成日打俾我投訴, 令我好煩惱。
mycathy 寫道:
我工人來左四個月, 一向我都幾滿意佢。
佢: 煮飯好叻, 家務都主動, 做野幾乾淨, 好錫我個女, 幾乎所有野都自動波。
我媽咪住附近, 每日都會過來睇住直至阿囡瞓晏覺先返屋企約二點鐘。
工人同婆婆既關係一向好好, 婆婆係果d超級好人來既, 可能竉壞左佢, 可能真係對佢太好, 俾佢一齊睇vcd, 成日請佢去食麥當勞, 飲親茶一定預佢, 有時仲結伴去行街。兩個成日講笑。
但其實兩個人言語係唔通既, 所以有時婆婆既指示工人聽唔明, 可能就會大聲d, 同埋工人會錯意變左要做多次。
最近兩個有時會有argue, 工人唔會聽晒婆婆話, 會駁咀, 仲會黑面, 我已經同佢好聲好氣地傾過一次, 要佢對婆婆尊重, 有詳講唔明可以打俾我, 希望佢同婆婆相處開心。
點知依家佢地又試搞到唔開心, 工人又試對婆婆黑面, 令到婆婆好
我煩係因為: 1.工人做得幾好, 唔想破壞彼此關係
2.婆婆可能有做d咩令工人唔開心, 可能兩個都有錯(但佢唔應該對婆婆黑面)
3.婆婆唔開心我好心痛。
我想叫agent同工人傾下, 唔知有無用呢? 因為個女仲細, 我係有顧慮既, 我又唔想炒佢, 因為佢其他方面完全無問題, 同我既相處亦無問題,可能太有主見。
可否俾d意見我, 唔該妳地。
,tssm 寫道:
我既做法就係,會將'要尊重我的家庭成員及親戚朋友,不可對他們不禮貌'這一點,放埋落家規內,要工人尊守,同時要時不時要提下佢,如果有任何親戚朋友投訴佢,而佢又勸極都唔改的話,你就會炒佢.
對待工人,千其唔好比佢知你唔捨得炒佢,佢地會無有怕的.
講真,一個連尊重人既基本動作都做唔到,呢個還是好工人嗎?
發表於 
返回列表
