大仔大女媽媽會 今日: 0 | 主題: 177861

積分: 11934

好媽媽勳章醒目開學勳章畀面勳章

1^#

發表於 05-7-11 11:33 |只看該作者

大阪行-小參考

我地今次去左5日4夜：

第一日：到達酒店時已經係下午5點幾，抖陣，響附近行下，食飯，跟住休息。
第二日：奈良- 興福寺- 午餐- 東大寺 – 回大阪- 道頓屈食晚飯。
第三日：有馬溫泉
第四日：Rinku Premium Outlet – 下午去黑門市場 – 晚餐。
第五日：yodobashi
我地揀左係梅田/大阪站附近住，出入，行街都好方便，有好多地方都有地下街連接，連地面都唔洗出。所以我地用曬d zip 位時間過隔離行百貨公司咯！

[size=small]有幾個買野地方你可以參考下：
yodobashi - (大阪三番街附近）電器城 - 由家電到電玩，應有盡有，有好多相機/數碼產品的accessories 響香港係無架。
Rinku Premium Outlet - （機場附近，臨空街站）臨空街站好似係由機場開出的第二個站。同美國o個d大 factory outlet係同一集團。
黑門市場- （難波站）有好多日本食品賣，乾濕貨品，好有日本風味。
藥店-（周圍都有）有好多古古怪怪的日本野，記得買定d 退熱貼返來守門口 ¥400 一大盒，平過香港好多。
百貨公司 B1/B2 - 食品部 - 好多好靚又好食既野 - 大阪/梅田站附近已經有3間百貨 - 阪急，阪神，大丸。
我今次無去心齋橋，個度就衫褲鞋個d多d，如果落雨行街個度就最正，因爲成條街都有瓦遮頭。

[size=small]食野方面：
好正個d神戶牛在當地多數叫做和牛（黑毛和牛）或但馬牛（兵庫縣但馬牛）或霜降牛肉，你可以留意下d鋪頭外面有寫明的。我上次試過鐵板燒，今次試shabushabu 同燒烤，覺得都係鐵板燒最好，但上次食好貴，一個鐵板餐要成¥16000 一個人，但真係人間美味，上次就係響nikko hotel 間鐵板燒餐廳食。
道頓屈同黑門市場都有好多食肆，道頓屈有得食蟹，河豚 – 大個d鋪望下個門口以經可以知佢賣咩，因爲有好多公仔掛響門口。
JJBB,我今次係響黑門市場食燒烤，因爲d 和牛本身貴，一塊普通薄扒咁大既都要成¥2000-2500，唔同部位唔同價錢，好就好在叫多叫少隨意，但自己黎燒有時燒得燶燶地咯

。我食個間係樓上鋪，下面寫明專食和牛，樓梯上二樓，好細間，我地五點半去到，係第一枱客，但六點已經full house 咯。其實因爲揍住個仔，我都無咩心機食野，但lucas就覺得好好食，因爲佢唔肯食粥，淨要牛肉，一係要啖粥面有塊牛肉先肯開口，真識食！

個間野d冷麵(有d似檬粉)好正，食完燒烤原來整碗冷麵係好cool.

[size=small]觀光：
奈良- bobo,有鹿個度係奈良公園，好大架，裏面有好多寺廟，神社，其中興福寺同東大寺被列爲世界文化遺產，興福寺就普普通通啦，東大寺就幾值得一看。公園裏面d鹿四圍都係，仲可以買餅餅餵佢地添。
京都- 上次去時係秋天，啱啱係睇紅葉既時間，真係好靚。金閣寺，同清水寺都好靚。有時禮拜六/日會有墟期(我響機場攞資料時見到)，上次’親’到墟, 好多地到野賣，不過我比較有興趣係周圍d 街邊擋賣d零食，呵呵呵

大阪城，landmark, 其實無咩特別，不過人人都會去影張到此一遊相咯，我上次去過，今次無再去啦。

[size=small]溫泉：
我今次去左有馬浸溫泉，不過係即日來回，浸左個金泉，好正！亞仔都有浸，佢全程笑眯眯嘴，唔知有咩咁開心，媽咪話佢成個鹹濕伯父嚄（因爲全部人都無著衫-只分男女湯）-- 呵呵，咁細個就鍾意睇d無著衫既o架妹!

關於有馬的資料: 有馬溫泉 大人¥650，小童¥140
大部分人都係浸一陣架咋，我諗半個鐘就咩都浸完，d池唔係好大，但d水真係好泥黃色，最熱個45度。如果由大阪站出發，要一個多鐘先到達，因爲經神戶，可以回程玩埋神戶。本應我地都諗住去埋神戶，但有老有嫩，行得慢，所以無去咋。

有d地方我地無去，但應該都好好玩；環球片場，水族館等等

去到機場記得去tourist information 攞料，可以問counter 的職員攞免費 kansai map,好大張架，一面係地圖，一面係交通圖，仲有中文版添，真係無得頂架！

私人傳訊

JJBB

積分: 2457

2^#

發表於 05-7-11 12:12 |只看該作者

Re: 大阪行-小參考

googoo,

Thank you !! 咁你講的金湯係咪個間溫泉個名呀? 你係咪搭JR去呀? 去到有馬溫泉站落車, 仲要行幾耐呢? 仲有, 你地係咪識得講日文呀??

Sorry我有太多問題問.

私人傳訊

積分: 11934

好媽媽勳章醒目開學勳章畀面勳章

3^#

發表於 05-7-11 12:42 |只看該作者

Re: 大阪行-小參考

JJBB,
你都唔係好多問題遮。

有馬有兩個出名既溫泉- 金泉同銀泉，兩個泉係唔同色，療效都有d唔同：
金泉：含鐵強鹽泉；主治-風濕病、神經痛、婦女病、腸胃病
銀泉：炭酸泉和放射能泉；主治-慢性消化系統疾病、慢性便秘、痛風

我地係搭地鐵- 因爲我地買左個kansai thru pass (3 days - 5000yen) 除左 JR, 可以任搭所有地鐵巴士。我寄左個kansai thru pass 本簡介書仔比你，你可以參考，如果有三日都會搭遠程車，都幾抵。

否則，響大阪好似有巴士直去有馬，55分鐘，不過唔知響邊度搭。

我絕對係唔識日文架

d 日本人d 英文又唔係好掂，所以我地成日都袋住紙同筆，寫漢字比佢地睇，再加埋手勢，會溝通得好過用英文！

私人傳訊

rabbitpiggy

公爵府

積分: 29432

4^#

發表於 05-7-11 12:43 |只看該作者

Re: 大阪行-小參考

googoo , 我想問下你bb 去日本要帶什麼政件呢? d 政件又要搞幾耐呢?

私人傳訊

積分: 11934

好媽媽勳章醒目開學勳章畀面勳章

5^#

發表於 05-7-11 13:26 |只看該作者

Re: 大阪行-小參考

rabbitpiggy,
如果係特區護照，而家唔洗簽證喇，到埗過海關時佢會’吸’個旅遊簽證比你。

jjbb,
唔記得答你- 到有馬溫泉站后，閘口有個地圖，指示曬去d有名溫泉既路綫，我地去個日落住雨都係行左5分鐘左右。

私人傳訊

JJBB

積分: 2457

6^#

發表於 05-7-11 14:13 |只看該作者

Re: 大阪行-小參考

googoo,

多謝你! 實在太詳細! 因為我地第一次去, 所以都打算集中火力係大阪, 我都係5d4n, 其中一日會去有馬, 咁你話如果我last個日先順路去rinku outlet(我搭cx6點幾個班機)夠唔夠時間行呢? 同埋你知唔知係咪可以我先係hotel check out左就去左airport check in & 寄左d行李先, 再返轉頭去rinku都得呢??

私人傳訊

積分: 11934

好媽媽勳章醒目開學勳章畀面勳章

7^#

發表於 05-7-11 14:46 |只看該作者

Re: 大阪行-小參考

JJBB,
我老公最初都係打算last day 先去outlet, 但因爲帶住亞仔麻煩，所以改左早一日去。
如果你一早check out 左酒店, 去機場放低行李，咁你可以行到四點先走都得 - 因爲大阪個機場係極空蕩，人少鋪少，早去都係悶坐，唔似得北海道個機場，真係行成日都得。
飛機方面，我唔知可唔可以咁早check in-- 不過多數機場有locker,你可以到埗時先睇定邊鼠有locker, 走個日先 lock 埋d 行李，出outlet 行完買完，番機場再 arrange 過d 行李先check in 都未遲。

仲有，大阪差不多所有車站都會有locker,你有時買得野多可以鎖埋先，再行或食飯，到走時先攞番咯 -- 好方便架！

私人傳訊

BoBo1

積分: 4687

8^#

發表於 05-7-11 23:17 |只看該作者

Re: 大阪行-小參考

googoo,

你真係講得好詳盡, 不過我都係決定去東京, 因為始終都想同瑤瑤去下東京disney land and disney land sea and hello kitty land, 同埋我驚大板無東京咁多野買，所以我都係去東京好些，多謝你呀？？

我想住去７日６夜，等唔好咁趕．

私人傳訊

積分: 11934

好媽媽勳章醒目開學勳章畀面勳章

9^#

發表於 05-7-13 13:24 |只看該作者

Re: 大阪行-小參考

bobo,
咁你老公有無咋你形呀？又去東京！

你好似都 book 左 HK Disney, 係嗎？咁咪連去兩次咯？不過你可以齋去disney sea 唔去disneyland. disney sea 都好靚好多野睇

私人傳訊

JJBB

積分: 2457

10^#

發表於 05-7-14 09:20 |只看該作者

Re: 大阪行-小參考

googoo,

原來日本1/7起大減價, 咁你有冇去look look呀? 我21/7先出發已經水靜河飛 :evil:

私人傳訊

積分: 11934

好媽媽勳章醒目開學勳章畀面勳章

11^#

發表於 05-7-14 13:09 |只看該作者

Re: 大阪行-小參考

係呀，好多間大百貨公司都減，但係我睇左幾隻大牌子小童衫，減完都仲貴過香港呢！:tongue: :tongue:
我都無睇自己衫，我老公就執左d 好抵既運動tee shirt 同短褲。
都係響outlet 抵，我買左一套nike運動衫同 reebok 波鞋咯！

私人傳訊

small22

男爵府

積分: 8463

12^#

發表於 05-7-18 00:24 |只看該作者

Re: 大阪行-小參考

Hi googoo,

妳帶埋囝囝去旅行係o米要帶好多多囝囝既行李o牙 ? 妳可否詳細講o下囝囝既食物係回食o羊?? 要帶o羊?? 準備o羊??
麻煩o西!

thanks!

私人傳訊

JJBB

積分: 2457

13^#

發表於 05-7-27 17:44 |只看該作者

Re: 大阪行-小參考

googoo,

你去osaka時有冇睇gap同comme ca呀? 我見有好多貨都減, 低至2-3折. 我都係呢2間買左d衫俾jerry, 順便幫我2個fd都入左d貨, 佢地收到貨后都話好抵呀!

今次我地仲去埋和歌山市, 我去左個黑潮市場lunch, 個到俾黑門市場更好行, 當然細好多, 但勝在适合遊客, 我地係個到食左個好豐富好豐富的午餐, 有大大只的鱈場蟹, 人間極品的大拖羅, 鮮味的海膽, 再加上即燒帶子,生毫, 神戶牛...結果d蟹食唔晒要打包. 最抵就係仲有當造水蜜桃, 我地用收市價yen1000買左一箱12個, 超正呀!!!!

私人傳訊

積分: 11934

好媽媽勳章醒目開學勳章畀面勳章

14^#

發表於 05-7-29 13:34 |只看該作者

Re: 大阪行-小參考

jjbb,
嘩，好正！我老公聽到又話下次去時都要去和歌山。
gap 響outlet 買左d, comme ca 就無啦，我已經專登睇左兩間（大公司入面既 counter)，都覺得比香港貴好多~~~ 可能我唔識搵呀！真慘，我好鍾意comme ca d bb 仔衫架！
¥1000 12 個水蜜桃！

好抵亞！
我地臨走響daimaru 買左兩個，要成¥3000！ :-( :-( :-(

私人傳訊

JJBB

積分: 2457

15^#

發表於 05-7-29 14:27 |只看該作者

Re: 大阪行-小參考

3000yen2個

我諗品質好高呀, 當然我地買個只係收市價+短期expire date. 結果我地個幾日每日食2個, last個日再係黑門市場用3000yen/15個買左箱返hk.

comme ca我都係尾二個日去你介紹個個專賣電器個商場到見到架. 今次好趕我反而冇咩行百貨公司, 我都好鐘意comme ca呀, 我老公都話下次要再去買過.

如果第日我地043都搞過出埠團就好喇

私人傳訊

積分: 11934

好媽媽勳章醒目開學勳章畀面勳章

16^#

發表於 05-7-29 18:18 |只看該作者

Re: 大阪行-小參考

043出埠團~~~

好嘩好嘩！！真係諗起都開心

o個兩個水蜜桃，好味就真係好好味，但我估唔會好味得過你o個d 好多啦！嗚嗚嗚，我要去再買過，嗚嗚 :-( :-(

仲有o個間comme ca 我本應都打算去架，但行過兩間都咁貴，我以爲間間都貴啦，所以無去睇呀，嗚嗚，而家好後悔啊！ :-( :-(

私人傳訊

JJBB