吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 自由講場› 噚日我仔覆診(過度活躍症),轉咗葯,個仔變咗另一個人... ...

自由講場今日: 366|主題: 1349067

收藏本版

發帖

返回列表

跳至頁

查看: 39314 | 回覆: 450

噚日我仔覆診(過度活躍症),轉咗葯,個仔變咗另一個人... [複製鏈接]

12 3 4 5...23

~仔仔媽咪~

水晶宮

積分: 51912

1^#

發表於 10-1-5 10:26 |只看該作者 |倒序瀏覽 |打印

如果有睇開我之前講嗰囝D問題既'論文'(我都知我長篇大論得好緊要...),就會知我仔平時有幾恐怖....噚日醫生同我囝轉咗葯,我仔嗰下大變身真係令我有D驚...

噚日我仔覆診,醫生終於同我仔轉咗食concerta(長效嗰隻)喇~~~覆完診我俾我仔食一粒concerta至番學,結果到我四五點接佢放學,佢模範生到我有D驚......!!!

我去到學校禮堂-------->我係見到個仔坐定定又衣着整齊咁响樹好專心做緊功課!!!
(平時佢响學校周圍彈周圍爬周圍走架,次次接佢放學件校服必定黑哂兼夾恤衫fea咗一半出黎唔休褲,仲要我全校搜索搵仔至接到個仔放學==")

之後我同佢一齊去撘車過海去公公屋企--------->佢全程都好MAN好成熟,行路好正常好斯文同靜,無再無啦啦係咁傻笑笑唔停/周圍走,等車時企又企得四正,見有空位坐又無好似平時咁睇都唔睇人咁衝撞埋去坐,反而係勁斯文又好小心睇住人地至坐低,仲坐得好靚.

去到公公屋企仲驚...叫佢開壇做功課---------->超級完全地合作,平時佢會一味叫苦連天扭哂話要抖'陣'先(邊會真係一陣吖....),點知噚日佢係即叫即做,仲要自動自覺,好有心機做好功課,連寫copybook,佢都真係好小心好仔細咁一筆筆咁去學寫,絕無馬虎;

噚日我係開始要求佢限時完成功課,原本我係set咗做中文補充做一頁要响十五分鐘內完成,我仔竟然能夠响九分鐘內完成,仲要做既時候真係好精靈有用腦,好多答案唔駛我教佢自行答對!

跟住做完兩本功課,我原以為佢會借機又話要抖想搏大霧唔做'英文課本查字典'(真係要查兩版,即係一個故事內所有生字),我同個仔講話不如俾佢先休息五分鐘至做,點知我仔竟然話-------->"我想做埋佢先呀!"

嗰下積極態度我發夢都夢唔到~~~

仲要噚日全日我講任何野,每字每句我仔都竟然聽哂入耳,仲要好有反應有哂feedback~~~

隻葯真係似乎好堅,但個仔模範生度咁既程度,仲要平時D ADHD惡頂野唔見哂,完全變咗另一個人,好似我湊錯仔番黎咁,我係有D驚同唔習慣囉!佢咁正常,我反而好掛住佢平時嗰隻款...不過呢頭諗,嗰頭夜晚十點同佢番屋企,佢又是打回原形---->又是傻傻地!

[ 本帖最後由 ~仔仔媽咪~ 於 10-1-5 10:29 編輯 ]

0 0 0

私人傳訊

VKwan

珍珠宮

積分: 38391

2^#

發表於 10-1-5 10:33 |只看該作者

其實食藥變化咁大，即是隻藥好勁啦，有冇副作用架？

私人傳訊

fungfungmami

男爵府

積分: 6636

3^#

發表於 10-1-5 10:35 |只看該作者

咁未好囉

我個仔去評估中心評估度係嚴重adhd..
但無講過食藥要點？

私人傳訊

丁丁*

大宅

積分: 4703

好媽媽勳章醒目開學勳章

4^#

發表於 10-1-5 10:36 |只看該作者

仔仔媽,
醫生轉隻藥比妳仔仔前, 有冇同妳講 d 小朋友食咗呢隻藥會點 ?
不過隻藥令到阿仔有咁大轉變, 真係好神奇啊 !

hello hello ~~

私人傳訊

~仔仔媽咪~

水晶宮

積分: 51912

5^#

發表於 10-1-5 10:37 |只看該作者

原帖由 VKwan 於 10-1-5 10:33 發表
其實食藥變化咁大，即是隻藥好勁啦，有冇副作用架？

隻葯係臨床係寫咗成篇論文咁長既副作用...不過好睇個人體質,唔係個個食咗都有齊所有副作用囉...最多人講而又最擔心既副作用就係食咗會:

成日作嘔作悶,無胃口,所以唔高唔長肉,會暴瘦
會抽筋(聽過朋友講話佢囝試過全身抽筋入院)
個人會好呆滯(我都唔知個仔噚日嗰隻模範生係咪等於呆滯)
會失眠

不過暫時我仔都無話唔舒服,但佢噚日第一次食長效葯,個表現180度變仲要加分嗰隻,我係有D驚囉~~~

好可怕~~~

私人傳訊

ABBC

子爵府

積分: 13533

6^#

發表於 10-1-5 10:38 |只看該作者

原帖由 VKwan 於 10-1-5 10:33 發表
其實食藥變化咁大，即是隻藥好勁啦，有冇副作用架？

係喇~~我都擔心隻藥咁...仔仔會唔會有副作用呀??

樓主~要問清楚醫生好~

私人傳訊

acbeans

翡翠宮

積分: 99873

醒目開學勳章畀面勳章

7^#

發表於 10-1-5 10:40 |只看該作者

隻藥一藥力過咗就打回原形架啦

mouth:

私人傳訊

~仔仔媽咪~

水晶宮

積分: 51912

8^#

發表於 10-1-5 10:43 |只看該作者

原帖由 fungfungmami 於 10-1-5 10:35 發表
咁未好囉
我個仔去評估中心評估度係嚴重adhd..
但無講過食藥要點？

呢隻葯係長效葯,一日食一粒,番學前食,可以維持到12小時.

之前政府D醫生C都唔俾呢隻葯我仔食架,因為隻葯好貴,出面葯房配要廿幾蚊一粒,之前都係俾最平嗰隻葯(ritalin),一日要食三次,每次一粒,仲要葯效過咗D回彈問題會好勁,仲衰過未食葯之前,,,之前我仔車爆咗同學仔個頭都係皆因D葯力啱啱過咗.........

不過我都擔心依家我仔轉食呢隻葯又會好快食純咗,佢依家先得十一歲,小四生,仲有漫長既學生生涯要過,我怕去到中學個仔已經食到最高劑量都無效時,無葯可以禁得住佢D問題,雖則聽人講話我地呢班小朋友去到十四五歲,醫生會停葯,話D小朋友大個咗會正常番無咁活躍,但係都有呢樣擔心.

私人傳訊

starry^.^

伯爵府

積分: 18633

好媽媽勳章畀面勳章睛靈勳章

9^#

發表於 10-1-5 10:46 |只看該作者

仔仔媽媽,

Hi ^.^ 好耐無同你傾啦!

唔洗擔心! 食新藥頭一個星期 (甚至頭一個月) 都係適應期, 當仔仔習慣咗會慢慢好d既喇. 到時你又會習慣d呢 hehe....其實食藥就係想咁正常d之麻, 係唔係??

原帖由 ~仔仔媽咪~ 於 10-1-5 10:26 發表
如果有睇開我之前講嗰囝D問題既'論文'(我都知我長篇大論得好緊要...),就會知我仔平時有幾恐怖....噚日醫生同我囝轉咗葯,我仔嗰下大變身真係令我有D驚...

噚日我仔覆診,醫生終於同我仔轉咗食concerta(長效 ...

私人傳訊

SimSim媽咪

大宅

積分: 1906

好媽媽勳章醒目開學勳章畀面勳章環保接龍勳章 BK Milk勳章

10^#

發表於 10-1-5 10:46 |只看該作者

仔仔媽咪,

我仔都好似有呢啲徵狀(過度活躍証), 我可以帶佢去邊度評估呢?謝謝

私人傳訊

~仔仔媽咪~

水晶宮

積分: 51912

11^#

發表於 10-1-5 10:47 |只看該作者

原帖由 ABBC 於 10-1-5 10:38 發表

係喇~~我都擔心隻藥咁...仔仔會唔會有副作用呀?? 樓主~要問清楚醫生好~

噚日我都問咗呀,個醫生話隻葯基本上係我仔之前食嗰隻既長效版黎,係同一隻葯,佢話如果我仔之前食"三個鐘食一次'嗰隻葯都無副作用,咁食呢隻長效既都唔會有喎~~~

隻葯之前我都有上網search過黎睇,除咗有我之前講嗰堆副作用外,咪話長期食會傷肝囉.都無計,唔食我仔又係失控係咁出事,我仔對住我就話我點都會頂得住佢啫,但番到學校老師真係搞佢唔掂...始終都要食.

私人傳訊

aryee

大宅

積分: 1629

12^#

發表於 10-1-5 10:47 |只看該作者

如果無咩大副作用都食得過，醫生點講﹖

私人傳訊

heichunmum

禁止訪問

積分: 67964

13^#

發表於 10-1-5 10:48 |只看該作者

提示: 作者被禁止或刪除內容自動屏蔽

私人傳訊

~仔仔媽咪~

水晶宮

積分: 51912

14^#

發表於 10-1-5 10:50 |只看該作者

原帖由 starry^.^ 於 10-1-5 10:46 發表
仔仔媽媽,

Hi ^.^ 好耐無同你傾啦!

唔洗擔心! 食新藥頭一個星期 (甚至頭一個月) 都係適應期, 當仔仔習慣咗會慢慢好d既喇. 到時你又會習慣d呢 hehe....其實食藥就係想咁正常d之麻, 係唔係??

...

HI~~~^___^好耐無見喇~~~近來好嘛~~~!

我都知~不過可能過去十年我都對慣咗一隻曳貓,突然變咗隻乖貓番黎,嗰下我未適應到啫~~~噚日佢乖成咁,我個心係初時好驚喜,跟住開始驚,and then開始有掛住'曳貓仔'(我仔未食葯前個樣)既感覺,真係掛到有點兒想喊架!個心又好矛盾~~~

mouth:

私人傳訊

webjen

珍珠宮

積分: 45713

15^#

發表於 10-1-5 10:50 |只看該作者

我有個教友個仔又係有呢個問題,佢講我知我都唔信,佢個仔好斯文,唔多講野,仲幫手係祭台做輔祭! 佢話只因有睇醫生食藥,以前未發現時有一段艱難日子!

我把平安留給你們，我將我的平安賜給你們；我所賜給你們的，不像世界所賜的一樣。你心裏不要煩亂，也不要膽怯。(若 14:27)
Happy moments, praise God. Difficult moments, seek God. Quiet moments, worship God. Painful moments, trust God. Every moment, thank God!!!

私人傳訊

~仔仔媽咪~

水晶宮

積分: 51912

16^#

發表於 10-1-5 11:00 |只看該作者

原帖由 SimSim媽咪 於 10-1-5 10:46 發表
仔仔媽咪,

我仔都好似有呢啲徵狀(過度活躍証), 我可以帶佢去邊度評估呢?謝謝

查實可以去政府度排期囉,要自己先搵醫生(出面普通診所都可以架喇)睇咗囝囝先,然後要求醫生寫封信話囝囝有ADHD既徵狀,需要進一步評估(記得睇之前先問清楚醫生肯唔肯寫呢封信先),然後打去政府兒童智力測驗中心度同姑娘講,然後排期約見,不過政府依家太多新症輪候緊,我朋友個女暑假前開始排,政府話要佢排到去2011年...=="

最快有得睇當然係去私家度做評估啦,不過費用都好貴,依家一般出面嗰D全面性評估要成四五千蚊架,我仔之前個私家治療師都有評估,算叫做係全面評估啦,佢就收千幾蚊囉,但唔會包報告,只會評估咗口頭同家長講小朋友有咩問題,如果你有興趣,可以PM問我攞既.不過事先聲明,個治療師本身係言語治療師,只係佢有埋兒童心理學同感統等資格,所以佢至有得做評估同做其他言語治療外既訓練(治療).

私人傳訊

starry^.^

伯爵府

積分: 18633

好媽媽勳章畀面勳章睛靈勳章

17^#

發表於 10-1-5 11:01 |只看該作者

仔仔媽媽,

慢慢嚟啦! 我初時都唔適應, 都有你既感覺. 而家阿仔每次加藥 or 轉藥, 我都會盡量慢慢去調適, 如果可以既學校一放長假期, 我會唔比藥佢食.

原帖由 ~仔仔媽咪~ 於 10-1-5 10:50 發表

HI~~~^___^好耐無見喇~~~近來好嘛~~~!

我都知~不過可能過去十年我都對慣咗一隻曳貓,突然變咗隻乖貓番黎,嗰下我未適應到啫~~~噚日佢乖成咁,我個心係初時好驚喜,跟住開始驚,and then開始有掛住'曳貓仔'(我仔未食葯 ...

私人傳訊

starry^.^

伯爵府

積分: 18633

好媽媽勳章畀面勳章睛靈勳章

18^#

發表於 10-1-5 11:02 |只看該作者

webjen,

真係有苦自己知!!

原帖由 webjen 於 10-1-5 10:50 發表
我有個教友個仔又係有呢個問題,佢講我知我都唔信,佢個仔好斯文,唔多講野,仲幫手係祭台做輔祭! 佢話只因有睇醫生食藥,以前未發現時有一段艱難日子!

私人傳訊

~仔仔媽咪~

水晶宮

積分: 51912

19^#

發表於 10-1-5 11:05 |只看該作者

原帖由 heichunmum 於 10-1-5 10:48 發表
我之前睇Discovery channel都布介紹呢隻藥，同利他能都係受管制精神科藥物，呢隻應該係for專注力，希望收回ａ仔散晒的心，希望佢地可以集中去做一件事，節目訪問過一個小朋友，佢已經十多歲，食藥同唔食藥真係差好遠，唔食藥其實佢自己 ...

查實真係有苦自己知,呢D苦只有佢地呢班小朋友同我地家長至會明同理解囉.有時外人眼中我地呢班係曳仔甚至乎係俾大人縱容出黎既壞孩子,但講真有邊個父母想自己仔女係壞孩子同得了呢堆罪名呢?始終教仔唔係做騷,有時我地仆心仆命教,人地只係睇到我地個仔點失控點癲點整親人,反而睇唔到亦唔明白我地點教,嗰下委屈只好我地班小朋友食哂囉.

依家都係試葯階段,睇我仔受唔受呢隻葯囉,如果日後連呢隻葯都搞佢唔掂,可能又要轉葯.