吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 婆媳關係› 感慨......

婆媳關係今日: 1|主題: 27782

收藏本版

發帖

返回列表

跳至頁

查看: 1647 | 回覆: 10

感慨...... [複製鏈接]

asyura

複式洋房

積分: 455

1^#

發表於 10-9-1 12:02 |只看該作者 |倒序瀏覽 |打印

我媽同佢99, 即我祖母, 係同住的
婆媳關係極度惡劣
我睇住我媽由對佢百般忍讓, 到今日對佢不聞不問.......一方面我為佢終於識反抗而開心, 另一方面為左佢呢三十幾年來所受既委屈而心酸
除左99惡頂, 又係有唯恐天下不亂既姑9姑姐, 再加個十級愚孝既老公
影響係.....除左我媽生活得唔開心, 我童年都過得彷如一場惡夢
今時今日我祖母身體大不如前, 我阿媽都唔會問候佢半句, 旁人眼中(我祖母好鐘意家事四圍唱)我地可能好冷血好不孝, 但我唔介意, 只有受過苦既人先明白

有時睇到祖母咁........可能呢個世界真係有報應

當日我外婆病重, 佢唔俾我媽盡孝, 搞到我媽係外婆臨死前幾日先有機會好好服侍佢走埋最後一段路, 我知我媽呢世都唔會原諒佢

今日到佢自己病, 佢個班孝順仔女都來得好疏, 冇工返既都唔多來睇佢

如果佢當年唔係咁刻薄我媽 (都刻薄我, 佢既衰野不能盡錄), 今日佢至少有個新抱照顧佢

咁多年來, 佢既惡行亦都令我爸由十級愚孝, 到近年開始醒, 亦對佢大不如前

亦因為呢啲"童年陰影", 令我對婆媳關係睇法都比較灰, 到自己時, 都傾向同99保持距離, 始終冇法子交個心出來

一段婆媳關係處理得唔好, 除左影響婆媳、夫婦, 亦好影響祖孫、父女關係........到要修補時, 又已經太遲.......

0 0 0

私人傳訊

帕子寶

大宅

積分: 1492

2^#

發表於 10-9-1 12:19 |只看該作者

係0架, 當初你為佢一家著想, 處處忍讓, 到頭來得到d乜?好d0既, 一鼻子灰, 衰d0既, 俾說話你聽, 甚至講是講非, 搞風搞雨!你俾個心出0黎, 原來唔係人人受0架!!咁不如慳返啖氣, 關心自己, 對自己好d!
唔係未試過關心, 係關心多幾次, 出過幾次力, 原來唔得討好0既, 無謂令自己難堪! 留返d心力去對待善待我0既人!!!

私人傳訊

蜜棗

子爵府

積分: 11426

睛靈勳章畀面勳章 BK Milk勳章

3^#

發表於 10-9-1 12:24 |只看該作者

回覆 1# asyura 的文章

AGREE
我都係有呢種陰影.我媽咪都係受盡99欺凌,每年新年,新正頭,我都見倒我亞嫲鬧我亞媽,我亞爸仲要唔出聲,最慘我亞爸愚孝之餘仲要好多嘢係我亞爸屈我亞媽搞到我亞媽比人鬧.

我亞嫲又係重男輕女,我諗佢死嗰日都唔知叫咩名.佢只會記住佢自己D男孫或者佢個囡D囡D名.

我....路人甲而已.有年新年,我媽咪又比亞嫲鬧,我特登過去阻住佢,重大聲咁:媽咪我'MEET'粒朱古力比你食!!
我見媽咪好開心,因為我得嗰二年班都識得幚亞媽解圍.點知亞嫲同我講:你錫媽咪都唔錫爸爸.

我係一個細路女,佢都可以因為粒朱古力同我計!

到佢臨終前,佢病到死去活來,我都覺得係報應.

到到宜家我只係拜過佢一次,我覺得冇必要.
媽咪喺我哋仲細時,成日同我講,將來我一定唔會比你99虾你,媽咪屋企永遠有床比你哋返外家.
雖然到咗宜家,佢成日叫我唔好同我99鬥氣.但最終有事時,媽咪都係咁幚我.

我宜家有個大囡,我都好驚佢將來又係比99虾,有時諗埋一邊,情願個囡唔好結婚.但我縱使結,我都會同佢講返我亞媽同我講嘅同一句話:屋企永遠有床有房比你住.

爆愛車縫作

私人傳訊

美亞

禁止發言

積分: 16954

4^#

發表於 10-9-1 13:11 |只看該作者

提示: 作者被禁止或刪除內容自動屏蔽

私人傳訊

tantanmama

公爵府

積分: 28711

虎到金來勳章牛年勳章 HiPP勳章(1) 2018復活節勳章環保接龍勳章 wyeth冷知識勳章 BK Milk勳章 DHA勳章育兒性格勳章開心吸收勳章

5^#

發表於 10-9-1 13:59 |只看該作者

原帖由蜜棗於 10-9-1 12:24 發表
AGREE
....媽咪喺我哋仲細時,成日同我講,將來我一定唔會比你99虾你,媽咪屋企永遠有床比你哋返外家....

我媽都有同我講過, 外家永遠保留一間房俾我, 隨時可以番去住.
我得一個女, 我好希望可以買層樓俾佢做嫁妝, 細細地都好, 萬一將來有需要, 佢都可以有個地方透透氣.

私人傳訊

asyura

複式洋房

積分: 455

6^#

發表於 10-9-2 09:40 |只看該作者

有次我係99到受左啲氣, c6又激我, 同爸媽食食下飯爸媽問起啲野, 搞到我忍唔住喊
爸爸都話過類似屋企永遠有個位留俾我的說話, 我好感動
由細到大因為祖母的關係, 我同爸爸的關係都好疏離
因為祖母最鐘意挑撥離間, 搞到幾個仔女甚至兒孫間都有不和或者有心病
我祖母好後生守寡, 唔知係咪咁心理好變態, 亦都十級偏心

而我爸咁樣同我講時, 我媽話: 當日我係你屋企受左氣, 我爸 (即我外公)都有講過類似的話, 跟住我爸無言.........

男人, 或者要到自己女日後有類似遭遇時先會明白, 做人新抱有幾艱難?

其實祖母曾經因為某啲原因俾人送左去老人院, 後尾佢既仔女又帶返佢出來, 佢又繼續住我地到.................

個時我地都好嬲, 但個時我地都仲細未識反抗, 如果而家再上演一次, 我會換晒屋企既鎖佢.........

根本冇人鐘意同佢住, 其實我父母已經係最孝順佢的了, 係佢自己唔珍惜, 仲成日鬧佢地

現階段唔會送佢去老人院住, 其實我媽雖然對佢不聞不問, 但佢唔忍心要佢去老人院........不過如果祖母病情惡化, 咁都一定會送, 因為全部人都返工, 根本冇人照顧到佢......而家有個鐘點來煮野俾佢食, 但再嚴重的話就唔得了.......

到時邊個反對邊個接佢返去照顧!!! 呢點我地幾兄弟姊妹都有共識的了!!

呢到好多新抱受的氣我媽都受過, 佢重俾我祖母同佢啲女打過, 甚至試過要跪係到斟茶認錯 (但其實佢冇錯)..........你地講得岩, 我媽係為左佢既仔女先忍住冇離婚冇自殺, 所以我而家大個點對媽媽好, 都冇法報佢對我既養育之恩

亦因為咁, 我都提醒自己要做個硬淨同有本事既人, 至少自己養得起自己, 唔駛靠人, 更加唔怕離婚呢樣野

但呢種心結, 我覺得唔多唔少都影響左我同99之間既關係..........其實佢都好好, 但我地畢竟係唔同背景既人, 加上佢係咩都鐘意挑剔一番、咩都要俾意見 (但啲意見可能係超廢甚至完全唔make sense, 但又覺得自己好有道理, 會重複又重複)既人, 所以我好容易少少事就發忟憎..........亦因為99試過大發我c6脾氣兼炒嗌咬.....雖然而家冇野, 我都感激c6為我所做的事, 但重有生仔的問題未解決...........

有時我覺個做女仔都好慘, 以前冇得話事咩都任人擺佈
而家叫獨立自主, 但要樣樣兼顧
我都驚日後如果我生左個女.........唔知會點

私人傳訊

jesuslovesyou

男爵府

積分: 5103

育兒性格勳章

7^#

發表於 10-9-2 15:38 |只看該作者

原帖由 tantanmama 於 10-9-1 13:59 發表

我媽都有同我講過, 外家永遠保留一間房俾我, 隨時可以番去住.
我得一個女, 我好希望可以買層樓俾佢做嫁妝, 細細地都好, 萬一將來有需要, 佢都可以有個地方透透氣. ...

好贊成你及一眾SISTERS 所說.....

買層樓比個囡做嫁妝, 真係最大的祝福。

因為媽咪和囡都係女人，明白做人新抱甚艱難。

以前我單純，以為女人成日諗錢、諗樓....係"勢利"

睇左呢個forum, 先知...
女人一定要有錢，有樓，才有"基本" 既尊嚴保障...

若可以，女人真係要自己買樓。係一棟自己錢、自己名既樓。--> 如此男家都唔敢咁大聲....!

因為，even 男友/老公無o野, 最麻煩係男家其他所謂"親戚" 既白眼呀.....

咪講笑...我真係有打算唔結婚。
結婚真係 "兩家人" 既事，而果種壓力，實在太大.....

最慘係, 正如樓主話︰d 男人...唔知幾時會"醒", 醒覺婆媳問題為女人帶來既厭煩!

私人傳訊

HerKing

大宅

積分: 2770

8^#

發表於 10-9-2 15:44 |只看該作者

我亞媽又係有個愚孝C6，都受左好多6299同姑9的氣，果班人 (即係我既爺爺麻麻同埋姑媽) 連我都蝦埋，超級重男輕女。響十年前，我亞媽終於忍無可忍同呢班人反左面 (麻麻除外，因一早已過生)，大家唔駛煩。

我好細個時，媽媽已經教我同我亞妹絕對唔可以同6299住，對佢地唔好有期望，唔好以為佢地係你既家人，響佢地既心目中，家人既定義只有兒子、女兒同埋男孫。佢地係唔會當媳婦同女孫係家人的。至理名言！

私人傳訊

jesuslovesyou

男爵府

積分: 5103

育兒性格勳章

9^#

發表於 10-9-2 16:41 |只看該作者

原帖由 HerKing 於 10-9-2 15:44 發表
我亞媽又係有個愚孝C6，都受左好多6299同姑9的氣，果班人 (即係我既爺爺麻麻同埋姑媽) 連我都蝦埋，超級重男輕女。響十年前，我亞媽終於忍無可忍同呢班人反左面 (麻麻除外，因一早已過生)，大家唔駛煩。

我好細個時，媽媽已經教我 ...

sad but true...

how about 女婿呢？o係d 99 心中，自己個囡的老公又係咪 "家人"呢？

女婿與外母的關係
始終不及婆媳惡搞....

私人傳訊

j947

男爵府

積分: 7915

10^#

發表於 10-9-2 17:07 |只看該作者

sad but true...

"how about 女婿呢？o係d 99 心中，自己個囡的老公又係咪 "家人"呢？

女婿與外母的關係
始終不及婆媳惡搞...."

因為女婿係唔會同外母同住,如果同住都會一樣,家頭細務男人唔會點做,好多時都係女人做,而99同新抱接觸多,99個女係自己生,新抱係人地個女,點解要99(長輩)去服侍新抱(人地個女),99要求人地個女服恃自己or要同佢男家住,又要對新抱有要求,咩都要話事,

私人傳訊

HerKing

大宅

積分: 2770

11^#

發表於 10-9-2 17:16 |只看該作者

原帖由 jesuslovesyou 於 10-9-2 16:41 發表

sad but true...

how about 女婿呢？o係d 99 心中，自己個囡的老公又係咪 "家人"呢？

女婿與外母的關係
始終不及婆媳惡搞....

女婿可能會好D，不過我C6都唔太喜歡我媽媽的，哈哈！

我C6每次投訴我亞媽時，我都會好耐心聽佢講完，比佢發洩左先，然後用佢既角度去講D說話安撫佢，等佢啖氣下左之後，再用我媽媽既角度去講件事比佢知，等佢睇到件事既另一面。而家佢地既關係都叫做OK啦。

我地做女既會識得做中間人同和事佬，去淡化C6同媽媽既拗撓，比佢地舒緩情緒又可以比佢地知道件事唔係佢地表面睇咁。始終2個人既成長背景唔同，都要比佢地磨合下嘛。

相反，d C6就未必識咁做。