吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 心聲留言› 今晚餐飯食得好炆

心聲留言今日: 0|主題: 17565

收藏本版

發帖

返回列表

跳至頁

查看: 2896 | 回覆: 16

今晚餐飯食得好炆 [複製鏈接]

Vinvin

子爵府

積分: 11058

1^#

發表於 05-6-19 00:41 |只看該作者

今晚餐飯食得好炆

唔好意思, 打左咁長, 但我真係好炆, 要係呢度吐不快.

今晚同老爺出街食飯慶祝父親節. 係一個星期前我已經book左枱 (4位, 我, 我老公, 老爺同奶奶), 間食市分兩輪, 一輪6:00-8:00, 第二輪8:30開始, 但第一輪full左, 所以book8:30.

我今晚特登8:00到, 諗住攞定籌先 (因為就算book左, 都要分早到入先), 唔使老爺同奶奶等, 個"叫位個女仔"話, 下一張細枱就到我地. 我一望入間食市, 已經覺得d枱唔同左攞法, 因之前都去過食過.

由8:00開始, 已經不繼有好多人埋單, 心諗真係好快會有位, 但等到8:30, 叫籌入坐的, 有9成都係叫9位或以上, 已經覺得奇怪, 咪走入去間食市望下, 一望發覺有9成枱都係大枱, 只有小數4人枱, 但都見到有2張4人枱食緊甜品, 同老公講, 應該就快有枱勒, 但過左10mins, 都係叫大枱同叫左幾張6人枱, 我老公咪望下頭先個兩張4人枱囉. 點知原來佢俾左6人坐. 係. 個兩張枱的而者確係可以容納到6個人, 但成張waiting list到淨係得我地一張係4人枱, 咁我咪問個女仔, 點解個兩張枱頭先係坐4個人, 點解都未輪我地, 反而遲過我地D6人就入左幾張 (已經等到有D炆), 佢話第一輪冇乜6個人黎食飯, 所以安排D4人坐, OK, 個理由都可以接受, 佢話下一張到我地.

但之後佢再叫都係6人枱, 我咪即刻問係唔係要等所有6人枱入哂先到我地, 8:00個陣時, 你已經話下一張到我地, 而家已經係8:40, 況且你間舖頭, 今日攞哂D大枱, 根本冇乜細枱, 佢跟住話下張到我地.

果然, 下一張真係到我地, 一入去, 火到黎埋 (之前已經火架LA), 佢地竟然安排我地坐係兩張大枱中間條"拿"既細圓枱, 我即刻話點坐呀, 根本放四張圓椅, 都轉唔到身個隻. 我老公不"嬲"都係好脾氣個隻都忍唔住出聲, 佢話: "頭先入過黎睇下有冇細枱, 明明見到呢張枱係放呢兩張大枱D未上既餸同湯". 我話我唔坐呢張, 老公問咁等下一張要幾時, 佢話好快, 跟住另一個侍應走埋黎問乜事, 同埋問我地係BOOK左枱定係walk in, 帶枱女仔話係book既. 跟住佢唔出聲, 本來我想講: 你呢句乜野意思, 係唔係如果walk in就冇得揀鴉. 但我忍住冇出聲.

我同老公本來真係想唔係到食, 但今日係邊到食都多人, 又唔想老爺同奶奶去另一間舖頭又要等一親, 而且老爺同奶奶話等多陣 (因個女仔話好快會有枱).

唔夠2分鐘, 有枱, 一路行一路向前望, 淨係見到一張長枱冇人坐, 但上面放左約莫兩個"筲箕", 個兩個"筲箕"裏面放住d應該係乾淨碗. 點知佢真係叫我地坐呢張枱, 仲係係呢個時侯d侍應先黎搬開呢兩個"筲箕"同抺枱, 我即刻面黑, 我同老公講話唔坐, 但老爺同奶奶話算la, 坐la.

仲有係呢張真係一張長長長枱好似食西餐個d枱咁, 但係我地要坐得好怪, 我地唔係兩個兩個打對面坐, 張張長枱都係打對面坐, 但我地個張就要坐三邊 (即係坐東, 南同西面, 北面係走廊), 如果坐埋北面, d客人就行唔到. d人行過都望下我地同隔離d枱.

有個女侍應走埋黎埋緊d茶杯, 佢聽到我奶奶安撫我, 叫我唔好嬲, 我話一張又係咁, 第二張又係咁, 俾d用黎擺野既枱人坐, 個女侍應話你地有冇黎食過架, 同埋點會有食市會用張長枱黎擺野, 唉, 我忍唔住又出聲, 我地幾對眼都見到架.

呢間野真係唔知點安排d枱, ok, 我都知呢兩日食飯會好多人同等好耐, 但等枱係其次, 佢地根本冇預留d細枱俾客人, 佢地d枱2/3係俾人book既, 1/3係for walk in. 照道理, 呢兩日 (因父親節) 應該唔會有over8, 9人或以上唔book枱, 貿貿然walk in食飯, 呢兩日唔好話唔book枱, 就算book左枱都會等好耐la.

最重要係呢餐飯係慶祝父親節架麻, 攪成咁.

私人傳訊

rubyl928

大宅

積分: 3325

2^#

發表於 05-6-19 00:58 |只看該作者

Re: 今晚餐飯食得好炆

邊間咁衰?
不過節日出親去食飯都好易搞到一肚氣

My 狗仔衫

私人傳訊

ywpw

男爵府

積分: 6545

好媽媽勳章

3^#

發表於 05-6-19 01:41 |只看該作者

Re: 今晚餐飯食得好炆

係咪潮樓呀?

私人傳訊

學姬公主

子爵府

積分: 11157

4^#

發表於 05-6-19 12:59 |只看該作者

Re: 今晚餐飯食得好炆

係呀, 所有我地不嬲一係後補, 一係提早一個禮拜, 費事俾$受人氣...

rubyl928 寫道:
邊間咁衰?
不過節日出親去食飯都好易搞到一肚氣

私人傳訊

香香

禁止訪問

積分: 8199

5^#

發表於 05-6-19 13:25 |只看該作者

Re: 今晚餐飯食得好炆

提示: 作者被禁止或刪除內容自動屏蔽

私人傳訊

siuso

男爵府

積分: 5314

6^#

發表於 05-6-20 21:24 |只看該作者

Re: 今晚餐飯食得好炆

vinvin

有冇搞錯, 咁既安排

不過真係過時過節出街食飯就係咁架la.

但我真係唔多覺佢地有幫你預留張枱喎. 因為如果有, 一早就俾左個張兩張大枱中間條"拿"既細圓枱你啦, 唔使你呆等左成over40mins同要你發火先俾你la, 又或且佢地諗住係d 6人枱未到時先偷雞俾張枱你, 太過份la.

私人傳訊

gianyip

伯爵府

積分: 17456

7^#

發表於 05-6-20 21:54 |只看該作者

Re: 今晚餐飯食得好炆

係呀,邊間?

私人傳訊

manicheung

珊瑚宮

積分: 113477

好媽媽勳章

8^#

發表於 05-6-21 00:12 |只看該作者

Re: 今晚餐飯食得好炆

vinvin
係咪元朗啊？

私人傳訊

kgpooh2

大宅

積分: 2087

9^#

發表於 05-6-21 03:03 |只看該作者

Re: 今晚餐飯食得好炆

我睇見你咁寫法我都

私人傳訊

大宅

積分: 1879

10^#

發表於 05-6-21 07:49 |只看該作者

Re: 今晚餐飯食得好炆

逢節日出街食飯, 都係咁架啦, 所以大時大節我都吾會出去食, 又貴又受氣.

私人傳訊

Nonna

別墅

積分: 652

11^#

發表於 05-6-21 10:24 |只看該作者

Re: 今晚餐飯食得好炆

係邊間等我吓次唔好去 !

私人傳訊

613

大宅

積分: 3588

12^#

發表於 05-6-21 11:18 |只看該作者

Re: 今晚餐飯食得好炆

我地去西貢食海鮮又係咁, 叫5斤螺炒得一小碟, 投訴後又話比多一隻我地.
後面枱仲好笑, 叫8隻瀨尿蝦, 得7個頭, 7條尾, d白桌蝦唔見左, d海鮮攪亂晒, 早走早著.

私人傳訊

Vinvin

子爵府

積分: 11058

13^#

發表於 05-6-26 14:00 |只看該作者

Re: 今晚餐飯食得好炆

唔好意思, 因最近太忙, 小左上黎.

查實我個日係去左cwb既客家x棧.

我都認同大家:就係過時過節出街食飯就係咁, 但冇諗過會差成咁囉.

siuso

我都好似你咁諗.

siuso 寫道:
vinvin

有冇搞錯, 咁既安排

不過真係過時過節出街食飯就係咁架la.

但我真係唔多覺佢地有幫你預留張枱喎. 因為如果有, 一早就俾左個張兩張大枱中間條"拿"既細圓枱你啦, 唔使你呆等左成over40mins同要你發火先俾你la, 又或且佢地諗住係d 6人枱未到時先偷雞俾張枱你, 太過份la.