有機會成為目標

我損失的包括：電藥煲(!)、金飾、燕窩、罐頭鮑魚、冬蟲草、鹿茸等藥材、茄士咩冷衫、唇膏、八達通，
在工人行李搜出贓物，包括香水、頸巾、新毛巾、新的雪櫃磁石貼、新的購物車、襪、膠梳等

3>有財物失蹤，不要怕麻煩/唔好意思，即去警署報案（唔使話明邊個偷，記得平日便要查清楚自已家屬邊個警區，最近的警署，未必是您的警區，不要像我做人球，好蝕底）。

您去報案，唔使畀工人知，咁就唔驚即時破壞勞資關系

警察通常會覺得濕碎，唔會上門調查，但您一定要佢逐樣打入電腦，畀返張有編號的報案紙您。收埋（不要放家中），真出事了，或可幫您証明早有此損失。
我04-12月中，幾萬元燕窩等「不翼而飛」，冇即刻報警，好後悔！

報警/ 落口供，不要怕差人唔高興，堅持寫齊所知失物，講明重在點算，有發現再補充。
差人所寫口供通常都簡單，會有錯，您有權修改、補充、更正，不要怕醜。
我做了傻豬，買了教訓，不要相信「下次口供再補充」

4>炒工人/工人離職/離開您家時，一定要搵外人全過程在場，預備做証人。但又不要太多人或「兇」工人，否則佢可反咬您脅逼、恐嚇她。
管理員都可以應急，但真要上勞資審裁處/法庭，管理員/管理公司又未必肯做証，所以都係搵講明肯做証的親友穩陣

千萬不要單獨1人或兩公婆炒工人

5> 最好全過程錄影/錄音/照相，保存一兩年（不要放家中）。杜絕工人離職後被人聳恿來屈您，或新工人「找到」，誤會您/有準備另出計劃屈您

最好事先準備好印文（如是印印）與英文對照的聲明，否則也要即場寫下所有事(如「工人確已取走所有屬於她的東西」，「工人同意所計算的各項目款額/工人認為她應得的項目及款額」才離家，以免反口，玩殘雇主。不要怕濕碎

有書面就有呈堂証據，口講無憑。

6>工人唔肯走/行李搜出贓物（無論平貴）/有乜情況，即快快召警上門，不要心軟，可免日後麻煩、唔開心。

您可以報警，後來到成件事完結，才決定不追究，到時差人會很開心（因唔使做）
我就衰心軟，見到贓物都唔即刻報警，才被工人有機會屈我。
有獨立公正的差人見到乜事，上庭時冇咁易屈得成，工人就不會輕舉妄動

7>任何情況，冷靜斯文，唔好畀佢屈您兇佢。
一定要同工人保持安全距離（佢打您，您還手咩？畀佢推撞就唔抵啦）

8>工人有乜「輕微損傷」（撞瘀/熨傷燒傷...），即刻帶佢睇西醫（保險會賠門診）。一是保障工人健康，不會感染發炎，二是防小傷惡化，屈您搞到佢工傷，三是工人冇機會屈您傷害她。

要確保有醫生護士在場時，認真問清楚工人點解受傷，然後讓工人有與醫生護士單獨相處的時間，免她賴因您在場，不敢當您面投訴。
要醫生/護士聽到：工人係同意您陪她檢查，因工人也有私隱權。（雇主擔心溝通唔清楚，陪埋見醫生都好正常）

我1月24晚發現工人手腕小小熨傷，25日午即帶她看西醫檢查治理。29日証實她偷野即炒。
現在工人搵工會告我，如非已看了醫生，一旦畀佢屈我虐待工人，就唔知點証明清白了。（我冇裝攝錄機的，您裝也不會在廚房、熨衫地方裝吧？）

9>我自04年12月懷疑工人出事，一直向勞工處勞資關系組求助。
不要期望幫到您解決問題，但可幫助証明自已非不肯出糧的無良雇主，而且agent也會可能會錯或陰您，問官方，比對一下事實和法例要求，會穩陣些
（服務未夠一年，即時解雇原來不用畀年假，是勞工處勞資關系組的小姐計糧時教我的，agent都唔識）

最重要是留下聯絡電話，書面求助，勞工處一些定要回覆您。到時一定要要求職員書面回覆您，開了File,便有檔案編號，有答您的人、電話、傳真號碼。
我一直有將進展（工人搬離agent, 不聽agent電話, 準備了工資支票及機票，都無法聯絡到工人....），傳真給回覆我的勞工處職員。

10>入境處也要即時通知，最重要是留下聯絡電話，書面求助，政府部門一些定要回覆您。
到時一定要要求職員書面回覆您，開了File,便有檔案編號，有答您的人、電話、傳真號碼。一直將進展傳真給回覆您的職員，便不會冇証明。
給勞工處或其他政府部門的文件、順手影印多份給入境處