吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 母乳餵哺› 第二胎餵人奶的心願 - 好煩惱

母乳餵哺今日: 0|主題: 85707

收藏本版

回覆發帖

返回列表

跳至頁

查看: 1178 | 回覆: 13

第二胎餵人奶的心願 - 好煩惱 [複製鏈接]

mablewong2003

大宅

積分: 1787

1^#

發表於 11-1-26 11:06 |只看該作者 |倒序瀏覽 |打印

各位好

由於多個種原因, 第一胎只係靠 pump 奶餵左一個月, 感覺好遺憾! 大囡三歲幾, 我遺憾到依家, 第二胎8 月尾出世啦! 好想第二胎時可以餵全人奶, 依家有幾個問題想請教大家, 麻煩大家幫下我手分憂同比下意見.

1. 係咪真係要去比錢上下堂會好一點, 好似國際母乳協會的課程?

2. 如想到時餵人奶查實依家產前有咩準備呢?

3. 陪月話: 建議如最初一個月, bb 食唔飽, 補奶粉, 但唔係越補越冇奶咩??? 查實佢只係識教, 因佢自己都係冇實際經驗, 我都唔知信唔信佢好, 大家點睇???

4. 我本身有甲亢, 中醫師話唔係好建議我餵人奶, 因驚影響到我身體, 最多餵三個月好啦! 點抉擇好呢? 大家有咩意見.

0 0 0

私人傳訊回覆引用

szekamama

大宅

積分: 3887

環保接龍勳章

2^#

發表於 11-1-26 11:37 |只看該作者

唔關你俾唔俾錢事, 最重要係自己有正確知識, 有多d心理準備.
母嬰健康院都有好好的分享會, 我自己主要睇母乳協會呢本手冊, 同網頁, 仲要我老公睇埋, 我抽問佢內容.因為家人的認知同支持好緊要, 好多人口說支持, 但冇足夠知識, 即使係善意忠告和建議,( 你陪月同中醫) 但都會影響你的信心, 所以你一定要有知識同埋心理準備!
http://breastfeeding.org.hk/faq
健康院的talk 都好好, 有母乳媽媽分享, 同埋姑娘見過好多餵到同餵唔到的媽咪, 佢會明白我地常遇的困難.佢地知d奶奶, 亞媽...好多時會動搖我地信心, 教我地帶埋佢佢地嚟上堂.
跨區報都ok, 我當時email 報會好快有人覆你的.http://www.fhs.gov.hk/tc_chi/mai ... ting_timetable.html
呢個bk論壇都very useful. 花多d時間睇啦!
同埋知己知彼, 你都要了解下自己當年咩原因餵唔到, 再同大家講下, 睇下有咩計.

私人傳訊回覆引用

奇異果小邱

珍珠宮

積分: 43004

馬年勳章 2026勳章 2025中秋節勳章母親節2025勳章 2025勳章蛇年勳章 2024年龍年勳章虎到金來勳章牛年勳章美好大世界2017勳章認識瑞士牛牛第四回認識瑞士牛牛第一回 DHA勳章畀面勳章

3^#

發表於 11-1-26 11:47 |只看該作者

1. 我都無上過呢Ｄ堂。如果你真係想餵人奶，生完叫Ｄ姑娘教下。＆睇下Ｄ姿勢Ｏ唔ＯＫ。

2. 好似話可以按摩個胸，令Ｄ乳線好Ｄ。（我都係無乜準備）

3. 我係第１０日先上到奶，同埋ＢＢ唔肯啜，每日會每３－４小時泵一次。泵奶出嚟俾ＢＢ飲。如果ＢＢ要飲２安，咁我有一餐用罇餵人奶。

到咗第二個月，係ＢＫ度先知要俾ＢＢ啜得多，先可以刺激多Ｄ奶。個時我泵出嚟未追到ＢＢ要飲的奶量，但唔理咁多，開始埋身餵。

可以咁講，如果唔夠奶，俾ＢＢ啜得多，身體會知唔夠奶而造多Ｄ奶。可以開頭會餵得密Ｄ。

同埋每日要放鬆，唔好只掛住有幾多奶。飲多Ｄ水，魚湯，勤力的每３－４小時餵一次，應該可以的。

第四條要問專家先知。ＢＢ飲到人奶係好，但都要有一個健康的媽咪先得。坐月好重要，無精神同健康，点去照顧到初生ＢＢ？

私人傳訊回覆引用

szekamama

大宅

積分: 3887

環保接龍勳章

4^#

發表於 11-1-26 19:16 |只看該作者

哎呀, 未生之前唔好按摩個胸呀, 會刺激子宮收縮.除非你就到預產啦!
依家產前有咩準備呢? 都係個句: 足夠的知識同埋心理準備啦! 然後再薰陶下你身邊d人. 你去政府or私家生? 政府醫院d護士support 大好多嘅. 總之你生之前(入產房)要同人講你餵人奶, 等bb一出世(清潔完)就啜你.

私人傳訊回覆引用

ivysan

別墅

積分: 879

5^#

發表於 11-1-27 02:20 |只看該作者

hi mable,

睇完你的分享後, 很想就自己的經驗與你分享.
1) 上堂或者可以比到多少少資訊, 不過我相信好多媽媽都唔需要上堂就可以餵到人奶, 我上一胎無奶, 今胎好快上奶, 其實都keep好身體已對餵人奶很有幫助了.

2) 充足水份及休息.

3) 這個不太清楚

4) 我和你一樣有甲狀腺問題, 今胎餵了三個月因大女太細, 很黐身所以放棄了餵人奶. 不知是否餵人奶較疲勞的關係, 我甲狀腺真的出現問題. 身體狀況是因人而異的, 所以你也要量力而為呢!

祝你餵人奶成功!

私人傳訊回覆引用

mablewong2003

大宅

積分: 1787

6^#

發表於 11-1-27 11:30 |只看該作者

首先, 多謝咁多位的回覆, 令我很感動.

szekamama, 我第一胎響廣華生, 因我唔知係要自己講話人奶, 不過, 大囡出世後要觀察, 到臨出院先入到餵奶房, 但裏面冇姑娘理你咖, 今次我響聯合生, 我知要自己開聲話餵人奶啦!

ivysan, 咁你懷孕時, 係咪都有甲狀腺問題? 我有甲亢, 你係都係甲亢??? 我今胎都擔心懷孕時會有咩問題??? 你有冇時間分享下.

私人傳訊回覆引用

heiheigirl

子爵府

積分: 11418

醒目開學勳章

7^#

發表於 11-1-27 12:33 |只看該作者

聯合d姑娘好好架好鍾意我們餵人奶架
我第一胎case同你差唔多而且個囡唔肯埋身
都是泵左2個月奶奶比佢飲有幾多比幾多咁

到呢一胎 bb好肯飲但我就衰食錯野奶量都少哂
希望keep到再比bb每日食到1次都好

原帖由 mablewong2003 於 11-1-27 11:30 發表
首先, 多謝咁多位的回覆, 令我很感動.

szekamama, 我第一胎響廣華生, 因我唔知係要自己講話人奶, 不過, 大囡出世後要觀察, 到臨出院先入到餵奶房, 但裏面冇姑娘理你咖, 今次我響聯合生, 我知要自己開聲話餵人奶啦! ...

私人傳訊回覆引用

polarmama

子爵府

積分: 13429

好媽媽勳章

8^#

發表於 11-1-27 15:33 |只看該作者

樓上啲媽媽講得好好

我淨係上左母乳協會個講坐，好有用！

szekamama講得好好，家人嘅真正支持好重要！（你每日抽問你先生嗎？會唔會有筆試？

）

可唔可以喺相簿加相落個人簽名度？

私人傳訊回覆引用

奇異果小邱

珍珠宮

積分: 43004

9^#

發表於 11-1-27 17:24 |只看該作者

因為係佗B個時,聽過某講座咁講,好似"愛君如夢"入面咁按摩下個胸。

原來唔得!!

好在szekamama 更正...唔係我良心過意唔去。

我由坐月到而家,都會好多時去BK呢度睇。除咗姑娘外,呢度係我的資料庫。

私人傳訊回覆引用

bosch

瑪瑙宮

積分: 128545

馬年勳章 2026勳章 2025中秋節勳章母親節2025勳章 2025勳章蛇年勳章 2024年龍年勳章 2023年兔年勳章虎到金來勳章開心吸收勳章

10^#

發表於 11-1-28 05:08 |只看該作者

首先, 唔駛覺得遺憾, 一切順其自然, 好俾壓力俾自己.

1. 有時間上黎睇下, 去youtube 睇下, 去website 睇下, 甚至係抱埋bb 去健康院問姑娘, 基本已經夠. 再唔掂至搵人教. 最緊要係有個真bb 響手上咁去學... 事前去學, 唔係冇用, 只係得概念囉, 即係教下你正確姿勢等等... 始終個個bb 既習慣同咀型唔同, 個個女人個個胸都唔同, 理論課程冇可能cover 晒咁多野.

3. 越補係越冇, 不過都要睇下你點補同埋補幾多. 我大仔果陣第1,2 個月有補奶粉, 因為佢晚晚喊, 好似唔夠飽, 所以補左俾佢, 佢好訓d 我又休息到. 最初係qe 姑娘話建議我去補奶粉, 佢只係話我要休息一下, 但原來背後原因係bb 唔夠尿 (1日大既bb 要2塊濕片, 2日大要3塊...5日以上大既bb 要6塊濕片), 唔夠食就會唔夠尿, 唔夠尿就會缺水, 缺水會傷腎, 所以就要補奶粉, 同埋我可以休息一下. 咁之後我只係補夜晚一餐奶 (其實夜晚啜至最上奶), 之後滿月都冇再補, d 奶粉留番間中出街時補, 餵晒我果2罐仔奶粉sample, 咁咪全人奶, 一直去到大仔8個月大.

今次就一開波就全人奶, 頭4個半月冇補過, 夜晚我挨到眼訓, 好快上到奶. 之後一補就上唔番奶架, 亦可能我日頭湊b 又要讀書考試, 太忙又有壓力, 所以d 奶量上唔番.

[ 本帖最後由 bosch 於 11-1-28 05:11 編輯 ]

私人傳訊回覆引用

giannapoon

複式洋房

積分: 189

11^#

發表於 11-1-28 19:38 |只看該作者

我第一胎都係上健康院啲餵人奶課程，啲姑娘都好細心咁教，嗰時唔駛預約，係啲姑娘主動問你上唔上，如果撞啱有位，即刻上都得！

學咗真係有用，大女差不多全人奶到２歲，２年用嚟補奶嘅奶粉食唔夠十罐！

加油呀！

私人傳訊回覆引用

mablewong2003

大宅

積分: 1787

12^#

發表於 11-1-31 12:05 |只看該作者

多謝大家的寶貴意見同鼓勵說話, 我會努力上嚟溫書, 希望盡量堅持到.

私人傳訊回覆引用

usausagi

公爵府

積分: 27536

環保接龍勳章

13^#

發表於 11-1-31 18:46 |只看該作者

1. 係咪真係要去比錢上下堂會好一點, 好似國際母乳協會的課程?

ans: 其實我覺得唔使喎，畢竟實戰先係最緊要，而且你會遇到既問題通常都好多人有，上黎BK都好多人教同支持你

2. 如想到時餵人奶查實依家產前有咩準備呢?

ans:心理準備，勁堅定個隻！(最好可以洗晒你身邊D人個腦)你自己都有第一胎既經驗知道好辛苦，撇開唔夠奶，身邊D人一定勁多野講。我坐月個個月成日食雞酒，後來又有人同我講食雞酒唔好餵人奶，會令BB好忟，咁就泵出黎倒晒，到而家都好後悔；後來我開始雪奶，我6299又話多風，我又唔敢泵又唔敢雪，而家6個月唔多夠奶死追爛追，先知死，所以你要知道，無論任何情況，人奶都是最好的。

工具就睇你要唔要返工泵奶呀咁囉，但奶粉奶樽都要有，始終希機會唔夠嘛，而且你病左又可以泵出來餵，你生之前多D睇資料啦～

3. 陪月話: 建議如最初一個月, bb食唔飽, 補奶粉, 但唔係越補越冇奶咩??? 查實佢只係識教, 因佢自己都係冇實際經驗, 我都唔知信唔信佢好, 大家點睇???

ans:睇你點睇啦，我係全泵媽，初初都係補下補下。但如果你諗住全埋身，補奶粉可能食慣奶樽囉。個人認為，多少奶係睇自己勤唔勤力同埋食幾多飲幾多既者，RELAX～

4. 我本身有甲亢, 中醫師話唔係好建議我餵人奶, 因驚影響到我身體, 最多餵三個月好啦! 點抉擇好呢? 大家有咩意見.

ans: 唔識答，但點解你唔問西醫，D中醫成日呢樣影響個樣影響叫人唔好餵架喎