吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 夫婦情感› 我覺得自己好可笑

夫婦情感今日: 0|主題: 42753

收藏本版

發帖

返回列表

跳至頁

查看: 4306 | 回覆: 46

我覺得自己好可笑 [複製鏈接]

12 3

cathy29

伯爵府

積分: 19739

1^#

發表於 10-6-9 13:05 |只看該作者 |倒序瀏覽 |打印

短短呢幾日事情我已經作出左最大壞o既打算, 雖然係咁, 我真係好辛苦好唔甘心; 原來咁多年都做咁多野都係多餘…..

我有個大仔8歲, 細仔就黎3歲; 兩公婆當然會有嗌交, 甚至俾人打的情況都出現過, 每次係咁個一刻我都想離婚算數, 唔想再係咁; 但一諗到兩個仔我可以唔記得哂之前o既野抹左去; 除左呢樣, 所有野都好好, 對我都叫好. 之不過係一時火遮眼就會”ping ling pang lan”; 平時佢話要同d friend/同事去邊我冇阻止, 極其量只係面露不悅, 但最終佢都唔會因為咁而唔去, 而我就會照顧d仔; 而我就好少出去因為要睇住兩個仔; 到左上星期初我夜晚上FACEBOOK見到有人REPLY佢個MESSAGE”下”, 先發展佢打左”一段複雜關係戀愛中”, 我當時問佢做乜, 佢話唔係佢整; 我話你攪番掂佢; 到左第二朝我上FACEBOOK見個MESSAGE分別變為”一段聯係順利發展中”及”已從已婚刪去中”; 同日我表姐, 外國朋友即時MSN我問我有咩事, 我話冇野, C6話唔係佢整, 之後我再同C6講呢件事, 佢話真係唔係佢做; 好! 我就同佢講”咁又係, 如果真係你都唔會咁高調”. 佢冇出聲。

話說有個女同事生左個細女話成班去佢屋企BBQ, 但講左幾次都去唔成。到左上個禮拜, 佢每兩日就同我提番起BBQ事件, 我話你咪去囉, 講左好多次去得成先算。到左星期四, 佢同我講星期六會去BBQ, 下星期六(即今個星期六)公司GATHERING, 咁冇辦法啦; 跟住佢又再同我講有同事話攪去澳門玩, 我即時好慶; 心諗有冇攪錯, 出去都唔係咁樣出法丫。我話你都冇問我係通知我o者, 佢仲開玩笑咁話係呀我通知你架咋。到左星期五, 我放工要拎野出去俾人, 我打俾佢問佢幾點收工, 佢話8點幾, 我話我要出去拎野俾人, 如果係我順便帶埋細仔等佢收工(因大仔夜晚要學野), 佢話舊同事叫佢出去食飯, 咁我話得啦, 佢問我食乜, 我話我一個人好易攪掂; 最尾一個電話係差唔多7點半, 其間冇打過電話返黎直至半夜點幾鐘打番黎話而家返黎。

到左星期六佢晏晝打過俾我, 問我大仔點(因要睇醫生plan住割扁頭腺), 我好悔氣咁應佢, 其間佢都有打過幾次電話俾我, 我都係好悔氣同佢講野(我嬲係因為佢完全唔知錯係邊); 到左5點幾佢到黎屋企, 都有問我係咪得罪我, 我話冇野, 佢再問我就話如果你覺得冇就冇; 其間佢電話響, 我聽到係佢BBQ個D人打黎問佢得未, 之後佢都再有問我咩事, 我話唔好煩我, 你要出去就出去; THEN佢就出左門口; 直至7點幾佢打番黎(當時佢係公司), 問我做咩咁悔氣我冇應佢, 佢就話我成日打番黎你都咁講野, 跟住我就好嬲, 我鬧”你幾時打過番黎”; 佢話”我做緊野先冇打o者”; 我話”你邊有打番黎, 你尋晚幾點放工?”, 佢話9點幾. 我鬧”你有打俾我咩? 收工我又唔知, 食飯食到幾點我又唔知, 淨係半夜打番黎話而家返黎. 我話有冇攪錯, 你出去唔緊要, 最起碼都打過電話俾我問下兩個仔點丫, 死左未丫, 咁我地死哂要唔要通知你” 跟住佢冇出聲, 我就cut左佢線. 之後佢都有打番黎話到左BBQ個度, 問下個仔做乜 ETC. 但我都好悔氣應佢, 啖氣真係好難下;
到左星期日, 佢間唔中打番黎問D仔點, 我求其應佢, 到左7點幾佢打黎問我今晚食乜, 我話未知; 佢就通知我話幫朋友搬野; 其間我叫大仔打俾佢同佢講我地食飯先唔等佢; 之後佢就冇再打番黎直至12點幾打黎同我講而定返黎, 我話”得啦”就CUT左佢線…..連續幾日佢都可以係咁, 我真係好嬲….…是問有邊一個唔嬲? 相反如果我咁做, 佢會點? 我肯定佢已經發左癲好耐…….

至始之後佢冇再打電話返黎, 星期一7點幾打過兩次番黎但我冇入線(因電話壞壞地入唔到線), 但我冇打番俾佢; 尋日我收工帶左兩個仔出去食飯, 佢一個電話都冇; 點知我上左小巴(返屋企), 咁o岩佢又上同一架; 大仔見到佢嗌佢, 我唔知佢有冇俾反應, 因我冇正視佢; 由於架小巴都好滿, 所以佢坐較後o既位置; 因為尋日表姐生日, 我地去佢屋企切旦糕(佢住我附近, 小巴總站); 而佢就早我地一個站落, 見到我地冇落車就問大仔去邊, 大仔話去亞姨度切旦糕. 到我地食完旦糕返屋企, 我一打開大門已經唔見左人, 淨係知道佢沖左涼換左衫出街。個刻我真係嬲到爆…..佢竟然可以咁..….我頂唔順終於打俾99係咁嘈….99就打俾69, 轉頭69打俾我傾左一陣收到線。

冇耐69打俾我, 話佢c6打左俾佢傾….當然佢所講o既野完全係自己單方面我做得唔夠好;話我成日係度嘈, 所以而家唔理唔出聲; 又話返工壓力大(我有返工, 放工湊仔煮飯做家務)同我講我又唔俾support佢, 好多野煩; 發覺性格唔o岩, 想單身…..聽完呢一刻我個心已經死哂, 原來咁多年黎o既努力佢一句說話就可以抹煞哂….我覺得自己好可笑…..我自問咁多年冇呻過一句辛苦, 佢冇$, 我同佢捱冇講過一句; 佢冇野做係屋企未搵工我都冇嗡佢一句叫佢拿拿林搵野做; 唔夠錢我想盡辦法同佢度掂佢, 每次佢攪咁d野要$個陣收科, 我同佢諗掂佢; 我要朝早湊仔返學, 返工, 放工湊仔買送煮飯吸塵抹地洗衫晾衫摺衫, 叫仔訓覺到佢返黎我叮埋飯俾佢, 我先睇下電視訓覺, 有時佢仲話我成日嗌累, 但佢話佢仲累過我! 佢成日都話我冇關心佢, 但佢又有冇呢? 原來呢d一切o既付出都叫唔夠好! 我都唔知咩叫好!

呢幾日佢係有返黎, 但d仔訓哂覺, 冇望過d仔一眼。連一向平時湊大仔返學o既意識都冇…我覺得我好心死........

0 0 0

私人傳訊

iluvmeeself

子爵府

積分: 11657

2^#

發表於 10-6-9 13:56 |只看該作者

我隻野同你c6好似 .

action and 態度一毛一樣 .

only difference is ... 我地無小朋友 .

但我會成日諗... 依家已經係咁.
真係唔敢想像有埋小朋友會係點...

私人傳訊

小虎88

大宅

積分: 3330

好媽媽勳章醒目開學勳章

3^#

發表於 10-6-9 14:23 |只看該作者

唉！樓主我覺得你好勁，可以一個人處理咁多野，不過，2個人相處係需要更多忍耐，你都好忍耐佢，如果換住係我，我諗我一早就發左顛，但係如果你唔開心應該正面同佢講，唔好cut線同晦氣，其實大家面對一個家庭都會有唔同壓力，你要佢明白你，你就要同佢講，等佢知道，不過發皮氣就一定無得傾，希望你早日同C6好返！

私人傳訊

bobolily

大宅

積分: 4065

畀面勳章

4^#

發表於 10-6-9 14:37 |只看該作者

係呀, 我都覺得樓主你好勁好勤力, 你真係自付出左好多, 所以我覺得你要搞清楚乜人喺你C6個facebook玩嘢, 係咪有人搞破壞, 唔好比衰人得寸進尺呀!
希望你同C6好好傾吓, 修補感情, 早日同C6好返。

私人傳訊

siusiuchin

民房

積分: 100

5^#

發表於 10-6-9 14:37 |只看該作者

我都曾經好似你咁個老公打比我我一直都發脾氣..度氣真係好難落...我老公既反應同仔老公都一樣, 理都唔想理我...
後來, 我開心見誠問佢咩事, 佢話其實佢有求和 (就係一直打比我) 但我一直都發脾氣所以佢覺得講咩都無用直接唔理, 依家有時佢激嬲我, 我會用好認真既態度同佢講我嬲咩(佢地係真係會唔知你嬲咩) 咁慢慢佢有改, 樓主放工仲要返屋企湊仔,你會好想返屋企有人陪下你同你一齊分擔, 對方都一樣好好地傾下平心靜氣講出黎或者兩個人都會開心D....

私人傳訊

meowli

大宅

積分: 4348

好媽媽勳章醒目開學勳章

6^#

發表於 10-6-9 15:20 |只看該作者

其實唔好一面倒認為自己辛苦是為了他，因為你對小朋友的付出，是有回報的，至少你對小朋友會親你多點，想辦法讓小孩依賴他多一點，安排他們多點共同活動，可能你們的關係會有所改善。

私人傳訊

tantanmama

公爵府

積分: 28711

虎到金來勳章牛年勳章 HiPP勳章(1) 2018復活節勳章環保接龍勳章 wyeth冷知識勳章 BK Milk勳章 DHA勳章育兒性格勳章開心吸收勳章

7^#

發表於 10-6-9 15:28 |只看該作者

就咁睇, 就覺得你老公係有第三者, 仲可能係佢公司嘅同事.
你自己經濟環境如何? 有冇能力獨力照顧兩個仔? 好好為自己同兩個仔打算下.

私人傳訊

cathy29

伯爵府

積分: 19739

8^#

發表於 10-6-9 16:03 |只看該作者

今日佢舅父再打俾佢叫佢出黎食飯, 但佢話唔得閒就咁係電話度傾幾句. 第一句問佢係咪有女人, 佢好忟咁話冇, 點解個個都要咁講; 跟住再問佢咩事, 佢話覺得同我冇野講, 溝通唔到, 同我講親野我就叫佢唔好理; 有d 朋友嗌佢出去見到個個帶埋老婆仔女但佢冇 (佢話我唔肯去), 佢個心都難頂. 而家好煩想靜下, 好想一個人; 個舅父就話佢你而家話想一個人係不負責任, 因為你有對仔有家庭, 唔可以話想一個人就一個人; 佢話如果我唔負責任就唔返屋企, 最後個舅父總括一句你要點行就要諗清楚, 唔可以唔負責任。

1) 我叫佢唔好理, 係因為我想佢唔好攪咁多野, 咁多年真係好多爛攤子, 我真係怕, 我淨係想佢安份守己打好份工, 安安穩穩咁過;

2) 佢係有叫我出去食飯, 但冇要求我帶埋對仔去, 我唔去係因為我唔識佢d朋友, 出到去佢又唔自在, 我又冇野講, 咁不如唔好去, 係屋企湊仔或自己搵地方去; 如果我知道佢d朋友有仔女去, 我點會唔帶埋我d仔同其他小朋友玩? 但其實根本佢冇要求過。

3) facebook單野尋晚佢同左69個c6講係特登打上去激我, 我唔知佢咩心態; 點解一開始我會信佢唔會咁做, 係因為咁多年我見到佢對我真係一條心, 但而家我唔知做點解做d咁幼稚o既野.

4) 佢話佢冇唔負責任, 但佢而家返屋企連眼尾都冇"哨"下個仔, 就算個仔訓左, 你都可以打開門裝下, 但我唔見得佢有咁做...

5) 當然我都有為對仔而付出, 因為我都係為頭家好, 所以好多野我都自己頂住....但我都只係一個女人而己...

到左呢個地步我已經心裡有個打算, 我可唔可以過到自己個關口呢, 我自己必須要好好諗清楚; 而至於有冇第三者o既問題, 我都唔會去深究, 因為問題唔在於呢度. 十年喇, 仔都有兩個, 如果佢身邊真係有第三者而佢又有意思o既, 我都冇辦法, 留都留佢唔到....只不過要玩就要輸得起, 我輸係c6, 我可以用時間去由頭再黎過; 但佢輸o既就係成頭家...呢個係一念之差o既決定....

私人傳訊

瑩の媽

大宅

積分: 2724

9^#

發表於 10-6-9 16:21 |只看該作者

我o既case同你都大致相同

私人傳訊

jodylulu

侯爵府

積分: 22867

好媽媽勳章

10^#

發表於 10-6-9 17:41 |只看該作者

樓主, 你唔好咁講啦, 你一啲都唔可笑, 你係一個好媽媽, 好老婆, 不過可能你c6未懂得珍惜姐, 我就總唔信大家一起, 無試過有開心快嘅日子, 不如停一停, 唸一唸先, 等自己心情好反啲, 平靜啲果時, 再同你c6傾吓, 唔好嬲, 要好好同佢座低傾, 或者到時又係另外一會事呢, 比啲機會佢講吓, 表達一吓大家嘅感受, 會唔會好過依家你估我我猜你呢 ?

私人傳訊

iluvmeeself

子爵府

積分: 11657

11^#

發表於 10-6-9 17:44 |只看該作者

2) 佢係有叫我出去食飯, 但冇要求我帶埋對仔去, 我唔去係因為我唔識佢d朋友, 出到去佢又唔自在, 我又冇野講, 咁不如唔好去, 係屋企湊仔或自己搵地方去; 如果我知道佢d朋友有仔女去, 我點會唔帶埋我d仔同其他小朋友玩? 但其實根本佢冇要求過。

似係溝通出現左問題 .........

私人傳訊

nana832

大宅

積分: 1475

12^#

發表於 10-6-9 17:51 |只看該作者

我覺得樓主老公"暫時"未有第三者,
不過將會有.

我以前同樓主一樣,
7年過去, 老公有第三者,
我一直都覺得自己冇錯,
搞到同佢離婚.

離左婚4年啦, 我亦已經再婚,
回想當年自己真係錯晒,
當局者迷, 好多女人都有呢個問題,
好多女人都話自己冇錯,
表面上睇黎, 真係冇錯架, 仲好偉大,
但係, 代唔代表老公都係用同一角度去睇呢?
雖然樓主可以話老公唔體諒自己,
但樓主又何嘗體諒過老公心情呢?
你可以話你幫左佢好多,
但佢放工返屋企, 你唔同佢講野, 發佢脾氣,
打電話比你, 你又發佢脾氣,
男人真係好粗心大意架,
你覺得佢知你嬲, 但其實佢真係唔知架,
問你, 你又唔講, 淨係識發脾氣,
佢都算忍你忍得耐啦,
我老公好錫我架, 對我超好,
但係我一發脾氣, 佢就...發脾氣就發囉,
發完先好搵佢.

多D同佢溝通, 唔好有咩事就只係識冷戰, 唔出聲, 發脾氣,
再係咁樣, 個男人一定走.

私人傳訊

connieqwah

別墅

積分: 800

13^#

發表於 10-6-9 18:04 |只看該作者

support you , hope you can solve it.

私人傳訊

jma109

別墅

積分: 755

14^#

發表於 10-6-9 23:11 |只看該作者

我覺得你地現時唔似有第三者,你c6感到被忽視,佢覺得自己係屋企冇用,
所以咪成日出街,同朋友同事一齊梗開心架,
返到屋企你又起晒槓,
結婚咁多年激情已過,可能佢未習慣呢 !
不如問吓自己重愛唔愛佢,如果佢肯改你會唔會比機會佢,
如果會就send個sms比佢,話比佢知你需要d咩, 睇吓佢點囉,
如果佢肯改,希望你都可以改小小,
唔好成日攬晒d家務/仔女上身,
你地結左婚應該乜都兩個人面對家麻,
放鬆d,有能力的話放對仔比99湊,二人世界去旅行,重拾拍拖果種感覺,keep住果種feel,你自己都會開心d姐..

私人傳訊

littlesister

琥珀宮

積分: 158843

畀面勳章

15^#

發表於 10-6-10 00:01 |只看該作者

你係冇錯, 你係個好媽媽, 好女人, 但你唔識做人太太呢, 唔係你搞掂晒屋企d 野就得架, 都要照顧下老公感受架嘛, 你老公而家好似d 反叛青年咁, 耿屋企溫暖咪出街玩囉

你老公又唔係唔幫你, 係你唔俾佢幫, 佢覺得自己係屋企冇價值嘛, 咪出去搵價值囉, 其實你又有工人, 有時放開小朋友一陣陪老公出去同朋友食下飯, 增進下感情, 我老公有時都叫我陪佢睇波睇到2點幾, 眼瞓到c 都陪佢睇下, 咁先有情趣嘛

其實你老公有叫你去已經好好, 大把男人又要出去又唔鍾意老婆跟去, 有咩事又話老婆唔關心添. 唔好讚牛角尖, 試下欣賞老公既優點, 好好傾下啦.

私人傳訊

Nancy20090615

瑪瑙宮

積分: 136858

16^#

發表於 10-6-10 02:54 |只看該作者

1) 我叫佢唔好理, 係因為我想佢唔好攪咁多野, 咁多年真係好多爛攤子, 我真係怕, 我淨係想佢安份守己打好份工, 安安穩穩咁過; (您有您o既原因, 但態度語氣用詞可唔可以好 d?)

2) 佢係有叫我出去食飯, 但冇要求我帶埋對仔去, 我唔去係因為我唔識佢d朋友, 出到去佢又唔自在, 我又冇野講, 咁不如唔好去, 係屋企湊仔或自己搵地方去; 如果我知道佢d朋友有仔女去, 我點會唔帶埋我d仔同其他小朋友玩? 但其實根本佢冇要求過。(佢叫得您去都想有機會同您一齊有其他分享, 唔係成日見親面都o係屋企, 可能您願意成世屋企見, 但佢又點諗呢? 佢都有心思啦安排下同您出去, 嚴您左訂失禮人前就唔會叫您去啦, 有叫已經係尊重您, 又要比您嚴三嚴四, 帶埋對仔去都要 '要求', 如果您係去就會一齊度掂佢.)

3) facebook單野尋晚佢同左69個c6講係特登打上去激我, 我唔知佢咩心態; 點解一開始我會信佢唔會咁做, 係因為咁多年我見到佢對我真係一條心, 但而家我唔知做點解做d咁幼稚o既野. (係咪反叛行為呢, 佢而家係一個壓力煲, 就黎爆煲.)

4) 佢話佢冇唔負責任, 但佢而家返屋企連眼尾都冇"哨"下個仔, 就算個仔訓左, 你都可以打開門裝下, 但我唔見得佢有咁做... (可能佢好攰呢, 有您照顧個仔佢放晒心, 係呢次無睇佢, 唔係日日卦)

5) 當然我都有為對仔而付出, 因為我都係為頭家好, 所以好多野我都自己頂住....但我都只係一個女人而己...(您留意下好多既我我我 )

唔好怪我直, 您 c6 係有唔啱之處 (不過似乎係男人通病), facebook 事件屬真屬假仍然係兩睇, 唔好武斷住. 但我覺得您係一個難頂o既女人, 您 c6 對住您會抖唔到氣, 睇完o係小巴果段我 O 咀, 您重覺得自己好啱. 您最後果段所形容為佢為個家做 mud 做 mud 我覺得 99% 女人都會咁做, 有咩咁偉大, 淒涼在 d 咩, 重點係您忽略佢存在, 自我放大得好緊要, d 脾氣一浪接一浪, 再係咁, 個家點會留得住佢.

私人傳訊

imaikoya

大宅

積分: 1473

17^#

發表於 10-6-10 04:12 |只看該作者

我覺得妳冇俾機會先生講野

私人傳訊

canies

翡翠宮

積分: 97130

18^#

發表於 10-6-10 04:59 |只看該作者

點解響小巴咁啱見都老公唔叫埋佢一齊切糕餅嘅？？

你地關係都好差。。比小朋友放在眼內都唔多好，，，
你搵日心平氣和同c6傾下喇～

女人口唔講話冇野但成日面黑黑心中有怨最蝕kala。。
因為冇人人你唔出聲而開心。

私人傳訊

mamingyin72

大宅

積分: 4328

畀面勳章

19^#

發表於 10-6-10 05:23 |只看該作者

唔好意思老實講, 我覺得樓主其實都幾難頂

, 只係不斷發脾氣&晦氣去表達不滿, 但又唔講清楚為咩事嬲~ 我係你老公都覺得同你溝通唔到law ~
[佢係有叫我出去食飯, 但冇要求我帶埋對仔去, 我唔去係因為我唔識佢d朋友, 出到去佢又唔自在, 我又冇野講, 咁不如唔好去, 係屋企湊仔或自己搵地方去; 如果我知道佢d朋友有仔女去, 我點會唔帶埋我d仔同其他小朋友玩? 但其實根本佢冇要求過。] 佢無叫你帶對仔去, 你問下佢都得掛? 你都唔肯融合佢嘅圈子, 梗係唔識佢d朋友la, 就算唔識佢d朋友都可以去陪下自己個老公掛?
你對c6嘅態度亦會改變c6對你嘅態度, 我feel到佢依家好似怕咗你咁

無人想日日喺屋企對住一個黑口黑面嘅人ga, 你自己諗清楚la ~

8w1d - 1.68cm
11w5d - 5.15cm
13w2d - 6.3cm
17w5d - 169g
20w5d - 382g
25w5d - 798g
30w5d - 2.86lbs
35w5d - 5.11lbs
38w1d - 5.72lbs
阿 B 喺29/9/2010出世 la ^^ 2.65kg

私人傳訊

jennyleung

子爵府

積分: 13193

20^#

發表於 10-6-10 11:33 |只看該作者

樓主C6成日唔見人, , 點唔發脾氣!!我睇完都嬲, WHY有D男人成個細路咁...咁無責仕心!!!!
一個家庭好唔係單方犧牲, 係大家一起經營, 如果C6係愛太太, 愛孩子, 有D責任心, 唔會咁LOR, 佢連爸爸既角式都做唔好...HUSBAND更唔洗講!

佢個心根本野, 有無第3者都唔關事喇, 想單身都講埋出口, 真係好幼稚....

樓主, 你現在既生活有無佢根本無關係, 心死唔好動氣, 好好保重

私人傳訊

12 3

跳至頁

返回列表

上一主題 • 下一主題

回覆

發帖

頻道

討論區

夫婦情感今日: 0|主題: 42753

瀏覽過的版塊

頻道

討論區

熱門搜尋：

夫婦情感 今日: 0|主題: 42753

瀏覽過的版塊

夫婦情感今日: 0|主題: 42753