吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 少年成長› 我個仔鬥輸咗,我哋掉咗佢張BB櫈!

少年成長今日: 4|主題: 16106

收藏本版

發帖

返回列表

跳至頁

查看: 2110 | 回覆: 13

我個仔鬥輸咗,我哋掉咗佢張BB櫈! [複製鏈接]

wan_sosin

珍珠宮

積分: 49890

1^#

發表於 11-4-14 09:57 |只看該作者 |倒序瀏覽 |打印

囝囝常鬥氣,愛說反話,叫佢食完飯就奬佢食糖,佢話唔要食糖;
叫佢收好玩具落街玩,佢話唔落街;
最近一次,我想清潔張櫈,我將佢high chair嘅枱面拆下來放在地上.
佢擰來係地下推來推去,叫佢好多次都唔聽.
之後爸爸話再玩掉咗張櫈,一如以往,佢話:"好呀,掉咗佢!"
咁爸爸就即刻收起張櫈,擰落垃圾站.
(其實張high chair已準備不用,加上已爛,現在只是提早D收工)
囝囝見到,拉著大門,當然無用.
然後走去窗口,大叫爸爸!話要落去.
我見到真係覺得好好笑.

唔知個仔知錯未呢?

0 0 0

私人傳訊

Auathena

珍珠宮

積分: 36096

畀面勳章環保接龍勳章親子達人勳章 hashtag影視迷勳章

2^#

發表於 11-4-14 10:50 |只看該作者

囝囝幾多歲啊？

私人傳訊

wan_sosin

珍珠宮

積分: 49890

3^#

發表於 11-4-14 13:50 |只看該作者

Auathena 發表於 11-4-14 10:50
囝囝幾多歲啊？

我個仔快三歲.

私人傳訊

家希媽媽

別墅

積分: 523

4^#

發表於 11-4-14 22:59 |只看該作者

回覆 wan_sosin 的帖子

唉~~我個仔亦係一樣最鍾意講反話, 又鍾意拗頸, 不過佢差唔多5歲喇~~我好似樓主老公一樣, 佢講得出我就當真, 因為我主張佢要為自己講過嘅事負責, 唔想佢成日一發恔憎就發晦氣亂講, 不過效用仍然時好時壞............投降

私人傳訊

wan_sosin

珍珠宮

積分: 49890

5^#

發表於 11-4-14 23:44 |只看該作者

家希媽媽發表於 11-4-14 22:59
回覆 wan_sosin 的帖子

唉~~我個仔亦係一樣最鍾意講反話, 又鍾意拗頸, 不過佢差唔多5歲喇~~我好似樓主老公 ...

明呀!我都好苦惱!

所以講嘢要好小心,唔好比佢捉到路.
不過真係好難教!

私人傳訊

titanlow

用戶要求終止服務

積分: 7429

6^#

發表於 11-4-15 09:52 |只看該作者

咁要小心d講野, 唔係掉晒屋企d野都未得佢大..哈哈哈, 我老公成日講d根本唔會做得到o既....我就成日要提佢唔好咁講

其實呢個年紀o既細路係最鍾意講反話o架, 所以唔好太認真, 好似你叫佢唔好玩, 佢唔聽, 你唔駛話丟o左佢, 因為佢真係會認同你o架, (咁你想乘機丟就無計啦...哈哈), 爸爸最好係搵第樣野去吸引佢行開...

同埋呢, 我發現呢個年紀o既小朋友係唔受'威脅'o既, 即係個d做完a就俾b你呢...佢地好多都唔受o架, 所以我唔會話你飲完水就俾餅你食, 咁係無用o既, 如果我有樣野想佢做, 我會俾佢揀....舉你個例, 落街前要執玩具, 咁我就會同佢講, 我地好快要落街玩喎, 落街前, 你想執玩具先定係換衫先(舉例, 是但俾多樣要做但未做o既野佢揀), 細路好鍾意自己有得話事, 有野揀, 咁佢揀換衫先o既, 咪話: 咁我地換完衫之後執埋玩具就出門口啦, 試下多d 用呢類pattern, 可能會有好d 效果...

呀....同埋, 食完飯俾糖係唔得o架.....糖咁吸引, 佢個心晨早去o左食糖啦, 仲點會食飯呢, 佢唔鍾意食飯, 唔好諗住用樣佢鍾意o既野來motivate佢, 反而要focus係食飯呢件事上, 例如, 用個細碗, 盛少少, 如果佢食得晒, 勁讚佢, 之後再添, 增加佢o既成功感, 唔覺得食飯係件苦事囉....試下得唔得啦

點評

yinyeung_mami thanks 發表於 11-4-28 17:53

rainiemama 勁呀，我都試下先！發表於 11-4-24 16:13

傻婆Elaine 我都要試下你的方法.有得揀係小朋友都鐘意. 發表於 11-4-23 08:25

Mimmy 多謝你分享, 我都要試下, 囡2歲半已經好難搞發表於 11-4-19 10:59

私人傳訊

wan_sosin

珍珠宮

積分: 49890

7^#

發表於 11-4-15 15:32 |只看該作者

回覆 titanlow 的帖子

好多謝你保貴的意見!都是好方法!
不過我個仔好難搵第二樣嘢引開佢的注意,因為佢係"為求目的,不擇手段"果D.
同埋佢會好快知道我哋嘅企圖.

點評

titanlow 你個仔受軟定受硬? 知道你地o既企圖咁佢又會點呀? 唔妥協, 繼續用佢自己o既方法爭取? 發表於 11-4-20 10:03

私人傳訊

美亞

禁止發言

積分: 16954

8^#

發表於 11-4-17 01:19 |只看該作者

提示: 作者被禁止或刪除內容自動屏蔽

私人傳訊

游泳寶寶

大宅

積分: 2989

9^#

發表於 11-4-18 13:19 |只看該作者

其實個個小朋友既性格都唔同, 對住唔同既小朋友要用唔同既方法. 我以前大多數時間都會好有心機咁tum 個女, 同佢講道理既, 但因為而家生多左個BB, 個人好攰, 時間唔夠用(我要番工, 又要餵人奶), 已經變得冇以前咁有耐性. 有時直頭會向個女投降, 意思唔係就晒佢, 而係唔理佢既索求, 合埋眼, 攤響度, 我唔駛十秒就訓著左, 因為實在太攰.... 試過幾次, 發覺又ok架喎, 佢見我冇晒反應就去做其他野.

以前佢唔肯食飯我會好緊張, 但而家我己經冇心情同佢拉据喇, 我九秒九秒食完飯仲有大把野要做, 又要睇住個細既, 佢未食完我都要同佢收當沖涼, 但又驚佢唔夠營養, 唯有俾佢小食多餐, 俾多d水果, 蛋糕同湯佢. 點知佢又掉番轉頭鐘意食白飯同菜喎, 真係俾佢吹脹.

私人傳訊

chrislpy

男爵府

積分: 9185

畀面勳章陪月勳章

10^#

發表於 11-4-18 14:51 |只看該作者

我覺得食飯既氣氛好最要,我個仔同樓主個仔差唔多大,佢唔俾我只係同老公講野架,要傾就大家一齊傾,我唔會太緊張佢食飯,佢自己食吓,我又餵吓佢咁,輕輕鬆鬆就會食完餐飯,不過我地本身大人都食飯食成個鐘既(連埋生果),所以佢唔會覺得自己食得特別慢,仲有就係我一定係開飯就成家一齊食,唔會俾佢自己食飯先,咁佢會有多D投入感去食飯

私人傳訊

wan_sosin

珍珠宮

積分: 49890

11^#

發表於 11-4-18 22:06 |只看該作者

回覆游泳寶寶的帖子

你又要返工,又有兩個就真係辛苦!加油!
其實我都唔會tum個仔,不過我老公會tum佢,我都常阻止我老公,但佢好易唔記得,又講咗,我又唔會怪我老公,佢唔多時間照顧個仔.
不過你說的對,個個細路唔同性格,我個仔性格唔tum得,越tum佢越得戚,我同佢講咗一就一,二就二.

私人傳訊

wan_sosin

珍珠宮

積分: 49890

12^#

發表於 11-4-18 22:15 |只看該作者

回覆 chrislpy 的帖子

多謝你的分享!
我都係同你一樣,一齊開飯,一齊坐,都會同個仔傾偈,不過我個仔可以停晒手唔食果D,而家都好咗架啦!以前餵都唔食,而家係慢,都肯自己食.
我其實唔會氹我個仔,多數係我老公氹佢,始終少見,會唔捨得,我會提我老公,不過佢會唔記得,不過一家人,都唔係什麼大件事,老公咁講,我都會算數.教仔好難完美,不過我都會盡力.

私人傳訊

wan_sosin

珍珠宮

積分: 49890

13^#

發表於 11-4-21 00:44 |只看該作者

tatanlow,正如你說,佢知道我哋的企圖之後,佢會唔妥協, 繼續用佢自己嘅方法爭取.
例如食飯,第一碗比少D佢,佢食完會話,我食完啦!唔食啦.

佢受硬唔受軟,越氹佢,越得戚,跟著你同佢講嘢就嬉皮笑臉.咁我又唔會唔贊佢,不過唔會勁贊,更試過勁贊佢,佢反而話自己係尾尾.
我問佢鍾意叻,定鍾意尾,佢話鍾意尾,因為尾就可以做自己鍾意嘅嘢.

其實氹佢果個多數係我老公,我好少氹佢,食完飯食糖係我老公講的,我都常提醒我老公,而家老公都少咗講架啦,不過有時佢會忘記.

不過二選一的方法有時都work,但有時佢會兩樣都唔做.
有時樣樣都話唔做果時,我問佢,咁你自己想做D乜嘢,佢就會講一些唔可以做的事情出來.
所以我多數直話直說,要佢做的,就要做.
再說食飯,我會叫佢"而家要食飯,食飯啦!
如果佢唔想,我就會說:"無一個人可以唔食飯,你而家食啦!"
所以佢而家食飯,我都未出聲,佢自己會講:"個個人都要食飯架!"
不過仍然食得好慢,但起碼肯食.

有時要收玩具,我會跟他說:"而家收玩具,即刻!"佢反而肯做.
點解有時會同佢講,收完玩具就落街,因為是事實,有時唔覺意會講出將要做的事情.同埋佢都唔細啦,都要知道有什麼安排和將會做什麼.
所以同佢講嘢,真係要想清楚.
有時為了教佢,夜晚唔係好快瞓到,因為要想如何破解佢D嘢.