吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 醫護健康 › 嬰兒醫護› BB瞓著先肯飲奶，好擔心﹗

嬰兒醫護今日: 0|主題: 79147

收藏本版

發帖

返回列表

跳至頁

查看: 1056 | 回覆: 4

BB瞓著先肯飲奶，好擔心﹗ [複製鏈接]

littonjoan

大宅

積分: 2227

1^#

發表於 10-9-10 10:40 |只看該作者 |倒序瀏覽 |打印

求救﹗

我仔仔由2個月開始，就要暗佢訓先肯飲奶，到依家差不多6個月仲係咁。聽醫生講一定要戒，因為BB去到1歲左右就唔會肯訓著覺飲，係因為只會在幼小才會吸啜，店算....

我有嘗時3天餓佢，佢真係唔食...最多開眼飲到1安...。佢好輕..依家5個幾月得14磅幾....﹗

好擔心呀...

有經驗既媽媽請你比下意見啦﹗

0 0 0

私人傳訊

清潔monkey仔

複式洋房

積分: 370

2^#

發表於 10-9-10 18:13 |只看該作者

唉！同我個女完全一樣，佢由出世後第五日開始就係咁，佢出世時九磅，出院時都係九磅，但去到一個月重唔到一磅，佢瞓咗肯飲，唔係因為佢想飲，而係因為佢想啜，然後不知不覺咁飲咗都唔知。後來健康院寫紙去院院兒科，好彩比我睇到一個好好好好的醫生，佢好有耐性同阿女檢查（後來無再遇到佢了），佢話阿女個心臟有雜聲，要去照超聲波，在醫院照，發現有個３ｍｍ大的小洞，我在葛亮洪醫院網頁睇到，因唔夠氧氣，所以呢啲ｂｂ係好辛苦飲奶，唔中意飲，阿女當時一個幾月大，一日可以只飲六七安，後來心臟好返，佢飲奶都係媽媽地，好啲啲囉。到依家２７個月飲奶食野都ｍａｍａ地，又叫肚痛，又成日食幾口就作嘔，後來此網頁一個媽媽介紹我睇中醫，佢個仔二十幾日大就開始睇，我睇咗三次，九劑藥，已有明顯改善。醫生話有風（池風），仲有因長期睡得不好，所以脾胃好弱，根本都唔想食。呢個就係阿女二十七個月前的情況，希望比到啲參考你吧！！

原帖由 littonjoan 於 10-9-10 10:40 發表
求救﹗

我仔仔由2個月開始，就要暗佢訓先肯飲奶，到依家差不多6個月仲係咁。聽醫生講一定要戒，因為BB去到1歲左右就唔會肯訓著覺飲，係因為只會在幼小才會吸啜，店算....

我有嘗時3天餓佢，佢真係唔食...最多開眼飲到1安...。佢 ...

私人傳訊

清潔monkey仔

複式洋房

積分: 370

3^#

發表於 10-9-10 18:20 |只看該作者

我個女六個月大，都係十二三磅咋．．．．．我最記得係一個月重半磅，所以我當時都好擔心，我依家都好明白你的心情，但你放心，只要你比心機照顧佢，佢一定會長大，個個小朋友都會大，我地都係咁大，好多小朋友無豐富食物都一樣會長大架，你放心啦，醫生都係咁同我講！

原帖由 littonjoan 於 10-9-10 10:40 發表
求救﹗

我仔仔由2個月開始，就要暗佢訓先肯飲奶，到依家差不多6個月仲係咁。聽醫生講一定要戒，因為BB去到1歲左右就唔會肯訓著覺飲，係因為只會在幼小才會吸啜，店算....

我有嘗時3天餓佢，佢真係唔食...最多開眼飲到1安...。佢 ...

私人傳訊

littonjoan

大宅

積分: 2227

4^#

發表於 10-9-13 10:24 |只看該作者

回覆 1# 清潔monkey仔的文章

謝謝你分享。終於搵到個媽媽同我有咁既經歷。我周圍同人講，無人明白我既感受，真係揍到我瘋癲~~~

聽你咁講，其實我懷孕5個月時，醫生曾經照到BB又係有個洞，但後來7個幾月時，再照又話生返埋。之後出左世，醫生話聽BB個心，話無事，我想要搵醫生再睇睇先。其實我BB已經入了兩次醫院，又睇左5-6個醫生，因嘔奶嘔得太勁，但我無你咁好運，入了醫院後更差，自從插了胃喉後，第二日起就唔肯入奶至今。後來經人介紹終於我睇了一個醫生，證實佢有嚴重的胃酸倒流，真的很罕見，每天要食藥

﹗﹗

我想問咁你囡囡大大下唔肯吸啜，咁你果陣時店樣餵佢飲奶？？因為健康院話3餐奶就兩餐固體。

私人傳訊

清潔monkey仔

複式洋房

積分: 370

5^#

發表於 10-9-13 15:28 |只看該作者

我嗰陣咪成日要佢瞓時先喂到佢飲,佢有時瞓醒了就好難喂,要比奶咀佢啜,啜啜吓襯佢唔為意,左手蚊走奶咀,右手即刻塞支奶入去,佢就會飲吓,飲一陣又扭唔飲,又比返佢奶啜,隔一陣又試過,不過都唔係次次都得,有時一換奶就比佢發現,失敗咗,又要比返佢奶啜,轉頭再試,又要座一座支奶,有時支奶飲得一安,就因為放得太耐要倒,我當時真係覺得我買奶粉係為咗用嚟倒,真係人都癲呀。跟住佢一夠歲數,(唔記得係四個月還是八個月,我就比佢食米粉,即是糊仔),嗰陣好彩美素佳兒新出一隻米粉,比其他牌子的米粉可以更早比bb食,好似奶粉咁,加水之後漿漿地,用匙羹喂,咁就無咁擔心佢唔夠營養。佢好喜歡食,有時我會磨香蕉蓉,加落去米粉度,點知食咗一排,唔知係唔係我太興奮,狂喂佢,佢好似食濟咗咁,完完全全唔肯食,我剛剛買了一罐新的都要掉。那時候,婆婆有時會煲粥水,用佢嚟開奶,佢話咁樣營養好啲,又飽肚啲,(因為你都知啦,佢根本都唔覺肚餓,但事實上,佢其實係肚餓),七個月左右,我開始要邊喂奶,邊唱歌,因為佢一路聽, 一路啜,唔覺唔覺又可以飲奶,因為佢去到咁上下大,就扼佢唔到,邊瞓邊飲已經唔work,可能我平時間中有唱吓歌仔比佢瞓,佢聽到我唱,就好專心聽,一支奶分兩三次就可以飲晒,(不過份量都係一般),當時佢開始食粥,一日一餐,再過兩個月,唱歌又唔wORK,就比玩具佢,一邊同佢玩同傾譏,一邊食,有時仲要比我啲卡,電話,錢佢玩添,一歲多啲時,又要轉方法,佢那時候已經是食粥了,要比佢睇電視, 一做廣告佢就會發呆,即喂比佢,或者電視劇的歌,跟住到歲幾,有時煲通粉比佢食,轉下口味。總之一開餐,我就覺得自己要打仗,喂完佢,真係身心疲累,好似打完一場仗咁,直至去到大約一歲九個月,佢開始食一半就作嘔咁,成日都好似好飽,一路去到食幾口就作嘔,又唔係真係嘔,成日話"KAN"死"KAN"死,我知佢個胃應該有唔妥,又間中叫肚痛,睇過中醫,但無好的中醫幫到,二歲時,去台灣,全日可以唔食野,返到嚟瘦晒,都係唔食,有媽媽介紹,睇中醫,九次藥後,OK,現在我用的方法就係(由一歲八九個月開始時,我每次放工接佢,都會事先聲明,要食飯,食菜,食魚,食晒全部,一定要,佢其實都好乖,肯做,只不過係忌唔住真係想作嘔,唔係唔食,係食唔到,我就盡量每口不少啲,等佢可以細細口,慢慢食,會舒服啲,依家佢無作嘔,亦無叫肚痛,係有時扭唔食菜。但出街的話,真係唔掂,可以完全唔食......(唔知點解),我都無辦法!不過,如果你BB係因為個胃病,可能都未必用呢啲方法得,因為好似我地咁,胃酸倒流時,胃痛,大人都唔想食,但我又想起,..........好長的,我再PM你吧!仲有,我比阿囡瞓住飲,但我一定用咕臣郎高背脊,頭不可向後,否則,啲奶長期去咗啲個鼻度,好大件事架。總之,唔洗咁擔心,我個女咪又大咗,佢表哥大佢三個月,兩次肺炎入院,(未夠一歲時),依家咪又大咗,係照顧得辛苦啲,但佢一路大,就會慢慢好湊啲,只要比多啲耐性,就唔覺唔覺,時間又過......