自由講場

跳至

首頁
1

尾頁
   0


男爵府

積分: 6505

玩具勳章 好媽媽勳章 畀面勳章 wyeth冷知識勳章 親子達人勳章


1#
發表於 11-4-14 13:18 |只看該作者
本帖最後由 Ekko 於 11-4-14 13:18 編輯

我係working mom,好小機會同仔仔既同學&媽咪見面 (仔仔而家k2)。上兩星期同佢開生日會,邀請左佢既好朋友黎,發現其中一個(平時好小見到的)同學A 真係曳到飛起,包括追住人黎打,起飛腳,大力拉扯等,佢媽咪在場都冇叫停個仔,咁我就自己同個仔講唔好玩得咁癲啦...

點知早幾日學校既家長日,同班主任閒談時,老師呢個同學A,原來係班上最曳果個,仲要係話唔理,教唔聽果隻。最重要係當老師同佢媽咪講番呀仔既問題,佢媽咪話 "呀仔開心姐,興奮就會咁架啦,好平常姐"。跟住老師再講,同學A 中午唔訓覺 (佢地讀全日班的) 去騷擾其他小朋友(包括我個仔),但個媽咪就話,"你地定得個午睡時間太早喇,咁早佢邊訓到覺姐,你晏d先比佢訓啦"。仲有老師叫寫字,寫得唔靚要同學A 擦過再寫,但佢媽咪就話"咁樣我個仔會好攰,唔好比佢寫咁多字呀"

仲有其他例子,不過唔講咁多....老師都話真係有d怕左佢,想教好佢個小朋友都比個家長話。因為都有其他家長同老師講自己小朋友比同學A 係學校打,所以老師會安排同學A 同其他小朋友盡量分開,例如午睡就訓最邊邊位置,減少小朋友被騷擾。而且老師都有講話會同d較易受影響既小朋友 (包括我個仔) 講,盡量會安排佢地唔同組,唔好同 同學A 玩咁多...

其實我係想問...我應唔應該直接同呀仔講叫佢唔好同 同學A 玩呢?? 如果我咁樣教個仔,會唔會令呀仔標籤左 同學A 係壞份子?? 同埋小朋友咁直接,如果佢番到學校同 同學A 講話 "我媽咪話你曳,叫我唔好同你玩咁多呀" ,咁會唔會好HURT 同學A 同佢媽咪呢??? 有冇有經驗既媽媽可以教下我點教呀仔??

(唔好意思...長左D添...)


侯爵府

積分: 23123


2#
發表於 11-4-14 13:34 |只看該作者
Ekko 發表於 11-4-14 13:18
我係working mom,好小機會同仔仔既同學&媽咪見面 (仔仔而家k2)。上兩星期同佢開生日會,邀請左佢既好朋友 ...

個曳同學媽咪都好識教仔下wo!


公爵府

積分: 26701

畀面勳章


3#
發表於 11-4-14 13:43 |只看該作者
小朋友點曳都好班主任都唔應該向第三者講

點評

恩盈  無錯 ...  發表於 11-4-14 17:19
tel.852  同意  發表於 11-4-14 16:41
aryee  十萬個同意,老師都好唔專業!  發表於 11-4-14 14:01


珍珠宮

積分: 41545

馬年勳章 2024年龍年勳章 2023年兔年勳章 環保接龍勳章


4#
發表於 11-4-14 13:47 |只看該作者
我會叫我小朋友唔好同曳的小朋友玩,因我唔想她學懷


珍珠宮

積分: 38339

畀面勳章


5#
發表於 11-4-14 13:57 |只看該作者
就襯呢個機會教佢 "如何選擇朋友" 啦。
我就會叫個仔唔好同佢玩囉。
又呃一個POST, "叮" 兩分入袋


男爵府

積分: 6968


6#
發表於 11-4-14 13:59 |只看該作者
本帖最後由 sa~ 於 11-4-14 14:03 編輯

我會教小朋友每個人都唔同. 佢E+頑皮, 你可以比佢去改(咁做係唔好). 比時間佢...但你自己要做一個好榜樣..同樣地. 我會教佢保護自己啦
我個仔以前又係遇到一個郁手郁腳的同學仔. 我個仔一樣有同佢玩. 但個同學仔一郁手郁腳, 我個仔佢會知咁係唔岩.會叫佢唔好..咁係我眼見到時, 我個仔亦冇還過手...
我覺係要教小朋友好/ 唔好. 而唔係去標籤人.

個人意見..

點評

ngmyan  打錯個符號:仲同他玩?受傷真是不能怪人,差些說是沒愁報  發表於 11-4-14 23:39
ngmyan  想問那時小朋友幾歲?現在playgroup內有個男仔常動手推人打人,全部家長也帶小朋友遠離他,我女三歲只知他推人不對,被他推又不懂避,仲同他玩,他的媽媽也控制不了他   發表於 11-4-14 23:33


水晶宮

積分: 67197


7#
發表於 11-4-14 14:04 |只看該作者
個呀媽種到個仔咁唔怪得佢咁曳啦, 因為個呀媽嘅問題我會叫自己小朋友唔好同佢玩
生得積極, 老得開心
病得舒服, 死得安樂


大宅

積分: 1629


8#
發表於 11-4-14 14:09 |只看該作者
我會由得小朋友自由發展佢既朋友。小朋友仲細,開心就會玩埋一齊,唔會理咁多野,到比人打果時最多又係喊一陣,聽日再玩過!除非小朋友自己開口話唔想同a玩,咁先再同佢分析。週邊咁多自己睇唔順眼既人,好難避得開,學識同佢地和平共處反而係上策,有時,各人有長短,它朝有日有d好野係a同學教你個仔都未定。

我仔小一時隔離位個同學都係曳曳地,我仔日日返黎都有d野係因為佢而起,但靜觀其變,呢位曳同學原來係棋類高手,我仔響佢身上又學識左好多益智棋類遊戲。有時,三人行,必有我師,可能就係咁解!

點評

maytsem  agree  發表於 11-4-14 15:01
Ekko  我都係咁諗...所以先想係到問下其他媽媽既意見...我都想比呀仔自己學下點分對與錯。  發表於 11-4-14 14:24
sa~  AGREE  發表於 11-4-14 14:15


珍珠宮

積分: 30278

環保接龍勳章 hashtag影視迷勳章


9#
發表於 11-4-14 14:09 |只看該作者
咁你個仔鍾唔鍾意同佢玩呀

點評

Ekko  應該算係鐘意,我問呀仔生日會想邀請邊個,呢個同學A 都係頭5個佢想邀請既.....所以呢個都係問題之一,好難開口同呀仔講,叫佢唔好同朋友仔玩架嘛  發表於 11-4-14 14:27
一個人之所以快樂,不是因為她擁有得多, 而是因為她計較得少


大宅

積分: 3762

畀面勳章


10#
發表於 11-4-14 14:13 |只看該作者
本帖最後由 crystals 於 11-4-14 14:20 編輯

我會叫自己個小朋友自己分析一下~"如果呢個同學咁咁咁~咁你會點做?"去引導佢~讀到幼稚園~小朋友已經有能力去分析~要佢明白點為之right~點為之wrong~ 如果你only叫佢唔好同同學A玩~佢唔會知道點解,只會知道係"媽咪叫"~ 你俾佢地自己分析佢地會入腦好多~

點評

Ekko  謝謝你~  發表於 11-4-14 14:27
由原產地直接進口~純天然~無添加~日日新鮮製造~
BB的最佳食糧......母乳~


男爵府

積分: 6505

玩具勳章 好媽媽勳章 畀面勳章 wyeth冷知識勳章 親子達人勳章


11#
發表於 11-4-14 14:18 |只看該作者
noodles9112002 發表於 11-4-14 13:43
小朋友點曳都好班主任都唔應該向第三者講

我反而覺得呢個咁極端既例子,對我呢D在職媽媽黎講,佢同我講都係一件好事。始終我自己問自己個仔,係學校發生過咩事佢都唔識講咁多比我聽,而且佢亦唔識分辨對與錯。老師既提醒對我教小朋友都有幫助,不過可能老師都好無奈(都聽得出...) 同我講多幾句 呻多幾句... (因為老師都知道我以前係教公文既,都算係半個老師...)


大宅

積分: 2756


12#
發表於 11-4-14 14:33 |只看該作者
本帖最後由 tongming_ma 於 11-4-14 14:36 編輯

個呀媽都唔合作 老師都好難做
老師講出黎 我諗都係想大家了解一下個情況 因為有影響到其他小朋友
如果唔講 D家長會唔會 都覺得係老師教唔好?

我仔讀K1 有時都會講邊個好曳 推佢 個D 我就同佢講 有人推你 你話老師聽就得 唔好推返人
我仔返學好靜 老師安排D比較多野講 活躍D既小朋友坐


水晶宮

積分: 74328


13#
發表於 11-4-14 14:40 |只看該作者
我囡好鍾意群小朋友,跟人地,未必識分好壞,好易人做咩佢做咩.
人地大叫佢又大叫,人地跳佢又跳架.
我會教阿囡唔好同D曳同學玩.
反而,如果果D有困難、有殘疾、或身體有不漂亮之處的小朋友(佢有個同學全身濕疹,無人敢同佢玩),
我會教阿囡去關心人地囉.

點評

Ekko  我仔就係呢款....人跑佢跑,人叫佢叫...所以老師先話我知呢個問題...  發表於 11-4-14 15:20


伯爵府

積分: 15470

wyeth冷知識勳章 環保接龍勳章 大廚勳章 親子達人勳章 畀面勳章


14#
發表於 11-4-14 16:35 |只看該作者
教阿囝"對事唔對人",
個個小朋友都有曳既時候,
一視同人,
總之別人唔好既行為,叫囝囝唔好跟人做,
別人打佢,教佢講唔好及講畀老師知道.


琥珀宮

積分: 157928

玩具勳章 好媽媽勳章 醒目開學勳章 畀面勳章 叻叻勳章 2011精緻種植勳章 環保接龍勳章 BK猜猜猜慶中秋 BK Milk勳章


15#
發表於 11-4-14 17:03 |只看該作者
牛B有個同學都係咁, 成日爬上檯, 打人, 扯人頭髮..etc (我地成日約埋幾個家長出黎, 大家小朋友返屋企都係咁講), 但我只叫牛b要自己保護自己, 唔好比人打, 亦唔好打人, 太保護自己小朋友, 將來好難適應呢個社會, 你估d虫會同你客氣呀?!

港英餘孽生活態度~係咁牛精架喇~點吖


珍珠宮

積分: 38234

認識瑞士牛牛第一回 好媽媽勳章 畀面勳章 BK Milk勳章 hashtag影視迷勳章


16#
發表於 11-4-14 20:19 |只看該作者
小朋友係 活潑 同 曵 可能都會好類似 ...

如果係我, 我知道 (或我仔返屋企同我講) 其他小朋友點 曵 或 行為不當 時, 我會問返我仔, 咁樣做啱唔啱呀? 趁機引導佢 ...

我由佢自己發展, 唔會叫佢唔同某某同學玩, 見我仔學到曵嘢返嚟, 咪即刻同佢講唔啱唔可以做囉, 小朋友品德係老師同家長都有責任 ....

首頁
1

尾頁

跳至
Presslogic Logo
Baby Kingdom Logo