單親天地 今日: 1 | 主題: 18400

積分: 501

1^#

發表於 11-3-24 14:19 |只看該作者 |倒序瀏覽 |打印

上年9月生左我地0既bb, 一個月之後就開始發生問題..
同老公拍拖左6年幾, 佢第一次講好想分開下...
至到12月情況開始壞...拖拖拖... 拖到今日喇...
租0個間屋去到今個月尾就滿約..
老公會返佢媽咪到住, 都叫我返自己屋企住...
其實0個幾個月, 佢都一直想分開...
只係.. 我唔放手... 死拉住佢...

其實... 我將感情.. 婚姻, 老公, 將來, 單親...
而一堆堆字眼都放到好大... 將所有野想像到好差...
就黎要分開喇...
點樣先可以令自己放得低... ??

0 0 0

私人傳訊

帶子雄郎

男爵府

積分: 5034

2^#

發表於 11-3-24 14:27 |只看該作者

原帖由 SHB999 於 2011-3-24 14:19 發表
上年9月生左我地0既bb, 一個月之後就開始發生問題..
同老公拍拖左6年幾, 佢第一次講好想分開下...
至到12月情況開始壞...拖拖拖... 拖到今日喇...
租0個間屋去到今個月尾就滿約..
老公會返佢媽咪到住, 都叫我返自己 ...

試下入去睇下, 有無d資訊或過來人的說話幫到你http://ns5.hostingspeed.net:2006/Wizard/HostingPreview.aspx?SiteID=057a0404d293437c848d2fdd820c8587

stanley
是非皆因多開囗煩惱皆因強出頭

私人傳訊

酸棗仁

伯爵府

積分: 15770

3^#

發表於 11-3-24 14:32 |只看該作者

原帖由 SHB999 於 11-3-24 14:19 發表
上年9月生左我地0既bb, 一個月之後就開始發生問題..
同老公拍拖左6年幾, 佢第一次講好想分開下...
至到12月情況開始壞...拖拖拖... 拖到今日喇...
租0個間屋去到今個月尾就滿約..
老公會返佢媽咪到住, 都叫我返自己 ...

呢度, 好多單親都可以比你好多意見, 但係, 有一樣嘢, 佢地都未必會察覺.....

係咪因為大肚階段和生BB之後, 體質變化, 同埋計劃將來, 而令到你地兩個感情發生問題?

好好珍惜 "婚姻的承諾", "愛" 可以令任何人放低一切!

呢版嘅頂部, 有一嘅好有用嘅資訊, 睇下吖

[ 本帖最後由酸棗仁於 11-3-24 14:38 編輯 ]

緊急求助熱線 / 中西醫藥網址 / 單親或情緒支援網址請按我的頭像進入!
老朽若偶有行善, 只為受人恩惠太多, 嘻嘻 !
恕本人設定為不接受任何ＰＭ

私人傳訊

酸棗仁

伯爵府

積分: 15770

4^#

發表於 11-3-24 14:34 |只看該作者

原帖由 帶子雄郎 於 11-3-24 14:27 發表
試下入去睇下, 有無d資訊或過來人的說話幫到你

哈哈哈.....

我都唔好意思再賣廣告喇!

.....睇完你嘅回覆, 狂笑中

緊急求助熱線 / 中西醫藥網址 / 單親或情緒支援網址請按我的頭像進入!
老朽若偶有行善, 只為受人恩惠太多, 嘻嘻 !
恕本人設定為不接受任何ＰＭ

私人傳訊

積分: 1019

畀面勳章

5^#

發表於 11-3-24 14:48 |只看該作者

回覆 4# SHB999 的文章

樓主,,其實,,第一樣可以做0既,,係睇下佢係咩原因要分開先,? 有無得轉彎?? 可以嘗試下去挽救先,,唔好咁灰住,,人一感到灰,,就會失去決定同解決問題0既能力,,請先諗返問題所在,,去正視問題,,或者可以去搵下D 社工傾下計俾D 意見,,
如果,,真係無得返轉頭,,咁你就要諗下將來0既事,,同BB 0既生活同埋居住問題,,
我地呢度D 人個個都經歷過你而家呢一關,,其實,,人真係無話無左邊個唔得,,只是時間問題,,時間可以幫你沖去唔開心0既往事,,
另一方面,,如果佢只係想分開下,,咁,,或者,,真係分開一段時間,,佢會想同你地一齊返呢?? (結果係點,,無人知,,) 不過,,希望你加油,,
(係你0既,,點都會返黎你身邊,唔係你0既,,留得人,,留唔到心,,都無用,,)

私人傳訊

帶子雄郎

男爵府

積分: 5034

6^#

發表於 11-3-24 14:49 |只看該作者

原帖由 酸棗仁 於 2011-3-24 14:34 發表

哈哈哈.....

我都唔好意思再賣廣告喇!

.....睇完你嘅回覆, 狂笑中

做左又吾介紹, 無咩意思, 暫時都無咩人知呢個資訊網, 推介一下又何妨,

stanley
是非皆因多開囗煩惱皆因強出頭

私人傳訊

積分: 501

7^#

發表於 11-3-24 15:08 |只看該作者

其實... 我地係好多小問題引致...
其中一個導火線應該係我同佢媽咪, 0的相處有問題...
佢話佢一直冇出聲, 到左而家爆左出黎, 引唔倒..
我話拎0的問題出黎講, 諗方法解決..
佢話.. 佢個問題係唔想再解決...

講到好絕ar... 又話冇晒感覺... 冇左感覺唔會再有返..
一齊唔開心... 話唔想為左bb 而唔開心都要一齊...
咁人地就問佢有冇諗過我同bb..
佢就話點解冇人會諗佢好唔開心, 同好辛苦...

其實, 0的朋友都話分開下, 比大家靜下...
咁可能, 佢自己一個人時候, 就會諗返我地...
但我又會諗... 分開左... 唔係仲會令到大家關係更加變淡咩??

不過而家都冇得揀... 應該都會分開下...

私人傳訊

catfitfit

公爵府

積分: 26782

畀面勳章環保接龍勳章大廚勳章

8^#

發表於 11-3-24 15:42 |只看該作者

原帖由 帶子雄郎 於 11-3-24 14:49 發表
做左又吾介紹, 無咩意思, 暫時都無咩人知呢個資訊網, 推介一下又何妨,

悲歡離合總無情
一任階前點滴到天明

私人傳訊

積分: 1019

畀面勳章

9^#

發表於 11-3-24 15:57 |只看該作者

回覆 1# SHB999 的文章

其實,,生左小朋友後,,男人或女人都會心理上同身理上都會有變化,,
其實係成頭家0既人,,生活模式都有變化,,
當然,,有人會覺得好溫馨好幸福,,好愛屋企,,
但有人會覺得無哂自由,,無哂私人時間,,甚至有人會覺得唔想留喺屋企,因為BB 日日都喊喊喊,,好難接受,,,
如果而家已到左無得選揀0既時候,,咪等大家分開一段時間,,睇下有無轉機喇,,
但係,,你都應該要學得自立同埋堅強,,因為BB 需要你,.,!!
(多口一問,, 佢會唔會出面有女人??)

私人傳訊

積分: 501

10^#

發表於 11-3-24 16:40 |只看該作者

係ar... 佢覺得少左好多空間... 時間..
但其實... 佢都好多街出... 但佢都話冇自己一個人0既時間...不過, 佢都有講過唔想返屋企...
但我唔知佢係唔想對住我定係bb...

你都應該要學得自立同埋堅強,,因為BB 需要你
<-- 依句都好多朋友同我講, 因為我真係一個好依賴0既人... 而家好似由頭學起咁....

(多口一問,, 佢會唔會出面有女人??)
<-- 依個... 我問過佢... 佢話冇...
我直覺應該冇0既, 但可能有對第2個女仔有好感...
um.. 咁情況係咪叫做一樣呢??

如果... 佢出面真係有女人....
我地做老婆0既... 應該比多次機會定係可以放棄佢ar?

p.s. 多謝你地陪我傾計... 依到好warm...!!

私人傳訊

積分: 1019

畀面勳章

11^#

發表於 11-3-24 17:23 |只看該作者

回覆 1# SHB999 的文章

我喺呢度都識到個媽媽,,佢同佢EX都好多年,,佢EX 出面有女人,,而佢地小朋友都仲好細,,
結果,,佢地都分開左,,
我想話你知0既係,,佢本身都係一個好依賴0既小女人,,但係家陣一樣,,,可以企返起身,,仲生活得幾好添,,
男人0既野,,有當然,,可以維持家庭完整係最好,但係,,真係唔可以強求,,就算佢出面第二個,但唔愛你,,唔愛BB,,你C 留住佢個人,,但佢唔開心,,分分鐘仲會引發其他家庭問題出黎,,咁就仲麻煩,,現階段都係見步得步先喇,,
如果佢堅持要分開,,咁你都要面對現實,,
有時間去諗男人,,不如俾多D 時間諗下自己同個小朋友0既生活同將來,,
將來你地係點,無人會知,,但係由呢一刻開始,,你要做個堅強0既媽媽,,當你變得堅強之後,,我肯定會對你同你BB都會有好處,,
加油呀,,

(唔好客氣,,我地可以做到0既只係俾少少意見同埋幫你打氣,,或者陪你傾下計都當然無問題,我相信呢度個個都好樂意咁做,,)
再一次,,加油呀,,要正面D 去面對問題呀!!

私人傳訊

sylviayan

積分: 1126

12^#

發表於 11-3-25 10:18 |只看該作者

當然可以的話都勸你同老公正視一下大家既問題,睇下有無彎轉,雖然我婚姻失敗,我依然相信"千世收來共枕眠"呢個道理,如果最後大家都要分開,甘就開始諗下一D好實際既問題,例如有無共同資產分配,日後BB既安排撫養權贍養費之類...
"半杯水"理論雖然好多人都聽過,但係咪每人都明白箇中道理呢?!
我係BK都識到個媽媽,平時睇佢成日HEHE HAHA,以為佢無咩煩惱,但原來係佢性格睇得開好識知足,知道雖然自己單親係慘,但已經比下有餘,而且佢仲好識將佢既精神時間寄托在教育阿女身上...所以加油呀.. 明天會更好!

私人傳訊

積分: 501

13^#

發表於 11-3-25 14:31 |只看該作者

我都想同佢正視, 依半年黎我咩方法都試過...
但就係唔講, 又話講左都冇用... 永遠都會係咁..
因為佢一個好怕煩0既人...

只係唔知道... 點解真係可以咁不負責任....

其實.. 我都明白放開0的, 睇開0的...
將一0的野從另一個角度睇會好好多...

但係... 個心仲未可以放得低...

你地用左幾耐時間去適應另一種生活ga???

私人傳訊

積分: 1019

畀面勳章

14^#

發表於 11-3-25 15:58 |只看該作者

回覆 1# SHB999 的文章

我都有單親左七個月喇,,我會選擇唔聯絡,,儘量唔諗,,掉哂佢0既野,,同埋,,俾哂我工作同訓覺以外0既時間俾亞囡,,(你可以話我係逃避,但有時面對不可抗力同埋無辦法去決定0既問題時,,逃避都不失為一個方法)
當你小朋友大d, 識行識走,或同你有互動時,,你就唔會感覺咁孤單..
我無左個大情人,,但我有個小情人(我個囡),
其實都可以好快樂,,
希望你都會快樂..

私人傳訊

小小小BB