吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 夫婦情感› 有得改嗎 ??

夫婦情感今日: 7|主題: 42761

收藏本版

發帖

返回列表

跳至頁

查看: 1068 | 回覆: 10

有得改嗎 ?? [複製鏈接]

蘇肥豬娜

複式洋房

積分: 410

1^#

發表於 10-6-9 23:26 |只看該作者 |倒序瀏覽 |打印

我今年先21歲 , 老公27 歲 , 有個足兩歲既仔
我老公做送貨既~好辛苦我做 pt 加湊仔
初初識老公果時都係因為大家出黎玩而識
佢初初仲有take 野 , 我就最多煙同酒
一齊左年幾之後有次睇醫生驗到話有左bb
果次原本想要既 , 不過唔夠一星期就見紅無左
當然...自己覺得唔係有左因為冇咩懷孕 feel
醫生都解釋有假懷孕既野~而且我一向m遲一星期
果次就係遲左一星期見紅~所以一直覺得係m到
但果次以為小產左一同老公都喊得好緊要
最後決定大家後生快d生 , 初初都怕佢唔中意小朋友
怕佢同我都未玩夠

講下我先 ~
唔知真定假果次之後決定做人~兩個月後有左就生啦
一直老公都好錫我陪到都陪我 , 番工都好比心機
我地都冇再出去玩~ 佢又生性左好多
每日番工食飯放工都會打黎同我報到
我同6299 , 一姑仔一姑9兩公婆加個仔一齊住
拍拖果時都已經跟老公住
問題就發生於我陀b果時 , 自己成日好唔開心就發脾四
好彩老公一直都會忍我同埋佢會明白大肚係咁
我生完佢都好照顧我同bb但我脾四好似一發不可收拾
我性格一向冇耐性 , 我好怕人地做野慢又冇記性

我成日同佢講完d野佢又唔記得話我冇講過
我會好嬲話 : 同你講左n咁多次你冇放上心姐~
漸漸我對佢有dd反感.... dd囉... 又未至於憎佢既
可能陀b果時習慣佢錫我~所以到而家仲係成日發脾四

有時佢真係錯 , 有時係我心情唔好都話下佢
自問個樣普通~身材都普通
但佢好多時都會忍我同埋同我講番sorry
有時佢心情唔好佢會話 : 個個都搵我出氣我搵邊個出氣呀 ?
因為佢屋企人又係成日話佢,,,,,
當然我果刻變左死狗啦 ,
我同佢屋企人關係都唔好~~特別係99
真係bb既野好多野都唔啱傾~我同佢屋企人冇必要都唔講野既~招呼都冇個
因為我好唔中意佢地唔衛生而且成日亂比野bb食
攪到bb成日病要睇醫生又扭計難湊
佢地仲鬧我bb成日喊又話bb易病係我生得佢唔好
漸漸我唔想同佢屋企人有任何接觸
但可惜要一齊住日日面對面

入正題
我覺得呢幾年入面老公都算生性顧家 , 錫我錫個仔
佢係孝順~而且冇出去玩已經好好喇~
佢份人多口~中意玩~而且哄人都有一手
佢唔會講好多甜言蜜語~但會行動做野
e.g. 做家務~送手飾~幫手湊仔~買野食哄我
我份人就好少野講~比較悶~脾氣臭

其實我開始驚我老公遲d唔要我
我想請教大家有咩方法可以改下脾氣
有時我太嬲我會叫佢唔好同我講野或者我會抖大氣
我都問過佢 : 我而家先21~你對咁多年悶唔悶?
佢話 : 結得婚預左架啦~日日換畫都唔等於好
我問佢愛我d乜~ 佢話中意我聽佢話
但老老實實佢聽我話多過佢聽我話,多數我做決定既
雖然我都會同佢傾下邊個決定好~不過佢唔理

我開始見到呢到d媽咪話老公點點點,,,
我都好怕自己有呢一日
好想學下做老婆既野做番個好老婆
e.g 煮飯 (99煮我唔洗煮)
甜品 (我做過一次蛋糕比佢食咋=.=)
聽老公話...打理好頭家...財政管理...小"了"依人等

因為我一向都唔打扮 , 一件T加牛仔褲就走得
洗面都係清水~以前皮膚 ok 架
但陀完b後男性荷爾蒙令我生好多粒粒到而家都係咁
但老公又話唔習慣睇我化左妝個樣~
又話化妝晒時間晒 $$
每個月 $$ 啱啱夠洗~好老實邊有 $ 打扮

我又怕做左黃面婆..有時同佢食飯都幾驚
驚比佢d朋友笑佢~我而家先21
佢d女性朋友廿幾果d著得好靚又打扮....
我真係覺得自己有d c9 feel

講到尾...
都係想大家指教點可以做個靚c9 ?
做d乜可以令老公開心或者有驚喜 ??
除左同佢折骨之外~佢收工我真係幫唔到d乜..
我既人生而家就係番工湊仔做家務....
我可以點改改d脾氣呢.......
有時真係好嬲佢唔將我講既野放上心...
講完又講~講n咁多次佢唔煩我都煩
同埋話題講黎講去都係大家公司同個仔...
有時都幾悶...香港地有咩好玩丫...
我又唔好名牌~ 真係覺得而家有d悶

唔好意思.....講咁耐好似講緊d無謂野
不過...真係想睇睇大家有咩意見比我

0 0 0

私人傳訊

等運到

大宅

積分: 3197

好媽媽勳章

2^#

發表於 10-6-9 23:42 |只看該作者

聽你咁講, 你c6都算唔錯~
你UP得出你有乜缺點就改LO
識得反省系一件好事~~!
你老公都好慘, 要受屋企人氣, 又要受你氣~佢講得岩個個揾佢出氣, 佢揾邊個出氣呢~~

所以你更加要體諒佢, 人無十全十美, 你有缺點同時, 其實自己都有, 兩公婆最緊要識互相忍讓~包容, 每當你想發皮氣時, 忍一忍, 唸下佢優點, 個個男人都想老婆温柔D, 好似小鳥依人咁la~~!

如果你覺悶悶地, 可以考慮同老公去下旅行, 過下二人世界, 可以relax之餘, 又可增進感情, 唔洗一定遠, 近近地大6, 澳門都唔錯咖~!

私人傳訊

siusiuchin

民房

積分: 100

3^#

發表於 10-6-10 00:17 |只看該作者

99唔使你煮飯,你咪煮宵夜佢食
(BB成日喊,係咪佢無安全感呀?留意多D找出原因,大家都舒服D呀)
你先21歲,著乜都好睇..T恤+短牛仔褲+波鞋就已經好OK啦 (其實簡單唔一定C9!)
當你自己都諗到發脾氣會有一日趕走個老公,咁你就自然會發少D架啦(最少發之前你會諗下)←呢個係我自己經驗= =
你講完D野佢成日都唔記得,你咪寫低佢,貼係當眼地方咁就大家唔使嘈啦
又或者你直接叫佢睇下你呢篇野等佢話你知點改啦....你咁為佢, 佢見到都已經開心啦...

私人傳訊

sheunglam89

禁止訪問

積分: 5747

wyeth冷知識勳章畀面勳章環保接龍勳章親子達人勳章

4^#

發表於 10-6-10 03:09 |只看該作者

提示: 作者被禁止或刪除內容自動屏蔽

私人傳訊

imaikoya

大宅

積分: 1473

5^#

發表於 10-6-10 04:10 |只看該作者

真係羨慕妳~29歲既時候有個10歲大既仔~好似家姐同細佬出街咁。

你識得反省=有改變, 加油呀

私人傳訊

iluvmeeself

子爵府

積分: 11657

6^#

發表於 10-6-10 06:01 |只看該作者

外表唔係一切 ...

我自己都唔靚.. 又肥... 皮氣勁臭 ...
又唔C文... 唔識小了依人 ... 講野粗粗老老 .. 溫柔..無我份 ~~ 出街都係 tshirt ... 運動褲多 .
唔化妝 .
唔多好名牌.

老公就件件名牌... 對對鞋都幾千蚊對 !!
牛仔褲都可以成皮野一條 !

佢帶 1x 萬隻錶.. 我就 g-shock

我又係好怕同佢出街 .
佢陪我去街市都係著哂果 d 靚野 .
我就行出黎成個 bunbun 去買餸咁

雖然唔係驚撞到 fd 定咩..
但我好怕出街時佢拖我 ...
但佢又唔會計較... 我咁既樣.... 佢都唔介意 .
有時我會扮隻手好忙.. 拖唔到佢 .
但佢會足住我... 即時拖返實我

So .. 你唔鐘意打扮... 皮氣臭.~ 但你一定有你cup引佢既地方既 ~~~~

我唔敢講d男人第日會唔會變 ...
但就算佢變.. 去識第二個 ...
應該都唔會係因為我唔打扮..似個街市婆而唔要我 .
如果佢真係識到個女仔啱傾.. 鐘意左人.. 想同人地一齊...
自然就會對我乜都睇唔上眼 .

返而我覺得你... 同我都真係要改吓 d 皮氣 ... 費事第日嘈交又多樣野數 .
唔好話老公覺煩..
我自己都覺得自己煩 ............

仲有.. 你老公真係算好好.. 要珍惜 la ~~

我老公...
" 做家務" ... 唔會 .. ~
" 送手飾" ... 除左結婚時用果 d .. ~
" 買野食哄我 " ... 10 年黎試過 1 次 .. ~

當然如果我出到聲要佢買呢買佬... 佢都會買既.
但就唔會自動自覺... 唔會細心果隻囉 .....

[ 本帖最後由 iluvmeeself 於 10-6-10 06:05 編輯 ]

私人傳訊

canies

翡翠宮

積分: 97140

7^#

發表於 10-6-10 11:32 |只看該作者

21歲唔使點化妝都靚kala。。
反而細心體貼d更能留住老公個心，以後唔好搵佢出氣喇～

私人傳訊

蘇肥豬娜

複式洋房

積分: 410

8^#

發表於 10-6-10 12:49 |只看該作者

有時我都唔知自己算唔算愛佢....
唔中意佢又唔係.... 好中意佢又唔係
因為老公係我第三個男人, 以前兩個我都錫到不得了
而家反而係男方錫我~但我就脾氣臭

大家話我無目標~ 其實都係呀

我又膽少又怕事
就算有 $$ 比我買衫我都怕著得唔靚...
有時行出黎真係好無信心....

我覺得而家大家既生活~老公就只係尊心搵 $$
我就尊心家務同湊仔~其次就番工學琴
日日都係咁既生活自己都覺得悶
下年BB 3 歲會番 K1 , 而我而家都計劃有第二個喇
有時都幾期待湊BB番學放學對功課果D感覺
好過而家咁...日日食完就訓訓完就玩~

我都想同老公可以好似大家咁又供樓又出去住
但有時有少少 $$ 係到又會有特別事令到D $$ 無晒
E.G . 貓要睇醫生~ 99電話壞 ~ 個仔病~ 有親人喜事
次次都係有少少 $$ 就會好快唔見晒

另外我都想同99好好相處
有時自己覺得 : 我番到黎99會入廚房拎湯我飲
其實佢都唔係咁差姐.....
但當佢成日講D好難聽既說話就會令我對佢即時反晒感
心情好時都會買野比 99 , 果刻老公真係好開心
但到99心情唔好時佢講一句野足以令我記一個月
到而家兩年喇...仲好記得兩年前我生完佢係醫院講過乜
所以我先憎到99呢種生物入心入肺
成日亂比野個仔食~攪到佢病

我有時都覺得自己好無用,,,,跟左老公四年喇
同佢少少 $$ 都冇係到.... 次次有 $$ 都有意外

前兩星期先同老公去完澳門
其實都係我地拍拖到生埋仔第一次去玩
仲要去左兩日一夜 , 我同老公係果邊既關係好好
佢好多時都同我有講有笑~ 而且好主動叫我老婆
係屋企佢叫我個名架咋....
果兩日一夜係有D趕~不過大家都玩得開心而且好關心對方
但一番到黎香港又回覆原狀~~ 我都有諗到
可能香港壓力大先係咁掛...澳門果時可以無低晒所有晒
果邊無人識我地~去邊做乜都得~好有拍拖FEEL
但番到黎香港我覺得好辛苦~成日都迫住做好多野
好似家務果D咁...日日都吸塵拖地...做少日都要睇99面色

大家話我後生~~
後生又點丫...個樣似C9~ $$又冇幫老公草番多少.....

私人傳訊

Doraemon_ng

伯爵府

積分: 16277

好媽媽勳章

9^#

發表於 10-6-10 13:41 |只看該作者

原帖由 蘇肥豬娜 於 10-6-10 12:49 發表
有時我都唔知自己算唔算愛佢....
唔中意佢又唔係.... 好中意佢又唔係
因為老公係我第三個男人, 以前兩個我都錫到不得了
而家反而係男方錫我~但我就脾氣臭

大家話我無目標~ 其實都係呀我又膽少又怕事
就算有 ...

樓主, 你好似諗多左好多, 脾氣會改的, 你既然知道自己既問題, 又肯講出來尋求解決, 咁都証明你已踏出第一步, 你試下每次想發脾氣時,先"mit"下自己, 大力的喎~ 去提醒自己控制下脾氣... 再唔係, 想發作時, 諗下對方對你的好, 對你的細心. 睇下咁樣可唔可以收下d 臭脾氣...

至於無錢扮靚, 我以前曾經睇過書, 話幼salt, 可以用來洗臉, 同用d 磨沙糕差唔多的, 仲有係蛋白+檸檬汁(幾滴)"full" 面, 成本唔貴, 仲可以靚靚, 另, 就係飲多d 水, 而家仲有無食煙呀? 如果有的話, 就戒埋佢啦~ 食多d 水果, 尤其係奇異果, 有好多豐富維他命c, 亦可以去斑美白的, 其實扮靚都有貴有平的. 只要你有恒心, 就可以架啦~