夫婦情感今日: 6|主題: 42762

收藏本版

發帖

返回列表

跳至頁

查看: 1545 | 回覆: 8

老公今日為咗自己同奶奶吵大鑊,俾你會點面對? [複製鏈接]

michelle0101

民房

積分: 87

1^#

發表於 05-5-29 03:44 |只看該作者

老公今日為咗自己同奶奶吵大鑊,俾你會點面對?

好大鑊!我未見過我老公咁樣同我奶奶嘈,仲好惡想打人咁款.
事源我有咗bb之後,因一路都唔係咁穩定,唔可以上落樓梯所以搬咗去樓下奶奶度方便照應 (我哋住村屋樓上樓下),一直以來我奶奶都當D仔好似小朋友,樣樣嘢都要幫人安排好,其實我同老公都唔鍾意.

自從搬咗落去之後,我奶奶就日日都要整早餐我,仲日日都安排埋下午茶,湯水等. 我知佢係為我好, 其實我同老公都唔想麻煩到奶奶,有D咩我自己整得LA, 但係唔要佢整又好似唔領情, 點知其實可能我奶奶有d說話俾我老公聽, 我老公知奶奶根本可能覺得煩唔想整,仲有少少說話講好似要服侍我咁,我老公巳經谷住,覺得我奶奶小氣, 因為我哋都無要求我奶奶服侍我, 而我老公知我根本唔鍾意使人, 唔鍾意麻煩人, 老公覺得奶奶既然唔想做可以唔做,唔使好似做到廿四考奶奶咁,但又要暗地裡唔高興. 反之客客氣氣樣樣嘢我哋自己嚟, 大家又唔會俾到壓力大家咪仲好!

仲有依家食飯要一齊食, 我老公一來覺得佢屋企煮飯好悶,唔啱佢胃口, 二來佢覺得而家我有咗BB,食嘢要小心D,涼嘢唔好食,佢屋企煮飯又就唔到我,成日煮D我唔食得既嘢,好似curry,苦瓜,仲有d涼嘢等, 我老公通常叫我唔好食,但我奶奶唔likey,佢覺得咩都食得,仲咩要介口,成日就為咗我食得唔食得嘈.

我哋要請工人, 我哋自己巳經安排緊,我其實之前都巳經同奶奶講過我妹個friend做agent幫我搵緊,點知佢今日同我老公講叫我哋唔好搵,話我老公姑姐搵個friend幫我哋搵咗一個, 我老公好唔likey,因為工人係我哋用,雖然知道佢姑姐出於一番好意,但係始終佢啱心水,未必我哋啱心水, 又唔知佢姑姐同人交情點, 萬一到時我哋唔鍾意想換人, 又唔知佢姑姐會唔會唔likey, 又或者佢可能同個firend難交待. 但如果我哋自己請, 唔ok我哋點換都得,唔使考慮咁多嘢!

好似醫生要我唔好行咁多, 因為我胎盤低要小心d, 我老公要我响屋企多d休息,要行係屋企週圍行吓就好la,但係我奶奶就成日同我老公講,要我老公同我去出面行,最好行斜坡上天橋,再走番落嚟,我老公覺得好煩,如果我可以走上走落天橋就唔使上唔到自己屋企訓, 我知我奶奶想我做多d運動, 但係佢又無諗過我暫時唔係咁適合, 我老公都同佢講過醫生既advice, 佢好似講極都唔明, 仲日日都"鵝"你去行天橋.
我老公係好緊張個bb,可能我之前陀得唔係咁好搞到成日見紅,仲勁到好似人哋嚟m咁, 佢巳經要好小心我, 點知我奶奶仲時不時叫我返大陸食嘢,我老公覺得佢亞媽好似唔知我成日見紅,唔知發生咩事咁(其實佢知ka.因為我成日見紅要call白車入院) 我老公聽到叫我返大陸不知幾驚, 萬一返到大陸有咩事點算, 點去醫院?????

就係因為咁, 我老公將所有嘢今日一次過發洩晒出嚟!同我奶奶嘈得好緊要, 我老公覺得好煩, 又覺得我奶奶控制佢既生活,而事實上我都覺得我奶奶可以俾多d自由d仔,畢竟佢都大個,都成三十幾la,自己想點有自己打算, 唔使咁粗心!!今日佢哋嘈得咁緊要我都在場, 我只有cry住叫我老公唔好嘈, 點知越嘈越勁, 我未見過我老公咁樣同我奶奶嘈,因為佢一向都好聽我老爺奶奶話,多過聽我話. 我都唔知可以點, 跟住見我老公好似嬲到想打人咁, 我只好叫我奶奶番自己room休息,唔好再同老公嘈. 之後我都唔夠膽同老公講d咩,剩係好錫佢咁攬住佢, 佢休息咗陣就同我出去食飯, 我哋好夜等老爺奶奶訓咗先番去. 而今晚我老公就自己番上自己屋企, 我就响奶奶度, 其實老公都巳經過咗氣, 不過唔知點面對奶奶, 最後我決定老公返自己屋企, 暫時等大家冷靜吓先, 但明天見到奶奶我都唔知點面對, 因為老公同奶奶嘈, 都係因為我, 我都唔知可以點, 可唔可以幫吓我!!!

私人傳訊

Sanho

洋房

積分: 403

2^#

發表於 05-5-29 07:43 |只看該作者

Re: 老公今日為

我覺得你唔使擔心咁多, 因為佢地係兩母子, 唔會有隔夜仇, 至多叫你老公送番樣野俾佢當陪罪, 或者心平氣和坐低講一次好appreciate佢既關心, 不過唔適合你既情況, 佢明就明, 唔明都冇辦法.

如果你最初搬近你奶奶係想佢照顧到你, 但又做唔到呢種效果, 可唔可以搬番自己屋企? 反正佢煮d野你又唔岩食, 或者叫個工人早d黎囉.

私人傳訊

bettylam

珍珠宮

積分: 32359

醒目開學勳章畀面勳章

3^#

發表於 05-5-29 08:40 |只看該作者

Re: 老公今日為

Dear michelle:

放心啦！仔女係自己架，無隔夜仇，轉頭攬到攪頸嚇親你添！更何況你講到你老公甘孝順．將來到你親身做人父母才真正領悟到為人在父母者眼中，仔女永遠是他們含辛茹苦帶大的，永遠長不大的小孩子呵！　

既然奶奶處甘多野吾岩你，見議你搬番上自己層樓，仔女緣份來得自然，反正樣樣謹慎小心，吾會因為上多一層樓梯就出問題架，相信你和老公衝量過一定比現在好啊！相見好，同住難，反正大家思想，時代吾同，隔膜，代溝在所不免啦！

如有得罪，請怒我直言．
祝順利誕下小可愛．

betty