吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 婆媳關係› 我真係頂你唔順囉!我應該點對你呀?(不喜勿插) ...

婆媳關係今日: 1|主題: 27778

收藏本版

發帖

返回列表

跳至頁

查看: 4525 | 回覆: 47

我真係頂你唔順囉!我應該點對你呀?(不喜勿插) [複製鏈接]

12 3

rainbowlamlam

複式洋房

積分: 176

1^#

發表於 10-9-9 19:09 |只看該作者 |倒序瀏覽 |打印

我真係未見過d咁既阿女麻囉!!!!(稍長=~=)

事緣係咁,上個星期我個女已經燒左2日,第2日仲要嘔奶同柯左一次,咁我就諗住帶佢睇醫生,同我99講唔知會唔會係腸胃炎,佢都話可能係,睇吓醫生都好,點知我發現手頭上得百零蚊驚唔夠,c6又返緊工,咁99係屋企,咪問佢借囉!

我:媽呀,我都係同bb落去睇醫生喇,但我得一百蚊係度,我驚唔夠呀,你借住300蚊比我先丫
99:.......(望住我靜左5秒)洗咩睇醫生丫,轉頭冇事架啦,食d保嬰丹同珍珠"抺"就得架喇,我幫佢拜吓娘娘就冇事啦(屋企有個觀音,佢係好神心既信徒=__=)

我當堂啞左囉!!!5分鐘之前你都話好,而家聽到要問你借就唔洗!唔好玩啦,腸胃炎食保嬰丹同珍珠抺會好,保嬰丹就買斷市啦\口/

當時佢抱住我個女,我聽完就走左入房打比c6,,but佢開緊工聽唔到,諗諗吓打比個住附近好熟既fd(暫且叫佢做xx),問佢借,佢一聽到即刻陪我落街睇醫生。

於是我就出去抱返個女啦,點知一出到去就睇到99係神枱前餵緊我個女飲個d「觀音水」(觀音像前有個瓦杯,d水自己倒入去)
我即刻衝埋去"嘩,你比咩佢飲呀??唔洗喇,我地去睇醫生得喇"一邊講一邊伸手去抱個女,但99就用自己擋住我繼續餵,仲邊講"求娘娘d聖水飲左就好架喇,唔洗睇醫生喇"講完=餵完.....

我個下塊面黑過包公囉!!!我同佢一齊住左差唔多3年,見佢洗過個隻杯一次喳!!!已經唔係d水既問題,係個杯既問題囉!!!

跟手即刻搶返個女放落bb車,到出左門口個吓,佢可能睇到我面色真係好難睇,.先問"洗唔洗拎錢比你呀?""唔洗"跟住即刻走左....唔好係度扮曬野啦,如果你係有心,頭先一問就比啦,唔係問你攞,問你借姐!!又唔係唔還比你!而家出左門口先問?

續

[ 本帖最後由 rainbowlamlam 於 10-9-9 19:54 編輯 ]

0 0 0

私人傳訊

rainbowlamlam

複式洋房

積分: 176

2^#

發表於 10-9-9 19:36 |只看該作者

醫生真係話腸胃炎

睇完醫生一入屋,99就即刻話"冇事丫嘛,醫生點講呀?"
我 "腸胃炎呀"
99 "都話腸胃炎架啦,洗唔洗食藥呀?醫生d西藥我驚bb受唔到呀,食d保嬰丹咪得囉"
我個吓真係忍唔到囉!"都話腸胃炎咯,食保嬰丹你想佢入醫院咩!?"

入房打比我媽,問可唔可能幫bb沖涼(我媽知道成件事,but佢住葵涌,我住西貢...)我媽話沖吓會舒服d,又可以幫佢散熱(仲燒緊)但小心唔好比阿b凍親。

係我講緊電話既時候,99抱住我個女走入黎聽到我問沖涼佢就係度"唔好沖涼呀,感冒沖涼唔會好架,唔好同佢沖涼呀" p.s:我仲講緊電話。

講完我唔理佢照拎d衫出黎,佢又講"都話唔好沖涼呀,感冒沖涼唔會好架,唔好同佢沖涼咯"
我當堂火都黎埋,"而家邊個感冒姐?你呀?都話佢腸胃炎咯!得啦!你唔好理我啦!!"

大家可能覺得我好冇禮貌,但係我真係忍佢唔到囉!佢由我b女出世到而家都冇湊過佢,淨係識當佢公仔咁玩,一見要沖涼餵奶換片就即閃,但係有起咩事就走過黎阿支阿左扮曬野!佢扮野得黎仲要係亂咁黎!
試過我個女3個月大99想比番薯佢食,but痴住舊豬肉既﹑叫我一日比一枝保嬰丹佢食﹑將阿b放落勁污糟既地下玩,話污糟先識大﹑前幾日比"算"蓉炒菜心阿b"lam"﹑又話要比佢食雞蛋,但淨食蛋白﹑放阿b係大人床邊自己走左去...仲有好多好多
你地話丫!?

沖緊涼個陣,佢係咁係個廳度勁大聲咁話阿b病係因為xx(借錢比我果個fd)掂到佢所以先病,因為xx係大肚婆,我同佢講"人地話大肚婆掂到係扭計喳嘛,邊關事丫,好喇就算係會病喇,會唔會係腸胃炎呀!?"佢仍然話"係呀係呀,一定係xx呀,你唔信!"我答"係架喇,而家我係唔信呢d野架喇,你唔洗講喇,同埋唔該你下次唔好再比你個d觀音水佢飲呀!我唔信呢d野呀!"

沖完涼抱入房衫都未著好,佢就走入黎話要抱"黎黎黎,阿麻抱" 我"著埋衫先啦"佢就走左去,著完衫喇,要食藥,佢又黎!!"黎黎黎,阿麻抱"我"食埋藥先好冇呀?"佢即閃出廳睇電視,then聽到食完藥又黎"黎黎黎,阿麻抱"我"洗唔洗食粥呀?"佢即話"嘩!咁耐呀,阿麻訓lu,byebye阿b"
佢完全係冇幫手既打算.....

我真係好想好似d漫畫咁,一拳打到佢飛上個天度.....

[ 本帖最後由 rainbowlamlam 於 10-9-9 19:56 編輯 ]

私人傳訊

肥豬豆豆

大宅

積分: 3232

3^#

發表於 10-9-9 19:50 |只看該作者

睇完真係火都嚟埋，你真係好嘢，頂得到你個99咁耐，俾著我一早同佢開拖！

私人傳訊

rainbowlamlam

複式洋房

積分: 176

4^#

發表於 10-9-9 20:04 |只看該作者

原帖由 肥豬豆豆 於 10-9-9 19:50 發表
睇完真係火都嚟埋，你真係好嘢，頂得到你個99咁耐，俾著我一早同佢開拖！

唉,,鬼叫同佢一齊住咩....

之前我試過因為bb日抖開住個Fan都成頭汗咪開冷氣囉,點知佢走入黎講左句"嘩!咁涼開冷氣,你比錢交電費呀!?"就即刻走左,,,我個次嬲到爆,(連c6都話係我小氣喎!!)即刻執野帶阿b返外家住左2日,99打黎我都冇聽,之後c6接返我返去,99先唔敢再理我開冷氣問題!

p.s:我係絕對有比足家用架!而且大伯不論日夜,只要係home都會開住冷氣&冇比家用,99都冇話佢,冇比說話佢聽!

私人傳訊

戲如人生

侯爵府

積分: 22131

叻叻勳章畀面勳章環保接龍勳章陪月勳章 BK Milk勳章

5^#

發表於 10-9-9 22:18 |只看該作者

樓主...戥你激氣..但你都好勇
咁頂你99先, 仲識得帶BB走

咁餵飲觀音水單野..你C6點睇呀?
我諗無理由再話你小氣掛?

私人傳訊

shannnb

水晶宮

積分: 59166

6^#

發表於 10-9-9 22:28 |只看該作者

係觀音水果個位………我已經會飛踢左佢落街！痴線架！

私人傳訊

PS123

子爵府

積分: 14495

2024年龍年勳章 hashtag旅遊勳章 DHA勳章

7^#

發表於 10-9-9 22:36 |只看該作者

開頭見妳好勁勁鬧99都得?! 唔知妳當時有幾惡,但妳99比妳咁鬧好似冇乜事咁嘅?!

私人傳訊

rainbowlamlam

複式洋房

積分: 176

8^#

發表於 10-9-9 22:53 |只看該作者

原帖由 戲如人生 於 10-9-9 22:18 發表
樓主...戥你激氣..但你都好勇
咁頂你99先, 仲識得帶BB走
咁餵飲觀音水單野..你C6點睇呀?
我諗無理由再話你小氣掛?

佢仲有好多不知所謂既野....因為我係全職媽,佢地成家人都當我個女係公仔咁玩(包括c6)而且冇人識&得閒湊b,所以我一定會帶埋阿b走,

佢一返到屋企我唔出聲,等佢問我點解有錢睇醫生先講,佢本身次次都幫住佢媽,話係我針對99係我諗埋一邊,所以99做咩我都唔鍾意,,,但個次佢一粒聲都出唔到,just"算啦算啦,唔好勞氣,唔好理佢啦":;pppp:

私人傳訊

rainbowlamlam

複式洋房

積分: 176

9^#

發表於 10-9-9 22:56 |只看該作者

原帖由 shannnb 於 10-9-9 22:28 發表
係觀音水果個位………我已經會飛踢左佢落街！痴線架！

癲架,個杯都唔知有咩架

仲要擋住唔比我抱返個女!!!

私人傳訊

rainbowlamlam

複式洋房

積分: 176

10^#

發表於 10-9-9 23:02 |只看該作者

原帖由 PS123 於 10-9-9 22:36 發表
開頭見妳好勁勁鬧99都得?! 唔知妳當時有幾惡,但妳99比妳咁鬧好似冇乜事咁嘅?!

睇落好似好惡,但其實個語氣冇鬧佢囉,係少少惡&好硬淨咁講,,,但佢真係好厚面皮架,只要你唔係真係發癲/勁惡咁大鬧佢,佢都可以笑笑口/當冇事發生過咁....
(xx見識過,,佢以前覺得我講得我99太誇張,but上個月開始佢always黎我home就發現我完全冇誇張到....)

私人傳訊

man12345678

禁止訪問

積分: 5255

11^#

發表於 10-9-9 23:15 |只看該作者

提示: 作者被禁止或刪除內容自動屏蔽

私人傳訊

戲如人生

侯爵府

積分: 22131

叻叻勳章畀面勳章環保接龍勳章陪月勳章 BK Milk勳章

12^#

發表於 10-9-9 23:20 |只看該作者

有無串番你C6?
好話你成日針對佢老母?

原帖由 rainbowlamlam 於 10-9-9 22:53 發表

佢仲有好多不知所謂既野....因為我係全職媽,佢地成家人都當我個女係公仔咁玩(包括c6)而且冇人識&得閒湊b,所以我一定會帶埋阿b走,

佢一返到屋企我唔出聲,等佢問我點解有錢睇醫生先講,佢本身次次都幫住佢媽,話係我 ...

私人傳訊

rainbowlamlam

複式洋房

積分: 176

13^#

發表於 10-9-9 23:41 |只看該作者

原帖由 man12345678 於 10-9-9 23:15 發表
佢俾第1次d水我既話我會話下1次我會報警有人毒害看個b 真係癡線

以前都試過一次佢想比我女飲,但個次我自己抱住,所以制止到(個次佢話我個女係咁喊,但其實係扭緊眼訓囉=___=)
我問"嘩,咩水黎架?"
99"凍滾水黎架,自己裝落去架,阿b飲完就冇事架喇!"
我"你唔舒服個陣又唔飲?又去個櫃度搵藥食?阿b扭眼喳嘛,得啦~!"

私人傳訊

rainbowlamlam

複式洋房

積分: 176

14^#

發表於 10-9-9 23:47 |只看該作者

原帖由 戲如人生 於 10-9-9 23:20 發表
有無串番你C6?
好話你成日針對佢老母?

個陣我c6一句都冇駁咀所以醒唔起呀><

私人傳訊

kayan1231

別墅

積分: 650

15^#

發表於 10-9-9 23:53 |只看該作者

我都live in 西貢...有機會一齊呻下...

私人傳訊

戲如人生

侯爵府

積分: 22131

叻叻勳章畀面勳章環保接龍勳章陪月勳章 BK Milk勳章

16^#

發表於 10-9-10 00:17 |只看該作者

太失策喇

仲有呀..真係想叫你C6去食屎LAW

次次話你針對佢老母
到今次真係有問題喇
就話唔好理佢, 尤得佢
佢又係婆媳版口中的愚孝子:;pppp:

原帖由 rainbowlamlam 於 10-9-9 23:47 發表

個陣我c6一句都冇駁咀所以醒唔起呀>

私人傳訊

rainbowlamlam

複式洋房

積分: 176

17^#

發表於 10-9-10 00:29 |只看該作者

原帖由 戲如人生 於 10-9-10 00:17 發表
太失策喇
仲有呀..真係想叫你C6去食屎LAW
次次話你針對佢老母
到今次真係有問題喇
就話唔好理佢, 尤得佢
佢又係婆媳版口中的愚孝子:;pppp: ...

其實我C6又唔係愚孝架(雖然我都想叫佢食屎

)
但其實係佢媽太叻扮野喇,係佢面前係唔會做個D過份野,就算做,如果我C6講句唔好佢都會即刻停,唔會好似對我咁(因為我C6係即刻鬧佢個D)

之前我個女2~3個月個陣,佢日日都會同我個女講"你係邊個個女呀?你係爸爸個女喇,你似邊個呀?你似爸爸呀,唔好似你阿媽喇,佢矮婆呀,唔好似佢呀(佢成家平均都170,我160)唔好成日痴住阿媽啦,痴吓麻麻啦!"

邊個做人阿媽既鍾意聽到呢D咁既野丫,,佢仲要唔係一次2次喎,一次2次都可以當佢冇心丫,佢係經常!!
最討厭既係湊你又唔湊,咩都唔幫手,淨係識成日係度講D咁既野

但我從未聽佢係我C6面前講過呢番說話,我多次向C6開火&發癲佢先去叫佢媽唔好再係BB面前講埋D冇用既野,當然,佢媽否認,但亦唔敢再講。

而我C6比較低能,佢覺得佢媽會好似對佢咁對我,所以係我講得誇張,佢媽點會做D咁既野丫,就算做,我一叫停99都會停