吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 大仔大女媽媽會› 心情好受影響

大仔大女媽媽會今日: 0|主題: 177860

收藏本版

發帖

返回列表

跳至頁

查看: 614 | 回覆: 7

[2010年] 心情好受影響 [複製鏈接]

奶茶小露寶

男爵府

積分: 6795

1^#

發表於 10-10-23 19:21 |只看該作者 |倒序瀏覽 |打印

媽咪幫完我坐月，返左屋企喇，我好唔捨得佢! 隨之而來既係我99，佢開始在我家過夜了，要同另一個人住同一間屋，我好唔慣! 未開始，我已經喊左好多次。喊係為左99成日唔聽人講野，bb要交比佢湊，我好唔放心!佢成日抱住bb，咩都唔做! bb唔訓，就抱住佢! 我話放佢落床，佢喊到累就肯訓，99就邊放bb落床邊說:"你媽咪話你喊夠就訓wo!" 都唔知係唔係比說話我聽! 呢2天，因為呢2件事，我pump人奶已經比平日少左20ml有多，好擔心再受影響，會堅持唔到餵人奶! 再加上過幾天返工，本已經好擔心奶量，依家仲要咁我就快痴線喇!
我已經忍唔住，餵餵下bb喊左好幾次，老公都問我做咩事! 其實我一直有向老公投訴99，但老公又叫我唔好諗太多，又話99都未開始比佢試湊bb……幫住晒!
平日會同媽咪傾99呢d野，依家媽咪走左，好似無人聽我講! 而且都唔想媽咪返左屋企仲要擔心我!
不過真係次次見親99抱住我個仔唔肯收手，我就好憎! 又好唔想望住佢! 佢一副有孫萬事足的樣子! 唔知點解我覺得佢當bb係玩具，好討厭! 而且每次見我好似搞唔掂bb，又話比佢黎wo! 以前都讓步，今日我唔會喇! 因為個仔係我生，我相信自己搞得掂! 而且我對左bb成個月，佢咩脾氣我最清楚!
上黎呻下ja，無咩事，希望唔會抑鬱!

0 0 0

私人傳訊

PiyoC

大宅

積分: 2326

2^#

發表於 10-10-23 20:39 |只看該作者

"因為個仔係我生，我相信自己搞得掂!"

講得好啱, 支持你, 母子血濃於水, 你99係無化代替到你既地位. 我工人又係成日抱住我個阿B當正佢係佢阿媽, 好似覺得我呢個阿媽無佢地咁有經驗湊B. 我要阿B喊多一陣等餵奶易D, 佢又好似我虐待梗阿B咁, 不過我唔會理佢, 我絕對唔會比阿B痴工人, 多過阿媽既..

私人傳訊

奶茶小露寶

男爵府

積分: 6795

3^#

發表於 10-10-23 21:05 |只看該作者

多謝你支持我呀!!

我生得出個仔，一定可以憑自己雙手湊大佢!
媽咪臨返屋企前鼓勵我比d信心自己，比心機湊大bb!
所以我唔會讓步比99，我可以自己搞得掂!
唔係99初時promise我幫手湊bb，我一早請左工人啦!
之後又話點解唔請，搞到我坐月都四圍去agent公司!
依家請左，但仲有一個月先到香港，所以依定由99接手湊bb，屋企多左99，我真係好唔free! 見親佢抱bb我就好嬲，我係唔係有病？
工人錫bb都係好事，但如果太過火，將自己當做媽咪想代替你地位就離譜!
我都會等bb喊一陣醒晒先比佢食奶，咁會快d，唔會食食下又訓! 我支持你!
我地做左人媽咪，要比信心自己!!

私人傳訊

PiyoC

大宅

積分: 2326

4^#

發表於 10-10-23 21:58 |只看該作者

無錯, 做左人阿媽, 先知為人父母既偉大, 你99都係關心同過份愛鍚嗰孫仔, 你工人到左, 你99既熱情可能會慢慢減架喇.

你無病, 我都成日同我老公講, 唔知點解, 見到工人抱我阿B, 或同佢傾計玩咁, 我都不其然無名火起, 我咁辛苦生佢出黎, 切膚之痛, 自不然好想自己同爸爸係BB心目中係第一位, 其他外人都唔想佢加入或者攪亂我地既生活.

遲D我番埋工, 真係更擔心阿B同工人相處時間更多會點. 唯有諗工人都係兩年者, 自己放工一定堅持同阿B沖涼, 同佢玩, 等佢知道我地先係最錫佢既人.

私人傳訊

蜜棗

子爵府

積分: 11426

睛靈勳章畀面勳章 BK Milk勳章

5^#

發表於 10-10-23 22:23 |只看該作者

回覆 4# 奶茶小露寶的文章

你唔好唔開心.
其實我都試過經歷你同一樣嘢.上胎嘅事.發展到今胎,我已經兜口兜面串佢.仲要係人多先嚟串.我認同呀,D 99成日爭嘢做,喂,又唔見你爭住做我屋企D家務??
D 99好鬼鐘意餵奶.成日爭,但佢連掃風都唔識仲要扮識,掃嚟掃去都唔得,一過我手就掂,佢唔認衰.話我個仔虾佢喎.佢掃風唔會用手托住我個仔個頭'掉掉FING'.有次去佢度食飯,開飯時我仲餵緊奶,佢就過嚟好好人咁話幚我喎.我當住C6面前話:你咁削唔洗喇.
佢勁唔老黎,但唔敢出聲,因為佢知佢一激嬲我,就會同上胎一樣,個囡一歲前見少過10次.今胎仲要係仔喎!
好喇,到我掃風喇,佢又埋嚟爭,我好串咁大大聲話:掃風要好似我咁托住佢條頸架!
之後佢好不忿咁話:好有呀
我回佢一句:你有鬼!!!!

我62都在場.唔會再忍佢.有咩都會直插

爆愛車縫作

私人傳訊

evevevevee

複式洋房

積分: 115

6^#

發表於 10-10-23 23:33 |只看該作者

唉~婆媳問題真係千古流落黎,好難攪!

可能我講d野唔係咁岩妳地心水, 但係我唔想講d附和既說話, 因為咁樣只會火上加油, 令到妳地對99更不滿.

其實老人家同我地湊bb既方法真係好唔同, 但係我地咪又係咁樣被湊大, 只係我地接受既教育唔同, 有時會唔係咁buy佢地個套

真係咁不滿既話,如果自己又係有能力既就請個工人,咁就煩小好多, 始終相見好同住難!

但諗心一層ar, 有人肯幫妳湊等妳可以安心去做野真係幾好ga, 起碼有時可以自己去下街又輕鬆一下, 其實湊仔仲慘過返十份工,而且老人家都係錫妳既bb(唔錫自己唔緊要呀!), 唔係想害bb,係咪?

老公都好慘,夾係中間好難做ga,所謂好仔兩頭瞞, 我諗樓主老公都係咁, 唔係唔幫妳, 只係唔想問題惡化先咁樣

初為人母, 肯定事事都好緊張, 加上頭一個月既情緒波動會比較大, 但自問呢d野只有靠自己控制, 慢慢就會好ga啦!

而且以我自己既經驗所得, 就算bb開頭只認湊自己既人都好, 都係短暫性, 開頭真係會有ｄ唔開心, 但係bb大大下始終都會知道邊個係媽媽, 因為媽媽係無可取代既!

仲有一樣野就係,妳希望妳既仔女第時點對妳就要睇下妳地點樣對妳地既長輩, 所以就算我對99有幾不滿我都唔會係個仔同老公面前講,衰d講, 講左等於白講, 有時仲會為左d咁既野同老公嘈, 幾唔值得!

講咁多都係希望俾返d正面小小既信息大家平衡一下, 出於好意, 希望大家可以開開心心咁迎接新生命來臨既喜悅啦! 如果唔岩聽就當我發up風啦!

私人傳訊

PINKYLOLL

別墅

積分: 590

7^#

發表於 10-10-24 20:36 |只看該作者

我都遇到LEE個問題,我本身計劃好先生第2胎,咁大女都係奶奶揍的,OK冇問題,咁諗住這胎都俾99揍啦,點知有左5個月,佢就同我講要同朋友返鄉下攪生意,所以唔可以幫我揍,咁好啦,我就請工人啦,我99同老爺好反對,又話個工人唔知會點對個BB,點都唔俾我請,又話叫我唔好做野自己揍(冇可能,如果得我老公做野會有經濟壓力),最後佢地竟然話等我生完之後帶BB返鄉下俾親戚揍,咁佢地又可以睇到BB,我聽到之後好嬲,我同佢講如果俾你帶返去,我不如唔好生,點解要攪到我地骨肉分離~~最後我唔理佢地,我話工人一定會請,BB一定要同我一齊,我點都要睇住佢成長同揍大佢!!!

私人傳訊

harryheli

複式洋房

積分: 377

8^#

發表於 10-10-25 08:53 |只看該作者

原帖由 PINKYLOLL 於 10-10-24 20:36 發表
我都遇到LEE個問題,我本身計劃好先生第2胎,咁大女都係奶奶揍的,OK冇問題,咁諗住這胎都俾99揍啦,點知有左5個月,佢就同我講要同朋友返鄉下攪生意,所以唔可以幫我揍,咁好啦,我就請工人啦,我99同老爺好反對,又話個工人唔 ...

撐你呀！BB一定要跟住我地架！如果o係香港都話丫, 返到大陸咁遠, 當然唔得啦！你要加油呀！其實請工人都唔係唔好架, 最多自己o係廳度裝返啲眼仔, 放工返黎睇緊啲阿B有冇事囉！自己睇緊啲小心啲就得架啦！除左99仲有冇其他親人得閒幫你望下呀, 如果有多啲人同你地一齊睇阿B, (間唔中都得架啦), 咁個工人都會醒神啲架！