吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 樓市動向› 睇鎖匙盤同有人住O既盤的分別~

樓市動向今日: 2|主題: 74647

收藏本版

發帖

返回列表

跳至頁

查看: 8461 | 回覆: 24

睇鎖匙盤同有人住O既盤的分別~ [複製鏈接]

prettyhoney

別墅

積分: 619

1^#

發表於 11-5-23 23:10 |只看該作者 |倒序瀏覽 |打印

我想問下大家鍾意睇樓睇鎖匙盤定有人住緊O既盤呀？
我自己鍾意鎖匙盤多D~因為自由D~有人住緊都唔知從何入手睇呀~
如果大家睇有人住O個D會CHECK D咩呀？我上次去因為有落雨~個個盤都開冷氣~搞到我都冇得打開窗感受下出面到底嘈唔嘈呀~
同埋~如果有業主O係屋企~你地會唔會直接問業主野架？

0 0 0

私人傳訊

lovingsleep

伯爵府

積分: 17005

2^#

發表於 11-5-23 23:20 |只看該作者

咩盤都無所謂，我好主動同業主傾計架，我係想了解下佢點解要搬，係個人定係間屋有問題，仲知道佢有無心放間屋，e+好多業主都係試價，唔係個個有心賣架。

自煮有快樂

私人傳訊

prettyhoney

別墅

積分: 619

3^#

發表於 11-5-23 23:28 |只看該作者

lovingsleep 發表於 11-5-23 23:20
咩盤都無所謂，我好主動同業主傾計架，我係想了解下佢點解要搬，係個人定係間屋有問題，仲知道佢有無心放間 ...

原來你會咁主動架？我覺得好唔自在呀~
不過就算間屋/鄰居有問題佢都唔會老實答你啦~實話自己想換樓呀~
如果鄰居有問題都真係幾煩呀...
但有人你唔覺得CHECK唔到D咩架咩？

私人傳訊

lovingsleep

伯爵府

積分: 17005

4^#

發表於 11-5-23 23:53 |只看該作者

本帖最後由 lovingsleep 於 11-5-23 23:54 編輯

我同老公兩個有一套自己睇樓模式，入屋我會先讚下間屋既裝修/擺設有心思，但唔好話靚，留條路去壓佢價。個業主比人讚完會放下戒心會肯講野，咁我地可以周圍睇，我發覺有d地方例如漏過水/有裂痕等，個業主會下意識擋住個果位，咁我同c6會行去另一邊睇，當業主同agent 都出晒黎去左另一邊，我就同佢地吹水，c6就走番轉頭仔細睇，那時個個都掛住吹水，無人理佢點睇啦。

另一方面，我地會旁敲側擊個業主係唔係有心賣屋，只想試價無心既一定聽得出，可以走人唔睇啦。有心賣又可以chock下佢心急與否，心急就易壓價，唔急放既可以企得好硬。

或者別人會覺得我地好無聊，但我地覺得咁睇樓幾好玩! 為沈悶既睇樓帶來少少樂趣，但呢個只適用於第一次睇，到shortlist 左心儀單位，第二次入屋就驗屍咁驗。

點評

yee609 嘩....你好有心得呀,又學到嘢喇,thanks for sharing~~ 發表於 11-5-24 00:17

自煮有快樂

私人傳訊

lovingsleep

伯爵府

積分: 17005

5^#

發表於 11-5-24 09:15 |只看該作者

本帖最後由 lovingsleep 於 11-5-24 09:20 編輯

其實都唔係咩心得，只係上個月在2個幾星期內在同一屋苑 (因我地已鎖定目標)既九座內睇左30幾個單位，合我地既呎數座向少少不同，景觀只有樓景/對山馬路，所以要用d另類方法去篩選。

終於我地買既單位係一個家庭有兩個小朋友既，由於第一次睇樓時都有同個個媽咪(業主)吹水有交流，到第二次睇，我主動出擊話: e+換樓都唔易，佢就有感而發話想在暑假小朋友考完試才換樓，言下之意係要接手既買家遲收樓才賣，咁我猛話就到佢，佢才肯擴大減價空間，唔洗到還價才由agent 出口，亦使我地慳少少，呢招我認為係摸底-->減價求生術，知已知彼幾有效架。

點評

rentssp very useful, thanks for sharing~~ 發表於 11-5-24 12:09

自煮有快樂

私人傳訊

Lavender22

伯爵府

積分: 18428

6^#

發表於 11-5-24 10:14 |只看該作者

我看中一間村屋, 業主在地產開310萬, 只可傾到305萬, 無得減, 打算第二次再看清楚間樓 , 希望會減少少啦, 都唔知說什麼可以令業主會減些

私人傳訊

yankimama

男爵府

積分: 6322

7^#

發表於 11-5-24 10:18 |只看該作者

lovingsleep 發表於 11-5-24 09:15
其實都唔係咩心得，只係上個月在2個幾星期內在同一屋苑 (因我地已鎖定目標)既九座內睇左30幾個單位，合我地 ...

勁!!! 真係學到野!

私人傳訊

neko1234

大宅

積分: 3323

畀面勳章

8^#

發表於 11-5-24 10:27 |只看該作者

lovingsleep 發表於 11-5-24 09:15
其實都唔係咩心得，只係上個月在2個幾星期內在同一屋苑 (因我地已鎖定目標)既九座內睇左30幾個單位，合我地 ...

嘩..你個咩屋苑..可以有30幾個單位睇咁好..

我之前幾次買樓經驗..
都係得10間8間盤可以睇..

而家仲衰..call 極agent都無盤睇..
好啦..同我講有盤..明天就話賣左..
搞到我今次睇樓都睇左差唔多4~5個月..
都係睇左得10間以前咋..

點評

nono76 係有無call多幾個agent? 我都係甘先搵到dream house咋.
原來d大行無盤,反而細行先有. 發表於 11-5-24 12:30

yellowmama 我個頭d 人都係話無盤, 又無盤, 終於成個屋苑, 得一間低層盤, 但又覺得, 如果係筍, 都吾等到我呢d 生客睇啦發表於 11-5-24 10:30

私人傳訊

lovingsleep

伯爵府

積分: 17005

9^#

發表於 11-5-24 10:59 |只看該作者

neko1234 發表於 11-5-24 10:27
嘩..你個咩屋苑..可以有30幾個單位睇咁好..

我之前幾次買樓經驗..

荃灣麗城花園第一和二期，初初睇都好多架，愈睇愈少放盤，好多都係試價既!

點評

neko1234 多謝你滿足左我八掛XD 發表於 11-5-24 12:36

自煮有快樂

私人傳訊

nono76

侯爵府

積分: 23926

2018復活節勳章熱血勳章好媽媽勳章醒目開學勳章畀面勳章環保接龍勳章 BK Milk勳章 hashtag影視迷勳章親子王國15週年勳章

10^#

發表於 11-5-24 12:24 |只看該作者

回覆 Lavender22 的帖子

甘真係要睇你agent 既能力,同業主心裡個價.

我之前睇左一間dream house,我同我c6都好like,不過業主開333

甘我問下agent,業主有幾多可以講,佢話都係325左右..(我果時budget 310)

之前我再睇樓,又再問下agent同我試310, 不過要扮晒唔緊要甘..

再之後睇多2個盤,又問下agent 果個310 講唔講到,agent話業主最多328..又話我地講甘多無誠意等等..

之後我加d 313..315 甘同佢傾,前前後後都傾左成個星期...

到最後,agent話不如我地上去一次,當面傾,有晒客,業主唔覺得係agent試價, maybe可以減.

我c6無去,but佢叫我最多318..甘我就同agent講...就甘...我地上去傾,agent帶埋佢經理一齊去傾.

最後..業主只肯比320..我就話c6一定要318先比票....
點知,業主話要8月先交到吉,因早過8月要罰息..甘我就話,我要就你,你都就下我啦..一人一步..319啦...

結果,成交到啦...真係多謝agent.細行d agent都係有心d既.

希望我既case 幫到你la..^^