大仔大女媽媽會

收藏本版
發帖
返回列表
跳至頁

首頁
1

尾頁
   0
曳媽咪！


大宅

積分: 2174


1#
發表於 05-5-30 15:48 |只看該作者

Toobykan (Monday) 事件始末

曳媽咪！(Helen Lo) 就 Toobykan (Monday) 事件始末之解說

我係04年12月攪左一個小型聖誕聚會，參加的10月媽咪之中有小倩、shirleyshek夫婦及toobykan夫婦等，全部都係第一次見面的，亦係我第一次見 Monday 及簡生。
(http://www.baby-kingdom.com/modules/newbb/viewtopic.php?mode=viewtopic&topic_id=237610&forum=79&start=110&viewmode=flat&order=1)

及後我妹妹由聚會相片之中認得簡生原來係她中學同學，令我覺得世界真細，及後更得知Monday夫婦與我住得頗近，從而令我與 Monday 之間的友情增厚。平時偶有相約去街飲茶，一直都無特別問題出現過，我對 Monday 既信任就由此起。

直至05年1月31日攪小肥羊團年派對聚會，呢次聚會，小倩及她老公都好熱心地為好多位媽咪們影合照留念。亦都好開心會有咁多媽咪出席。

及後我與小倩就被各媽咪們投標後推舉為0410既副主席及主席了。

因為1月份聚會既反應不錯，不少媽媽都想每一個月都攪一次聚會，安排一個給媽咪們見下面傾計既派對，從此就由我與小倩負責攪每月聚會了，同時有不少媽媽都好熱心示意可以幫手的，包括Monday。

05年3月26日攪復活節派對聚會，事前Monday一直表現得好積極，與我、小倩及其他幫手既媽咪們相處上都無問題。聚會數天前仲同我講話到當日會給我一個小驚喜，我不斷追問，佢一直都無回答。
到聚會當日她把好多10月媽咪夾錢買既卡及禮物送比我，果一刻我真係又出奇又感動又好開心，因無唸過會收到任何野，Monday 話係為我係小肥羊聚會補貼找數既少少補償及係10月媽咪們既少少心意，我話點解要媽咪們破費呢。這令我對呢個10月媽咪會更有歸屬感，同時亦令我與 Monday 的友情又增厚了。

到開始唸bb半歲生日 party 點安排，起初由媽媽們決定了於 5月1日舉行，我有事未能出席，但後來再改為5月2日我先出席得到，所以我就又可以幫手攪派對事宜，但其間小倩仔仔病了，而半歲生日又想隆重其事，故我同小倩就開始分配各項工作比熱心參與既媽咪們幫手攪，希望可以攪到一個能令大家難忘既一日。參與的有carolliu、shirelyshek、lui_bb及yoyobb。

而Monday在326派對被譽為禮物小姐，故今次生日派對既籌募禮物部份就打算由她負責，她是欣然地接受的。
其間我有提供了不少bb玩具、bb食用品等公司既聯絡電話給她，她同時告知已做好計劃書 send了去部份物品公司的email address，亦有不少公司已答應送出，獨欠送貨日期，當時令我覺得她處理能力好好，所以我從來都無懷疑過會有變數。


05年4月24日下晝就約埋咁多位幫手攪既媽咪們(有carolliu+老公、Monday +簡生、shirleyshek、lui_bb+老公、yoyobb、小倩+老公、ok(即天使兒))一齊去尖東德興酒樓度視察場地、集合資料、商討細節等等，大家當睇到 Monday 所提供既 sponser list 好長好多真係好驚訝，還指Monday好本事可以搵到好多sponser。
問及送貨實質日期就話有好多都仍然未覆，只有數間公司覆了會何時送貨。
其間 Monday 曾提及過近日胃部有不適，但我不以為意。

及後閒談間告知舊患胃病又好似開始發作，就要返入QE度飲藥，仲話D藥好難飲的，我就問個胃係咩事，佢就話個胃入面有粒 “息”肉，以前為左令佢萎縮而飲藥水飲左半年，仲話萬一依家又覆發的話，好擔心呀女無人照顧云云，我還告知她屋企附近有暫托服務既地方不用擔心。

05年4月25日中午，我致電給Monday告知要盡快再聯絡所有會送出禮物既公司了，安排送貨的會何時出到呢，她一直指未收到任何回覆。跟住還說要返QE飲藥水了，一陣會帶呀女去暫托。因此我叫她給我一份最新 update 的sponser list 給我跟進吧，一心唸住佢胃痛等我接手返，好讓佢可休息一下。她就話要趕出門口，等她回家後才給我。是晚她真的有一份較詳盡既 sponser list，但大部份都無提及聯絡人及電話等重要資料。

05年4月26日下晝，Monday是指要前往QE飲藥水。

05年4月27日1點多，Monday打比我話病情好似有變，要留院唔走得，仲話好唔開心無得一齊返 playgroup，又話唔知呀女係暫托果度點算，又話醫生講可能要做手術云云…… 一副擔心既樣子及聲線，我還在安撫佢無事的，還比支持佢去做手術，等個病唔好拖咁耐對個女會好 d。
Monday佢仲話會叫簡生當晚email份sponser list同埋聯絡人電話等資料比我，有齊晒等我可以跟得到…

點知跟住就搵唔到佢了，電話打過、sms都打過，我亦等左成晚，都無收過任何野及電話。我當時就越唸越擔心，個感覺好驚會病變得好嚴重，我亦不斷同小倩、carolliu等講及佢既情況，大家一齊擔心。另一方面個生日會又就到，無了份資料我好又擔心咁短時安排唔到…

是晚我仍然不斷致電簡生電話 (以前Monday 給我的)，sms她們倆公婆，好想知Monday 佢既病況如何，叫他點都覆一個電話或sms我吧…

05年4月28日上午，我實在不能再等下去了，我立刻找 carolliu 幫忙去重新嘗試按Monday早前給我的sponser list度跟進，忙左成個下晝先發現有大部份公司都話從來無收過住何 email、計劃書等等，令到我同 carolliu 都莫明奇妙地撲個空！
但為了生日會點可以無禮物收到的大前題下，我同carolliu暫沒理到Monday 既情況，重頭重新做過所有聯絡……

到當日下晝6點几，突然收到Monday既一個令我好嬲又令我好擔心既sms：~
“剛做完手術，很辛苦，不可和你通話，對不起，讓我一家安靜地過這生，可不可？”

我無言以對… 亦唔知點好… 係呢一刻我只係更加擔心佢既病好嚴重… 我依然無唸過佢會咁樣呃我！！

及後我還有將呢個sms比小倩、yoyobb、lui_bb及shirleyshek睇，因為地們想知Monday 佢發生咩事，她們都好驚好擔心。

但我仍然有打電話及sms比Monday問及病情，可惜仍然聯絡不上…


直至到05年4月29日半夜，我收到由自稱tooby(簡生的英文名) 送出的pm：
toobykan 寄件時間: 2005-04-2911:40:00
唔好意思我係tooby, 想同你解釋番, 一直無番過屋企, 係醫院訓, 返屋企只係做兩樣野, 洗面同沖涼, 跟住趕去返工, 所以腥唔到野俾你, 每晚去醫院陪monday, 個囡由外母照顧, 而家返工, 才可以腥個msg比你. 真唔好意思, 幫唔到手, 因我自己都攪唔掂呀!monday情況好差, 講唔到野, 我地的溝通只係寫字, 又食唔到野, 由喉管流些流質入胃, 醫生說, 唔知道個胃有孖留, 一直都睇到一個, 所以手術做左13個幾鐘.

好坦白講，我真係相信，係好相信……

跟住就係 Monday 佢開始一個連接一個既大話，一個蓋過一個既大大話！！

05年5月3日我sms個message問候佢，又問佢可唔可以探佢，但佢一直都無回覆過我。
及後我得知原來Monday佢係打過比rabbit_chan2222，我當時好唔開心，點解佢會打比佢而唔打比我的呢？我只係覺得唔係咁開心。
跟住見10月媽咪 rabbit_chan2222 都咁幫Monday 去招集奶粉卷，我就即時響應幫忙了！因我覺得作為朋友更加要幫手！！

因而攪左一個送暖行動，繼而不斷睇到自稱簡生既 post 講說 Monday 既病況慢慢好轉云云… 我個心先開始安樂返 d。因為我係相信有做過手術…

05年5月11日下晝，我足知收到Monday既電話，我以為佢出左院，佢話唔係，佢話佢只係比佢出黎半日交帶做點私人事，仲話求左醫生好耐先有得出黎見下個女，仲話好想帶埋個女黎 playgroup度見下我地 (指ok(現叫天使兒)、carolliu、galsilde、wingtsang)，我問左佢好多次佢得唔得 & 點帶個女黎，佢話推車即，應該無問題… 跟住一陣又話都係唔黎得，突然個胃痛。
所以我好想去探佢，仲話左佢知有好多人都好擔心佢想見下佢，唸住唔想佢周圍走，提出上佢屋企坐下，但佢話因為奶奶唔係咁仲意外人上屋企，所以一放 playgroup後我地就一齊撘的士去Monday 樓下既麥當勞內見面。同行既有carolliu夫婦、ok、ok朋友一齊傾左半個多鐘。

05年5月10日，自稱”簡生”既佢仲出舖屎向我地咁多個攪手講道歉，令到我地個個都相信佢…
(http://www.baby-kingdom.com/modules/newbb/viewtopic.php?mode=viewtopic&topic_id=313112&forum=79&start=30&viewmode=flat&order=1)

跟住05年5月13日零晨12點多，自稱 “簡生”佢用Monday 既ICQ係度仲同我傾左成個鐘，仍不斷講出Monday佢係醫院內既情況比我知，又話而家可以幫我地申請去探佢了，囉向我地囉全名又話申請要4日時間，跟住又話星期日(5月14日)應該會去做手術… 跟住話自己屋企唔知點解上唔到bk，請我幫佢舖出去話比大家知個現況……

跟住件事就跟小倩所講既大致略同…… 16日係 icq 度留言話手術好成功、19日話自己出左院…

05年5月21日下晝，Monday帶同佢一女性朋友上黎我屋企，取走了部份物資，正因為佢上左黎我屋企，我能親眼見到她面色倉白，略為憔悴，佢仲做左好多動作顯示佢唔係咁摺得埋個身體，所以替女換片時要我來代勞。
(( 在此我想向amypekkle講一聲，跟你通話有 d 誤會，我無講過我 “親眼”睇到Monday 腰胸間既傷口，你問我究竟佢係咪真係有開過刀，我係話佢應該係有，因為我見佢個人係摺唔埋，所以由我黎幫佢個女黎換屎片。同埋我當時係仍然相信佢係有做過手術的。所以我無做過拉起佢件衫黎睇下有冇傷口，我做唔出呀。))

直至05年5月24日星期二開始，不斷有好多人一點一點地將 Monday 佢以前既 “行為”講出黎舖出黎，及不斷要求Monday囉出入院証明等既媽咪盼盼表態，情況亦越黎越強硬，而 Monday 佢一直都係向我地肯定地回應佢真係有胃病，但我不斷叫佢囉張 bill 或醫生紙或etc… 佢既回答一直都係話掉左！！ 話自己唔係返緊工囉唔到醫生紙…

跟住就收到小倩既來電，得知Monday竟係 pm 度向0411媽咪kyleung承認自己係單親媽咪，又話自己老公死左、呢個bb唔係由簡生生的！跟住小倩還sent 她們pm對話既copy給我看個夠！！

係呢一刻我地都懷疑，亦都好嬲，點解佢都要呃我地呢？
跟住就扣起剩餘物資唔再比 Monday 取走！！

到後期我地每見到 “新消息” 都有向Monday 係電話度查証的，佢既回應係每一個大話被拆穿後才承認，每一日都認原來又有一個大話！！

我同小倩由初初相信Monday而為佢回應討公道，還即向大臣告知有人被冤枉，就係因為大臣既回覆："只要Monday囉到任何有關入院既証明比佢時，佢就可以刪除有關post 及道歉"，同時亦叫我及小倩都唔好再回覆 post 了。從而令到 Monday 才肯囉出有關 “証物”，加埋身份証copy一併email 比大臣，但原來依然係無任何有關document 係手！
及後有關大臣既所有訊息都係由小倩講我知，因為現不再重覆多提。
(( 其實我並無逃避過，只係大臣叫我唔好再回應了，免得越描越黑而已))

由於到05年5月28日上午，Monday 因為真係囉唔到有力既証明，佢打電話向小倩講 sorry同講出左佢其實無做手術、唔係單親、簡生的確係BB個爸爸，但都無向我講過一聲 sorry！！我個心真係好淡好淡… 點解要用小倩既口黎講比我知即？！跟住carolliu打黎講我知原來係 4月27日至5月19日其間Monday 跟本無住過 QE！！因為carolliu老公直接上了QE查証過！
原來Monday 佢一直只係為釋疑而不斷向我同小倩繼續講大話…

05年5月28日夜晚因為仍然有部份物資係Monday屋企，我想迫 “真正的簡生” 出現，故以取回物資為理由要佢囉上黎我屋企，與小倩及我三人當面對質，同時即通知carolliu，我以仍在點算物資黎唔比佢走，直至等到 carolliu老公、shirleyshek 老公上到黎一齊對質及一齊去警署。
其間我同小倩迫佢出個交代事件既 post 並要講明我曳媽咪同小倩並不是跟你同黨或幫凶！跟住 print 出黎及簽名影相作實。
Carolliu老公及shirleyshek 老公都建意要叫埋 Monday 出黎，再用DV拍底佢真口承認所有說話都係假！跟住我地都迫簡生叫Monday一定要出黎。

跟住到05年5月29日零晨 2點半，shirleyshek都黎到我屋企了，我地所有人一齊去警署報警，告知事件既始末後，當值既警員話無必要報警，只要將收既物品退回返晒比損出黎既人就可以平息到件事，但我同小倩依然堅持要備案。其間shirleyshek都有問Monday 究竟為左 d 咩要咁做，想得知真相。

之後我地到茶餐廳坐底，由carolliu老公用 DV机影住Monday既解釋及講出事實之真相，點知佢到果一刻佢都仲仍然係話自已的的確確係有去過 QE覆診！
我都唔明點解佢到最後呢一刻，真相經己個個都知既呢一刻，佢仍然係度死撐…唔肯面對佢自己所講過既大話！執迷不悔…
有見及此，Carolliu老公每一點每一件事咁問Monday，佢最終都要認佢係無去過 QE…無做過手術，但仍然實牙實齒地講 “咁我真係有胃病架嘛~ 你地信我啦！”

係果一刻我真係好唔開心，因為我一直都真好信佢，先至導致依呢呢個地步。但佢到一直都無好好的向我講聲 SORRY。


正因為 “簡生/toobykan/monday” 種種既解說真係好真，令我相信這位 “簡生/tooykan/monday”，而小倩亦正相信我而令佢自己都好相信 “簡生/toobykan/monday” 向佢所講既全部事都係真，因而係BK內雙雙為 “簡生/toobykan/monday” 而辯護……

因為信錯Monday而錯誤地為佢辯護，呢一點我曳媽咪！係衷心向早前咁多位致歉的，係今次真係做錯晒…



我曳媽咪！(Helen Lo) 誤信 Toobykan (Monday) 而引致大家不便，現深表抱歉。
而各捐贈者所送給 Toobykan 的物品仍在我處，煩請各捐贈者於 6 月10 日前 email 各位的地址到我郵箱，本人謹將物件寄回。
如於 6 月10日後仍未收到捐贈者之地址，捐贈者所送出的物資會轉贈給保良局，同時會要求保良局簽收有關物資清單以茲証明，及後會舖上黎作實。

各捐贈者本出於一番好意去幫助別人，唯將這心意轉贈與保良局。
… 執業全職曳媽咪！ 小樹屋之首席呀四！ …
私人傳訊

大臣


榮譽會員

積分: 9922

母親節2025勳章 2025勳章 2025勳章蛇年勳章 2024年龍年勳章 2023年兔年勳章 虎到金來勳章 牛年勳章 2018母親節勳章 2018父親節勳章 2016畫展勳章 夏天玩到顛 +3金熱血 畀面勳章 BK猜猜猜慶中秋 冬日勳章 春季勳章 炎夏勳章 秋日勳章 hashtag旅遊勳章 hashtag影視迷勳章


2#
發表於 05-5-31 12:29 |只看該作者

Re: Toobykan (Monday) 事件始末

各立會員:

本站日前發生有會員為toobykan籌募嬰兒用品, 事後懷疑被騙事件, 本站雖一直留意跟進, 唯沒有足夠資料作出判斷, 現由部份關心事件的會員分別報警備案, 由警方接手調查, 相信很快會有公正的結果.

本站設立的目的, 為各父母提供平台討論教養子女, 建立會員間互相幫助的氣氛, 但部份人郤藉此機會騙取善良人仕的信任, 從中得到利益. 我們對此感到憤慨及無奈, 亦需為此負上部份責任.

我們意識到親子王國會員越來越多, 品流也越來越雜. 需要更多的規管去維持這裡的治安及平靜, 針對這類騙案而言, 我們決定網站內從今天開始禁止私人性質的籌募捐贈活動, 有關這類活動需先得到親子王國的審批, 否則會立刻刪除有關討論, 再犯者刪除會員資格.

另外有關toobykan事件之討論, 因為警方已接手開始調查, 本站決定封鎖所有討論, 會員亦應停止沒有必要的爭論, 影響調查結果.

親子王國的平靜安穩, 也靠各位的努力, 如對這件的處理及任何意見, 歡迎隨時直接PM本人交流.

親子王國 大臣
現在的國民很好招呼...
私人傳訊


首頁
1

尾頁

跳至頁
返回列表
回覆
發帖
Presslogic Logo
Baby Kingdom Logo
聯絡管理員 廣告查詢 使用條款 免責聲明 使用意見

Copyright © 2025 Baby-Kingdom.com Limited. | Privacy Policy