論盡家傭 今日: 0 | 主題: 134091

積分: 5323

1^#

發表於 10-8-23 12:44 |只看該作者 |倒序瀏覽 |打印

一星期前開始覺得工人唔多掂，同bk媽咪呻完，本來諗住同佢當晚傾，點知佢又正常返。但係呢2日又有野我睇唔過眼！c6仲要爭住個工人，令我更加激氣。以下係過去2日發生既事︰

case 1: 星期六晚朋友一家黎我家玩，已經唔駛佢煮飯，我地叫外賣，我已比平時煑多左飯，但都唔夠食(已每人一碗，我同工人每人半琬，我地一向食開呢個份量，而我幫工人裝飯亦有問佢夠唔夠)，咁工人食完c6係咁叫佢再食多d，一陣等d新煮既飯好後再食多d，工人在c6面前就話唔駛啦夠飽(ps.佢係同我地同枱食飯)。到等飯熟時c6同朋友落街買野飲，d飯呢個時後煮好，點知工人又走返去廚房拎碗筷出黎坐在我同朋友太太面前食過，唔點知解我好反感。到c6佢地買野飲返黎，原來預埋工人都有一份，俾佢照舊連句thank you 都無。

食完我地睇電視，10點工人走去沖涼，10:15 入左房瞓，客人都未走佢死入去瞓(全部動作無問過我)，我個b那晚夜左瞓，仲同朋友b玩緊，都未瞓，朋友又有2件細b，原來佢無諗過幫手....

case 2: 星期六同佢去食kfc 又唔駛佢煮，買完返黎先同我講佢同朋友明天又係kfc 慶祝生日，仲對住d kfc 苦笑，咁我咪好心話我有一大張kfc coupons，俾佢又係連thank you 都無句。

case 3: 星期日放假佢同佢d fd 補慶祝佢生日，我早几日正日同佢慶祝左。佢竟然遲返，以往佢唔會早返過5分鐘，但一定唔會遲過9點，點知原來生日大晒，9:21分先返，又無個電話，雖唔係話好遲，但我好嬲... 我入左房陪b瞓，c6等佢門，佢入黎只對c6講sorry 遲左，無講原因，佢以為我瞓左，今朝無同我講佢遲到，以為我唔知。

同c6講佢話返我轉頭，幫住晒工人，係咪我咁麻煩？我真係覺得工人好無禮貌... 我係咪要同工人講佢遲返等佢知我care？我有人質在佢手唔敢話佢亦從無話佢，但屈住我真係好唔開心!

0 0 0

私人傳訊

lun0715

積分: 6624

2^#

發表於 10-8-23 13:11 |只看該作者

我之前同佢個 case 一樣, 又是個 C6 幫住晒, 所以個姐姐咩都同 C6講, 完成當我透明, 比我炳佐佢一餐, 點知 C6 知道之後, 又是話我吾是太大件事, 就有佢, 個姐姐之後就成日以為有人撐, 直頭越來越過份, 有日我終於在姐姐面前大炳我 C6, 話如果佢再是咁, 我就即刻抄鬼佐佢, 以後姐姐的事吾到佢理, 我 C6 見我炳得佢咁勁, 即刻收晒, 仲是姐姐面前講, 以後有咩事都吾好同佢講, 要問太太, 太太話咩就咩, 之後姐姐就吾敢

私人傳訊

jesswing

積分: 2843

好媽媽勳章

3^#

發表於 10-8-23 13:52 |只看該作者

樓主你睇開d啦, 好多工人都係o甘冇禮貌.

你果個工人係咪印印o黎.

我個印都係o甘冇禮貌, 有時同佢一齊揍個女返playgroup, 經過7仔or麥記會買野飲, 會買多支俾佢, 佢從來都唔會say thank you, 接左飲就算. 平時俾生果佢食, 佢好似老憑, 唔會say 多謝.

早上見到我地都唔會叫morning. 我地返工, 佢1個人同bb係屋企, 奶奶or婆婆o黎, 佢見到人都唔會叫人, 開左門就入廚房做野or 講電話.

平時放假都好準時返, 但有時都會遲3-4個"字", 都係唔會解釋. 入左屋, 就入房攞野沖涼.

有時c6係書房睇書, 度門閂左, 佢都唔會扣門, 照開入去.

佢大人大姐, 我實在好難好似阿媽教仔o甘教佢何謂禮貌

原帖由 lady++ 於 10-8-23 12:44 發表
一星期前開始覺得工人唔多掂，同bk媽咪呻完，本來諗住同佢當晚傾，點知佢又正常返。但係呢2日又有野我睇唔過眼！c6仲要爭住個工人，令我更加激氣。以下係過去2日發生既事︰

case 1: 星期六晚朋友一家黎我家玩，已經唔駛佢煮飯，我地 ...

私人傳訊

積分: 5323

4^#

發表於 10-8-23 14:29 |只看該作者

原帖由 lun0715 於 10-8-23 13:11 發表
我之前同佢個 case 一樣, 又是個 C6 幫住晒, 所以個姐姐咩都同 C6講, 完成當我透明, 比我炳佐佢一餐, 點知 C6 知道之後, 又是話我吾是太大件事, 就有佢, 個姐姐之後就成日以為有人撐, 直頭越來越過份, 有日我終於在 ...

你c6肯讓步都好丫，我個個有時生活上有唔同意見，我發覺有工人在場佢死都要同我嘈，根本就係在工人面前攞威。

食緊飯bb 扭計，c6 夠胆死叫我食快d 幫手睇bb，唔會叫工人睇架，試過几次後我唔理佢，佢竟然自己唔食住走去睇b都叫個工人繼續食。終於有次我發火，在99家佢又係叫我快d食完去睇b，我差d拍枱面黑話:"依家我係咪工人呀？"跟住c6咪自己睇返b都唔叫工人睇囉，你話激唔激死

就係c6對工人太好，見佢好似累就叫佢休息，縱到工人夠胆我在家都死上床休息！買咩都預工人一份，咁可能工人覺得我地當佢係一家人囉

[ 本帖最後由 lady++ 於 10-8-23 14:30 編輯 ]

私人傳訊

積分: 5323

5^#

發表於 10-8-23 14:32 |只看該作者

原帖由 jesswing 於 10-8-23 13:52 發表
樓主你睇開d啦, 好多工人都係o甘冇禮貌.

你果個工人係咪印印o黎.

我個印都係o甘冇禮貌, 有時同佢一齊揍個女返playgroup, 經過7仔or麥記會買野飲, 會買多支俾佢, 佢從來都唔會say thank you, 接左飲就算. 平時俾 ...

我個件係賓。你講既無禮貌行為，全部都在我賓姐身上搵到，只係佢無傾電話同躱入廚房。

私人傳訊

hinghing22

複式洋房

積分: 198

6^#

發表於 10-8-23 14:35 |只看該作者

真係懶左d喎, 菲or印?幾多歲?
我個都會做少少表面功夫既, 但都一樣. 62&99會間中過黎睇大細仔, 佢頭1次2次會問我62,99要唔要水, 佢地唔要, 第3次就唔會再問

私人傳訊

積分: 5323

7^#

發表於 10-8-23 15:00 |只看該作者

原帖由 hinghing22 於 10-8-23 14:35 發表
真係懶左d喎, 菲or印?幾多歲?
我個都會做少少表面功夫既, 但都一樣. 62&99會間中過黎睇大細仔, 佢頭1次2次會問我62,99要唔要水, 佢地唔要, 第3次就唔會再問 ...

菲，3x歲都唔化~

你個個都會問丫，我個個由一黎做時，有客人黎都唔會招呼人架，要叫佢先郁囉。

私人傳訊

MamaAlice

洋房

積分: 97

8^#

發表於 10-8-23 15:16 |只看該作者

呢個係唔係第一個工人呀?下個唔好"咁種",自己辛苦!!

私人傳訊

積分: 5323

9^#

發表於 10-8-23 16:53 |只看該作者

原帖由 MamaAlice 於 10-8-23 15:16 發表
呢個係唔係第一個工人呀?下個唔好"咁種",自己辛苦!!

係第一個

c6話你對人好人對你好，一黎就同人講當一家人… 依家你對人好，佢咪變成咁囉。

我下次請工人唔會再縱架啦

私人傳訊

pig_2006

積分: 1051

10^#

發表於 10-8-23 17:21 |只看該作者

既然你明知佢係一個唔會say thank you嘅人, 又唔helpful, 咁點解唔炒佢呢, 就算唔炒, 又點解要同佢celebrate生日, 又比kfc coupon佢咁好呢, 咪自己囉來唔開心, 對呢d工人唔使對佢咁好喎, 佢當你無到, 你咪當佢透明囉.....係咪

私人傳訊

chaklongma

積分: 5958

11^#

發表於 10-8-23 22:46 |只看該作者

如果我c6係咁, 我一定剷咗佢上天花板
幫個工人幫到咁
我自問對工人都好好, 但唔會縱工人
佢做得好, 我有好野一定預佢
佢唔好, 毛都唔會比一條佢~~

私人傳訊

sophielau

禁止訪問

積分: 3915

12^#

發表於 10-8-24 00:44 |只看該作者

提示: 作者被禁止或刪除內容自動屏蔽

私人傳訊

幸福黃太太

公爵府

積分: 28558

分享愛

13^#

發表於 10-8-24 04:14 |只看該作者

男人係咁嫁喇~~ 成日覺得呢d冇乜大不了, 好似係女人多事咁!~~

私人傳訊

積分: 5323

14^#

發表於 10-8-24 11:45 |只看該作者

原帖由 pig_2006 於 10-8-23 17:21 發表
既然你明知佢係一個唔會say thank you嘅人, 又唔helpful, 咁點解唔炒佢呢, 就算唔炒, 又點解要同佢celebrate生日, 又比kfc coupon佢咁好呢, 咪自己囉來唔開心, 對呢d工人唔使對佢咁好喎, 佢當你無到, 你咪當佢透明囉 ...

因為我有個bb在佢手，依家又大肚，佢可能以為我無左佢唔得… 唔知佢係咪想我抄佢。

我唔明點解啱啱先做滿一年，就即刻變晒，以前唔駛我操心既事，依家要我忍唔住話佢。唔知關唔關佢呢個月出左3個星期日事，因為星期日佢會約佢d fd 去街，星期六就去boarding house休息....

[ 本帖最後由 lady++ 於 10-8-24 12:12 編輯 ]

私人傳訊

積分: 5323

15^#

發表於 10-8-24 11:58 |只看該作者

我真係被工人激到喊

琴晚一返到屋企，我入房放低野，聲到廳傳出拍枱聲，係工人在bb面前拍張bb膠枱打拍子玩拷撃樂，拍到嘭嘭聲懶有節奏咁，我即刻在房叫出去:" xxx(佢個名) stop stop stop! don't teach bb hitting the table"

跟住叫佢入廚房煮飯先，跟住平時佢煮左白飯會問我沖唔沖涼先，點知佢入左去好耐開始準備晚飯，我又見bb塊片濕到好鬼重都唔換，咪叫佢出黎幫bb 玩左片先。

跟住佢成晚無表情，我同佢講野唔會回應我，咁我咪唔同佢講野囉。同c6講被工人激，都未講咩事，佢第一句就話"係你將小事化大"，跟住唔聽去左返工。我真係被佢2個激到喊

私人傳訊

Vinell

別墅

積分: 845

16^#

發表於 10-8-24 12:24 |只看該作者

lady++, 你注意身體為重, 盡量同自己講為了肚裡孩子,唔好太唔開心...得閒同人呻下, 總之唔好覺得自己處理有問題.

咁就唔放星期日, 放星期六比佢, 佢要求放星期日時, 就同佢講發覺佢放星期日返來之後表現差了,所以只有表現好才可放星期日...

請佢食嘢, 唔識多謝無禮貌, 就只包三餐...其餘唔包..我會要求工人主動同我講早晨
晚安.(晚安都真係睇佢心情)..但早晨唔記得講, 我出糧時或週末會提佢注意...同佢講：我要你作孩子的好榜樣有禮貌,所以我都會要求孩子早上見到你時同你講早晨..晚安.

工人真係唔可以太縱, 我現在呢件賓都係碰著她來上工時,我唔係度一星期...返到來, 完全唔似樣..C6原來都唔出聲要求佢..佢初來時間屋仲亂過無工人(無工人我地會自己做).我返家後三四日都仲亂, 忍無可忍問佢究竟我們返工佢做什麼? 佢一面無奈講做了這樣那樣,無樣跟我時間表,做完又唔多覺(幫我間房抹塵),囝囝衣服三天都無洗.通屋都掛滿衫無收衫....所以現在執都好煩, 佢覺得多野做...這星期尾我放假自已執"佢"...>_<

我都試過以前個賓同我講, 先生話....我立即好惡回佢: "先生means nothing!".因為佢覺得先生好,所以都唔擔心佢會唔理老公的東西..

工人的野男人唔會明白, 除非無我們佢同佢地對於一星期, 只得佢同亞B, 佢可能有機會feel 到....但我同自己講無理由因為C6同工人問題而犧牲囝囝...總之唔好比工人覺得先生大聲過你. 佢要對工人好我們無辦法, 但點都要工人知道邊個先話得事, I mean 佢的去留好福利.

私人傳訊

積分: 5323

17^#

發表於 10-8-24 15:17 |只看該作者

原帖由 Vinell 於 10-8-24 12:24 發表
lady++, 你注意身體為重, 盡量同自己講為了肚裡孩子,唔好太唔開心...得閒同人呻下, 總之唔好覺得自己處理有問題.

咁就唔放星期日, 放星期六比佢, 佢要求放星期日時, 就同佢講發覺佢放星期日返來之後表現差了,所以 ...

多謝你。我會在呢個月出糧時同佢傾，如無改善，我只有另覓人選。我都唔想為左工生個脾氣b/苦瓜b出黎。

私人傳訊

pig_2006

積分: 1051

18^#

發表於 10-8-24 15:31 |只看該作者

若然你未生得嘅, 就揾過個工人啦, 睇佢都好想多做架啦, 亦唔聽你支笛, 何必要自己辛苦呢, 男人就係咁架啦, 咩都唔理, 放工回家只想可以靜靜地relax, 唔想為些少事而煩, 所以做老婆亦要體諒老公嘅, 若你有權話事, 咁咪揾新人, 然後炒舊工人吧

私人傳訊

kingkingmui

積分: 4673

19^#

發表於 10-8-24 16:48 |只看該作者

樓主,

保重身體! 工人的事, 你可以同c6講好, 係你負責, 工人食/飲/餵bb食反...都是你去安排. 工人見到你同c6對住佢有意見不合, 佢就係你同c6之間搵著數(專揀對自己有利的方式去做事).

私人傳訊

BBTWIN