自由講場今日: 715|主題: 1362101

收藏本版

發帖

返回列表

跳至頁

查看: 548 | 回覆: 1

可惡的傢俬鋪 [複製鏈接]

mokona0218

民房

積分: 74

1^#

發表於 10-10-2 03:44 |只看該作者 |倒序瀏覽 |打印

[隱藏]
話說我舊年新居入伙，想搵人做傢俬。咁因為budget問題所以想搵間平但又ok既傢俬店做傢俬，經屋企人用過既可靠經驗，就去左香港仔間安達傢俬度幫襯。起初又係好好傾，咁傾左一段時間(應該有一至兩個星期)，就比訂叫佢起圖，咁佢乜都未開始做，draft都未有，當然唔會比好多訂啦，咁我地決定比幾百蚊訂，點知佢閆少(成個project兩萬幾)，叫我地多d。(心諗~有無攪錯，你乜都未開始，想人比幾多訂你)
經我地屋企人商量後，決定係佢完圖做貨時先再比1半啦。咁成個起貨過程都無乜野，係佢閆訂少果度有d令人不快，主要問題出係送貨時出現啦，就係佢送貨時，我地發現有d傢俬甩油，咁一發現我地當然係d送貨師傅離開前打比個傢俬店老闆，問佢點攪啦，咁佢就話呢d小問題，仲話會搵日出黎補油，咁我地話ok啦，咁我地hold起少少尾數，咁等佢補好哂就埋左佢啦(我覺得咁樣比較有d保障)，點知一話搵日，佢第一次打黎話補油已經係事隔4個月(當然送左貨黎之後幾個星期我都有打比佢問佢幾時上黎補油，不過佢次次都話忙，都話要下星期，打到自己都無心機再打)，咁當時佢打黎時我地唔得閒 (又加上心諗條友係借口上黎補油，其實係想收尾數) ，咁我地就推左佢，叫佢再約時間啦。又點知呢次收線後，佢下一次打黎時已經又再事隔差唔多半年，咁今次佢就好表明立場，話約過我多次都就唔到時間補油(其實佢只係打過1次黎)，就話依家唔幫我地補啦~話我地拖左佢尾數好耐，淨係想收番d尾數。嘩~我當然唔肯啦~乜野約過我地好多次呀，你第一次打黎約補油又係幾時呀！？期間我地又打過幾多次比你呀！！依家邊個拖過拖呀？依家唔係我唔找比你，而係你乜都無做就想收數~~好過份！！早知你原來要隔3幾個月先黎補油，我當時就d送貨師傅返走d傢俬啦~~~
所以我地決定以後都唔幫襯佢~~~~

[ 本帖最後由 mokona0218 於 10-10-2 03:57 編輯 ]

0 0 0

私人傳訊

LedTV

琥珀宮

積分: 155674

虎到金來勳章好媽媽勳章醒目開學勳章畀面勳章環保接龍勳章

2^#

發表於 10-10-2 05:07 |只看該作者

我第一次聽人訂造傢俬係可以落低過 3% 訂
大約估計$25000 傢俬, 你話落幾百蚊,我估你有500蚊,但當你有$750 ,你都係落左3%訂咋!
人地落實要做傢俬,最少係要比30%...你只係比左少少...就想人出份圖比你??

仲要講到咁理直氣壯,比個服字你!!

我唔知你hold人地尾數幾多,睇返你個落訂價...

我估唔係一個合理價,但係你又話老闆隔4個月先揾你補油,咁又好似唔care條尾數咁

佢第一次打黎話補油已經係事隔4個月(當然送左貨黎之後幾個星期我都有打比佢問佢幾時上黎補油，不過佢次次都話忙，都話要下星期，打到自己都無心機再打)，咁當時佢打黎時我地唔得閒 (又加上心諗條友係借口上黎補油，其實係想收尾數)咁我地就推左佢，叫佢再約時間啦。

你比我既感覺,你揾左佢數次,佢都話唔得閒,所以佢揾返你,你又耍返佢轉頭,何況,你估佢仲有條尾數係到,所以更加上耍佢,我既感覺,你覺得可以唔駛補油,亦有想走數既念頭

事實上,人地都約過你,係你自已耍走人地,而家人地表明立場要收尾數有咩問題?人地已經提出過上黎補油,係你地say no, 咁你say no左, 佢地上黎收埋條尾數都好應該,最多你叫佢上黎補埋d油,就會找尾數..約過幾多次,跟本唔係問題,問題係佢有約定無約...

其實呢個boss都抵死, 我就咁睇,又落訂一刻,我會直接拒絶你單生意,因為3%訂應該無人會接受到,同時,你提出得落幾%訂,我已經會斷定你係唔易溝通既客,一定大把手尾..

我覺得你應該幫襯實惠,宜傢,直銷呢d大型商戶,咁樣對你會最有保障(有咩唔妥,可以去消委會,或者打hotline 投訴, 而且又平)

突然諗起吳鎮宇....