論盡家傭 今日: 2 | 主題: 134002

積分: 298

1^#

發表於 10-12-24 13:08 |只看該作者 |倒序瀏覽 |打印

工人笨，同個唔熟的賓賓做左"推薦人"，而家人地走左路，財務公司日日不停打電話黎我家騷擾，但我工人話無簽過文件做擔保人，就算財務公司記信黎都只是c.c.比佢。我個工人是個好工人，我唔想抄佢！佢同我都好無辜！但d電話又真係好煩！電話set左野都截唔到d無字頭電話，同佢講左巳報警佢都仲夠膽打野！請問換屋企電話號碼是否可以一了百了呢？點做可以令財務公司唔打黎？其實d財務公司真賤格！高息放貸，明知會走路都借！走左路就好似乞E感周圍追數！佢話香港政府容許佢向債仔追債喎！我話：但我屋企無人欠你錢！你個債仔係菲律賓！請你去菲律賓追！！！

0 0 0

私人傳訊

積分: 9539

畀面勳章

2^#

發表於 10-12-24 13:21 |只看該作者

無辜嘅係妳，唔係妳工人，佢地好興互做擔保人，借到嘅錢就對分～如果妳工人無簽任何野，財仔又何來妳屋企電話地址？

私人傳訊

wcpcelia

雲母殿

積分: 1367084

虎到金來勳章 2018父親節勳章 2018母親節勳章 2018復活節勳章開心吸收勳章最關心BB問題熱投勳章認識瑞士牛牛第二回認識瑞士牛牛第一回育兒性格勳章我的育兒心得勳章想生BB熱投 DHA勳章好媽媽勳章醒目開學勳章畀面勳章 wyeth冷知識勳章貢獻勳章環保接龍勳章親子達人勳章 hashtag影視迷勳章 15週年勳章親子王國15週年勳章

3^#

發表於 10-12-24 13:34 |只看該作者

有道理喎...

原帖由 joanie731 於 10-12-24 13:21 發表
無辜嘅係妳，唔係妳工人，佢地好興互做擔保人，借到嘅錢就對分～如果妳工人無簽任何野，財仔又何來妳屋企電話地址？

私人傳訊

ellawyc

公爵府

積分: 26643

好媽媽勳章

4^#

發表於 10-12-25 01:06 |只看該作者

推薦人係唔需要上身
擔保就唔同啦
樓上講得啱, 財仔無啦啦點會有你電話丫
佢就算係做推薦人, 佢都一定有著數過手
自己無jetso就點都唔會比d資料出去, 除非佢傻嘅~

先出封reminder, 叫你工人立即想辦法停止財仔對你家騷擾.
reminder, 係用黎紀錄佢為你家帶來麻煩. 無實質即時作用. 但儲得幾封, 就顯示佢無力停止對你家帶來的滋擾, 影響你生活安寧. 你可以試 (講明, 係試)唔補一個月炒佢, 佢去開你file, 你咪帶齊文件去勞審講數囉.

私人傳訊

積分: 9539

畀面勳章

5^#

發表於 10-12-25 03:32 |只看該作者

原來係推薦人！我無留意添！以我所知＂推薦人＂要自己借左錢，再推薦其他人去借，甘自己就會有d優惠，eg：現金回贈~
所以妳工人可能已經借左，只係佢有換，所以先無信寄黎。分分鐘下次到佢走數返菲律賓！

私人傳訊

積分: 298

6^#

發表於 10-12-26 02:14 |只看該作者

請問甚麼是"只係佢有換，所以先無信寄黎"?其實佢第一曰話我知將會有財仔煩我，佢好似好熟感，叫我唔聽電話就得架啦！d信寄黎假扮無人唔好開，等佢return！又話財仔佢地用意想弄氣我，想工人還錢就避免被抄！

其實我不能知道她有否借錢？我問過佢有無對分？佢話無！又問佢有無取回贈或禮品？佢又話無！講真，就是覺得她做事都算ok....不想抄佢，就要信佢！

其實同番agent講，有無幫助呢？

私人傳訊

積分: 298

7^#

發表於 10-12-26 02:45 |只看該作者

工人話同大廈的一個賓賓急於用錢，又知道推薦人唔駛上身，所以比左個ID number個賓賓，佢地私地下倾左乜就真係無人知啦！我工人第一日同我講時，佢話諗住我會抄佢！仲喊晒話準備執包袱！你信唔信佢？

但佢又真係算係ok 架喎，一個人揍兩B，一個3歲，一個8個月。一早7點起身掃地、執廳、整早餐。然後洗衫、熨衫、揍細B每日5餐包餵奶、煮粥仔、換片。大仔午餐、我地的晚飯，我放工前兩B已冲涼及食完粥仔，跟住洗乾淨廚房才冲涼去訓。就算放假都會每朝起身掃地、執廳、煲好熱水，洗晒奶樽才去街、放完假返黎又會同我洗乾淨碗蝶、或是同我d仔冲完涼才訓！佢無出個聲話唔like喎！無左佢！我相信我搵唔番第二個黎代替佢！

私人傳訊

積分: 298

8^#

發表於 10-12-26 02:51 |只看該作者

我話佢好似乜都好熟感，係因為佢有2個熟的親戚係香港做左起碼十年，所以佢乜都識！

私人傳訊

積分: 9539

畀面勳章

9^#

發表於 10-12-26 02:52 |只看該作者

我打錯字，我想講係佢可能借左錢，但一直都有deadline前還錢，所以無追數信。
如果妳想知清楚，嘗試打去間財仔度問下咩係推薦人，或者會有答案。其實好簡單，妳個工人一定有講大話，因為佢話無簽過任何野，但財仔又神奇地知妳屋企電話地址？妳睇返呢度d case，有d僱主收到追數信，個工人都可以話無借過！死口唔認、大話kum大話係工人強項~又或者咁講，妳唔本身係o個間公司o既客戶，又何來推薦？

到時妳問到結果，咪試下大佢，話＂財仔回覆妳有填資料做推薦人／有借錢，宜家比多次機會妳講真話，如果妳堅持無簽過，就帶妳去財仔睇返d文件，到時先發現妳講大話就會即炒＂
至於炒or not，就由妳自己衡量，就算想比佢留低，都要比佢知道太太唔係lulu！否則佢以為以後講乜大話都得~

私人傳訊

積分: 298

10^#

發表於 10-12-26 02:54 |只看該作者

"下次到佢走數返菲律賓！"我想都有這個可能！

私人傳訊

積分: 298

11^#

發表於 10-12-26 02:58 |只看該作者

其實我可能已經做左lulu.....但係現在拆穿佢，對自已都好似無乜着數！！

私人傳訊

積分: 9539

畀面勳章

12^#

發表於 10-12-26 03:04 |只看該作者

我工人第一日同我講時，佢話諗住我會抄佢！仲喊晒話準備執包袱！你信唔信佢？＜--唔信！

停妳講佢表現真係ok，比我都未必會炒，但我覺得妳都應該搞清楚，唔好逃避，唔係到時工人變質咪一腳蹻起妳？
而且比工人知道妳唔係易呃,唔容許佢用大話過骨，等佢以後都唔敢太放肆~

私人傳訊

積分: 298

13^#

發表於 10-12-26 03:09 |只看該作者

""妳唔本身係o個間公司o既客戶，又何來推薦？" 這都有道理！工人話推薦人似是那些証明賓賓品格良好、有穏定收入，有經濟能力可還錢那種！我都問過自己，邊有一間笨公司會噤易借錢比佢–地？不過，人地話好高息架，成40-50厘架！噤，財仔肯借都有可能！！

私人傳訊

積分: 9539

畀面勳章

14^#

發表於 10-12-26 03:10 |只看該作者

所以我咪話大下佢，比機會佢自己招供，然後妳咪大仁大義咁＂今次比一次機會妳＂當然要再訓下話：太太好注重誠信，以後唔好再講大話，機會得一次，下次就要返鄉下喇！

私人傳訊

積分: 298

15^#

發表於 10-12-26 03:17 |只看該作者

謝謝你的意見。其實佢個约來年1月就到期，都巳經剛剛在入境處續左约，不過佢話想3月才放假返鄉，參加個女的畢業禮。我都驚佢走左唔返黎！但係又真係無得驚架喎，佢要走我都無辦法！

私人傳訊