Baby Kingdom - 親子王國 香港 討論區 › 首頁 › 夫婦情感› 很傷心...

夫婦情感

收藏本版
發帖
返回列表
跳至頁
很傷心... [複製鏈接]

首頁
123

尾頁
   0
csy1601


男爵府

積分: 5686


1#
發表於 11-3-21 12:18 |只看該作者
事緣家母是長期病患者, 每日定期要打針換水, 之前見暈, 在醫院住了兩個星期, 原本要出院, 但家是舊樓, 她怕自己應付不來, 家姐細佬要返工, 佢怕有事無人理, 所以唔想出院, 但公立醫院都唔係你話留就留, 我媽怕得哭起來, 說要來我家住一下

我小朋友3歲, 有工人, 我媽只要求工人煮小朋友飯時煮埋佢份, 我工人亦很積極配合,是真心的幫我媽

但我老公堅決反對, 佢話工人睇唔掂, 話我只通知佢唔係問佢得唔得... 我同佢商量,佢只講唔得, 話呢個唔係唯一方法, 但請maid又好護老院又好, 都不是即刻可安排, 只是暫時的安排他都唔接受, 比面色我媽睇, 同埋我無要佢幫任何野

我親人真的不是他的親人, 我不停問自己我會唔會好似佢咁對佢父母, 我真係做唔出

個心好酸好酸
私人傳訊

dlmcdlcl


大宅

積分: 1399


2#
發表於 11-3-21 12:25 |只看該作者
你唔好咁傷心先. 你媽媽的問題, 可能真係原搵一個長久既方法解決.

可能你老公覺得唔係得你一個女, 點解其他仔女"返工" 就好似唔關佢地事咁. 你有工人, 就理所當然咁要你去處理.

我估你老公唔係冷血, 只係佢想其實要你地一家人一起商量, 其他人都有責任.

希望你媽媽唔好唔開心. 你亦快D 約埋兄弟姊妹一起傾.

祝福你媽.
私人傳訊

ndw


子爵府

積分: 13910


3#
發表於 11-3-21 12:30 |只看該作者
你系好好女，以滿足啊媽想要0既為先。

“...話我只通知佢唔係問佢得唔得....”
你有冇問佢點解佢會0念你只通知佢唔係問佢得唔得？

我唔明白 在佢來講 同佢商量 等不等於 問佢得唔得？
私人傳訊

ninamimi


大宅

積分: 2156


4#
發表於 11-3-21 12:35 |只看該作者
你試試搵啲護老院,長期嚟講會好啲,但你老公係唔愛家人??定係唔想你辛苦??如果佢連家人都唔識尊重,就好大問題,以後小朋友可能有樣學樣.你要慢慢同佢溝通吓

私人傳訊

CD_BB


子爵府

積分: 10493

畀面勳章


5#
發表於 11-3-21 12:49 |只看該作者
但我老公堅決反對, 佢話工人睇唔掂-->自己出$找鐘點睇住伯母得唔得? 另一邊廂積極請maid又好護老院甚麼都好, 我相信伯母有病要受女婿面色都難受lor!亦話俾你老公知而家的安排只是暫時性質 ~~~
樓主,我明白你, 你老公對住有病的人都俾面色, 我相信佢都幾不理人感受lor!所以 你更加要係伯母面前歡容d, 不要傷心la!
祝福你媽媽早日康復!
私人傳訊

csy1601


男爵府

積分: 5686


6#
發表於 11-3-21 13:45 |只看該作者
很多謝大家的了解, 我家姐細佬一路同媽住, 佢地平時已給予很大的照顧, 這次是迫不及已才來我家, 我有另一個家姐, 家亦需行樓梯, 我媽見到都腳軟, 大家都知老人家跌到手尾就好長

老公反覆說我不尊重他, 說我不知所謂, 唔通我叫媽走?我話你做得出就自己同媽講

我們已著手找護老院, 排期最少要幾個月, 請鐘點我地要求朝9晚5, 一個月要好多錢, 請工人, 之前因悶已走了兩個, 我家姐都請到怕

點講都好, 媽有事, 是否應推來推去, 我自問之前是做得最少的, 只是幫下手, 阻唔到佢, 點解要咁?

我真係好唔開心, 有困難得不到諒解, 只是不停的怪責及嫌棄
私人傳訊

csy1601


男爵府

積分: 5686


7#
發表於 11-3-21 13:47 |只看該作者
原帖由 ndw 於 11-3-21 12:30 發表
你系好好女，以滿足啊媽想要0既為先。

“...話我只通知佢唔係問佢得唔得....”
你有冇問佢點解佢會0念你只通知佢唔係問佢得唔得？

我唔明白 在佢來講 同佢商量 等不等於 問佢得唔得？ ...


我想, 老婆的媽媽有事要求來住一下, 不會有人想到老公會說不可以....
私人傳訊

ninamimi


大宅

積分: 2156


8#
發表於 11-3-21 13:52 |只看該作者
慢慢同佢講啦,叫佢忍受幾個月啦
私人傳訊

csy1601


男爵府

積分: 5686


9#
發表於 11-3-21 14:06 |只看該作者
佢其實真係過左火, 第一感覺佢未say yes而我媽已到, 做咩都唔順眼, 但我都只係一日前先知, 我同佢講我真係無其他方法....好似我家有張下格床同一張梳化床, 我老公間唔中會訓果張梳化床, 我媽說那張下格床高了一點, 話想於梳化床休息一下, 他衝來罵我, 話咁佢訓邊, 想休息都沒有地方...... 那態度是幾差......根本佢平時多數在廳訓另一張梳化.....同埋佢係約左人, 一個鐘之後又走了

我老公是很自我的, 只會覺得自己啱, 這次, 佢唔係怕我辛苦, 只係覺得煩同唔想將責任上身

bk真好, 比個地方我舒發下, 同人講我真忍不住喊
私人傳訊

newcook


水晶宮

積分: 51578

2025勳章蛇年勳章 2024年龍年勳章 2023年兔年勳章 牛年勳章 好媽媽勳章 醒目開學勳章 畀面勳章


10#
發表於 11-3-21 16:37 |只看該作者
我覺得唔係要愛屋及烏架咩? 你老公做唔到喎~

如果我老公係咁, 我都唔知點, 我諗我都會好唔開心~
我搞下笑架咋, 唔好插我呀!!!!!!!!!!
私人傳訊

gk678


伯爵府

積分: 19582


11#
發表於 11-3-21 17:32 |只看該作者
我明白.........因為我老豆都係d 咁既人, 我阿媽因為類似既事, 嬲左佢好耐.........到佢老左就知味道喇...........
私人傳訊

兔仔得媽


子爵府

積分: 14169


12#
發表於 11-3-21 18:01 |只看該作者
你老公講得好啱，重有呀當你阿媽一住落左就唔會再有人理，其他兄弟姊妹會覺得你應份做，阿媽有乜唔妥就圍住插到你阿媽都認唔到，呢d我嶺教過啦！
樓主........阿媽從來都唔係同你住，你就唔好接佢返黎，咪第日家無靈日呀！
私人傳訊

sunair


複式洋房

積分: 305


13#
發表於 11-3-21 20:28 |只看該作者
問一問他若是他的父母有此情況 他又如何處理 ?
自己也會有老的一天 為何無情若此
樓主 怎樣都要忍耐一下 照顧你媽媽渡過此難關
入住老人院是最後的選擇 因性格比較開朗的老人還好一點
若是比較內向的老人 老人院的生活真的不易過
私人傳訊

winner128


侯爵府

積分: 20685


14#
發表於 11-3-21 20:49 |只看該作者
你問番佢應該點樣解決呢個問題, 外母都係暫時住一段時間, 其他地方安排好就唔會再阻佢啦, 我諗佢係覺得俾你阿媽入黎住就會唔走, 你地就接左呢個波, 但可唔可以請個工人同你阿媽&細路一齊住咪得囉 , 你阿媽唔會日日落幾次街架嘛 ~
私人傳訊

mywong


男爵府

積分: 9963

好媽媽勳章


15#
發表於 11-3-21 21:33 |只看該作者
原帖由 兔仔得媽 於 11-3-21 18:01 發表
你老公講得好啱，重有呀當你阿媽一住落左就唔會再有人理，其他兄弟姊妹會覺得你應份做，阿媽有乜唔妥就圍住插到你阿媽都認唔到，呢d我嶺教過啦！
樓主........阿媽從來都唔係同你住，你就唔好接佢返黎，咪第日家無靈日呀！ ...


極同意. 如果你要返工, 一個工人要湊小朋友同老人家真係好難令人放心. 同埋呢個唔係長遠辦法.

媽媽出左院未, 如果未出就同醫生講無人在家照顧到佢同要行樓梯. 醫生會叫社工幫手找護老院, 一日未找到護老院一路同醫生講好擔心唔出院住.
或者先請鐘點去佢家照顧佢, 直到工人到港.

私人傳訊

anita_yps


侯爵府

積分: 23781

2024年龍年勳章 BK Milk勳章 畀面勳章


16#
發表於 11-3-21 22:00 |只看該作者
女婿俾面色有病既外母睇?

sorry, 呢d咁既男人我接受唔到囉!
私人傳訊

Nancy20090615


瑪瑙宮

積分: 139573


17#
發表於 11-3-21 22:14 |只看該作者
如果係男人o既, 就出主意度掂佢, 唔係話問唔問佢通唔通知佢. 顯示佢份人都係顧自己, 個外母又病, 又只係顧佢三餐煮多粒米係咁多, 斤斤計較唔係男人所為, 小家到死.
私人傳訊

AK47AK47


伯爵府

積分: 15732

2023年兔年勳章 畀面勳章


18#
發表於 11-3-21 22:25 |只看該作者
樓主， 你屋企有工人， 咁， 你可唔可以暫時去你媽咪度住， 日間請鐘點， 晚上你回家，一方面積極請工人， 過度咗呢段時間先， 咁樣， 你啲兄弟姊妹都唔可以推卸責任， 而你老公又唔會哦你。我媽咪做完手術時， 我都係咁安排架。
私人傳訊

ching070707


公爵府

積分: 29915

認識瑞士牛牛第三回


19#
發表於 11-3-21 22:46 |只看該作者
如果你阿媽只係想3餐有得食 先搬去你度
可以申請個d送飯.一餐都十令廿蚊,,
~~~
好老實咁講.為左阿媽嘈 你阿媽都住得唔開心
私人傳訊

Fonggie


男爵府

積分: 6787


20#
發表於 11-3-22 00:53 |只看該作者
樓主, 妳可以申請送飯服務, 一天早、午、晚三餐都可以, 另外可以申請社康姑娘上門替妳媽媽換藥, 當然一定要申請平安鐘服務, 吩咐平安鐘公司多點留意妳媽, 如果你媽可在家中走動, 造些服務已經可以解決妳所有問題了. 不要傷心, 我 c6都係比面色和說話我父母聽, 所以我唯有周圍找尋方法安排佢哋住番自己屋企, 但又有人照顧. add oil, 十卜 you
私人傳訊


首頁
123

尾頁

跳至頁
返回列表
回覆
發帖
Presslogic Logo
Baby Kingdom Logo
聯絡管理員 廣告查詢 使用條款 免責聲明 使用意見

Copyright © 2026 Baby-Kingdom.com Limited. | Privacy Policy