吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 大仔大女媽媽會› 2.5個月內, 2 度小產...

大仔大女媽媽會今日: 0|主題: 177861

收藏本版

發帖

返回列表

跳至頁

查看: 1406 | 回覆: 15

[2011年] 2.5個月內, 2 度小產... [複製鏈接]

StevenYo

大宅

積分: 1994

陪月勳章

1^#

發表於 10-9-4 14:55 |只看該作者 |倒序瀏覽 |打印

各位201104媽媽...

同你地相識不久..
我又要離開你地喇.......

我宜家真係唔知可以講咩...
2.5個月內, 2 度小產......
11/6....3/9.....

由細到大, 我嘅理想都係做一個家庭主婦..
同丈夫一直都好喜歡小朋友...
上年年尾結婚...大家都好想快啲可以有小朋友..
我都好想經歷懷孕的各種喜悅...
2次..我都未聽過BB心跳.....

人家話怕小氣, 我咩人都唔講..
今次, 我由有到冇..
都冇同自己父母講過半句...

祈禱左好多次...都係冇用...
我真係唔知自己做錯咩...?
唔通我真係咁唔配當上媽媽..??

今次我冇上一次咁堅強...
上一次醫生話小X好平常...好多人都試過...
但今朝醫生只係同我講左句..
不過你連續2次, 就真係唔好彩...

我真係好想問上天,
點解我要做唔好彩嘅一個...?

最後祝願各位, 身體健康,
BB大人都要平平安安!!!
保重!!

0 0 0

18/11 (39w1d): Little Angel come to the world!!
14/6 (16w6d): 11.74cm...食手指~
17/5 (12w6d): 6.78cm...babygirl!!
26/4 (9w6d): 2.60cm w/ heartbeat!
07/4 (7w1d): 0.84cm w/ heartbeat!
31/3 (6w1d): 0.24cm
2011.01.20 BB 於 2010.06.11(8w2d)離開了我..
2011.04.22 BB 於 2010.09.03(7w1d)離開了我..

私人傳訊

YuenC9

複式洋房

積分: 109

2^#

發表於 10-9-4 15:15 |只看該作者

唔好咁唔開心啦!!!努力!!
而家最緊要養好身子!!知道嗎?
飲多D八珍湯~~

私人傳訊

StevenYo

大宅

積分: 1994

陪月勳章

3^#

發表於 10-9-4 15:25 |只看該作者

原帖由 YuenC9 於 10-9-4 15:15 發表
唔好咁唔開心啦!!!努力!!
而家最緊要養好身子!!知道嗎?
飲多D八珍湯~~

多謝支持!
八珍湯, 點煲架..?

我上一次有坐月..
今次唔會喇...
因為唔想畀人知...

私人傳訊

cacanov06

大宅

積分: 3726

好媽媽勳章

4^#

發表於 10-9-4 15:46 |只看該作者

樓主, 請問你有冇問過E生點解會咁容易小X呢?
你是否高齡? 你懷孕期間有冇食過一D容易流產食物?
如木瓜, 苦瓜, 凍野等等....

另外, 你未有之前身體狀況如何? 身體機能是否比較差? 或者你需要做多些運動再上中E 調理一下身體之後, 你再考慮生BB, 因為咁短時間內2次真係好傷(心身都係)..
小X真係好多人都試過, 我識得一個人試過3次, 但最後都生左個肥肥白白BB.....

我建議你可以試下玩YOGA, 因為呢種運動真係可以令到身體機能強壯, 不過當然要你休養1,2 個月之後先啦!
唔好諗咁多, 多D休息......

私人傳訊

zovin

大宅

積分: 1210

5^#

發表於 10-9-4 16:44 |只看該作者

樓主都係上年先結婚, 其實唔駛太心急, 你首先要調理好身子, 睇下中醫, 過多幾個月先再努力過, 快些收拾心情, 不要太難過了!

私人傳訊

YuenC9

複式洋房

積分: 109

6^#

發表於 10-9-4 17:18 |只看該作者

其實去中藥房同D人講要八珍湯~多數識得執~因為之前有朋友~身體虛(女性方面)飲左3個月(唔係日日飲啊~係黎M後飲~)最緊要[調理好身子]!!有健康才有機會啊!!!!不要灰心!

http://www.tzuchi.com.tw/file/DivIntro/drug/med35/m4.htm

私人傳訊

竹兒

水晶宮

積分: 68335

認識瑞士牛牛第一回畀面勳章親子王國15週年勳章

7^#

發表於 10-9-4 18:04 |只看該作者

樓主有冇做過檢查點解會比較容易小產呢? 我自己都認識朋友有小產經驗, 其中一個係我老公朋友, 佢頭3次都小產, 有兩個係5個月同8個月時冇左...........

不過之後可能上天覺得佢係時候做媽媽, 佢最後都生左一子一女, 兩個都好健康~

另外我都有朋友去年小產, 佢係好難先可以有bb, 所以上年個case, 佢真係好傷心, 不過佢冇放棄, 佢睇中醫調理好身體先, 到今年8月佢生左個bb喇~

我認為樓主要問下醫生有冇咩特別原因令自己容易小產, 如果醫生話冇的話，我諗你可以睇下中醫, 調理一下身體先~ 有時中醫真係會睇到西醫睇唔到嘅野o架~

希望樓主早日身體恢復, 好好調理身體, 早日生一個健康嘅bb

私人傳訊

summiebaby

大宅

積分: 1011

8^#

發表於 10-9-4 20:05 |只看該作者

樓主, 請加油, 唔好咁易放棄呀!養好身子再努力! 這只是神給你的一個考驗, 只要相信雨後一定會天睛! 我自己三月時小宝貝七個多星期離開了我,之後keep住睇中医, 到上星期剛剛check 到再懷孕, around 4 weeks,我和老公好開心,但不幸地昨天開始又好似上次一樣流啡, 我今日已經好乖無四圍走, 在家休息, 但都有少少流出唻, 我都好怕會好似上次咁空歡喜一場, 但我知道這一次只是神再給我和老公的考驗, 我信衪, 衪一定會保守我們這一家, 如果這一次小B還是要再一次離開, 我們都唔應該傷心因為小B因為唔夠健康才選擇走, 神有衪的安排, 我知道神愛我們的。我不能怨任可人，我要有positive thinking! 我知有一天我一定係個好媽媽。我老公安慰我, 佢話BB在子宮做唔到safe landing所以先會流啡, 我約咗医生下星期四再照, 希望有好消息啦! 我身邊有個咁好嘅老公, 有咁錫我的神和家人朋友, 所以セ嘢都唔使怕,yo... 使セ驚喎!我已經很幸福了. :) 我自己一路回覆你, 眼淚一邊流, 我都唔知点解...但我希望你可以堅強樂觀面對, May God Bless You! Take care!

私人傳訊

小mama

珍珠宮

積分: 41553

9^#

發表於 10-9-4 21:23 |只看該作者

原帖由 StevenYo 於 10-9-4 15:25 發表

多謝支持!
八珍湯, 點煲架..?

我上一次有坐月..
今次唔會喇...
因為唔想畀人知...

你第二次bingo之前, 有冇搵中醫調理一下?
如果冇, 可能係你既血氣唔夠...
我小x既時候都諗左好多野...諗左係邊度自己做錯左, 掉以輕心, 我都有諗過, 可能係我既血唔夠養bb..

如果你真係冇調理過身體, 不如你調理完過幾個月先再試過...
我覺得要bingo唔難, 但要陀得穩係好考功夫...

私人傳訊

makdoudou

大宅

積分: 1042

10^#

發表於 10-9-4 23:07 |只看該作者

你要加油呀! 唔好咁易氣餒. 首先唔好心急,要好好調理好自己身體先. 上次你有搵中醫調理身體嗎?

我想跟你分享一下我嘅經驗(本來我想3個月後先開TOPIC講). 我剛5月小產, 之後搵咗一個係BK嘅JM介紹嘅一位中醫調理身體, 佢比咗唔少意見我, 我聽完後不斷搵資料, 發覺自己可能有機會係因為食排卵藥後懷孕,黃體功能不足,沒有足夠黃體比BB. 之後我立即搵我嘅婦科醫生搵埋佢嘅資詢. 由於我上次BINGO係食排卵藥, 於是佢就開定咗D排卵藥及黃體藥比我, 叫我休息2個CYCLE後再試,同埋食藥.
係小產後期間, 我一直有KEEP住睇中醫, 情況唔錯(自己FEEL到體質跟之前唔同同埋經期比以前正常不少). 直到過咗2個CYCLE, 中醫講解針灸對懷孕嘅好處,我自己亦有上網搵有關資料. 所以我在第三個CYCLE開始, 中西合壁+針灸方法下BINGO左.
雖然我唔敢講一定得,亦未見西醫(下星期先去). SO FAR我CHECK咗2次HCG都表示正常, 所以今次都會有信心.

小產原因有好多, 我見過有JM講佢小產咗3次, 原來係佢老公DNA出現問題導致容易小產. 另外仲有荷爾蒙分泌, 懷孕期間情緒問題都有機會影響而小產. 或者你可以當心情平伏後去搵一個真係幫到自己嘅醫生問問, CHECK吓自己點方面出咗問題而導致小產呢? 最緊要唔好心急住呀!知嗎?!

另外, 除咗食坐月餐外,你而家可以每日用7-8粒"NAM"棗 (唔好用紅棗及黑棗,會燥), 加少少炒咗嘅米(如果燥就唔使), 加入保暖壺內用100度熱水焗當水飲. 我之前日日都飲架, 因為我食咩都燥, 中醫話呢個對女性好好, EVEN連BINGO咗都可以飲, 幫助子宮養血.

希望你早日康復, 重新震作! BB一定會等你架!

私人傳訊

依媽媽

男爵府

積分: 5681

畀面勳章

11^#

發表於 10-9-5 11:26 |只看該作者

真的.... 要找中醫先調理好身體, 做好準備才再努力啊....
你結婚了不是很久, 也算快bingo; 所以當你調理好身體後再努力, 一定很快就有一個健康的bb了。

這裡的姊妹都會撐你的... 加油啊!

私人傳訊

winy629

大宅

積分: 3182

12^#

發表於 10-9-5 11:58 |只看該作者

保重, 先找中E調理身子要緊.
到下次有bb時, 三倍的 budget 和愛獻給他.

私人傳訊

justpiglet

別墅

積分: 846

13^#

發表於 10-9-5 14:59 |只看該作者

你唔好怪責自己
亦都唔好氣餒呀
宜家最重要係養好個身體!!!
其實好多BK既jm小X後都會積極睇中醫
調理好個身體
等中醫話ok先開工
之後個BB都健健康康架
加上你又唔係不孕
問題應該唔係好大架咋
加油!!!你一定會係個好媽媽嚟架~!!!

私人傳訊

yy_kan

大宅

積分: 1299

14^#

發表於 10-9-6 10:44 |只看該作者

加油呀!
我地個個都會支持你!!
而家最重要是調理好身子先呀!!!

私人傳訊

我們這李家

大宅

積分: 1836

畀面勳章

15^#

發表於 10-9-6 21:53 |只看該作者

剛剛入黎得知哩個消息~
你心情還可以嗎?? 千萬唔好怪自己呢~

私人傳訊

kristinecheng

大宅

積分: 1805

16^#

發表於 10-9-7 14:37 |只看該作者

看到你的標題，雖然未經歷過，卻是我每次懷孕都很擔心的事。請振作，回復心情，為下次做媽媽作更好的準備。

身體方面，要好好調理。

心情上，要學曉釋懷，因為心情影響生理，越緊張，越難成孕。

看到你說有祈禱，不知是否信徒？在禱告中，記得求神潔淨身體，尤其係孕育孩子的子宮。我也會為你禱告。

一家人的支持很重要，尤其是丈夫，是你人生的另一半，不開心的時候，要找人傾訴，不要收埋自己。

祝你早日走出陰霾，早日成為媽媽﹗