大仔大女媽媽會 今日: 0 | 主題: 177860

積分: 1835

1^#

發表於 11-1-24 18:59 |只看該作者 |倒序瀏覽 |打印

我相信任何一個人都有佢自己既壓力同埋唔開心事.
特別係懷孕過程中, 荷爾蒙影響, 情緒更加易起伏.

大家有冇壓力or唔開心想發洩? 但又唔講得比身邊既人知呢? 可以一齊分享或支持下嘛??

我講自己先啦~

其實老公好錫我, 生活環境都好好, 6299亦對我無微不至.

反而我自己hk既屋企就好多問題, 可能太多兄弟姊妹, 拗撓出現, 有d仲解決唔倒, 依樣事令我好唔開心.
可能我已經嫁左又身處外國, 依家特別珍惜對住細佬妹既時間, 比以前更愛惜佢地. 可惜其他人唔太融洽, 又不能置身事外, 所以好煩惱....今日仲好激動, 喊左出唻, 覺得好對唔住BB.....

0 0 0

私人傳訊

積分: 4761

畀面勳章

2^#

發表於 11-1-24 19:40 |只看該作者

我同你一樣, 都係娘家既事令我好辛苦, 我老公都係好鍚我, 雖然有佢分擔, 不過佢工作好忙, 成日都要飛, 所以都係好想可以同人傾同人講

我6299都係外國, 因為62仲過風, 行動不便, 而且而家仲唔中意同人接觸, 所以已經係嗰邊定居, 亦係因為咁, 我無婆媳問題

不過我娘家係愛生事家庭, 我已經有2個仔女, 佢哋都9歲10歲喇, 不過我阿爸係嗰啲古老又撈唔起既古惑仔, 到而家5X幾歲都仲將啲講打講Kill掛係口邊, 又成日對我仔女陏手陏腳, 啲觀念又錯晒, 攪到兩隻嘢學晒, 但又唔話得佢, 話佢佢就發脾氣; 我阿媽就見錢開眼, 有錢先有我呢個女, 遲咗一日比家用佢先會搵我, 收咗錢就唔會搵我, 但佢就錫我家姐錫到燶, 我同我家姐都有咗BB, 不過家姐返去佢先會煮好餸, 我返去就食隔夜餸, 又成日叫無錢, 但我已經一個月比萬幾元家用佢, 都唔知佢想點, 又成日迫我買樓等佢哋可以借比其他親戚住, 都痴線架, 當我同我老公係億萬富翁咩!!!仲有我嗰時結婚佢仲要唔聲唔聲將啲人情落咗格, 但全個婚禮佢一個仙都無攞過出嚟亦無幫過手, 而家仲想我擺滿月, 我一定唔會呀, 就算攞都唔會請屋企人, 如果帶我都只會帶埋小豆既家姐阿哥同幾個表弟妹出席, 呢個所謂既家實在太恐怖喇, 而家只想小豆7月出世後, 坐完月就接番家姐阿哥返嚟, 以後唔係大時大節都唔會見喇, 唔想再每次返親去再回家時都要以淚洗面呀><"

私人傳訊

積分: 1835

3^#

發表於 11-1-24 20:59 |只看該作者

其實我係第2個post度都見倒你寫過有關既事, 印像深刻. 我家娘都唔好得你個幾多, 不過都十幾年前既事, 我地都原諒左.

依家我煩既都係我家姐一個, 以前關係好好, 都係果句, 講$失感情, 好後悔叫老公幫左佢, 因為咁多年, 遇過咁多難關, 冇諗過人地可以幫佢, 唔只我一個, 但佢竟然有d野可以倒轉槍頭, 依家只係發生左一d小既事, 佢就成個人變晒. 變得個個唔敢埋佢身, 開解佢, 解釋佢知, 佢又硬頸, 只覺得其他人出現問題, 人地唔順佢, 佢就可以講d過份既野.

除左我覺得辛苦外, 其他人都好痛苦, 可惜, 屋企人冇得揀, 冇得唔理. 大家只好避開. 自己眼見覺得一家人點解咁. 好無奈.

不過睇唻真係家家有本難唸的經......

唔知係唔係咁既原因, 有d慘過, 我地會比較珍惜眼前呢?!

原帖由 jc0515 於 11-1-24 19:40 發表
我同你一樣, 都係娘家既事令我好辛苦, 我老公都係好鍚我, 雖然有佢分擔, 不過佢工作好忙, 成日都要飛, 所以都係好想可以同人傾同人講

我6299都係外國, 因為62仲過風, 行動不便, 而且而家仲唔中意同人接觸, 所以已經 ...

私人傳訊

6cm

禁止訪問

積分: 2610

4^#

發表於 11-1-25 09:42 |只看該作者

提示: 作者被禁止或刪除內容自動屏蔽

私人傳訊

積分: 4761

畀面勳章

5^#

發表於 11-1-25 09:59 |只看該作者

我又咁睇既, 就係有唔好既人出現, 先會remind我哋要好好珍惜身邊好既一個, 10年前我身邊啲FD已經叫我唔好再理我屋企人, 只係我自己衰心軟, 好似我阿媽咁, 我一直為佢所做既, 原來佢都只係呃我, 仲要係啲親友前唱衰我, 等個個都覺得佢好偉大佢好慘, 我都唔明點解佢要咁對我, 不過算啦, 我問過佢點解咁憎我, 佢都話因為只細我係一個古靈精怪, 鬼主意多既小朋友, 雖然咁樣係帶到好多歡樂比自己同其他人, 不過佢就話佢最憎就係呢類人, 所以佢就已經判定咗我大咗一定係個壞人, 所以只細就咁憎我, 即使而家我對佢再好, 佢都依然戴住有色眼鏡睇我, 算啦, 我覺得屋企人都係人, 既然自己已經盡力, 亦無謂再辛苦自己辛苦人, 你都係, 你已經有自己一個家, 家姐既事盡咗力就得, 唔係好易將啲情緒帶去BB到, 而家最重要既係你BB, 佢先係最需要你既人, 其她人等到一個right time先再處理罷

原帖由 Babyshino 於 24-1-2011 08:59 PM 發表
其實我係第2個post度都見倒你寫過有關既事, 印像深刻. 我家娘都唔好得你個幾多, 不過都十幾年前既事, 我地都原諒左.

依家我煩既都係我家姐一個, 以前關係好好, 都係果句, 講$失感情, 好後悔叫老公幫左佢, 因為咁多 ...

私人傳訊

積分: 4761

畀面勳章

6^#

發表於 11-1-25 10:23 |只看該作者

真係完全係同類人呀, 佢知我有咗知我會請陪月嗰時都係叫我比個萬幾蚊佢賺佢就嚟幫我手, 我話我請個陪月8-9千咋喎(當然係呃佢睇佢有咩嘢反應), 佢即刻話咁少咁你請人啦, 我真係小小小小小小小丫, 阿媽嚟架

我由細到大拍拖佢都係, 成日都話佢而家無錢唔緊要呀, 叫佢勤力啲第時就開公司做老闆呀(因為我其中一個姨丈係咁樣白手興家), 到而家對我老公都係叫我點去攞佢啲錢, 佢都痴線架, 點知而家佢就想盡辦法點去攞我哋兩個啲錢, 成日用我對仔女同我阿爸要脅我, 唔係話要停佢哋兩個學緊既嘢就話要扣起我阿爸啲家用, 返親去講嚟講去都係錢, 唔講錢佢就無嘢講架喇, 我有咗咁耐呀, 佢哋一句恭喜都無呀, 阿媽知道我陀嗰個係仔, 只係不停話應該要係仔, 等佢第時可以接收爹D啲嘢, 佢都short架, 就算我小豆仔真係接收咗都唔係益佢呀!!!

我老公天真到諗住可以講掂佢, 同佢講我哋會請工人, 我阿媽問佢咁開支咪會緊咗囉, 佢真係答我阿媽係喎, 跟住我阿媽就向我再攞多啲錢, 迫到我日哭夜哭, 我老公就問我, 佢嗰日唔係擔心我哋財政會緊會架咩, 我咪話你都傻架, 佢梗係擔心啦, 咁到時我哋有機會比少咗錢佢丫嘛, 所以而家咪博命搶錢囉, 真係比佢激死我呀><"跟住我老公又親眼見過佢點樣對住我同對住其他人講唔同既說話, 佢先確認我阿媽係個咩嘢人, 佢都話見到我阿媽真係拍案叫絕呀, 同一番說話, 無人時同我講同埋一知道有人行近時再講, 就變咗2樣唔同既事, 仲要講到我係幾咁衰, 佢話唔係親眼親耳見到聽住佢都好難信世界上真係有啲咁既阿媽呀, 對住自己個女都勁過人哋玩變臉嗰啲呀

原帖由 6cm 於 25-1-2011 09:42 AM 發表

原來大家都有相似的經歷，好像都是娘家那邊的問題，連我自己都不例外…其實我細個我阿媽已經跟人走左…我一直跟我阿爸住，係間唔中探下我阿媽…佢之後仲同人生左一仔一女。
但一直非常會主動搵下我，通常有事先搵我…例如 ...

私人傳訊

積分: 1835

7^#

發表於 11-1-25 12:57 |只看該作者

6cm, jc0515

我阿媽都係, 初初結婚果陣, 佢雖然冇話要禮金又盛, 不過我知應該要比, 所以叫老公拎左10萬出唻出大家姐同佢分, 大家由細供書教學, 我阿媽就爭落周身債, 所以我當時覺得要咁分.

之後佢就成日話我, 老公比錢我洗唔要咁蠢, 又唔keep佢d錢, 又話老豆(繼父)出糧就比晒d錢佢架! 我心諗, 我就係唔想我老公好似你老公咁慘, 辛苦搵返唻既錢比你輸晒, 比人呃晒. 我唔要同老公既感情建築係錢上囉!! 你係咁姐, 我唔係咁, 之後就鬧大交, 講返起禮金, 話我"唔好以為你比好多禮金我, 有一半唔係我收" 我就同佢嘈囉, 你依家嫁女定賣女呀!? 我18歲出唻返兩份工都係為左你咋, 唔係你我同大家姐都唔洗咁辛苦, 依家唻講錢!

果陣真係喊到我痴線! 加上我結婚唔夠3個月, 2家姐就問我老公借錢, 十萬借左, 1個月還唔倒2千, 我去italy仲識叫我買lv返唻, 仲要只比返少少錢出唻, 當時我都冇野呀! 到我唻外國時, 佢同阿媽一齊喊住問我借幾十萬, 我都仲借比佢. 當初應承我還6千, 依家有心情果陣先還3千, 但竟然有餘錢去買名牌去dup骨, 去旅行!
我老公一句聲都冇出, 我就間啞底嬲自己心軟!!

錢都算, 佢仲要成日係屋企同佢個bf攪事, 成日同其他姊妹嘈, 個個都怕左佢, 但佢同我講錯唔係佢囉! 佢尋日仲話阿妹放工返唻訓覺, 唔洗衫, 去怕拖唔晾衫,就要倒晒佢d化妝品, 劃花佢塊面同打佢喎!

我真係好唔開心囉.....點解依個人可以咁樣.

不過我真係理唔倒咁多, 心都淡, 只可以講, 屋企人冇得揀.

私人傳訊

積分: 1835

8^#

發表於 11-1-25 13:03 |只看該作者

細細妹同大家姐知我好唔開心, 佢地都叫我冷靜d, 唔好喊, BB會唔開心.

我都好想鎮定D. 我依家好希望細果D可以快D出身, 大家姐快D結婚, 個個有自己屋企, 離開依個咁麻煩既家. 到時大家就得到安樂.

當有日我真係可以為老公收返晒借出去既錢, 可能20年後都未定, 我一定唔會再搵依個人.
因為佢由頭到尾都冇為我諗過. 我唔介意少左依個人係身邊囉!

私人傳訊

6cm

禁止訪問

積分: 2610

9^#

發表於 11-1-25 14:25 |只看該作者

提示: 作者被禁止或刪除內容自動屏蔽

私人傳訊

積分: 1835

10^#

發表於 11-1-25 15:47 |只看該作者

Thanks!!
音樂我有聽, 之前買左set胎教classic, 每日都有開住.
平時個人好開心架, 係依兩日咁姐.

過左就冇事架喇~~會handle倒~

原帖由 6cm 於 11-1-25 14:25 發表

其實我覺得去到階段已經好難再當係一家人…而且見面更可能成日嘈交添！！
不過你都唔好諗咁多啦！依家肚裡面個阿B先最緊要既！如果你有時唔開心或者悶可以聽下純音樂，再唔係得閑PM下吹下水，講完會舒服啲架！最近我幾個阿嫂都話 ...

私人傳訊

scampylwk

積分: 1627

11^#

發表於 11-1-25 17:20 |只看該作者

回覆 1# Babyshino 的文章

有咩唔開心要講出黎,如果唔方便同老公講,你就同我地傾下。記住唔好自己屈住ar!

私人傳訊

積分: 1835

12^#

發表於 11-1-25 17:53 |只看該作者

好多謝你地呀~BK真係有好多好人. 係度同大家傾計真係開心好多~

一路以唻老公都有幫我分擔, 不過我覺得係時候我自己要處理, 老公為左我屋企已經付出好多. 結婚咁耐佢都保護我, 係時候我保護返佢. 所以打後屋企既麻煩事, 我唔會話佢知, 唔想佢為我而一齊煩, 為我擔心.

而且有左BB, 最開心係佢, 係依段時間更加唔想破壞佢心情. 返工已經有壓力, 依樣我幫佢唔倒, 其他可以令佢開心我都盡量做.

大家都係呀~~依段時間個人愁善咁勁左好多, 睇D感動既TV D眼淚都巴巴聲~哈哈!! 開心唔開心都傾下計~

希望1107媽媽可以互相支持~

原帖由 scampylwk 於 11-1-25 17:20 發表
有咩唔開心要講出黎,如果唔方便同老公講,你就同我地傾下。記住唔好自己屈住ar!

私人傳訊

積分: 4761

畀面勳章

13^#

發表於 11-1-26 17:11 |只看該作者

Babyshino, 你都唔好係而個時候比咁大壓力自己呀, 有咩嘢要同你老公講, 唔係你老公唔知, 但你又唔開心咗, 佢會好擔心架, 我老公成日都話, 我哋女人陀住BB, 第時又要全心全意照顧佢, 已經夠晒多嘢煩, 所以成日叫我有咩嘢要第一時間同佢講, 等佢知我發生緊咩嘢事, 佢話見到我唔開心仲辛苦過要佢煩惱, 所以你都唔好咁傻呀, 識得同自己老公一齊分享同分擔好重要架

私人傳訊

6cm

禁止訪問

積分: 2610

14^#

發表於 11-1-26 17:34 |只看該作者

回覆 13# jc0515 的文章

提示: 作者被禁止或刪除內容自動屏蔽

私人傳訊

積分: 1835

15^#

發表於 11-1-26 18:17 |只看該作者

其實除左娘家事, 我平時好開心, 因為冇事令我不足. 以前阿媽成日同我講, 個家姐點唔還錢都好, 唔好同老公講, 費事佢唔鍾意, 要我好女兩頭暪, 我覺得好辛苦囉, 我唔會忍, 次次都同老公講, 老公反而叫我唔好勞氣. 家姐唔生性, 幾千還唔倒, 都係我老公自己開口話還少半拉長時間. 佢既想法反而拎我覺得自己小器. 阿媽仲鬧我, 老公都未緊張, 我緊張D咩, 我真係比佢吹漲囉!

平時唔開心, 有事煩, 我實扭佢計, 老公永遠都係氹我果個, 可能佢大我8年諗野成熟好多, 而我就成日嗲佢, 細路女咁.

不過有左BB, 自己就唻做媽媽, 覺得唔堅強唔得. 可以的話我真係唔想我唔開心都令老公唔開心, 特別係上個星期病左, 老公幫我做晒所有家務, 請假陪我睇醫生, 又去買送煮飯比我食, 忙都癲都專登放底D野早D返屋企照顧我.
我更加覺得要對佢好D囉.

咁岩依家阿妹大個左有20歲, 20幾歲, 個個都識諗, 所以我就選擇同佢地傾, 會爆比佢聽, 而且成家都係得依個家姐係有問題, 其他姊妹感情都好好架.

我只想娘家既事唔會影響我依家個屋企, 始終煩事已經有10幾廿年, 成家得我嫁左走得甩, 我好想好好享受我既幸運呀!

今日心情好返好多喇, 同自己講唔好再理依D人, 依家對我最緊要既係BB同老公仲有兩隻狗狗呀!

[ 本帖最後由 Babyshino 於 11-1-26 18:20 編輯 ]

私人傳訊

積分: 4761

畀面勳章

16^#

發表於 11-1-26 20:34 |只看該作者

我啱啱同佢一齊嗰時, 佢都係勁火爆, 雖然平時唔聲唔聲, 但一飲醉酒就好大獲, 跟住佢知道自己咁樣對我好錯, 就好努力改, 對我越嚟越好, 佢有咩事都會直接同我講, 雖然我同佢level差好遠, 佢工作既嘢我唔會明, 不過我都會逗佢開心, 佢話我可以令佢暫時忘時工作喎

而家佢真係90分既老公, 可能佢知自己以前好錯啦, 所以每次見到我唔開心, 佢就會覺得係以前佢留比我既傷痕所造成, 佢就會好內疚, 所以佢而家只要見到我開心, 佢就會好放心, 而家我哋都會咩嘢事都攞出嚟講架^^

原帖由 6cm 於 26-1-2011 05:34 PM 發表
嘩…JC0515你老公真係一個好老公啦！！如果我就唔太夠膽煩我老公啦…因為佢向公司日日都有幾十百樣野煩佢，不過佢點煩都好對住我都會笑笑口既…未有BB之前？哼！！唔好埋佢身添呀！即刻變炮灰……
所以Babyshino 其實你都真係有時 ...

私人傳訊