夫婦情感 今日: 0 | 主題: 42794

積分: 24302

1^#

發表於 10-8-30 01:55 |只看該作者 |倒序瀏覽 |打印

(sorry! 好長好亂,不過呢一刻只想抒發情緒)

同老公拍拖6.5結婚,而家結婚差唔多10年,大家一直唔會鬧交,只會冷戰,未有小朋友未發現有問題,因為沒有什麼大分歧,有左小朋友及工人後,意見多左,佢有時既提議,我沒法接受,我就正接拒絶,但一兩日後我都可軟化,但原來佢一直好介意我呢方面性格,但佢唔中意唔講出黎,我鼓勵佢講,佢回應係一講實鬧交,無謂講,佢話一直忍我,佢話有朝一日忍唔到會逼到佢離婚,但我覺得我好無姑,佢唔講嬲我放係心上,喜怒不迎於色,佢成日用忍無可忍便離婚,佢雖然係笑笑口,但我心真係好唔舒服.

好似岩岩發生左一星期既事,老公成日同囡講野都係負面出發,如菲律賓事件,其實阿囡跟本唔明發生咩事佢就會話係咪好驚呀? 我就會話你唔同咁樣同佢講喇,因我只係同囡講係撞車有人死左,另外,囡囡有次我地2公婆放工返黎時,一向我放早少少,老公放遲少少返到屋企,阿囡發緊皮氣,老公就話係咪媽咪遲左返激嬲你呀(但我果日正常時間放工,平時亦小去街)? 我聽到後好火,我即刻話 "你可唔可以唔好聊交鬧呀",因為我覺得你唔可以灌輸呢d錯誤訊息比個女, 我鬧我老公時我地係公園,我話完佢無耐,佢就走左返屋企,到今日差不多一個禮拜我地大家都冇咩秋睬大家,佢都有同我講小小野,但我對佢真係好失望,我唔知佢點先滿意,佢成日覺得我唔好,但佢有冇諗過,既然我唔好,而當你唔中意你唔同我講,我又點知,我唔係你心中既虫,我又點知你幾時中意幾時唔中意.

另外,有件事係我明顯知道有次佢表現比我知佢真係不悅,就係有次同佢屋企人一齊食飯,阿囡食緊炒飯,佢試左少少話冇味,即刻大大樽salt咁沈落阿囡碗飯度,我緊張地大聲左d叫停佢,我話阿囡都冇話唔夠咸,你唔好成日比埋d無益既野佢食喇,佢即刻啤住我,可能佢嬲我係佢家人面前唔比面佢喇,但佢經常比囡試埋d無益既野,阿囡跟本佢係一個唔會問人攞野食既人,但佢就咩無益既野都比佢試,我身為阿媽我都係想個女好啫,但佢就覺得我霸權,我已經解釋比佢聽我既諗法但佢都唔接受.

係呢個禮拜我係度諗,呢段婚姻唔知可以維持幾耐,一有第3者我相信會一點即著,但我唔知可以做d咩,我亦唔想做任何野. 其實,每次都為小事而冷戰,次數亦唔多,但自從佢同我講過話忍無可忍便離婚,我對佢已經好失望,因為我覺得點解大家咁耐感情,佢唔諗挽留/改善就放棄.

[ 本帖最後由 29XX86 於 10-8-30 02:01 編輯 ]

0 0 0

私人傳訊

ndw

積分: 13908

2^#

發表於 10-8-30 02:53 |只看該作者

"阿囡發緊皮氣,老公就話係咪媽咪遲左返激嬲你呀"

我想有許多家庭0既文化都系用0甘0既溝通方式對小朋友。我父母都系0甘同我孩子講0野。又系搞到我好 “男女男”。你分析得很准確：“因為我覺得你唔可以灌輸呢d錯誤訊息比個女”

我阿爸阿媽都唔可以同他們鬧交，老公當然鬧了交，傷感情啦。

私人傳訊

ndw

積分: 13908

3^#

發表於 10-8-30 03:00 |只看該作者

如果可以讓你老公明白，唔可以為了避免鬧交而唔溝通，自己又谷住氣到天黑都消化唔到，心裡平衡唔到。你們都要學習如何可以有效地溝通而又唔會搞到鬧交的。

我都正在學習這如何可以有效地溝通而又唔會搞到鬧交的。

私人傳訊

爽媽

積分: 2389

4^#

發表於 10-8-30 03:08 |只看該作者

感覺到妳c6都幾小氣. 之前拍拖係唔係都係咁呢?

私人傳訊

積分: 24302

5^#

發表於 10-8-30 03:20 |只看該作者

係,我都覺得佢好小氣,佢以前唔係咁. 佢想我專重佢咩都聽佢話,但有時佢d野無理,我reject佢佢就唔高興(如比垃圾食物個女既例子),另外有d係佢好理智既建議,如佢話選小一要理智,唔好同人爭最top既band1學校,但我就唔讚成,我話點解連試都唔試就放棄,我好唔中意佢呢個諗法,凈係為揀小一都傷左大家好多感情,佢覺得我野蠻唔理智.

原帖由爽媽於 10-8-30 03:08 發表
感覺到妳c6都幾小氣. 之前拍拖係唔係都係咁呢?

私人傳訊

ndw

積分: 13908

6^#

發表於 10-8-30 03:26 |只看該作者

LEE 個有效溝通渠道是兩公婆0既磨合。又要有時間來磨合，在生活繁忙生活裡，那有這麼多時間來磨合呢？我好多時都要降低自己的要求。犧牲謀些原則，為的是夫妻情感。一家有和氣。小孩子就活得無憂。

我今日，老公先笑笑口0甘話我知他剛發現個大女（6 歲），身上積累了一達一達0既老泥，咖啡色0既，他本來已為膚色系0甘，點知，用手搓搓，原來搓得掉喔。我真系有“男女男”，他日日照顧個女起居飲食，都搞成個女0甘。不過，我都要降低要求，我唔可以太緊張個女，個女都唔覺得問題。我都要陪老公笑埋一份啦。但求嘻嘻哈哈過一日啦。

我如果嬲嬲或緊緊張張 0甘同老公講，就算系出自我愛個女都好，他一定會唔高興。邊個願意見到拿埋口面的臉呢？

私人傳訊

積分: 24302

7^#

發表於 10-8-30 03:31 |只看該作者

哎! 而家係佢唔肯放出黎傾,所以我對佢好失望,有時我同佢講我既女性fd佢係朋友面前落老公面既事比老公知,我老公就會話男人睇下忍到幾時架啫,男人係唔想嘈交先唔同女人鬧,但女人就恃勢凌人,佢都叫我要記住佢呢番說話(但就係講笑性質),好似係度要脅我,叫我小心唔係就隨時離婚咁話,聽左表面上冇野既我,但呢d說話真係心中有條剌,自問我呢類女人唔係嘈嘈閉既女人,又唔係難服恃既女人,真係唔知佢想點.

原帖由 ndw 於 10-8-30 03:00 發表
如果可以讓你老公明白，唔可以為了避免鬧交而唔溝通，自己又谷住氣到天黑都消化唔到，心裡平衡唔到。你們都要學習如何可以有效地溝通而又唔會搞到鬧交的。

我都正在學習這如何可以有效地溝通而又唔會搞到鬧交的。 ...

私人傳訊

積分: 24302

8^#

發表於 10-8-30 03:58 |只看該作者

邊個願意見到拿埋口面的臉呢？------->>呢句你講得好岩呀!

我今晚心情唔好自己出左街食左餐飯,同一對夫婦搭枱,我諗個女人都有40歲度,2公婆好恩愛,老公好關心個老婆,呵護備至,佢2公婆帶住隻狗,隻狗好乖冇哼半句,唔講都唔知有隻狗係袋入面,我都同呢個女人傾過計讚佢狗乖,個女人全程都好開懷,好開朗,食食下天花冷氣滴左差不多10滴水落去佢隻手度,但個女人都笑微微咁話唔緊要,我食完走一路諗咁可愛既女人有邊有男人唔中意丫,而自己諗返自己同老公既態度係一聽到有d老公唔中意既建議猛緊表情就放係臉上(雖然都唔多),但我就唔識學寬容對待老公,其實,返工既我係一個好開朗既人,但而家當同老公講起阿女同工人既野,意見不合,我就變得自我,沒聽清佢意見便拒絶,但過一兩日我都會軟化接受返佢既諗法,因有時誤解佢既看法,要再傾多一兩次先深入了解.

好似上次同佢討論另一個問題,係遲d轉工人問題,因我而家4年既工人佢冇大冇細,bb未出世一個月就請左佢,我地講明可以比工人坐sofa(因要抱bb),但工人冇大冇細見我地冇位坐,佢都照坐sofa,見我或老公冇位坐要坐餐椅佢都唔識讓位比我地坐(已話過佢但佢都唔醒目),所以上次同老公討論坐sofa呢個問題,我同老公討論,我話下個工人我一定唔會同佢講明可以比佢坐sofa,但老公就話如果你要塑造一個要人尊重既太太,你就要預左佢唔會有heart take care你個女,我即刻好唔中意佢呢個見解,我話,我唔讚成你呢個講法,我話我都係打公仔,老闆出糧比我,我會尊重我老闆,就算老闆衰我打得佢份工,我就會尊重佢,我唔會因為我唔坐張sofa我就會對份工冇heart. 我講時有少少火,老公表面冇野,過2日佢話又係我提出,到佢提議我自己又花起,佢呢d都記在心. 阿囡出世後一半為工人一半為女,我地各持己見,佢講d野如果我覺得唔同佢意見,佢講後,我reject佢佢就唔會再回應,佢微言係既然我唔岩聽佢就無謂講,但我自己認為如果大家諗法唔一樣點解唔可以攞出黎講. 我自己當然有唔岩既地方,但點解大家咁多年感情,都要收收埋埋,唔可以唔岩講到岩,點解成日要用個忍字黎識容佢對我既感覺.

原帖由 ndw 於 10-8-30 03:26 發表
LEE 個有效溝通渠道是兩公婆0既磨合。又要有時間來磨合，在生活繁忙生活裡，那有這麼多時間來磨合呢？我好多時都要降低自己的要求。犧牲謀些原則，為的是夫妻情感。一家有和氣。小孩子就活得無憂。

我今日，老公先笑笑口0甘 ...

[ 本帖最後由 29XX86 於 10-8-30 04:04 編輯 ]

私人傳訊

ndw

積分: 13908

9^#

發表於 10-8-30 04:10 |只看該作者

我明你，我知而家係佢唔肯放出黎傾。所以我希望你老公能明白，唔可以為了避免鬧交而唔溝通，佢自己又谷住氣到天黑都消化唔到，心裡平衡唔到，佢要學習如何可以有效地溝通而又唔會搞到鬧交的。

原帖由 29XX86 於 10-8-30 03:31 發表
哎! 而家係佢唔肯放出黎傾,所以我對佢好失望,有時我同佢講我既女性fd佢係朋友面前落老公面既事比老公知,我老公就會話男人睇下忍到幾時架啫,男人係唔想嘈交先唔同女人鬧,但女人就恃勢凌人,佢都叫我要記住佢呢番說話( ...

私人傳訊

積分: 24302

10^#

發表於 10-8-30 04:13 |只看該作者

菲律賓挾持人質事件,教懂人珍惜身邊人,但我的唔起心肝去主動同老公交談,我暗裡地向神祈禱望主帶引我婚姻既路,我真係好矛盾,心情好差,可能呢個星期除左公事煩,菲律賓事件,再加上同老公感情事,自己都唔知自己想點.

私人傳訊

積分: 24302

11^#

發表於 10-8-30 04:20 |只看該作者

ndw,

好多謝你回覆我咁多次同鼓勵我, 老實講, 我老公係一個好好既老公,亦係一個好好既爸爸, 我都唔捨得失去佢,只不過有時好似唔識點同佢溝通,呻完一輪舒服好多,我自己都係一個好硬頸既,所以可能老公最唔中意我呢方面,希望我遲d會改變喇.

真係好多謝你肯睇我長篇大論既故事呀! 我都要瞓喇,聽日都要返工呀! good night.

原帖由 ndw 於 10-8-30 04:10 發表
我明你，我知而家係佢唔肯放出黎傾。所以我希望你老公能明白，唔可以為了避免鬧交而唔溝通，佢自己又谷住氣到天黑都消化唔到，心裡平衡唔到，佢要學習如何可以有效地溝通而又唔會搞到鬧交的。

...

私人傳訊

ndw

積分: 13908

12^#

發表於 10-8-30 06:34 |只看該作者

從字裡行間，感覺你與我是跟從同一位主（耶穌基督），那位默示聖經而寫成的神。
我唔系信基督教，我只是信聖經道出真理，很喜歡與聖經描述的那位神同行的基督徒而已。

我們一起為能與我們的老公有效的溝通禱告，交托給我們的神。

如果老公小氣都無計啦，唯有自己鍛煉出氣量啦。同老公一起鬥小氣有乜益處呢？

"老實講, 我老公係一個好好既老公,亦係一個好好既爸爸, 我都唔捨得失去佢," 0甘好0既老公，點揾翻個阿。能笑笑口講已經很好了。是嗎？

我唔知你在 youtube 或在這裡有無聽過 LEE 個speach 呢？
夫妻關系，
http://www.youtube.com/watch?v=BLuhYGmU73o

如果無，就推介你看看。如果你去 agape 張貼的夫妻相處之道就更方便看，因為直情系個樹，唔使 click link 都可以看到。

唔好用惡來表達愛。
面要給足老公。

一起努力啦。

私人傳訊

積分: 24302

13^#

發表於 10-8-30 08:51 |只看該作者

我12歲已受洗,但返錯左一間異端教會,所以返左一年就無再返教會喇! 但我仍然深信有神存在,近來好多不如意,尤其係工作,開始覺得人生真理何在,亦太多無奈,而且覺得世界越來越紛亂,太多天災人禍,身邊有基督朋友,佢地教我向上天祈禱,神會指引我路,亦請神指引我回基督既路,因為我是一個背叛左基督既女兒.

我諗如果我係一個基督徒相信未必會去到如此地步,因為神會啟示及帶領我,正因我已歪路,亦堅持己見不肯退步先令大家感情有變.

果段片我睇左喇,似係楝篤show多過似婚姻專家,我個case用唔著呀!

[ 本帖最後由 29XX86 於 10-8-30 08:55 編輯 ]

私人傳訊

ndw

積分: 13908

14^#

發表於 10-8-30 12:14 |只看該作者

願你能讓我們主耶穌所賜的平安與你同在

"但我仍然深信有神存在,...."

0甘以經好好啦，起碼你還有信。因為聖經話我知，有你0甘0既信神存在0既心已經系認識真神0既起步了。無乜話背唔背叛0既。浪子回頭都唔知有幾多。還記得保羅從逼迫基督的門徒，敵擋耶穌基督到被主耶穌親自揀選做使徒嗎？耶穌話，沒有什麼罪是耶穌原諒不了我們的，只要耶穌原諒的人，天父也一定接納那人。

希伯來書 11 （和合本）
6 人非有信，就不能得神的喜悅；因為到神面前來的人必須信有神，且信他賞賜那尋求他的人。
7 挪亞因著信，既蒙神指示他未見的事，動了敬畏的心，預備了一隻方舟，使他全家得救。因此就定了那世代的罪，自己也承受了那從信而來的義。

8 亞伯拉罕因著信，蒙召的時候就遵命出去，往將來要得為業的地方去；出去的時候，還不知往那裡去。

9 他因著信，就在所應許之地作客，好像在異地居住帳棚，與那同蒙一個應許的以撒、雅各一樣。

10 因為他等候那座有根基的城，就是神所經營所建造的。

11 因著信，連撒拉自己，雖然過了生育的歲數，還能懷孕，因他以為那應許他的是可信的。

12 所以從一個彷彿已死的人就生出子孫，如同天上的星那樣眾多，海邊的沙那樣無數。

13 這些人都是存著信心死的，並沒有得著所應許的；卻從遠處望見，且歡喜迎接，又承認自己在世上是客旅，是寄居的。

14 說這樣話的人是表明自己要找一個家鄉。

15 他們若想念所離開的家鄉，還有可以回去的機會。

16 他們卻羨慕一個更美的家鄉，就是在天上的。所以神被稱為他們的神，並不以為恥，因為他已經給他們預備了一座城。

我再介紹這首歌給你聽聽，與以上的經文好貼切。

因著信

http://www.youtube.com/watch?v=NrqDzRigLDQ

我都很久沒有固定返任何教派組織的教會團體，所以我話我唔系屬某基督教。我也非某基督教的會員。但籍著耶穌基督為我代的罪，我必此生跟隨耶穌且能跟從耶穌基督到見神的面，不至滅亡，反得永遠回到天父的懷抱裡。

想尋求神的指引就多自己讀聖經啦。信心增長唔系靠人轉翻來0嫁，系靠自己讀聖經來明白神的心思意念和和體驗與神同行得翻來0嫁。

願你能讓我們主耶穌所賜的平安與你同在。

[ 本帖最後由 ndw 於 10-8-30 12:23 編輯 ]

私人傳訊

MonkeyGirl

積分: 3229

15^#

發表於 10-8-30 12:24 |只看該作者

會唔會寫封信 (自己既感受) 比佢睇會好d 呢 ? 再去bookstore 買d有關夫婦情感既書- For better communication 個 d.. wish your husband 唔好咁而放棄...

原帖由 29XX86 於 10-8-30 04:13 發表
菲律賓挾持人質事件,教懂人珍惜身邊人,但我的唔起心肝去主動同老公交談,我暗裡地向神祈禱望主帶引我婚姻既路,我真係好矛盾,心情好差,可能呢個星期除左公事煩,菲律賓事件,再加上同老公感情事,自己都唔知自己想點. ...

私人傳訊

chair

積分: 2034

16^#

發表於 10-8-30 13:24 |只看該作者

我同你有D地方都好相似，丈夫係個好人，好爸爸。我和丈夫都無鬧交，不過我就係覺得我們中間欠了些甚麼。

我們之間有D忌諱，死穴，一個那個話題就無得傾 (同他的女同事有關)。大家避了那個話題，漸漸連其他野都少講左。個關係進入了死胡同，我也覺得如果一有第三者出現，就糟了。不過有時候居然會想有個第三者出現，也許我們的關係能有點突破。

私人傳訊

ChammyMAMA

瑪瑙宮

積分: 145167

好媽媽勳章醒目開學勳章畀面勳章

17^#

發表於 10-8-30 13:41 |只看該作者

樓主,不如試下揾婚姻輔導,可能對你地有助幫,就因襯未有第三者出現,先要睇下有無辦法補救!

緣是天意，份是人為，有緣相遇者，珍惜緣份的來臨

私人傳訊

b16b34n

積分: 1455

好媽媽勳章

18^#

發表於 10-8-30 14:57 |只看該作者

不如樓主你由自己開始做起先, 唔好咩事都先鬧出口, 例如落鹽事件咁，先認同佢既做法, 之後先話不過食太多鹽對小朋友唔好。慢慢幫自己建立呢個習慣，到佢都覺得你唔同o左時, 再同佢攤開o黎講, 表示希望佢唔好咩都擺係心。
另外我覺得鬧交只會係傷害感情，唔鬧交, 傾下計係咪好d呢？

私人傳訊

ume

公爵府

積分: 29804

19^#

發表於 10-8-30 15:21 |只看該作者

原帖由 ChammyMAMA 於 10-8-30 13:41 發表
樓主,不如試下揾婚姻輔導,可能對你地有助幫,就因襯未有第三者出現,先要睇下有無辦法補救!

同意！樓主，你與丈夫好明顯係溝通上出現了問題，去找婚姻輔導或者上一些有關夫婦關係的課情上下，你可以學會一些溝通技巧，不要睇少這些看似係人都識既技巧，原來它們有很大的威力！如果你丈夫暫時未想與你一起找輔導或上堂，可以先由你自己做起，真的很有用架！
加油！

私人傳訊

pondlily