自由講場 今日: 165 | 主題: 1361465

積分: 12208

1^#

發表於 10-9-19 00:43 |只看該作者 |倒序瀏覽 |打印

一早就買定2張鴻星既迷理奶黃月餅劵, 諗住一盒比奶奶, 一盒比亞媽! 張劵寫住最後取餅日係9月20日, 心諗無問題啦, 奶奶就今日(18日)做節, 亞媽就19日做節, 咁就一次過今日拎哂先啦!!

食完晏,就叫老公先開車去荔枝角間鴻星拎月餅先, 因為個度應該可以泊一陣車, 我就可以快快趣趣落車拎!! 點知去到, 換餅個亞姐話無哂奶黃月餅, 要星期一先返貨喎, 咁我話hunghom個間有無呀? 如果有我就過去拎啦! 佢話唔知, 叫我自己入去問門口個知客拎個電話打去問喎!!

咁我咪行入去揾個知客law, 點知都未講野, 個知客就話: 你唔好鬧我呀, 你去揾果個啦(指住遠處既部長), 唔好鬧錯人呀!! 痴線, 我乜都未講呀, 乜野鬧錯人呀!! 跟住我話: 我只係想知hunghom仲有無奶黃月餅jet, 我無打算鬧你喎! 佢先面朦朦咁比張咭片叫我自己打去問!!

我打去hunghom問時, 佢地又係話無哂奶黃月餅, 咁我咪開始火啦, 問佢地: 而家點呀? 我買左2張劵都無月餅拎, 咁係咪叫人以為唔好買你地鴻星既野呀?? 個女人就話: 我唔知架, 你打上總機問啦, 跟住又比左個總機電話我!!

待續....

0 0 0

私人傳訊

801

積分: 12208

2^#

發表於 10-9-19 00:59 |只看該作者

我打去總機, 有個女仔聽電話, 我問佢而家邊間分店仲有奶黃月餅呀? 佢話應該全線無哂, 要聽日(19日)先返貨, 但唔知幾點!! 我就好嬲, 問佢有無攪錯, 乜可以買左月餅劵都無月餅拎, 咁算點??!! 個女仔十吓十吓咁只係講唔好意思, 對唔住!! 我話而家你講乜野都無用啦, 你話聽日會有貨, 咁好, 我聽日下午一點會去荔枝角分店拎月餅, 我要到時一定拎到!!

跟住個女仔就話: 我唔知d貨會幾時送到喎, 不如你過去之前打電話去問吓先啦!! 聽到佢咁講, 我仲火!!!! 即時再丙: 你唔係掛, 仲要我打去check, 係咪你而家應該即刻同我check好, 跟住覆返我呀??!! 佢先on居居咁抄低我電話話轉頭覆我!!

十幾分鐘後, 佢地有另一個女仔打返比我, 呢個好明顯係醒目d既, 話會安排好聽日我可以去拎到月餅, 咁我就再重申一次, 我會係一點到荔枝角分店拎, 我要make sure到時一定要拎到!! 佢居然又叫我到時再打去分店問喎!!!! 我問佢: 你唔係化, 仲要我打去check, 你唔係打得比我, 已經check好哂咩??!! 佢先即刻話: 係, 我會同分店講好, 留定2盒比你, 真係唔好意思呀!!!

我真係嬲到噴火呀, 明知已經近deadline, 好多人都會係呢幾日去拎月餅架啦, 點可以話無貨架??!! 你賣左幾多劵出去係有數得計架ma, 有乜理由有劵係手都無月餅拎呀!!!!!!

攪到我今日兩手fing fing咁上奶奶度做節, 雖然講左比奶奶知聽日拎返比佢, 佢都無乜所謂既, 但係我就覺得唔好意思law!!!

私人傳訊

siulili

積分: 15556

3^#

發表於 10-9-19 01:12 |只看該作者

佢地無話可以換另外口味咩？我今日又係去TST換，又係無貨，個知客不停打電話去問其他分店都係無。但因為我一上到去，D STAFF已經話唔好意思，但可以換口味。咁我又唔係太嬲，其實都無乜所謂，初初打算過兩日再去拎，點知個大佬行出嚟，話唔好意思，如果肯換另一口味，迷李就可換兩盒，或換一盒雙黃白蓮蓉。

我見有個大6 C9幾大貪，攞左盒大盒。仲問個大佬話：乜唔係買一送一咩？我聽到真係頂佢唔順，搭咀話，唔係嘛，換左盒大的比你，仲要送盒細呀？人地係話兩盒細或一盒大呀！另一個STAFF聽到我咁話個大6 C9，都陰陰咀係度笑。

我都話佢地明知呢幾日係最多人來取餅，點會無貨咁失敗架。但人地都主動OFFER 送多盒或貴D的貨去代替，我覺得都OK GE，如果一定要果隻味，咪過一，兩日再去取囉。我原先都話叫老公係佢公司果邊取架，最後見佢有COUNTER OFFER，咁我地又唔係一定要奶黃味，所以都取左另外口味。

私人傳訊

801

積分: 12208

4^#

發表於 10-9-19 01:28 |只看該作者

原帖由 siulili 於 10-9-19 01:12 發表
佢地無話可以換另外口味咩？我今日又係去TST換，又係無貨，個知客不停打電話去問其他分店都係無。但因為我一上到去，D STAFF已經話唔好意思，但可以換口味。咁我又唔係太嬲，其實都無乜所謂，初初打算過兩日再去拎，點知個大佬行 ...

荔枝角換餅個亞姐有問我想唔想換另一款, 但就無話可以好似你咁有special offer喎! 我最火係佢地既態度law, 完全無歉意, 只係話唔知喎!!!

私人傳訊

siulili

積分: 15556

5^#

發表於 10-9-19 01:41 |只看該作者

咁我地初初去到，個阿姐都只係話可以換另外味道，因為我一次買左幾種唔同味，咁在我考慮之際，個大佬行出嚟招呼，咁我咪問佢，我仲有咩味可以換？都有幾種買左囉，咁佢先話一係送多盒或換盒大的比我，咁果件大6 C9聽到，仲唔“lur"飯應咩。所以佢係換得早過我架，當時只有我同佢係度換緊。點知佢仲咁大貪，我真係頂佢唔順，咪寸佢囉。我係客，我寸你好哋哋，個大佬好好招呼，對住佢依然笑笑口，個阿姐就陰陰咀笑囉。我寸完佢，佢咪拿拿聲又話，咁我唔要大盒啦，你比兩盒細我啦，又問人可唔可以唔同味，真係麻鬼煩！

我估佢唔係開宗名義可以送多盒，可能我好彩，去到間大舖，咁啱個大佬有權話事，自已決定做呢個OFFER比我啫，果個大6女人真係執到，因為佢真係無買其他嘢，只係用一張卷就攞左兩盒走。其實我都無蝕底，但真係覺得果個女人好鬼貪囉。

原本我老公都話等埋佢地打完電話才決定啦，大不了過兩日才取，但後來見佢有低糖，咁啱我媽有糖尿病，覺得可能仲啱我媽，所以咪換左兩盒低糖囉。如果想食奶黃，咪過兩日叫老公再去買囉。

TST係老舖，招呼係好D的。

原帖由 801 於 10-9-19 01:28 發表

荔枝角換餅個亞姐有問我想唔想換另一款, 但就無話可以好似你咁有special offer喎! 我最火係佢地既態度law, 完全無歉意, 只係話唔知喎!!!

私人傳訊

HinMa

積分: 18481

好媽媽勳章畀面勳章

6^#

發表於 10-9-19 01:43 |只看該作者

我試過買左糉劵(不過唔係鴻星)，Last day去換，佢地話換晒喇，但又無得退$，部長叫我下年搵番佢，佢會俾我換番，要等一年你地聽過未?

私人傳訊

vet

積分: 52963

好媽媽勳章畀面勳章

7^#

發表於 10-9-19 01:49 |只看該作者

好過份

原帖由 HinMa 於 10-9-19 01:43 發表
我試過買左糉劵(不過唔係鴻星)，Last day去換，佢地話換晒喇，但又無得退$，部長叫我下年搵番佢，佢會俾我換番，要等一年你地聽過未?

私人傳訊

kids411

禁止訪問

積分: 3179

醒目開學勳章

8^#

發表於 10-9-19 01:49 |只看該作者

提示: 作者被禁止或刪除內容自動屏蔽

私人傳訊

kids411

禁止訪問

積分: 3179

醒目開學勳章

9^#

發表於 10-9-19 01:50 |只看該作者

提示: 作者被禁止或刪除內容自動屏蔽

私人傳訊

siulili

積分: 15556

10^#

發表於 10-9-19 02:00 |只看該作者

呢個真係離譜喎，佢地賣左幾張卷，無數架咩？同埋有乜理由會換哂又唔退錢架，邊間咁衰，比各位姐妹知道，要小心幫襯先得啦。

原帖由 HinMa 於 10-9-19 01:43 發表
我試過買左糉劵(不過唔係鴻星)，Last day去換，佢地話換晒喇，但又無得退$，部長叫我下年搵番佢，佢會俾我換番，要等一年你地聽過未?

私人傳訊

9594

積分: 60352

熱血金章

11^#

發表於 10-9-19 11:06 |只看該作者

張券都未到期, 咁人地真係有權可以無貨啊喎, 咁人地宜家又唔係無得比你, 只係叫你聽日之嘛!! 你做乜要咁火呢?!?!

經過呢件事, 話比大家知, 做事唔好留到 LAST MIN.

人地除左有買月餅券, 仲可以 WALK IN 買, 咁啱今日多人換, 一早清左倉, 咁你咪聽日囉, 送貨 GE 野, 果班樓面又點知呢, 可能有 D 人 GE 答覆可能真係差左, 但可能佢答左N咁多次, 答到自己都唔知自己答咁乜!!

同埋, 做得服務業, 預左比人鬧, 你鬧佢係可以發洩下, 但係佢地心目中, 只係多個傻婆係到發癲, 佢地無所謂, 因為佢地都係打份牛工!!

咁你咪大量D, 成日咁易火, 死好多細胞嫁,
人都快老 D, 有乜意思呢!!

下年, 早D 換, 咪乜事都無囉!!

私人傳訊

edea

王國長老

積分: 119115

王國長老

12^#

發表於 10-9-19 11:37 |只看該作者

原帖由 9594 於 10-9-19 11:06 發表
張券都未到期, 咁人地真係有權可以無貨啊喎, 咁人地宜家又唔係無得比你, 只係叫你聽日之嘛!! 你做乜要咁火呢?!?!

經過呢件事, 話比大家知, 做事唔好留到 LAST MIN.

人地除左有買月餅券, 仲可以 WALK IN 買, 咁 ...

我唔認同, 其他餅家美心, 大班, 奇華....都一定有現貨. 你賣得券俾人, 就應該預左人地黎要俾現貨, 尤其中秋節將近, 醒少少都知一定係換餅高峰期, 明顯係鴻星安排失當, 間間分店都冇現貨.

再者, 點解要消費者早d換定? 有邊個想一早換定放好多日先食?

我唔係經常上BK, 想搵我嘅朋友請email: [email protected]

私人傳訊

9594

積分: 60352

熱血金章

13^#

發表於 10-9-19 12:03 |只看該作者

都無人話過你遲D 換, 就一定係會新鮮 D

心理作用姐!!

所以月餅都係暑假果時整定嫁, 每年暑假, 佢地都會請好多暑期工去洗咸蛋!! 你遲 D 換, 都唔會新鮮得去邊!!

可能鴻星真係處理得唔好, 咁你咪下年唔好再幫襯佢, 佢損失 GE , 係一個想支持佢地 GE 顧客!! 因為你今次咁唔高興, 好相信你下年唔會再幫襯!!

而你, 暫時沒有損失, 只係遲左一日食月餅, 或者你可以話損失左 D 時間囉!! 油錢, 或者車錢!!

但咁容易整嬲自己, 我就真係覺得對自己身體唔好!! 皺紋都多兩條, 我先唔制呀!!!

私人傳訊

已刪除用戶

已刪除用户

積分: 64840

好媽媽勳章醒目開學勳章畀面勳章環保接龍勳章

14^#

發表於 10-9-19 12:08 |只看該作者

提示: 作者被禁止或刪除內容自動屏蔽

私人傳訊

mandyyee

積分: 11077

好媽媽勳章

15^#

發表於 10-9-19 12:12 |只看該作者

我都認同
講真你出得卷~你就知一日有幾多人買左~冇理由話冇貨架!!!美心同大斑我都成日買~人地留返比有卷都唔賣現貨架

原帖由 edea 於 10-9-19 11:37 發表

我唔認同, 其他餅家美心, 大班, 奇華....都一定有現貨. 你賣得券俾人, 就應該預左人地黎要俾現貨, 尤其中秋節將近, 醒少少都知一定係換餅高峰期, 明顯係鴻星安排失當, 間間分店都冇現貨.

再者, 點解要消費者早d換 ...

私人傳訊

9594

積分: 60352

熱血金章

16^#

發表於 10-9-19 12:18 |只看該作者

咁所以咪係佢地渣囉!!

佢地咁渣, 你地下年唔好再幫襯啦!!

買返美心, 大班啦!!

唔好再比機會人地整嬲你地啦,

你地係精明消費者嘛!!

私人傳訊

yuyu.c