夫婦情感 今日: 5 | 主題: 42802

積分: 10743

1^#

發表於 11-2-20 22:57 |只看該作者 |倒序瀏覽 |打印

其實都係一D冇辦法解決既問題黎, 純粹呻下~

我老公o係大陸做野, 而家要四周圍出差, 去上海, 北京, 大連果d城市, 一個星期都起碼要去一次. 而我因為就快生得, 而家返返去媽咪屋企住, 就冇再好似以前咁成日返深圳同老公過2人世界

講真我覺得咁樣都唔係令我最唔開心既主因, 個問題係, 我成日覺得我對於老公黎講係一個可有可無既人咁, 好似佢冇左我都可以過得好好, 我地兩個都唔中意傾電話, 雖然日日都有聯絡, 但都係傾幾句就收線, 我地係果d一定要見到面先有野講既couple

再加上自己就快生, 心靈上脆弱左好多, 夜晚成日想有人陪自己, 遲d佢話一個星期黎探我1一次, 但點同我地2個有自己既屋呀? 佢同我屋企人都唔係咁夾, 黎到又就住就住咁, 講野又唔方便, 雖然係捱到坐完月就得, 但我硬係覺得d時間過得好慢, 日日都過得唔係咁開心, 同佢講呢, 佢又話我諗多左, 我都知男人淨係可以專注o係一件事上, 如果佢工作忙, 都有可能會忽略左自己~

我唔係冇同佢傾過, 冇同佢表達過自己感受, 但其實講完又點? bb要o係香港出世, 都唯有係咁架啦, 我只不過係想佢理我多d, 令我覺得佢仲係需要我既, 唔好成日都令我覺得我就快俾人遺棄咁

唔知有冇jm試過就生果時係唔同c6一齊住呢? 你地係點樣克服架?

0 0 0

私人傳訊

crashkiki

積分: 2594

好媽媽勳章畀面勳章環保接龍勳章

2^#

發表於 11-2-21 03:09 |只看該作者

我未試過就生果時唔係同C6一齊住...不過我試過坐月個時係99屋企住...有時C6話唔得閒過嚟陪我...或者我想佢陪我耐D都唔得...咪唯有忍下囉~

你都好呀...起碼你係自己屋企...難為我個時要對住99...我又未同過佢一齊住...大家嘅生活方式都唔同咪仲辛苦~

忍下啦...時間好快過~當BB出世你就唔得閒再諗呢D架喇~

私人傳訊

maninb

積分: 1793

3^#

發表於 11-2-21 06:16 |只看該作者

我仲有几日就生喇,自從5個月左右男朋友就去左澳門做野,基本上一個月返一次左右,而且唔係日日傾電話,我而家都係喺自己屋企待產,之前準備呀b d野都係我同我媽咪負責,男朋友只負責俾$
開頭係超唔慣架,成日唔開心,而家我只會開心啲迎接呀b出世,唔好諗太多
我男朋友要下年先會返香港做野,所以我應該會住喺自己屋企一年,因為遲啲呀b係我媽揍
有時因為我唔喺佢身邊所以會特別緊張,有啲小事都會千分付萬分付,其實佢地個心都會知我地面對比其他人多,最緊要有咩就同對方講,唔好自己屈埋

私人傳訊

積分: 10743

4^#

發表於 11-2-21 09:31 |只看該作者

我諗我都係呢個時候特別想佢陪者, 或者好似你地咁講, BB出左世之後會好忙, 我到時都應該唔得閒諗呢D無謂野

不過慘在我阿媽成日煩我, 成日話我老公唔理野, 好耐都唔搵我一次...搞到我心情都有D受左佢影響 (我阿媽都幾中意講野挑撥我地兩個, 因佢唔中意我老公)

maninb我好佩服你呀! 係我就接受唔到一個月淨係見老公一次喇, 我真係太依賴佢喇...

私人傳訊

maninb

積分: 1793

5^#

發表於 11-2-21 10:56 |只看該作者

原帖由 shirleyying 於 11-2-21 09:31 發表
我諗我都係呢個時候特別想佢陪者, 或者好似你地咁講, BB出左世之後會好忙, 我到時都應該唔得閒諗呢D無謂野

不過慘在我阿媽成日煩我, 成日話我老公唔理野, 好耐都唔搵我一次...搞到我心情都有D受左佢影響 (我阿媽都 ...

好明白你感受,我都好介意人地點講..我ar媽有時都會問,點解佢唔理呢樣,果樣,佢其實有無搵你ga,有無俾$你ga..我聽完都會好嬲..覺得我都唔想分隔2地ga,我已經夠慘仲要講呢d野,
自己堅強d la..無話無左邊個唔得o既,如果自己一手一腳都攪得掂會好有成功感,你老公都會知你辛苦,之後補返俾你

私人傳訊

積分: 10743

6^#

發表於 11-2-21 13:30 |只看該作者

回覆 5# maninb 的文章

你講得好o岩~咁你心情唔好果時多數會做d咩令自己心情好d?

同埋你預產期係幾時呀?

私人傳訊

maninb

積分: 1793

7^#

發表於 11-2-21 19:11 |只看該作者

原帖由 shirleyying 於 11-2-21 13:30 發表
你講得好o岩~咁你心情唔好果時多數會做d咩令自己心情好d?

同埋你預產期係幾時呀?

我今個月26預產,之前專心返工,而家待產就日日食下涼野,去行下街,希望易生d，諗下遲下呀b出世我地一家3口嘅畫面,haaa好白痴,專心養下胎,生個肥b
你預產期幾時,邊間e院生呀?我屯門e院

私人傳訊

積分: 10743

8^#

發表於 11-2-21 21:47 |只看該作者

回覆 7# maninb 的文章

我而家都諗多左BB出世後既野, 一諗就覺得而家咩辛苦都係值得既

我而家都開始清胎毒啦

我都係屯醫生呀! 4月4日係預產期. 仲有6星期咋~~

私人傳訊

ac852