吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 大仔大女媽媽會› bb戒夜奶未呀?

大仔大女媽媽會今日: 0|主題: 177861

收藏本版

發帖

返回列表

跳至頁

查看: 1054 | 回覆: 6

[2004年或之前] bb戒夜奶未呀? [複製鏈接]

ki_ki_pig

民房

積分: 60

1^#

發表於 05-6-17 02:57 |只看該作者

bb戒夜奶未呀?

我想問下~你地個b戒左夜奶未呀?
我個b戒左3次~之後比佢個爺抱左去同佢訓~夜晚搞唔到阿b又比奶佢食~唉。到而家佢唔肯戒呀!
我想問~bb而家仲食夜奶有冇問題呀?
我聽左好多個b既媽都話戒左~搞到我個心唔上唔落呀!點算?

私人傳訊

BB-C

大宅

積分: 1017

2^#

發表於 05-6-17 09:30 |只看該作者

Re: bb戒夜奶未呀?

ki_ki_pig,
你好, 好少見你呀,
我個B都係戒唔到夜奶, 又係試左好多次, 次次都係自己唔忍心, 我餵人奶的, 有時就心捻, 佢都食得好少餐人奶了, 晚上食多一次就一次啦......so....每次都功敗垂成, 無功而回...唉, 家下佢好人的就起一次, 唔係就1.2.3.4次都試過.

我都開始習慣左..訓2個鐘醒一次的生涯.

私人傳訊

ki_ki_pig

民房

積分: 60

3^#

發表於 05-6-17 10:26 |只看該作者

Re: bb戒夜奶未呀?

BB-C:
多謝你回覆我呀!!!!好開心呀!!!!!!
係呀~~~我初初唔知有呢個網~係有次BB病左~我搵下搵下D資料就搵到呢個網~但我見到有多人都係呢到傾~有時又唔好意思去加入~因為唔識D人。但我發覺呢到我可以學到好多野。
我原本都係比BB食人奶嫁~我餵到佢4個月大個時~就冇餵啦~因為我腳趾要做小手術~要食D抗生素一個星期呀!雖然係一星期既抗生素~但我都怕係人奶餵到佢~所以我都戒左人奶啦。
我都聽到D媽媽講話人戒~好難戒夜奶~可能係埋身餵既問題。
哈哈~~~我之前都好似你咁嫁~2個鐘醒一次。
唉~你個B都話會訓下起下呀!
但有時我個B~一喊起上黎~唔比我訓~要抱住行呀!
可能係佢爺比抱佢呀!有時真係好嬲嫁~佢要返工~又唔係佢揍呀~又整到B仔D生活習慣咁亂呀!辛苦既係我~我又唔出得聲呀!所以之前我都辭左份工去理個仔。但之前個僱主叫我又返工~唔夠人呀~7月又返返工呀。而家仲搵緊人揍呀!我真係好怕~個仔~夜晚跟佢爺訓嫁。可怕。

私人傳訊

霖格格

侯爵府

積分: 21021

4^#

發表於 05-6-17 11:10 |只看該作者

Re: bb戒夜奶未呀?

ki_ki_pig:
hi~~你好呀!! 得閒多o的上黎傾下計, 對任何不滿都可以係度呻下架, 我自己都係咁架, 呻完會舒服好多架.
係呢! 你可唔可以每晚湊返囝囝與你一齊訓?? 咁你咪可以再試下幫佢戎夜奶. 不過我霖霖何嘗未戎夜奶, 仲一晚兩餐, 我自己都要返工, 但我又唔想迫霖霖戎, 順其自然o羅, 至少霖霖食完就會訓返, 好過初生時, 要玩返個零兩個鐘先訓嘛!

私人傳訊

ptmfamily

大宅

積分: 1378

5^#

發表於 05-6-17 12:28 |只看該作者

Re: bb戒夜奶未呀?

ki_ki_pig：

妳好！歡迎妳呀！我初初都好似妳一樣見d媽咪傾得好開心，但又好似唔好意思加入，因為自己都算係新丁。不過 lee 度d媽咪好好人嫁，妳搭吓搭吓訕就自然會同佢地熟d囉！

講返戒奶，我比較好彩亞囝個半月大就戒咗夜奶，係佢自自然然瞓到唔起身，如事者幾晚，就咁戒咗。妳唔好氣餒啦，食是bb的天生需求，唯有辛苦d！

私人傳訊

fostermak

大宅

積分: 3824

6^#

發表於 05-6-17 13:28 |只看該作者

Re: bb戒夜奶未呀?

ki_ki_pig：
慢慢試下啦,bb都要時間適應啊.

我頭四個月主要餵人奶,最後一餐就餵奶粉,等bb食飽d,而家就全奶粉.
我bb一個多月就戒左夜奶,好好彩果陣我想佢戒,佢又自動戒,
每晚最尾果餐,佢會自動食多d先訓,連原本凌晨四點果餐都戒埋,十二點幾食完訓到第朝八九點.

我諗唔好俾bb朝早每餐食完訓得太耐,如果唔係,佢夜晚會鬼打咁精神架,你就冇覺好訓.
我囡囡一個月果陣試過朝早勁訓,但夜晚就弊o勒,由凌晨十二點開始每隔兩個鐘食人奶,食到朝早六點,食完就去大大或細細,搞到我成晚冇停手服侍囡囡,冇訓過.

同埋咁上下時間就關燈,播音樂等佢知道係訓覺時間.我個女依家係超級夜鬼,冇十二點,一點都唔訓,我地會響食緊或食完最後一餐奶(約十一點至十二點)就會播音樂同關燈,營造訓覺o既氣氛.

希望你搵到適合o既方法幫你bb戒夜奶啦!!!

我家有三個妹...

私人傳訊

ki_ki_pig

民房

積分: 60

7^#

發表於 05-6-17 22:46 |只看該作者

Re: bb戒夜奶未呀?

all 0410媽媽:
好開心見到好多媽咪回覆,多謝你地既回覆呀!

霖格格:
唉~~~我都想每晚可以揍到b仔呀!但好難囉~每晚都好似同人搶野咁呀!~!將阿b搶黎搶~跟邊個訓。以前就晚晚都同我訓~而家丫~b仔一星期得二晚同我訓~有時搞到我都失眠呀!
我搶得多~佢地(老爺奶奶)又唔鐘意呀!
哈哈哈~我幫過佢戒2次~佢自己都戒左一次啦。但可惜~凌晨阿b搵阿媽~佢地又唔知丫~次次都比奶佢食~到而家戒好難呀!7月我又返返工呀!學你講~而家只好順其自然。不過,我唔知點解b仔~一個月食4罐奶粉~而家都係得左8.5kg呀!

ptmfamily:
嗯。我個b都同你一樣係個時都戒左~可惜.........爺爺又比返佢食。唔~我會努力去幫bb調低下d飲奶時間~試下可唔可以戒到。

fostermak:
我個b初初二.三個月都試過咁~早上就訓到豬咁~晚上就眼光光望天光呀!
嗯。唔知點解~佢想訓既時候聽到d音樂~反而變到好精神~相反~你比玩具佢玩~佢就自己訓。有時真係比佢激死我。。