婆媳關係

收藏本版
發帖
返回列表
跳至頁

首頁
1

尾頁
   0
spicymama


伯爵府

積分: 17862


1#
發表於 10-7-11 06:38 |只看該作者
我同我BF係同居左13年,其實呢幾年都想計劃會結婚,話說幾個月前我驗左有左BB,一心諗住快啲排期註冊,跟住我未來99就同我BF講話會比筆錢佢做首期買樓等我地兩個自己供,但係近排我同左我未來99講話結左婚之後會過一至兩年後先出番去做野,我奶奶聽完之後就隔左幾日同我個BF講話層樓會加埋我BF呀哥個名,即係唔會有我個名,我BF同我解釋就話佢呀媽既用意係想兩兄弟一齊夾手夾腳快啲供完,然後再買個第二層樓再一齊供,(呢個都唔係最緊要,因為筆錢係佢呀媽,我自己都覺得好合理無理由會有我個名),但係但係呢件事我同左我呀媽講,佢極大反應,仲覺得好似我BF既屋企人恰我,所以我呀媽死都反對我同我BF註冊,我其實都好明白呀媽都係為左我著想,但我未來99一聽到話我生左之後唔做野就即刻同我講話: [ 妳唔做野,唔通等我個仔一個人養3個呀. ] 跟住我就同佢講話遲一兩年會做番野,跟住佢又講: [ 妳識臭BB咩,妳生個喇,到時歲幾既BB邊個理呀,不如咁啦,我幫妳臭啦,妳生完抖一陣就出去搵野做. ] 跟住我就即時火都黎埋,衝口而出講左一句話,我會交比呀媽臭,跟住佢就即時黑面,而呢件事之後我就係我BF口中先知道原來佢呀媽想早啲退休(未來99 50歲),拎埋筆退休金出黎比我BF做首期買樓,然之後我地兩個出去做野,每個 月比番佢幾千蚊臭BB,放假果日可以臭番BB出黎接番自己屋企住.........我依家真係好擔心,因為呢件事攪到我地兩家好似有啲不和,而我呀媽都因為呢件事,同埋我講左比佢知我未來99想我早啲出番去做野既呢件事,攪到我呀媽對我BF既媽咪有好差既印象........依家都唔知點算,我自己係度諗,婚就一定要結既,但係有個甘既未來99,好驚第時生完之後佢會勸我BF接走呀B比佢臭,而係呢件事度,我呀媽當然會尊重我既決定,但係佢對我BF全家既印象都係極差,第時都唔知點算,再講我呀媽講到明話無人臭個BB,佢會幫我臭,甘日後肯定我既未來99會更加之嬲,而且我同佢既關係會肯定越黎越差,初時我未來99聽到我有左佢係好開心,但係佢近排講埋啲野同埋做啲野出黎令我覺得佢有小小黑人憎,仲有我自己本身都係好怕同老人家相處既人,第時如果佢成日話要上黎我地度睇呀B我都唔知點算.....!
私人傳訊

kayingivy


伯爵府

積分: 18129

好媽媽勳章 醒目開學勳章


2#
發表於 10-7-11 10:11 |只看該作者
大前提係，你bf掂諗先

私人傳訊

wong_cat


男爵府

積分: 8844

畀面勳章


3#
發表於 10-7-11 11:18 |只看該作者
自己湊咪一了百了囉, 唔買樓咪租, 對於bb黎講, 媽咪一定親過麻麻, 之前你都決定左你自己湊, 未來奶奶應阻你唔到
如果俾你媽咪湊唔俾99湊佢實唔鍾意啦, 所以最好自己湊返, 同埋小d返媽咪度呻啦, 你都唔想媽咪對佢地成見咁深, 咪同d fd呻下算囉
私人傳訊

ckat


侯爵府

積分: 20081


4#
發表於 10-7-11 11:51 |只看該作者
我諗你地都係唔好住係你未來99間屋, 即係唔好要佢俾首期, 原因:
1. 退休金 (佢D老本, 留返佢自己洗)
2. 其實你未來99的諗法唔係唔好, 不過佢自己有D一廂情願, 佢願意用佢D退休金FOR你地買樓首期證明佢都好照顧你地, 佢俾哂D錢你, 佢都會擔心自己日後生活
3. 一開始大家就無了解雙方諗法, 所以大家都誤解左, 我估你99都唔開心, 因為同佢預期有好大出入, 其實佢又唔係錯
4. 如果我係你, 我都唔想日後生活同99有太多關聯, 所以結婚買樓都最好自己攪掂

私人傳訊

rubyplk


水晶宮

積分: 70794

玩具勳章 好媽媽勳章 醒目開學勳章 畀面勳章 有「營」勳章 貢獻勳章 2011精緻種植勳章 環保接龍勳章 大廚勳章 hashtag影視迷勳章


5#
發表於 10-7-11 13:08 |只看該作者
如果你想自己揍/比婆婆揍, 就唔好要99出首期買樓, 無論有無你個名都好!!! 無錢比就租, 佢都要顧下佢未來既生活!!! 果D基本上係佢既養老金, 需然係佢一雙情願幫你地, 但係佢都係為左個仔, 唔係你!!! 當然你亞媽都係為左你先咁緊張~
老人家做做下野無野做, 會好唔習慣, 我62就係70歲退休之後成日都亂諗野, 又成日無啦啦喊... 自從二伯比左兩個仔6299揍, 佢先開心番晒~~
一來你99退休之後就會無所事事, 所以想有個寄託, 二來佢幫你揍BB都叫做有收入, 點都多過D家用, 仲有唔知你地會唔會比家用, 養BB要好多錢, 萬一你地比唔到, 佢都唔知食乜...
所以都唔怪得晒佢
私人傳訊

ricecooking


水晶宮

積分: 55151


6#
發表於 10-7-11 13:20 |只看該作者
係啦, 如果而家都咁多顧慮, 不如唔好要99的首期, 自己買樓或租樓(再申請公屋)算啦, d 錢始終都係佢老本, 留返佢自己養老你地第日見面都可以客客氣氣無拖無欠, 好過你第日好似虧欠左佢咁, 唔比bb佢湊又唔好意思, 可以的話都係靠自己吧!
私人傳訊

canies


翡翠宮

積分: 97140


7#
發表於 10-7-11 14:07 |只看該作者
咁你老公點睇？

佢負擔到成頭家租金洗用等等嗎？
<a href="http://lilypie.com/"><img src="http://lilypie.com/pic/2010/02/26/jFSJ.jpg" width="100" height="80" border="0" alt="Lilypie - Personal picture" /><img src="http://lb4f.lilypie.com/eb6op8.png" width="400" height="80" border="0" alt="Lilypie Fourth Birthday tickers" /></a>
私人傳訊

mother904


翡翠宮

積分: 81178

畀面勳章


8#
發表於 10-7-11 22:44 |只看該作者
原帖由 ckat 於 10-7-11 11:51 發表
如果我係你, 我都唔想日後生活同99有太多關聯, 所以結婚買樓都最好自己攪掂


agree x 10000
私人傳訊

心抱


子爵府

積分: 13095

好媽媽勳章 醒目開學勳章 畀面勳章


9#
發表於 10-7-11 22:52 |只看該作者
如果你同99講吾要佢首期買樓喇, 留返俾佢養老用, 佢無理由反對卦??
再者, 要吾要99既首期, 都係要養佢老人家GA啦, 咁無謂無端端受左佢老人家恩惠而自己被人拖住行一世
私人傳訊

BBelaineBaby


民房

積分: 22


10#
發表於 10-7-12 00:41 |只看該作者
你99都幾自以為是，好似好為您們著想，但根本全部都係佢自己的意思，佢都沒有尊重過您囉，LEE個世界個個都係平等，就算佢係長輩都好，我覺得大家都應該有商有量LOR，佢自己已經PLAN好曬日後既事，欠在要您點頭而已，SAY NO咪同您反面LOR，如果係我我都生氣啦，BB係你懷您生的，我想您話頭1,2年唔做野都係想全力湊BB(而唔係偷懶想唔做野)，因為BB響LEE段時期係重要的，亦長大得好快，相信每個父母都想看住自己的小朋友在自己的照顧下一天一天成長吧?!而唔係到小朋友大個問，媽媽我1,2歲既時候係點架，您只能答佢，我都唔知呀，因為您都唔係我湊，而係交左比Grandma湊既~~"
唉...lee類99最麻煩，我99都係好自以為是既人，自己認為啱就要去做，亦強迫您要佢比你既野，唔要，佢有時會發脾氣，但亦一定一定會用好哀怨的表情對住您，令到您愧疚至死~~"
anyway,都係一句，最緊要您老公支持您，唔係要佢唔要自己mummy，但要對事不對人lor，唔係到頭來生埋個bb，您更加會過得更苦!

您自己mummy就要慢慢開解佢喇，因為佢都係疼您，唔想您過得唔開心，會比人蝦，要比信心佢您日後同bb的生活都係開心既，那佢對你未來老公的成見都會減少吧?!right?!^^

講得太長，唔知你明唔明，希望各位唔好介意啦^^
私人傳訊

幸福黃太太


公爵府

積分: 28558

分享愛


11#
發表於 10-7-12 01:10 |只看該作者
成件事你bf有乜意見??
我覺得你唔好要你99 d首期, 同你 bf 自己靠自己, 唔買咪租, 你宜家同你 bf 住係邊先 ?? (唔係同99住就得易攪)
第時bb出世照自己湊, 等bb大左比自己媽咪湊, 宜家bb未出世都咁多問題, 第時你如果真係比你99湊, 問題只會更多, 關係只會更上差~~
私人傳訊

fattymama


伯爵府

積分: 16331


12#
發表於 10-7-12 10:32 |只看該作者
俾我一定唔會要佢d錢.要咗第時就煩,退休金都埋你,你地咪要負責佢生養死葬兼同佢住?諗吓都
仲有,供樓點解要同佢細路一齊供?又係盞攞黎煩.租樓住,自已揍,樂得清靜.

[ 本帖最後由 fattymama 於 10-7-13 19:00 編輯 ]
私人傳訊

Doraemon_ng


伯爵府

積分: 16277

好媽媽勳章


13#
發表於 10-7-12 10:55 |只看該作者
del

[ 本帖最後由 Doraemon_ng 於 10-7-12 10:58 編輯 ]
私人傳訊

Doraemon_ng


伯爵府

積分: 16277

好媽媽勳章


14#
發表於 10-7-12 10:55 |只看該作者
樓主:

忠實意見, 唔好用奶奶d 錢去供另一層樓, 仲要係無你名既樓呀~我已經係一個人版, 仲衰得好慘tim....

而家99 都咁對你, 咩都佢自己話晒事, 到將來, 你實無位置企, 連少少意見都無架啦~

當年我地用99層公屋, 去換居屋, 同佢細仔+我老公+我一齊供, 一齊住. 當初齊齊供時, 曾口頭協議:供剩五年左右, 我地唔供, 儲錢自己搬出去, 層樓留俾佢細囝. 但後來, 佢細囝一時意氣(工作上), 遲左份工, 又搞左好耐先揾到, 咁既情況下, 我地當然繼續供落去.

到左層樓供剩兩三年時, 我有左細囝, 我地睇埋樓要搬出去, 點知佢細囝一聽下, 話要結婚即刻搬走, 佢老婆又話唔肯同老人家住(但我奶奶一心一意係想同佢細囝及我大囡住的), 咁既情況下, 咁我地唯有唔搬同老人家住. 但問題就發生了. 佢話我趕走佢細囝, 佢又離間我同大囡既關係. 又離間我大囡同我細囝既關係. 令姐弟關係差; 又同我老公講我壞話, 務求令我老公婆嘈交, 破壞我地關係; 又要自己話晒事, 包括我大囡將來(揀小學等), 最後搞到我大囡要見社工做心理輔導 (而家仲做緊).

雖然目前, 我地一家已知曉佢奸計, 但無奈層樓係佢個名, 我地面臨隨時無得住(佢已搬出去租屋住, 地點近佢細囝).

所以奉勸樓主一句, 三思呀~ 我唔想多一個慘事重演呀~
私人傳訊

Doraemon_ng


伯爵府

積分: 16277

好媽媽勳章


15#
發表於 10-7-12 10:55 |只看該作者
del

[ 本帖最後由 Doraemon_ng 於 10-7-12 10:58 編輯 ]
私人傳訊

shannnb


水晶宮

積分: 59166


16#
發表於 10-7-12 10:59 |只看該作者
千其唔好中99計呀
用佢d退休金做首期
以後佢咩事 大小2便 都要你地負責!
而且佢一心plan好晒, 完全唔盡你地有意見, 到時下下都話 我羅錢出黎點點點...你地宜家唔就佢就係衰人!!!
私人傳訊

ccling69


大宅

積分: 1285


17#
發表於 10-7-12 13:44 |只看該作者
你唔要她的錢買樓就唔駛咁煩, 你同你bf的新生活要點plan是你地話事, 你想湊仔唔做野, 對bb永遠最好, 只是搵少兩年錢, 唔夠錢買樓, 租住先, 要搵人幫都搵自己阿媽, 有什麼原因要送樓比人又唔寫你名, 基本上結了婚, 你同你老公是同一人來, 不然為什麼要結婚. 你想下如果你有錢送層樓比奶奶但只落奶奶同她個仔名, 但老爺仲健在, 你話老爺會點想, 玩野呀?一係全部人名都唔好落, 未結先玩分化, 多謝啦, 唔係咁多奶奶識做, 收左層樓你第時即使自己湊bb她都好大機會會幫你plan你的日常事. 唔駛介意你媽同奶奶有心病, 你媽當然登你唔底, 如果同奶奶住面左左, 返阿媽度, 如果分開住, 奶奶中上來, 你唔比key她就無事, 未生未結婚前同bf講清楚希望他會幫你做什麼, 有什麼責任, 住邊度, 你坐月邊個幫手.
私人傳訊

onon1022


子爵府

積分: 12596

好媽媽勳章


18#
發表於 10-7-12 13:54 |只看該作者
其實都要睇埋你男友既意思...當然如果經濟許可...自己全職湊小朋友當然係最好啦...同埋首期買樓都係用自己既錢好D...



[url=http://lilypie.com][img]
私人傳訊

mi032280


男爵府

積分: 5306


19#
發表於 10-7-13 18:39 |只看該作者
1) 我覺得你唔好要你99 d $$ la...話晒係佢d 退休金, 無謂la, 寧願租樓住loh

2)我覺得你99知道你生左唔做野, 有d 甘激
0既反應都正常woh...生仔真係要用好多$$ ga....依家hk經濟環境又唔係好好, touchwood 講句, 如果你老公無野做, 你有份工做, 都起碼有人頂住頭家ar...我有個fd 真係生左唔做野, 佢老公又比人炒左, 幾個月都搵唔到野做, 又無咩儲蓄...依家佢地真係成日問人借$$, 甘就無謂la...

3) 你唔好同你阿ma 呻甘多la...我由結婚前到依家, 不論係6299定老公d 野, 好多野都隔過渣先同阿ma講ga...唔係要你講大話, 而係大家好過d loh...同埋你同阿ma 呻得多, 佢對你老公都會唔好, 何苦呢?
私人傳訊


首頁
1

尾頁

跳至頁
返回列表
回覆
發帖
Presslogic Logo
Baby Kingdom Logo
聯絡管理員 廣告查詢 使用條款 免責聲明 使用意見

Copyright © 2026 Baby-Kingdom.com Limited. | Privacy Policy