吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 自由講場› 响BK買二手東西的sis小心,佢叫我去消委會/律師喎.(幾長 ...

自由講場今日: 147|主題: 1359639

收藏本版

發帖

返回列表

跳至頁

查看: 4954 | 回覆: 90

响BK買二手東西的sis小心,佢叫我去消委會/律師喎.(幾長吓) [複製鏈接]

12 3 4 5

Smilingyy

民房

積分: 31

1^#

發表於 10-9-2 18:40 |只看該作者 |倒序瀏覽 |打印

[此乃一宗二手小提琴交易]

買家致賣家:

買咗你個琴, 忍唔住有少少嘢想同你講番 - 唔知你有冇留意其實你個琴都好舊嘞, 同你講O既八,九成新都有幾大分別呀！
當日面交時，我都幾愕然，因為除咗花點（响相都可以見到之外），仲有一大撻啞色咗（中間，係相睇唔到o既）。咁當時我見都面交啦，只係區區四百元，自己又帶住兩個小朋友，都唔想有咩爭拗，覺得ＢＫ　會員都應該ＯＫ　o既,咁都好爽快就俾錢。但當我番到屋企，睇清楚兩支弓，都有Ｄ問題，個盒又爛咗（個較位），我覺得你個ｃｏｍｍｅｎｔ　八，九成新真係太鬆喎。我估最多都係話六，七成新好嘞。
而家只係四百元，唔係想要爭拗，只係希望你下次可以中肯Ｄ。如果你唔知，其實你個囡用琴用得好粗，我囡個琴用咗兩年多，又比你囡年紀細，個琴都真係新淨過佢好多好多。
可能以前我响ＢＫ買ｏ野比較順利，而家我學識下次會講明，要睇咗琴先決定正式交易，睇相同賣家評語都唔能夠作準。　: (

賣家的回覆:

剛剛先睇到你個post，忍唔住都有少少嘢想同你講番。每個人既評審都唔同，我覺得我個琴係有八，九成新，再加上d琴線都係換左兩，三個月，淨係買琴線都要二，三百元，區區四百元買線都差d唔夠。[[我係預咗買個八九成新O既琴連盒連弓,唔係買幾條八九成新O既琴絃.]]

在當日交收時，我先生話有足夠時間比你驗琴，一句聲都無出過，如果你當日發現個琴有問題，你可以立即提出或唔買，唔好講到在呢宗交易上我地好似迫你買咁，[[唔該你指出邊句/邊段]]
亦唔好成日講到區區四百元(我只係講咗兩次)，又話帶住兩個小朋友唔想有咩爭拗[[話咗買又唔買,點知會唔會俾人鬧?而家咁都俾你鬧啦!]]。在你話買琴前，你不下數次pm我或sms我先生問個琴既問題，我地都一一解答你，你話要埋張單，我地都搵埋比你，點解呢？因為我係賣家，就儘番賣家既責任。另外個琴我22號賣比你，你27號先來pm我話有問題，係呢段日子裏發生過咩事？又有邊個知呢！大家都係一個公平交易，唔好講到我欺騙你咁，[[我SEND PM前唔覺,而家就…..]]公平少少，講說話亦要中肯ｄ。[[我說話好中肯,只係心中有鬼o既人至會覺得係有另外意思.]]

而我個囡用琴粗唔粗好似唔關你既事，你亦無資格批評。說句實話，如果使用者成日唔練琴唔用琴，個琴就緊係新淨啦。[[第一,你講說話好唔客氣喎.第二,又真係睇大人識唔識教, 我識大把人日日練琴,不論平貴, 個琴都仲係keep得好靚.]]
大家都係在一個二手平台買賣，而我賣既係一個“二手”小提琴，賣緊既亦係一個“二手”價錢，由一千二百元，賣到區區四百元，就唔好要求出二手價錢得到一個一手完美品質既貨品。[我同意吖, 所以冇咁要求過,亦冇想過可以喎]再加上我個琴係一個操作及音色完整既琴，絕唔係一個不能使用既琴，所以我覺得個琴在這價錢賣出是無問題。
我經常在ＢＫ買賣，每次都十分順利，從未遇過一個好似你話自己咁唔計較既買家，而家我都學識下次應該要點做。[不妨白D講出嚟吖]大家萍水相逢，只是一次過交易，唔想再與你有任何聯絡或ｐｍ。[好! 我考慮緊可以出封公開信俾你]

0 0 0

私人傳訊

Smilingyy

民房

積分: 31

2^#

發表於 10-9-2 18:42 |只看該作者

買家給賣家的公開信:

我只係買咗個琴之後, 想俾番D feedback, 唔知點解你咁火?

8月22日至27號發生咩事!? 全世界都知 (823事件) , 我冇心情馬上SEND PM講D咁小o既事?
事實上, 我係响我囡嗰個星期上堂時, 順便俾老師睇睇個琴究竟用唔用得, 係老師的專業意見話個琴用得好粗, 好明顯個琴係全無保養, 但都仲可以用住先. 咁我見你話你囡要換個貴琴, 咁好心轉達俾你一聲, 點知居然俾你fei…….做咩你仲要講到好似我自己整爛咗, 想要老屈你咁???

我响pm從冇話過你逼我買, 只係當時我自己覺得唔好意思, 個琴只係$400, 唔通當時叫你先生減d咁, 定係話”我都係覺得個琴殘(唔係我”個人評審o既八，九成新”), 都係想唔要嘞, 要你白行一趟添”………., 唉! 兩樣我都做唔出囉.

我從冇COMMENT過你個琴賣得平定貴, 我亦冇expect 過用$400買一個”一手完美品質既貨品”, 我亦都清楚同你講過, 我個囡根本好快要用3/4, 呢個1/2根本只係幾個月o既過渡期貨仔, 只係buy
time等老師有時間可以慢慢同佢物色一部3/4琴, 個budget仲因為1/2 咁平而可以鬆D添. 至於張單, 我係緊張架, 因為一來我唔熟識小提琴, 買二手怕俾人呃, 二來萬一有咩小問題要維修, 攞番去整都容易d .

你講得冇錯,賣家係有責任架, 有責任提供有關產品的正確資料添, 但你先生响電話同我講,話係HERMAN 170 嚟架, 但單上面所示係 150, (我都冇出聲質疑). 另外,琴盒生锈同較位螺絲甩咗, 琴弓有問題…(個琴盒爛咗, 萬一跌出個琴出嚟咁點用? 兩支弓, 一支幾乎甩咗一半毛, 另一支要拎到最盡先勉強拉到。)等等, 你全部一句都冇提及, 只係時時强調話部琴仲用得, 我ｐｍ中提出”希望你下次中肯d”, 正正係指你話 ”每個人既評審都唔同，我覺得我個琴係有八，九成新”, 我就係針對呢點。否則, 買家見到貨品先唔買(其實我當時都有咁諗過，只係做唔出，或者你可能覺得咁好ｄ啩？) 咪盞嘥大家時間…., 人地一肚氣覺得嘥時間之餘, 仲可能俾你話: “大家都係在一個二手平台買賣，而我賣既係一個“二手”小提琴，賣緊既亦係一個“二手”價錢，由一千二百元，賣到區區四百元，就唔好要求出二手價錢得到一個一手完美品質既貨品”。

可能你覺得部琴已經賣得好平,但買家仲要”阿芝阿佐”,好唔順氣, 但我PM開你留意用琴保養，亦都諗住順道提醒番你賣家的責任, (一心諗住你可能只係忙,冇時間留意小提琴咁多細節) 只係希望唔好再有類似事情發生。我亦冇向你要求過任何嘢（ｅｇ回水或者退貨），真係好唔明點解你咁都要閙人？我買琴前(計埋問你個琴賣咗未到約你先生交收時間地點)都只係聯絡過你地五六次左右（ＰＭ＋ＳＭＳ＋ＰＨＯＮＥ），但你地好多時關於個琴o既資料都講得唔清唔楚, 你先生初時連個琴o既牌子都講唔出。

我唔明點觧你會覺得今次買賣唔順利, 我只係過後俾番d feedback 你, 真係唔覺得有咩錯喎. 我尊重你時用字都好小心, 但你係好唔客氣咁鬧人喎,你激烈的反應真的令我很意外。又話我話你逼我買，又話我講到好似你欺騙我咁，可能你自己心中有ｘ？　

公道自在人心, 我希望你唔好諗住持惡閙人, 我唔怕人惡，你最終鬧到我去揾眾多 BK sisters 評理，就大家都冇好處。

賣家的回覆:

大家唔需要再講咁多,我冇時間去理會你,我亦冇時間去睇你所寫的每一句說話,我有教養,唔想為區區四佰元,再同你糾纏,最後一次,我唔會再回顧覆你,如果你真係覺得有咁大問題,不如大家在消費者委員會見或者你出律師信給我吧! 我都唔怕你惡你想點就點啦,到此為止...

私人傳訊

cathy913

男爵府

積分: 8709

認識瑞士牛牛第二回好媽媽勳章醒目開學勳章陪月勳章

3^#

發表於 10-9-2 18:45 |只看該作者

真係幾長....

仲有你今日開戶口, 咁快係bk買野?

私人傳訊

seaman1982

水晶宮

積分: 51853

牛年勳章好媽媽勳章醒目開學勳章畀面勳章環保接龍勳章大廚勳章

4^#

發表於 10-9-2 18:47 |只看該作者

當面交收驗貨係你既責任~
賣家講得冇錯~一手交錢一手交貨冇人迫你~
你覺得舊係有權唔要~
仲要成6日後先話有問題~
個賣家都未搵粗口鬧你~真好修養~

私人傳訊

yinmelody

超級版主

積分: 92759

2025勳章蛇年勳章 2018復活節勳章好媽媽勳章醒目開學勳章畀面勳章超級版主環保接龍勳章大廚勳章親子王國15週年勳章

5^#

發表於 10-9-2 19:10 |只看該作者

原帖由 cathy913 於 10-9-2 18:45 發表
真係幾長....

仲有你今日開戶口, 咁快係bk買野?

好明顯用新ACC啦

mouth: 不如POST D相出黎睇下

[ 本帖最後由 yinmelody 於 10-9-2 19:12 編輯 ]

私人傳訊

anita_yps

侯爵府

積分: 23769

2024年龍年勳章 BK Milk勳章畀面勳章

6^#

發表於 10-9-2 19:40 |只看該作者

樓主點解唔用返自己原本既account開post?

私人傳訊

eddkk

大宅

積分: 2528

醒目開學勳章畀面勳章

7^#

發表於 10-9-2 20:13 |只看該作者

好心一早買新o拉,買二手就預咗舊架啦

私人傳訊

szeszes

水晶宮

積分: 69113

2024年龍年勳章 wyeth冷知識勳章好媽媽勳章醒目開學勳章 2011至尊種植勳章畀面勳章 BK Milk勳章

8^#

發表於 10-9-2 20:16 |只看該作者

奇怪!!! 今日先註冊既 a/c??

不如, 你 post 相上來, 比大家幫你睇睇眼啦!!!

私人傳訊

cameo

子爵府

積分: 10555

9^#

發表於 10-9-2 20:20 |只看該作者

原帖由 seaman1982 於 10-9-2 18:47 發表
當面交收驗貨係你既責任~
賣家講得冇錯~一手交錢一手交貨冇人迫你~
你覺得舊係有權唔要~
仲要成6日後先話有問題~
個賣家都未搵粗口鬧你~真好修養~ ...

agree~~~~

私人傳訊

安室だがな

公爵府

積分: 28938

好媽媽勳章醒目開學勳章畀面勳章

10^#

發表於 10-9-2 20:32 |只看該作者

樓主,以你依個新國民,好難搵人撐你啵....
你又話係bk2手度買過好多次2野,,但點解係今日註冊???
係bk大部份都唔喜歡人玩分身,定係你怕人地鬧你你唔敢用真身見人??

私人傳訊

穎穎媽咪

子爵府

積分: 13015

好媽媽勳章醒目開學勳章

11^#

發表於 10-9-2 20:35 |只看該作者

http://forum.baby-kingdom.com/vi ... ;page=1#pid45463115

有關係嗎?

私人傳訊

sissy0531

男爵府

積分: 5587

好媽媽勳章

12^#

發表於 10-9-2 20:36 |只看該作者

話人地個女用琴好粗都好唔應該啦！
你買人o地個舊琴啫！關你咩事！
400蚊，可以正常使用咪算咯！
仲想要求有幾新啊？
你唔POST出嚟仲好！
睇下有幾多人幫你啊！港媽！

<a href="http://www.glitter-graphics.com/myspace/text_generator.php" target=_blank><img src="http://text.glitter-graphics.net/gold/s.gif" border=0><img src="http://text.glitter-graphics.net/gold/t.gif" border=0><img src="http://text.glitter-graphics.net/gold/a.gif" border=0><img src="http://text.glitter-graphics.net/gold/r.gif" border=0><img src="http://text.glitter-graphics.net/gold/r.gif" border=0><img src="http://text.glitter-graphics.net/gold/y.gif" border=0></a>]

私人傳訊