自由講場今日: 93|主題: 1360118

收藏本版

發帖

返回列表

跳至頁

查看: 670 | 回覆: 1

慘痛經歷 part 2 - 唔老實同不負責任的agent [複製鏈接]

cc媽媽

等待驗證會員

積分: 110

1^#

發表於 10-6-30 14:35 |只看該作者 |倒序瀏覽 |打印

除左個不知所謂的工人外, 個agent (青衣海悅花園地鋪, 愛x僱傭中心, 戴x如小姐) 都好有唔老實同不負責任, 事件如下:

• 個agent sell依個印傭俾我, 話岩岩15分鐘前有資料, 個工人係香港做左6年野, 頭2年係西貢 (因為完約), 後4年係青衣 (因為長期服務金), 完左約去左澳門做左一個月 (因為太太失業無收入叫佢resign), 全部都係湊小孩…我覺得個工人好有經驗, 背景清白

• 於是即場同個工人web cam (個工人係澳門僱傭訓練中心), 問佢湊小朋友的野佢又識, 中英文都ok, 就請左佢, 我就無再拿個工人個張履歷表睇

• 第2日我同個agent講要聯絡返個工人的前僱主, 之後一星期佢無再覆我, 我再追問時, 就話”個工人轉左張電話咭, 無左紀錄呀”, 咁就不了了之

• 個半月後, 個工人認左自己借$, 但係一期都無還過 (由2009年12月開始), 因為佢原來係青衣做左4年野完約後, 去左筲萁灣照顧一個老人家4個月就被人抄左!

• 抄左後佢自己去申請澳門工作証去左澳門一間芬蘭浴做waitress!

• 做左一星期又俾人抄左, 佢就搵返澳門agent搵女傭工

• 我話返俾個agent聽, 佢”話”一d都唔知情!

• 2星期後, 個工人話要請假, 我打去問個agent意見, 大家講左萬一個工人要即走, 我會係佢公司收工前搵佢 (夜晚8點前)

• 結果個工人真係要走, 我夜晚7點40分打俾個agent, 佢竟然話”我係屋企啦, 我好累呀, 你聽日先帶佢落黎攪手續啦!” 但係個agent係住係公司對面馬路 (青衣翠怡花園1x座), 行過黎只係2分鐘!

• 到第2日, 我講明我係唔會俾1個月代通知金個工人, 我認為我有合理原因即時解僱佢, 唔需要賠$俾佢

• 個agent不斷游說我賠$俾個工人, 話上勞工處調解好麻煩, 又要上幾次court, 又話通常香港人勝算好低, 哂$, 哂時間……..etc, 我堅持唔俾

• 第2日, 個agent打俾我, 話個工人要去勞工處告我

• 個晚我就約埋個工人去agent到再傾多一次, 我就勸個工人resign, 等佢個履歷表的record好d, 容易再搵工
• 個工人都話考慮, 但係個agent起勢同佢講”你梗係叫太太抄你啦, 你可以拿多個月$!”

• 我就話個agent 個工人自己有自己的選擇, 個agent 發哂din 講”佢有咩權揀呀, 我先有權幫佢揀, 你唔抄佢賠一個月, 我邊有agency fee袋呀! (個工人仲爭佢2個月)”

• “你唔賠俾個工人, 佢返到印尼, 我一樣追佢數, 佢無$還, 搵埋佢d屋企人!”

• 最後傾完一輪我都決定賠, 我開左張劃線支票俾個工人, 等佢過戶口時有個record, 個工人都同意

• 個agent不斷說我開張唔劃線支票, 我唔肯, 佢發哂din講”你開張劃線支票, 個工人一入銀行戶口轉頭過$返印尼, 我咪乜$都收唔到!”

• 最後我都唔想再煩, 我都再開過張新的支票俾個工人

• 第2日我同個工人傾機票的野, 佢話俾我聽係個agent叫佢去勞工處告我, 佢地先拿到一個月代通知金!

依件事教訓我:
• 以後唔好貪方便搵附近的agent, 一定要搵人介紹

• 一定要keep住個工人的履歷表同工人的passport出入境紀錄的copy, 到時個agent有咩唔老實可以去有關機構告佢

• 有咩同工人的conflict傾唔掂, 直接打去勞工處問, 勞工處每段對話都有錄音, 佢地唔會亂講野, 唔好盡信個agent

• 個agent同個工人可能夾埋屈僱主$, 所以唔好講咁多細節俾agent聽, 有野可以問下其他agent / 有請工人的朋友