夫婦情感 今日: 0 | 主題: 42776

積分: 4693

1^#

發表於 05-8-3 21:51 |只看該作者

我應該離婚嗎? 值得嗎?

其實這件case係我一位好朋友的, 我想幫佢和開解佢, 但又唔知點幫?! 所以上嚟問吓各位靚靚姊妹, 佢應該點做? 同埋究竟佢老公諗咩?

佢老公係一個典型的潮州大男人, 事事都以自己為最終決策人! 同我朋友永無話有商有量! 而佢哋兩公婆的財政更是各自為政, 數目分明!

兩年前, 佢老公因為公司改組後做得唔開心, 加上當時炒股票又略有收入, 一時吞唔到聲忍唔到氣就辭咗職, 我朋友滿以為佢老公只係一時意氣, 過後會找新的工作! 點知佢老公話退休喇(佢自己手頭上有dd錢), 唔會搵新工了, 並打算以炒股票為搵食(生活)工具[仍要供樓, 各自需要比家用自己阿媽]! 我朋友以為炒股票好易賺, 所以好支持佢老公的決定!

一年後, 佢老公總結一吓上年度炒股票的成績, 結果發現係賺唔到錢之餘, 連搵食都成問題! 於是, 我朋友就多次勸佢老公去搵新工作! 點知佢老公唔單止唔聽,
佢老公還好

咁話: 依家又唔係用你d錢, 我搞得掂層樓, 你搞掂屋企開支就得啦!
我朋友: 股票賺唔到錢, 你點樣供層樓?
佢老公: 咬老本囉!
我朋友: 如果d老本咬晒咁點呀?
佢老公: 攞埋你d私己錢出嚟用!
我朋友: 我沒有錢..層樓係你負責的, 點解要我拎錢出嚟?
佢老公: 你無錢?! 起碼收埋30-40萬啦!
我朋友: 我搵咁少錢一個月, 你點計到我有咁多呀? 我無咁多錢...(佢開始眼濕濕, 佢覺得佢老公原來一直都hou住佢d錢...)
佢老公: 層樓你有份住, 我都拎老本出嚟頂層樓, 點解你唔駛出一分力? (實情我朋友每月已負責家裡的開支, 買樓時雙方已協議咗)
我朋友: :-( :-( :-( .......

我哋都嘗試過, 好言相勸佢老公, 去搵過份新工作! 點知又係比佢老公話番轉頭!

: 又唔係問你們借錢, 你理得我吖?! 邊個都唔可以批評我的決定!

~~

太長編了請到~~下一頁~~

私人傳訊

吉川小姐

禁止訪問

積分: 2394

2^#

發表於 05-8-3 22:03 |只看該作者

Re: 我應該離婚嗎? 值得嗎?

提示: 作者被禁止或刪除內容自動屏蔽

私人傳訊

積分: 4693

3^#

發表於 05-8-3 22:14 |只看該作者

Re: 我應該離婚嗎? 值得嗎?

我朋友今年年頭, 問佢老公: 如果我生bb, 你會唔會負責bb的一切開支? (事實上, 我朋友患咗紅斑狼瘡症, 醫生叫佢放棄生bb的念頭!)
佢老公: 會!
我朋友: 咁我嘗試吓自己停藥(醫生都唔知), 如果無病發達3個月而情況又穩定的話, 我就生bb...(當然, 我朋友目的唔係要為佢老公生bb, 而係想用bb來令佢老公搵工作)
卒之, 個天梗係唔比佢搵命博啦! 一直都停唔到藥, 一停藥就出血, 根本唔能夠停藥....

如是者, 我朋友環繞這個[佢老公唔搵工]的問題, 足足達兩年之久, 佢個老公依家都係唔搵工做! 寧願喺屋企打機, 瞓覺...都唔搵工...但佢有學歷的...

而我朋友最近又問過佢老公這個問題, 佢知佢老公已經開始將d股票[輸錢的]放出吐現來頂層樓...而佢老公又話: 如果頂唔順, 供唔掂就會賣咗層樓, 然後上大陸住.....但我朋友唔想行呢條路...但睇到同佢老公一齊無前路, 又矛盾! 唔知點好? 如果佢大佢老公話要離婚的話, 佢老公一定: 就離婚吧!

我係佢朋友, 我唔想佢離婚, 但又覺得佢老公好衰, 好自私! 如果個死佬係重視我個朋友的話, 應該唔駛我朋友擔心...成日 :-( 跟我訴苦~~

你哋話喇...咁cake手, 點搞? 勸佢離婚? 我知佢唔想, 因為佢還很愛佢老公...究竟佢老公個腦諗咩?

私人傳訊

德德媽咪

禁止訪問

積分: 2762

4^#

發表於 05-8-3 23:51 |只看該作者

Re: 我應該離婚嗎? 值得嗎?

提示: 作者被禁止或刪除內容自動屏蔽

私人傳訊

metoo

洋房

積分: 191

5^#

發表於 05-8-4 00:09 |只看該作者

Re: 我應該離婚嗎? 值得嗎?

你朋友的老公已成為一個病態性睹徒，
一於捉佢去自願團体度戒賭。
如果佢唔去，就話要同佢離婚(嚇吓佢)。
再唔去就話要將這件事話哂比啲親朋?友知。

私人傳訊

積分: 4323

6^#

發表於 05-8-4 00:16 |只看該作者

Re: 我應該離婚嗎? 值得嗎?

中國人的思想就是寧教人打子, 莫教人分妻. 唔怪得阿白姐姐以前成日係電台俾人鬧 - 教人離婚.

唉. D 咁唔成熟, 又唔付責任的男人, 怎可以跟這種男人過人世呀.

2人結婚, 是希望快樂, 組織家庭. 男人老狗, 有手有腳, 又唔做工, 只係識得當小白臉, 咁點想似做人丈夫呀.

貼大床養男人這種偉大的行為, 只係闊太才玩得起. 唉...送支歌俾你個 FRIEND - 好心分手

回頭望∼伴你走∼從來未曾幸福過
赴過湯∼蹈過火∼沿途為何沒愛河
下半生∼陪住你∼懷疑快樂也不多

私人傳訊

Tobymummy

別墅

積分: 565

7^#

發表於 05-8-4 00:21 |只看該作者

Re: 我應該離婚嗎? 值得嗎?

私人傳訊

pegbrian

積分: 1048

8^#

發表於 05-8-4 00:27 |只看該作者

Re: 我應該離婚嗎? 值得嗎?

你朋友幾大﹖有無學歷同條件o 唔 ok 嫁﹖﹖

好彩係你朋友未有BB﹐仲有路行。。佢老公心裡唸什麼我就唔知。。但一個男人可以唔做事兩年就知佢係個無責任心同無志氣既人啦﹗﹗﹗佢都唔驚俾笑話食軟飯。真係跟唔落嫁。。

佢老公個媽咪係唔係度﹖﹖唔會探佢地咩﹖如果你朋友係同奶奶感情唔錯就可試下叫奶奶幫下手勸。。又如果男家全家都幫佢既就叫你朋友早走早著啦。。無畏係果甘既人身上浪費時間同青春啦。。。還店都係無老公供樓﹐又可能要自己用埋私己錢﹐都係自己住做番女時好啦。。。

公一份婆一份都OK 啦。。要我養我老公(身體無病無痛又有學歷同能力)就 No Way 啦。。。For what?? 剩係愛食唔飽嫁。。。

私人傳訊

onon1022

子爵府

積分: 12600

好媽媽勳章

9^#

發表於 05-8-4 00:42 |只看該作者

Re: 我應該離婚嗎? 值得嗎?

我諗叫你朋友同佢男家既人講下...睇下佢地有無辦法...如果唔得既話...你朋友可以照顧自己...雖然而家都係佢照顧自己...咁自己搬出黎自己一個住...同佢老公講...如果你一日唔搵工做...我就一日唔返呢個家...睇下佢有咩反應...大男人似終都係人...人唔係無情...我諗佢老公可能會大番你朋友轉頭...話好...叫你朋友自己搬...但係耐左...佢應該會掛住個老婆...睇定情況先...

[url=http://lilypie.com][img]

私人傳訊

積分: 4323

10^#

發表於 05-8-4 00:49 |只看該作者

Re: 我應該離婚嗎? 值得嗎?

唔好諗住個男人會改ar. 你個fd都以淚洗臉啦. 好心分手啦, 唔好再浪費時間在一個枯樹上啦. 真正愛一個女人的男人, 是不會叫她吃苦, 不會讓她流淚. 他沒有資格為人夫!! 趁現在未被個男人吸乾吸淨, 快d 鬆人啦! 我講真ga. 佢現在都可以對個女人咁絕, 未來的日子, 唔洗指意佢會改!

浪子回頭, 都是騙小孩的! 唔好信ar! 好心分手啦!

果女人用再2年的時間, 俾機會果男人....現在, 佢可以同個女人講d 咁絕的說話, 你估佢真係會改咩?! 男家的人, 該不會不知道他沒有工作的. 2年啦, 係人係鬼都知佢無野做啦. 如果佢係會改, 也不會等到他離職2年後的今天!!!

果女人唔係無權個男人, 佢都唔肯聽. 仲想用生命給他一個小孩, 結果係d乜野呀. .咪係玩命!!! 叫你個friend唔好咁傻啦. 在這裡的太太, 都是不忍見夫妻分離吧! 好心分手啦. 這種男人, 愛不得!

唉..你個friend一定前世欠左佢....真係前世law..

私人傳訊

積分: 4693

11^#

發表於 05-8-4 09:23 |只看該作者

Re: 我應該離婚嗎? 值得嗎?

Christylai:
我和你的睇法絕對係一模一樣的!

各位靚女:
我朋友有跟男家的屋企人講架, 但又可以點? 佢老公d兄弟姊妹都勸過佢老公, 又係比佢噴到一面疪~~

至於奶奶(佢老公阿媽)就更加唔會出聲, 點解? 因為佢係一個典型的潮州小女人囉! 如果佢阿媽會鬧的話, 都鬧咗佢自己老公先啦, 佢自己老公比佢自己個仔, 還要衰上好幾百倍! 而我朋友個老公其實係有學歷的, 見識好廣博的人, 但依家才38歲咋, 就話退休喇! 唔知嘅人就羡慕, 知道嘅人就火[很]滾囉....

佢老公(兩年以來暫時)的確無食我個朋友的拖鞋飯! 佢係真的花緊自己的積蓄...但坐食都會山崩啦!

至於話~叫我朋友嚇佢老公喊離婚來要脅佢, 又或者搬出去來令佢老公改變...無用架! 我好清楚佢老公份人, 太大男人喇..佢可以因為要面子而做一d錯誤(我們認為係)的決定...我朋友大佢唔起架...佢唔想離婚!!

我朋友最矛盾, 就係~如果佢老公死去滾, 或者賭啦! 就可以撇撇脫脫話離婚, 唔需要考慮什麼! 但家陣佢老公兩樣都唔係, 只不過係[懶]姐...

唉! 依家我唔知點幫佢...那日係咁e問吓佢, 佢就 :-( , 我真係好想叫佢分開...

私人傳訊

積分: 4323

12^#

發表於 05-8-4 09:49 |只看該作者

Re: 我應該離婚嗎? 值得嗎?

Kikokikovenus,

老老實實, 你個FRIEND乜都做齊啦. 果男人都唔肯去改. 唔通都係要你個friend以淚洗臉. 果男人唔單至懶咁簡單wor. 佢連最基本養妻活兒的責任感都無!!! 38就話退休, 你估佢係bill gates咩. 你叫你個friend的老公唔好咁天真啦. 得罪講句, 你估真有係有人好想過他老公這樣子的生活, 佢地係睇佢幾時食哂d老本, 幾時折墮炸! 就算果男人係有d錢, 又如何呀!! 你個friend 咪又要出黎捱世界, 自己顧自己! 有老公和無老公, 好似唔係差好遠law.

WELL, 如果你個FRIEND係信姻緣命理, 不如叫她找個高人predict一下他們夫妻之間的姻緣啦. 有時候, 有d野可能可以用風水化解呢. 就算你個friend唔信, 都去試下問問姻綠. 反正, 一哭, 二鬧都無用. 唔同要你個friend上吊咩. 試下啦. 中國的玄學, 如鐵版神算, 都有千多年history啦. 如果係@@~有問題, 就一早被ban啦. so 叫你個friend 試下啦.

私人傳訊

積分: 4693

13^#

發表於 05-8-4 10:13 |只看該作者

Re: 我應該離婚嗎? 值得嗎?

我已經通知咗個朋友上嚟睇吓..各位靚女, 要教即管教...我希望你哋比d意見佢! 由於我身份檻介, 有d嘢唔應該由我把口講出嚟啊~~

私人傳訊

積分: 4323

14^#

發表於 05-8-4 10:22 |只看該作者

Re: 我應該離婚嗎? 值得嗎?

Kikokikovenus,
咁就叫你個FRIEND 留以一下我講的話啦. 正所謂旁觀者清. :D 都係一句, 好心分手.

其實你個FRIEND 唔係唔知佢老公有幾衰, 只係執迷吧

要過好日子, 不無年齡, 學歷, 家境和銀行存款. 只要有心, 肯經濟獨立, 要離開一個男人, 唔難. 難就難在對那個男人, 還有一分痴. 女的對男的痴心一片, 男的就當佢痴線. 那男人的良心都給狗咬了. ~.~ 唉啊! 聽你咁形容你個FRIEND的男人, 真係睇到眼火爆.

私人傳訊

ringoivy

翡翠宮

積分: 76971

15^#

發表於 05-8-4 10:26 |只看該作者

Re: 我應該離婚嗎? 值得嗎?

佢老公仲愛你朋友的right

咁你叫朋友約定個心理治療師話自己唔舒服叫佢老公陪佢去, 咁到時咪一齊見見醫生講出事實真相, 等外人用藥黎幫助佢先生啦

因為佢真係有少少腦傳導素出現問題先會攪成咁的, 而病態賭徒又真係唔一定指賭馬或過大海先會出現問題, 過份沉迷一樣野都會出事的.

私人傳訊

小路

琥珀宮

積分: 161936

好媽媽勳章醒目開學勳章畀面勳章環保接龍勳章大廚勳章

16^#

發表於 05-8-4 10:27 |只看該作者

Re: 我應該離婚嗎? 值得嗎?

本來佢有信心自己搞得掂就無問題啦！但佢有透露會打你個FD既私己錢主意喎！咁我就一定唔得！如果我老公係搵唔到野做而無錢，咁我負責晒開支又點話，但佢擺明係唔做野、唔搵錢！我一定唔會養埋佢囉！！

私人傳訊

積分: 4323

17^#

發表於 05-8-4 10:30 |只看該作者

Re: 我應該離婚嗎? 值得嗎?

唔好玩啦!!! 果男人如果係愛她, 不會讓她哭. 哭了, 也會覺得心痛. 你有冇睇到果男人向女人討錢的兇惡相ar!! right! 我肯唔可以單憑一句半句, 就話佢老公係唔好. 不過, 阿樓主一向佢個friend 提起佢老公, 就哭了. 咁就知道, 果女人係幾咁傷心呢...

仲愛佢...這是愛的表現嗎? 咪玩啦!!!!!!!!! 我真係睇到火都黎咩啦.

果男人連男家的人, 果女人的friend 的忠言, 都當垃圾, 你估佢肯跟果女人去睇乜鬼心理治療師咩!! 係..係有用, 但在這個case上, 可行性唔大law.

ringoivy 寫道:
佢老公仲愛你朋友的right 咁你叫朋友約定個心理治療師話自己唔舒服叫佢老公陪佢去, 咁到時咪一齊見見醫生講出事實真相, 等外人用藥黎幫助佢先生啦因為佢真係有少少腦傳導素出現問題先會攪成咁的, 而病態賭徒又真係唔一定指賭馬或過大海先會出現問題, 過份沉迷一樣野都會出事的.

私人傳訊

積分: 4323

18^#

發表於 05-8-4 10:33 |只看該作者

Re: 我應該離婚嗎? 值得嗎?

小路, 我agree with you.

阿樓主個friend 係有紅斑狼瘡症, 一定要定時食藥. 連佢d 醫藥費都拿出來, 你叫果女人咁過日子呀. 阿樓主話佢地2夫妻經濟獨立!! 好聽咪係經濟獨立, 唔好聽咪係自己顧自己law!!!!

小路寫道:
本來佢有信心自己搞得掂就無問題啦！但佢有透露會打你個FD既私己錢主意喎！咁我就一定唔得！如果我老公係搵唔到野做而無錢，咁我負責晒開支又點話，但佢擺明係唔做野、唔搵錢！我一定唔會養埋佢囉！！

私人傳訊

talkative

禁止訪問

積分: 205825

畀面勳章環保接龍勳章

19^#

發表於 05-8-4 11:31 |只看該作者

Re: 我應該離婚嗎? 值得嗎?

提示: 作者被禁止或刪除內容自動屏蔽

私人傳訊