我個仔做緊評估，如果係都係屬於高智能果隻，見過幾個醫生都話唔肯定，因為佢好多嘢講，但就有A仔嘅某D特徵，加上兩邊家族都有個別案例，所以我地比較小心，由3歲開始幫佢搵評估，但就好似人球咁俾人踢嚟踢去，一陣又話太細做唔到，一陣又話佢地冇呢方面評估，之前校區做過評估，話佢係有社交上問題，但問題不在他身上，於是轉校，真係有改善，佢有語言delay，但保險又唔包，校區又話佢未嚴重到可以有服務俾到佢，有時真係好氣餒，但邊個父母想自己仔女有嚴重問題，要做N咁多樣治療，有時我都唔知點先係。
因為之前社工講到囝囝情況好差，我上網同去聯絡不同機構，搵咗少少資料，亦都接觸過一D有A仔嘅家長，所以叫做有少少認識，如果你想搵人交流吓，又唔嫌棄我（可能）唔係過來人，大家可以傾吓計。我住SFO，囝囝今個月去幼稚園啦。
花旗太太生活在花旗國，留意時差，你問我未必即時答到。
發表於 
返回列表
