[轉帖] 現實中既笑話
1. 有一次由灣仔撘小巴去銅鑼灣糖街咁諗住同個friend去"文輝"食野，我一直係度諗緊食咩好，但係當差不多到既時候，想叫"文輝有落丫﹗唔該"，點知我好大聲咁叫左﹕"墨丸河丫﹗唔該﹗﹗﹗" 全車人都忍唔住笑左出黎，個司機仲笑笑口話﹕"加唔加紫菜呀？？？" ...嘩....瘀到震.......呀........
2. 有個做幼稚園教師的朋友，新學期開始時，她叫全班同學帶手冊回家，叫家長貼相片在手冊上。 當她收回所有手冊時，發現竟然有一位家長將自己的相片貼在手冊上。
3. 我朋友有次趕住返學，速忙出門時隨手拎左個電話出街，上到巴士諗住拎出o黎飛線，點知發現原來拎左個電視遙控出o黎，嚇到佢收都收唔切﹗﹗
4. 大學時期攪大學學會，學期初時要擺counter招收新會員，我男友係學會的主席，我在call台落Call"唔該叫佢帶埋Receipt簿來開檔，急用﹗" ~~15分鐘後，佢沖到個counter，將一包用"屈X氏"袋包住既野急急塞俾我，壓低聲同我講﹕"要我買D咁o既野，我唔掂架，我囉左家姐D俾你頂住先啦﹗" 我聽到抓晒頭，但因為趕住用冇再追問佢，同大家講左句"好對唔住呀﹗黎遲左......" 便急急在眾人前打個袋。嘩﹗當堂尷尬到要死，因為..........袋裡係一包"護舒寶"。
5. 一次放學搭巴士返屋企，當時企係度都好輕鬆下，但突然間架巴士掟左個急彎，我當然失去重心，本能反應就係捉住D o野羅番個平衡，點知我一手就叉住左一個3、40歲既男人條頸度，最好笑就係個男人仲係度扮反白眼同透唔到氣呀﹗
6. 讀中學個時有個miss用projector，突然有陣風吹走張transparency，但係佢居然立即用隻手禁住塊白板﹗
7. 早前手提電話好流行有"語音撥號"，你向住個電話叫﹕邊個邊個，咁個電話就會自動撥去邊個邊個果度，方便好多咁話。 有日放工搭地鐵，聽到係前面個西裝友向住部電話叫﹕"八婆﹗" 過左一陣(應該係條線通左)，佢就對住個電話，用無比客氣既口吻話﹕"阿外母大人呀 ﹗我今晚趕唔到o黎食飯"....
8. 賓妹點用八達通.....?
事件經過:
今日坐巴士,由觀塘市中心上車去藍田,巴士駛到觀塘巴士總站後,有兩個賓妹上左車,第一個手拿"散紙"好潚晒地將錢入落錢箱,又好潚晒咁行入車廂中間,第二個可能新黎,可能佢主人買張八達通比佢,所以手持八達通,佢就將八達通整張放入錢箱...... ,司機即時望住個賓妹,個賓妹都愕一下,司機即時用手指指住錢箱入邊張八達通,連口都"O"埋(個口型),前邊看到的乘客有幾個己經在噴飯,而佢朋友立即走前睇下發生乜野事,看到錢箱入邊張八達通時說了一句"OM MY GOD",因賓妹不懂中文,司機不懂英文.......司機就飛奔落車找站長"的"走個賓妹落車填FORM申請拎返張八達通出黎.兩個賓妹落車後,司機講左句: X , 阻 X住晒,每星期總有幾張咭入箱..又要寫REPORT開箱..Ｘ街..........
果陣車上邊的人/司機/賓妹X2 的表情最好笑....形容唔到...佢主人唔知會唔會笑死或者激死
9. 搭地下鐵的故事！係真人真事??！
有次搭地鐵坐車頭，係0岩0岩要刪門果陣，見到個大陸佬以很好既身手閃左入黎。
跟住車廂內傳出 「o都 o都 o都 o都 o都 o都 o都 o都 o都 」既聲音， 正準備關門開車。
點知個大陸佬又突然間閃返出月台。跟住車長走埋0黎問佢點解閃出閃入。
咁個大陸佬就以好重既鄉下音同車長講:
『乜「o都 o都 o都 o都 o都 o都 o都 o都 o都」唔係超重咩??』
I learned long ago, never to wrestle with a pig. You get dirty, and besides, the pig likes it.
發表於 
返回列表
