吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 夫婦情感› 訓唔着

夫婦情感今日: 2|主題: 42779

收藏本版

發帖

返回列表

跳至頁

查看: 1302 | 回覆: 10

訓唔着 [複製鏈接]

manman800800

男爵府

積分: 7569

環保接龍勳章

1^#

發表於 10-8-4 02:46 |只看該作者 |倒序瀏覽 |打印

我個b2個月大，我唔想比我個b99湊，不過我要返工，今日食lunch上咗去(我平時係唔會去)，比我見到99正咗張搖床比阿b，係古老個d一塊布，兩條本係頭同尾，，可能佢平時都係比佢係嗰度訓，條腰有d惰，我同佢講，佢就話無事架，我嗰d個個都係咁大架啦，到放工我再睇清楚d係頭尾都用個鈎掛住條繩，咁我諗到係我個c6上一個月某個星期日返去話要正嘢時正啦，我坐月嗰時已經講咗話唔正得，嘈晒嗰隻，佢仲話都無人話要正，結果...唉，即係欺騙緊我，到走嗰時我都無出聲，佢就係度諗緊嘢，我仲天真倒以為c6係唔知點同我解釋，點知返到屋企，佢問我星期六抱阿b去我媽到，我話我返工返上午，我媽返工返下午，原來係佢阿媽星期六想去旅行，嗰d屋村搞個d一日團，話好平喎。

e個老公係原全當我無到，永遠阿媽第一，真係嘔血。

0 0 0

私人傳訊

pondlily

大宅

積分: 2236

2^#

發表於 10-8-4 10:47 |只看該作者

我覺得你老公都好正常，我地女人會為BB D芝麻綠豆既小事而操心，但男人係唔會架，所以佢無將你見事好放係心囉，而且，佢呀媽幫你照顧BB，係佢角度黎講，你奶奶係付出緊佢既時間同精神，當然要就下佢啦~

對一位老人家來說，每天照顧BB很辛苦，星期六出去玩一日梗係要俾佢出去休息啦，身為媽媽，你星期六梗要黎親子，仲要奶奶照顧?

我朋友就係因為俾佢媽照顧BB，佢呀媽覺得無晒自由，好唔開心，所以同佢地吵架，最終既方法係請工人，之後佢地都生活得好輕鬆，又唔需要同人拗點樣照顧

私人傳訊

heidys

子爵府

積分: 13150

母親節2025勳章 2025勳章蛇年勳章虎到金來勳章 HiPP勳章(1) 好媽媽勳章

3^#

發表於 10-8-4 11:34 |只看該作者

或者當你話唔好整張古老搖床時,提出有咩代替品,咁就唔會出現呢.
C6 顧阿媽就一定架啦. 不過都要作出平衡, 唔好唔尊重你咁囉.

我B仔10月4日出世. 3.78KG
18MTH 15KG,84.5CM
13MTH 13KG,82.5CM
10MTH 12.42KG(連衫)
6MTH 10.08KG,72.5CM
5MTH 9.8KG(連衫)
4MTH 8.73KG,68CM
3.5MTH 8.98KG(連衫)
3MTH 8.4KG(連衫)
2MTH 6.9KG,61.5CM
1MTH 5.2KG

私人傳訊

stesuk

大宅

積分: 3532

醒目開學勳章畀面勳章環保接龍勳章

4^#

發表於 10-8-4 12:48 |只看該作者

原帖由 heidys 於 10-8-4 11:34 發表
或者當你話唔好整張古老搖床時,提出有咩代替品,咁就唔會出現呢.
C6 顧阿媽就一定架啦. 不過都要作出平衡, 唔好唔尊重你咁囉.

咪係lor, 你買張搖床放係你99度, 佢冇理由唔用而繼續用佢果個古老搖床架ma.

私人傳訊

manman800800

男爵府

積分: 7569

環保接龍勳章

5^#

發表於 10-8-4 13:04 |只看該作者

其實我都唔知係我自己轉緊牛角尖，定係d咩原因

想大家比d意見，不過有d長

我同奶奶本身係無問題，但坐月後問題開始，我老公叫佢來我到煮飯比我，基本上係好事，但就日日見問題就開始多:
1.一開始就話阿b出世張阿b帶去佢到
2.早知你唔係用人奶就張阿b帶去佢度
3.滿咗月後張阿b帶去佢嗰度
ps:但我係有產假的
4.我媽放工都有來睇我，同煮嘢比我，但奶奶永遠會話我阿媽d嘢唔同，佢買嗰d係好d (因我媽買d嘢平d，但每個街市個價錢都唔同啦!唔代唔好~我覺得
5.依傢我返咗工啦，阿b就係奶奶到，放工上去食飯，食完飯睇完阿b就走，但奶奶就會有時有D說話比你聽，話你咁唔得啊，無咗麻麻唔得啊...好多好多。

我都唔知係咪佢有以上1.2.3點，所以我成日覺得佢想帶走我個女，所以我唔想比佢湊，但係我MUN返工，幫唔到我，我MUN話幫都唔係依傢，話比奶奶湊特然唔比係唔好，如果我自己湊，就等於無咗份人工，我老公係從來都無比家用我架，因為屋企所有嘢都係佢搞，咁當然家務就係我啦，以前覺得無問題，但依傢就唔得囉，成日會覺第時有咩事，我都可以自己搞點同照顧個女，所以我唔可以唔做嘢，請工人又唔係好放心，我好似好己人憂天咁~唉!

大家試過傾過，架又打過，話唔想比佢啊湊，到最後都係得個嘈字，都係無解決過問題，淨係覺得我唔啱係我小氣。

我只係想佢CARE到我感受即，咩真係咁難咩。

私人傳訊

吱仔與lo仔

珍珠宮

積分: 42723

好媽媽勳章

6^#

發表於 10-8-4 13:24 |只看該作者

老實講我喺你d post度睇唔到你99有咩唔好, 反而覺得佢唔錯, 起碼肯幫你坐月, 煮嘢你食, 又咁肯湊孫~~

睇得出佢好錫你個bb, 其實有好多老人家都講到明唔會湊孫的, 佢肯湊又咁錫, 好過工人湊多多聲啦~~~

佢話你媽咪買d平嘢你食~~~其實有d老人家覺得d嘢嘅靚唔靚同錢係掛勾嘅~~我阿媽都係咁嘅人, 佢地覺得越貴就係越好(可能事實未必啦)其實你聽過咪算囉~~唔駛放心上喎~~同埋, 我覺得佢都係緊你啫!! 想你食好d~~坐好個月~~

我真係睇唔出你99有咩唔好!!! 我覺得佢信你先咁坦白講嘢~~反而我覺得你對佢都幾till till tick tick~~~

原帖由 manman800800 於 10-8-4 13:04 發表
其實我都唔知係我自己轉緊牛角尖，定係d咩原因

想大家比d意見，不過有d長

我同奶奶本身係無問題，但坐月後問題開始，我老公叫佢來我到煮飯比我，基本上係好事，但就日日見問題就開始多:
1.一開始就話阿b出世張阿b帶去佢到
2.早 ...

私人傳訊

anan3388

大宅

積分: 4418

7^#

發表於 10-8-4 13:35 |只看該作者

我咁講可能你唔係咁岩聽, 不過都係我自己既親眼/親身經歷黎
其實有老人家肯揍bb, 係要感激 ga. 你試下掉轉黎諗, 佢絕對有權唔理你唔理bb, 因為佢係阿嫲唔係阿 ma~ 老人家揍小朋友都好辛苦, 帶住買餸煮飯換片餵奶, 仲要同bb玩~
工人揍係少好多衝突, 但係, 你唔知者, 好多俾工人揍, 日日都係俾佢睇電視, 餵飽佢就算自己可以煲電話, 又話思鄉又話唔開心, 以前我工人由我仔自己亂咁按d掣玩佢自己在一邊睇報紙日日係咁! 自己人揍起碼有人同佢講野有人同佢玩, 發展都好 d ga!

你地生之前無傾得清楚就係咁, 現實上你又自己揍唔到 (其實若你自己揍過, 你就知真係唔易做 ga), 唯有向好處諗自我開解一下先. 你老公一時體諒唔到你心情, 亦可以理解, 因為佢都亂哂龍, 一個係老婆一個係阿媽仲要顧個 bb 又要返工... 我諗你真係要學識隻眼開隻眼閉, 凡事向好處諗, 要知若要人似你, 除非兩個你, 你奶奶都係女人, 揍bb辛苦都要人 tum ga, 一屋個個都要人 tum, 係辛苦左自己, 但若你自己行出一步睇開左, 咁屋企正能量多左, 氣氛好左, 你會慢慢發覺, d野其實都唔係咁難頂者~

到大家心情好d, 找日約老公出黎拍下拖, 心平氣和咁傾下偈~慢慢地, 拍多幾次拖, 或者可以互相體諒到多d呢

笑多d啦~ 生左bb係好值得開心同享受, 唔駛擔心, 個bb 係你既, 無人可以搶走 ga! 同自己講, bb多個人錫係佢既福氣, 你都想佢多福氣 ga! 為左個家, 辛苦d都要 ga la, 加油!

私人傳訊

manman800800

男爵府

積分: 7569

環保接龍勳章

8^#

發表於 10-8-4 14:14 |只看該作者

其實我都明老人家要湊小朋友唔係易，依樣嘢我係明，不過斬時未識認，加上佢有另外一個孫，由細個湊到3歲，佢阿媽係大陸人，之後個仔3歲先來到香港，佢哋一家同我奶奶一家係一齊住，但唔知點解個小朋友會打佢自己個阿媽，我好自然又會諗係咪阿麻教(其實可能唔係)，個小朋友依傢都10歲，其哋兩個家庭都分開咗住，但個小朋友都係要阿麻，唔多采佢阿媽，佢見到自己阿媽都唔多鍾意，我自己好驚我個B第日都係咁對我，
又覺得個老公唔明白我。

所以自己都成日覺得好煩，都唔知自己想點，都無晒主見

私人傳訊

heidys

子爵府

積分: 13150

母親節2025勳章 2025勳章蛇年勳章虎到金來勳章 HiPP勳章(1) 好媽媽勳章

9^#

發表於 10-8-4 14:33 |只看該作者

或者樓主心結在於有人想搶佢個B. 無奈又無辦法自己湊. 又唔係一齊住, 又要留阿B在99度過夜.

不過老人家係咁架喎. 中意話個孫痴自己. 我都不斷送高帽比我99戴. 等佢湊得有滿足感, 辛苦得黎開心. 我都要靠佢比心機湊BB架. 因為都係唔捨得份糧. 不過好在我地一齊住, 晚晚我都同BB玩, 等佢都肯痴我.

解決辦法係在99度留夜D, 爭取時間在BB腦中留印象. 到BB讀書, 就可以湊佢回家訓. 到時就無人搶到BB架啦. 剛剛生左2個月, 係可能多野諗D. 不過最緊要睇得開, RELAX~

私人傳訊

APPLEFUFG714

複式洋房

積分: 246

10^#

發表於 10-8-4 14:36 |只看該作者

放鬆啲啦,你個B而家先得2個月,唻梗嗰幾十年點過呀?做媳婦見到奶奶揍自己個B…大部份都睇唔過眼架啦,但係你有啲地方冇諗過…
1. 你奶奶用咁嘅方法揍仔都揍大晒,佢梗係唔會覺得有問題,而且你老公而家咪健健康康咁企係度?
2. 你應該慶幸你奶奶仲有魄力幫你揍B!
3. 你老公呃你都係孝道唻架,唔通你想佢同奶奶唔開心咩?佢可以孝順佢阿媽,對你阿媽都唔會衰得去邊啦!?
4. 你老公唔一早同你和盤托出,係佢了解你,你太緊張喇。