心聲留言今日: 2|主題: 17501

收藏本版

發帖

返回列表

跳至頁

查看: 1134 | 回覆: 0

我們遇上了惡霸 [複製鏈接]

plumtree

侯爵府

積分: 23197

2018復活節勳章

1^#

發表於 10-10-15 14:36 |只看該作者 |倒序瀏覽 |打印

上星期五我表姐經地產公司在元朗租了一村屋的三樓.
位置是洪水橋奕園村奕園閣"狗"座三樓.
表姐見地方四四正正好實用,咁就拿拿聲租左. 我地以四千五百月租租下此單位.
表姐仲即時簽左臨約.
十一號就已經簽埋正約,俾埋傭金.
十一號當日交鎖匙.之後既九日免租期...我地就入去攪清潔同渡呎.
哈 !點知....兩個業主就開始現形.呢兩三日之間就發生左兩件事,我表姐無啦啦俾人鬧左一餐.
1.
我地入屋攪清潔.點知發現情況好壞....原本佢間屋既入牆衣櫃係十幾廿年前既就已經預左係有陣味....喇...但點知有個飾物櫃我抹既時候發現又發霉又泡又林 (d木板)...
咁我提議不如搵家務助理幫手清潔算喇 !但因表姐想省錢,咁佢就即時問女業主有無熟人可介紹幫我地手清潔.
女業主拍晒心口話有,收二百五,仲話包干淨包我地滿意.當晚佢以電話約實我地時間.我地仲講明清潔姐姐要自備清潔用具和用品.業主答無問題.
第二日我地去到新屋開門等佢帶人黎攪清潔. 業主帶左個七十幾既阿婆黎幫我地攪清潔. 不過,當時業主突然改口話要三百至肯做. 我地心裡就有多少被屈既感覺. 當時好似肉隨玷板上咁....
我地都無出聲,唸住息事寧人就算數.應承照做.
直到時近傍晚,我地檢示下d舊傢俱...睇下有無抹干淨.
點知發現個發霉櫃同我之前果日既狀態係原封不動,根本完全無抹過.洗手間既鏡櫃同台面都未做....就問下阿婆做左未啦 ?
點知阿婆竟然話已經攪掂.
咁我表姐就同業主反映,希望阿婆再抹干淨d.
點知業主講唔夠三句就發老脾.不停質問我表姐...
問佢點樣唔干淨,有咩問題 ?佢覺得已經好干淨無問題.又話表姐好過份...睇唔起阿婆,虾阿婆....
仲發晒浪黎咁鬧問表姐係咪想唔比錢 ?
又話清潔用品都係佢出既阿婆無wo...連清潔用品都蝕晒比我地......(但之前係講好清潔姐姐自備用品ga嘛)
喺我地外出既時候,佢就話清潔阿婆抹玻璃窗時推跌左塊玻璃....佢都唔駛我地賠錢...又蝕埋比我地,對我地已經好好好好咁話.
真係唸唔到反映兩句,要求佢抹干淨d竟然換來一連串惡言相向..
當時表姐為怕得罪業主,都唔係點敢出聲.俾佢勁鬧完就算. 但條氣就好唔順. 佢咁大個女都未受過呢d委屈.後來呢埋喊.
2.在簽租約時表姐禮貌上知會左業主夫婦一聱,佢會換鎖.當時業主仲話無問題,仲話建議或者我地可以加多把鎖咁就唔駛換咁麻煩.
第二日一早我地就帶鎖佬去換門鎖.因為佢地既門鎖係大陸貨,所以唔啱位,我地惟有加裝多把鎖.
業主當時亦同時在樓上天台攪其垃圾 (佢地似乎好鍾意收集人地唔要既廢物)
佢地知道我地搵人黎換鎖...兩個已經不停借尿盾落黎問我地攪咩.
當鎖佬準備將新鎖裝上之際,佢地突然從天台跑落黎...就鬧
話表姐點解整爛佢度木門,話我地唔可以咁做. 仲話自己無講過我地可以加把鎖落去呢句.
又話我地好人當賊辦唔信佢地,要換鎖....
根住就將前日清潔阿婆一事又重提.....
又喺人面話自己點對我地,幾寬容容忍我地,對我地幾好...
但我地仲唔滿意...云云
女業主起初話唔准我地繼續裝鎖,要幫佢地補番隻門.當我地同鎖佬即場商討價錢同做法呀時間既時候,佢地突然又發爛話....補番都唔得唔收貨. 要我地賠償番度新既木門比佢地.
起初我見表姐好怕事.人話唔比裝鎖就即刻唔敢裝停工.仲話即時補番比佢.連聲都唔敢點出.我已心知不妙.
但佢地竟然仲禁住黎搶...我就真係唔出聲唔得喇 !
我覺得咁落去真係唔係辦法既.
前日單野個心都仲啃住,今日又黎 ?
我即時提議表姐...要唸下仲繼唔繼續租呢度 ?
反正都未搬入黎.
既然佢地咁麻煩,咁浪黎打橫黎既.而家已經未住都咁唔開心咯,咁係咪應該唸下仲租唔租呢 ?
最後鎖佬走左.
我地同佢地講我地唔租喇.
門我地會賠番比佢.
個女業聽到之後,話佢無講過要換過度新門wo (咁都得 ?頭先仲鬧得好兇個bor?)又話搵人補番咪得囉 !仲話佢地對我地咁好點解唔租,問我地點解啊咁唔滿意 ?仲有咩野唔滿意 ?叫我地做人要心足wo !
真係好笑 !你地睇呀 !你地話到底係邊個唔心足,邊個虾緊邊個呀 ?大佬!
我代表姐出頭,我堅決話我地決定左唔租喇.

後來呢件事轉架左俾地產跟進.
果然不出我所料.
佢地真係獅子開大口要我表姐賠償一年生約內既租金.表姐早就預料到佢地會咁做.佢地係有咁既權利.我亦估計佢地咁貪小便宜(連打手電俾老公都要問我借手機,話自己無電話)咁賤一定會咁做.
唸唔到我地想和平解決呢件事....佢地唔係咁唸.
講真我地咩野都無做錯....其實既然大家夾唔黎頂唔順...咪好頭好尾大家解約算囉 !清潔我地又比埋錢仲落手落腳自己都做埋一份...幫佢攪到干干淨淨....
我真係唸唔到佢地有咩野損失囉 ?
我地唸住大家可以商量下賠番一兩個月租比佢就大家算數喇 !
點知佢一黎就叫經紀同我地講要我地賠一年wo ????
我見表姐好驚要賠咁多錢.
但我條氣就唔順.
我話我地同人攪到企企理理,仲要俾埋錢同人攪. 仲要俾人鬧左一餐. 而家住都未住過,無啦啦要賠一年租俾人 ?咁佢咪仲好過去搶 ?
我同地產講,我地唔會賠既. 我最大讓步係蝕晒果兩個月按金一個月上期俾佢既啫. 不過度門我係唔會再出一毛錢去修復既.
我話如果對方堅持要我地賠一年租或者接受我提議既沒收我地兩個月按手一個月上期,但仲要我地賠埋度新既門或幫佢修復度門既話,我地就決定唔取消租約,照入去住.睇下佢點 !
好快 !拉据左一陣,佢地就答應.
唉...就係咁我表姐幾日之間就無啦啦唔見左一萬六千九百蚊喇 ! (傭金,租金連埋雜費...)人力時間都仲未計 !
我地果一刻真係好無助 !唔知自己可以點做 !
我有唸過報警 !
我真係唔知作為一個租客我地有咩可以做到 ?我地應該點做 !真係唔知自己到底有咩權利.

希望今次各位藉此引以為鑑,幫我話俾親朋好友知. 小心呢兩個租霸.
Au Yexxg Lau(歐陽榴)Ho Kxxi Yuen(x桂圓)
佢地經常向人強調自1有幾好人,係基督徒....
經常對人講自己係超超超好人,我地識到佢地租到佢地間屋執到咁話 !
有朋友話,我地誤入光棍村 !我都唔知究竟係唔係 !
我只知我係遇上租霸.呃錢屈錢之徒 !