少年成長 今日: 0 | 主題: 16013

積分: 35965

畀面勳章

1^#

發表於 05-6-20 19:45 |只看該作者

個仔同我玩對抗, 我就黎顛喇...

過去一個月, 我個仔極頑劣, 日日放學返屋企都係咁:

~食飯一粒鐘, 食完仲打電話n次比我傾計 (其實係delay唔想做功課)
~做一頁功課又成粒鐘, 一係就周圍亂畫, 一係day dreaming, 再唔係就馬虎寫字 (漏筆畫/錯部首).
~工人話佢佢駁咀
~自己入washroom除衫玩水玩到濕哂
~唔會將老師既分咐講返比我聽, 要我打電話比同學家長confirm
~問佢學校既野, 咩都話唔知.

我地試過好言勸導, 鼓勵, "恐嚇"佢, 要佢承擔後果, 甚至打過pet pet.... 依舊唔改.

我已經試埋將佢既惡習同老師/校長講, 佢地亦當面訓話過佢. 但係佢永遠都仲係唔改, 我地日日放工返黎都變左顛婆顛佬, 日日都攪到好唔開心. 最慘係連奶奶都打電話閙我地唔教仔, 真係好無辜!!!

我真係就黎想打佢一鑊甘....

雖說睇過咁多教仔書, 又上埋教仔course, 都明白要有patience, 但係容忍真係有限度, 佢係咁向我provoke同對抗, 真係好慶....

你地既5-6歲小朋友係咪咁架?

私人傳訊

積分: 1270

2^#

發表於 05-6-20 20:45 |只看該作者

Re: 個仔同我玩對抗, 我就黎顛喇...

會唔會小朋友想你地注意佢呀?

我發覺同小朋友定下目標幾重要，例如佢想我同佢玩，我就要佢準時完成佢要當日做D嘢，做耐咗就無咁多時間玩，係佢嘅損失(但同佢玩親一定要玩到好開心至有吸引力)。

就算前排佢考試，温習完我都會同佢玩，或者温一輪又玩一陣再温!

呢排我呀仔出奇咁勤力，發燒都自動自覺温習(我其實都有D心痛)，原因係我話佢知如果今次考試唔夠好，老師唔會比佢升去佢好想去果間小學!

至於打電話，我會定時(佢一放學回家的時候)打給他，佢細細個我就帶過他到我辦公室，告訴他我工作做甚麽，好細個我就同佢洗腦，所以佢知道我好忙，而且做嘢唔可以分散注意...

私人傳訊

積分: 35965

畀面勳章

3^#

發表於 05-6-20 22:03 |只看該作者

Re: 個仔同我玩對抗, 我就黎顛喇...

toffeeli 寫道:
會唔會小朋友想你地注意佢呀?

我發覺同小朋友定下目標幾重要，例如佢想我同佢玩，我就要佢準時完成佢要當日做D嘢，做耐咗就無咁多時間玩，係佢嘅損失(但同佢玩親一定要玩到好開心至有吸引力)。

至於打電話，我會定時(佢一放學回家的時候)打給他，佢細細個我就帶過他到我辦公室，告訴他我工作做甚麽，好細個我就同佢洗腦，所以佢知道我好忙，而且做嘢唔可以分散注意...

呢2樣我都試過喇.... 又咪一樣. 我同佢講過, 我唔反對佢睇tv, 總之做哂功課就可以開電視, 早d做好就可以早d開tv, 但係佢唔在乎. 佢已經有幾個星期既夜晚冇玩家庭遊戲, 冇tv睇... 佢又唔覺得可惜, 真係唔知佢諗乜.

私人傳訊

積分: 1270

4^#

發表於 05-6-20 22:08 |只看該作者

Re: 個仔同我玩對抗, 我就黎顛喇...

係唔係D功課有D難度呀?

你唔同佢玩佢成晚做咩呀?

私人傳訊

積分: 35965

畀面勳章

5^#

發表於 05-6-20 22:19 |只看該作者

Re: 個仔同我玩對抗, 我就黎顛喇...

係唔係D功課有D難度呀?
冇難度. 佢有學珠算, 學校既10位加減對佢一d難度都冇. 中文字都係3行句子2行詞語, 英文只係寫生字, 功課量一d都唔多. 唔知係咪咁, 所以懶懶散散.

你唔同佢玩佢成晚做咩呀?
食完dinner已經8:30, supervise佢做番好d功課, 教訓佢, 等佢沖完涼繼續做. 訓得覺都接近11:00.

私人傳訊

積分: 1270

6^#

發表於 05-6-20 22:34 |只看該作者

Re: 個仔同我玩對抗, 我就黎顛喇...

佢有冇講其實佢想點?佢拖長D功課來做，佢又無時間玩，佢其實都唔會好開心，不如了解吓佢嘅感受再作相應辦法!

做工課事少，態度事大，試揾吓根源!

私人傳訊

Maggie3493

積分: 2804

7^#

發表於 05-6-20 23:41 |只看該作者

Re: 個仔同我玩對抗, 我就黎顛喇...

可否找到他突然改變的原因?
如果他重視學校的話,而你又忍心,可以由他不做,然後自己承擔責任.
亦可讓他放學後去補習社,由有關導師"搞掂"他簡單的抄寫功課,減少你與他的衝突.到你回家後才慢慢教其他及溫習.

雖然他沒有了晚上的時間,但他下午亦已玩夠,所以對他來說是無損失的.這是很多在職家長的無耐.工人又怎可管得掂少主呢?無人管的情況下當然會這樣!

私人傳訊

christina

公爵府

積分: 29734

畀面勳章

8^#

發表於 05-6-21 11:55 |只看該作者

Re: 個仔同我玩對抗, 我就黎顛喇...

teresa:是否功課太深及多啊, 我姑仔個仔都好似咁樣. 尤其是將最易功課做先, 最難就永遠都唔做住架.

私人傳訊

烏龍媽媽

別墅

積分: 725

9^#

發表於 05-6-21 14:52 |只看該作者

Re: 個仔同我玩對抗, 我就黎顛喇...

Teresa,

你現在遇到的問題, 我現在/以前都遇過.

因為係在職媽咪, 平日見到阿仔時已經係傍晚時分, 阿仔初小時, 我自己都曾經試過日日就係因為功課等問題日日開戰, 大家都弄得不快. 很多方法也試過. 不過我諗先要找出"根本"所在, 咁就會"藥到病除"了.

- 食飯問題: 小孩與大人一樣, 有心食的, 很快便食光, 沒心的, 多多時間也沒用. 食飯係有時限的, 時間一過就沒得吃了. 像日後返學lunch一樣. 例如本意要小孩半小時內完成, 就話45分鐘內完成, 早食完的, 那餘下時間便是你自己earn回來的, 所以這些時間你可任意使用, 做什麼也可. 故意放寬時間的目的, 係等小孩覺得自己有控制權, 自由時間係自己earn的, 唔係媽咪要求的, 我想小孩係願意合作的.

- 打電話問題: 或可試用佢話, 知道你好想同媽咪傾電話, 媽咪也一樣, 不過媽咪係公司很忙的, 傾電話會比老板罵, 像老師教訓學生咁, 你也不想老板罵媽媽吧, 所以我會每天也會找個時間打電話給你, 到時就可談過痛快, 或如果你怕忘記的, 也可寫/畫下來, 待我回家時看.

- 做功課問題: 我諗這是多數在職媽咪的煩惱. 因為有幾多個孩子真的可以自動自覺的呢! 我冇記錯的, 你小孩好係現在正讀k3, 要好好把握這段黃金機會, 因為到升小後, 就不太容下佢馬虎了事. 要令佢明白讀書做功課係佢的責任. 與食飯一樣, 只要於指定時間內完成便可, 媽咪要求係做好及完成. 因為爸媽返工回來已經很晚了, 希望與你一起談天, 玩樂, 講故事… 而不是回來要求你重申做一次你的功課. 不過, 如果連自己的事, 自己也做不好的話, 那麼我便要與你一同犧牲玩樂的時間, 用double時間去做好本來你有足夠能力係短時間內完成的功課了, 這就真太值得了…. (諸如此類的話, 使佢有感做得馬虎與慢係對佢好不利的)

- 駁咀: 我就會話比個仔聽, 照顧者的說話要聽, 因為係媽媽要求佢咁做的, 如覺得不當, 告訴媽咪便可. 但不可駁咀/不禮貌, 因為這樣做, 就算事情真的係照顧者不當, 但基於你的不禮貌, 便要受罰的了.

- [唔會將老師既分咐講返比我聽, 要我打電話比同學家長confirm]: 我諗這要下一點功夫了. 小學比幼稚園在這方面的要求更高. 我諗學校唔可能每件事都寫在家課冊上讓家長知道. 而且這給予孩子的學習好時機. 所以要孩子明白老師係吩咐你把事情或要做的事告訴父母. 這也要算是家課的一種啊. 不可比佢知道/覺得把老師的吩咐忘了也不是一回事, 媽媽也會給我處理的. 有時小孩子真的會一時忘記, 所以我也會打電話問下其他家長(當然不會給他知道). 例如: 老師吩咐孩子明天帶厠紙筒回校, 我會嘗試提提佢, 在拾書包時問佢今天老師有沒有吩咐要帶什麼回校? 明天有美勞堂, 老師有沒有話做什麼題目? 呀! 剛好厠紙用完, 這個厠紙筒沒用, 你用得上嗎? 等等. 或提議放學回來告訴照顧者知道. 個仔到現在我也會要求佢帶本小冊子返校, 上堂時老師講個要帶/要做的, 自行寫在簿內. 因為我地人類記憶有限, 有時真的不是樣樣事都可記得清楚, 所以我地要學懂用其他方法來幫助記憶.

- 問佢學校既野, 咩都話唔知: 孩子越大, 就越不喜歡事事”報告”. 有時可能係我地的timing不夾. 或比孩子覺得媽媽一放工回來便問我東問我西. 關心的只係我的學業等. 同時我發覺孩子喜歡即時報告的. 待晚上父母回來時, 事情已經”攤凍”了, 也沒趣講給你知. 所以我提意最好一放學不久便致電回家, 效果會不錯的. 試試看!

唔知睇唔睇得明呢! 哈哈, 只係一些愚見, 希望用得上吧! 不過我不太贊成過早把孩子的惡習告之學校, 因為我會覺得孩子也要face的. 反之可在家中話比佢知道如果未能把惡習改除, 老師同學等很容易發現的, 到時佢地可能會笑你或不同你玩的呢. 孩子的自我價值係建基於周圍的人, 父母同輩等的認同. 所以只要不停的話比佢知, like magic words: 父母知道孩子做得到, 改得到的; 做得好, 做得對的. 但願大家有日能都能變成一個出色的magician!!

私人傳訊

積分: 35965

畀面勳章

10^#

發表於 05-6-21 16:28 |只看該作者

Re: 個仔同我玩對抗, 我就黎顛喇...

烏龍媽媽：

好多謝你詳細幫我分析問題！我仔仔現在K3，我都明白這是他的黃金時間，應該好好“享受”，不應該執著要他改好“惡習”。

我都有想過，我都有點兒緊張，知道他9月入讀的小學要求比較高，我就不知不覺對他有“更高要求”，我不太擔心程度銜接問題，反而擔心他的態度。我希望可以利用這幾個月訓練他管好自己的事，留心老師的説話。

我都有問過他“你究竟想點？”。他只是沉默，我問他爲什麽要玩水、懶惰、馬虎、駁嘴，他知說 “我吾知自己點解要敢呀！。。。我發夢law....”

可能我自己要他“大個”而他還是維持5歲心態。我都曾經提示過他要帶什麽什麽，就是要提示才懂得提出；寫手冊是有的，我堅持要他做好所有手冊上功課才簽名，他居然自己冒簽(但用eraser擦去），跟著想出計仔叫我工人簽手冊（說工人是大人，也是照顧他的人，他和父母一樣是“家長”）。。。總之，滿腦子鬼計！

可能，繼trouble 2後，我們還要經歷他們的trouble 6!

私人傳訊

Sindy

積分: 34101

好媽媽勳章

11^#

發表於 05-6-21 16:53 |只看該作者

Re: 個仔同我玩對抗, 我就黎顛喇...

Teresa 寫道:

可能，繼trouble 2後，我們還要經歷他們的trouble 6!

仲有幾年涯呀

私人傳訊

IRON

男爵府

積分: 8513

好媽媽勳章

12^#

發表於 05-6-21 17:29 |只看該作者

Re: 個仔同我玩對抗, 我就黎顛喇...

哎, 原來k3都有咁多功課, 我都好驚過兩年會咁; 有個朋友既仔仔我地公認係超懂事, 不過最近呢次約會朋友話阿仔做功課成日遊雲, 佢忍住唔發脾氣忍得好辛苦.....唉, 點解以前我地細個會自動自覺既......

私人傳訊

waiwaichu2003

積分: 2273

13^#

發表於 05-6-21 17:32 |只看該作者

Re: 個仔同我玩對抗, 我就黎顛喇...

Teresa,

會唔會你小朋友覺得就黎要離開讀左幾年既kindergarden和同學仔,個心好唔舒服和好唔捨得,加上黎緊9月會返新學校,果人覺得好似無晒目標咁,咩都要從新適應過,個心"up住up住"咁呀!所以咪做左好多反常既行為law!
以上係我中五升中六時既心情,但而家d小朋友比較早熟,我相信會咁樣諗都唔出奇ga喎!你不如試下從lee方面著手,同佢輕鬆d傾下!

私人傳訊

烏龍媽媽

別墅

積分: 725

14^#

發表於 05-6-21 17:42 |只看該作者

Re: 個仔同我玩對抗, 我就黎顛喇...

Oh no! 我所指的"黃金期"係你的黃金期 - 幼稚園的課程差不多教完, 又未需要應付小學的功課, 處於這幾個月就最好用來"拾正"佢的惡習. 因為有時間容許孩子未能一時做到要求, 做錯要求, 未習慣要求等. 例如星期一開始執行, 做不到; 星期二再試....., 可專注一致. 小朋友需要不斷的重覆重覆, 將錯的改正過來. 試問到了小學, 還可以有這麼多時間與精神呢?

我也正在對學習呢! 因為我家也有位trouble 12!

私人傳訊