少年成長今日: 3|主題: 16104

收藏本版

發帖

返回列表

跳至頁

查看: 478 | 回覆: 0

家長日 [複製鏈接]

csir3290

子爵府

積分: 12523

1^#

發表於 11-4-23 11:42 |只看該作者 |倒序瀏覽 |打印

今日學校家長日兼派上學期考試成績表嘅日子，老師可以同家長見面傾吓同學仔喺屋企同學校嘅情況。我要見嘅家長全部都好好，好合作好信任，亦都好耐心咁聽，因為大家都想合作教好同學。家長日嘅目的並唔係要揾機會喺家長面前數個同學點衰點衰，反而係想同家長互相了解互相合作去教好同學。如果老師唔緊張唔錫個同學嘅話洗乜同家長講咁多嘢喎，就咁派咗成績俾個同學攞番屋企俾家長簽咪得囉！

好多家長嚟到都好緊張同學嘅成績同喺學校嘅情況，同老師好合作，甚至乎好感激老師對同學嘅照顧，如果所有家長都當老師係合伙伴，喺教導同學上一定事半功倍！

當然亦有一啲令到老師好無奈嘅家長啦！明明約好咗時間，又唔出現又無電話通知，咁即係點呢？成績表攞唔攞呢？有家長一坐低就係個老師面前話個老師又投訴呢樣嗰樣，完全唔識尊重，喺個同學面前都係咁，咁個同學點會尊重老師呢？有家長話我哋點解咁嚴，點解12度唔俾著街褸，佢個細路著咗被老師話，又話我哋點解咁鬆，唔捉啲同學头髮啡咗！咁即係嚴定鬆呢？捉你個細路就嚴，其他就鬆呀！又有家長剩係講冇辦法，同佢講乜都係囉係囉，但係冇辦法，咁老師都同你咗講可以點做啦，咁你唔做老師就真係冇辦法嘞！

不過其實我哋好多家長都好好！家長日之後我哋仲攪咗個家長教師燒烤晚會，雖然天氣唔係幾好都有成百幾家長同學生參加，都玩得幾好心而且又多個溝通機會！老師同家長互相合作先可以更幫到同學成長！

另有新文章已發表：http://hk.myblog.yahoo.com/csir3290/article?mid=1635