好心痛......仔仔拆線爆傷口
上星期六去阿媽度做節,點知仔仔擒樓梯跌左落黎,即時穿頭成臉血,去到醫院阿仔發晒狂,幾經辛苦先同佢聯左針話星期五去拆線,已經心痛到死,點知星期三晚同佢冲涼時唔小心整濕左塊紗布,即時好傍惶咁打俾個護士朋友問佢點算,佢叫我唔好整佢,聽日一早帶佢去健康院洗傷口,搞到自己好內疚成晚都冇訓,一早就帶佢去(真係唔去好過去),當護士拆紗布果時可能有少少血漬痴住左,佢不但唔放手,重扯多兩下搞到阿仔即時大咸先放手,跟住叫我同佢講唔使驚唔痛架,都痴線架
唔係你咁暴力佢又點會又發哂狂喎,最終又係要用暴力噤住個仔先洗到傷口,又一次赤死我,到今日要拆線已經對政府野冇信心,所以決定去私家諗住包冇死啦......點知一拆紗布醫生即刻問我喺邊度聯既,我答佢威爾斯佢即時擰晒頭,果刻我重以為聯得唔靚所以佢咁樣啦,當拆既時候佢話Ｄ線好幼,改用枝針形物體慢慢整條線(可能之前果日仔仔嚇驚左,所以一掂佢已經又發狂),當慢幔拉左條線出黎之後,醫生即刻用紗布係咁噤住個傷口,當我一望發覺好多血,即刻問佢咩事佢就話我知個傷口爆左,佢話咁細個小朋友(2歲)撞穿額頭唔應該聯針,因為果個位置冇乜肉,但好易會郁動到所以一拆線就好易會爆,佢跟住唔知用左Ｄ乜野將個傷口由下至上咁拉實痴返埋,再痴返紗布整好,跟住同我講叫我星期日再返去,我問返黎做乜啦,原來頭先拆左2針已經爆傷口所以唔可以再拆,要等到星期日返去再拆埋果2針,第三次赤到我痴線,而家我好驚見到阿仔到時又發晒狂咁求救,又驚會再爆傷口,我頂唔順啦.....我受晒好過,唔識形容而家既心情淨係想咸又要扮堅强,唔想老公見到我咁樣又怪自己(因為撞親果時我出左去買野,佢只係望少左十幾秒,阿仔就出事,佢已經自責得好緊要),但係我好辛苦呀........ :-( :-( :-(
[img align=left]http://www.hk-laufamily.com/_223.gif[/img]
發表於 
返回列表
