| | 行騙罪行
http://www.police.gov.hk/ppp_tc/03_police_message/vp_gallery/video_pm_d.html?video=04
話說今日大概 9:45PM 係彌敦道屈臣氏個位過馬路, 見佢閃緊綠燈於是即刻衝埋條馬路啦,
去到對面岸之際有條 L 樣衝出尼撞落我度, 跟住好似跌左 D 野,
由於係已經紅燈既關係同埋以我踢波插水既經驗尼睇, 佢係撞得好刻意,
覺得佢有古惑, 於是我趁亂加快腳步行, 沿住堪富利士道一直走,
不斷眼尾目及番轉頭, 確係見到有條黑影跟住由於條路都幾多橫巷同我既同鄉, 感覺都幾唔安全
於是我越行越快佢叫都唔聽, 直到去到有個大廈管理員既地方先停低 條L樣問我
"先生, 你求先係咪撞到我?" "好似係呀, 做咩?"
"你撞跌左我副⋯⋯眼鏡喎" "係咩, 咁SORRY 喎"
"撞到裂左喎, 要拎去整先得喎, 名牌野尼架" (一聽到呢度, 心知此地不宜久留, 於是繼續行)
"你諗住就咁走左去呀?" (我啋佢都傻, 繼續行, 其實我係驚佢吹雞, 幾大都去D多人既地方先, 走都走得易D) "喂你想就咁走左去呀, 我女朋友送比我架, 好貴架" "咁你想點?"
"唔洗賠呀依家, 你再行我報警架!" (正中下懷)
"哦, 咁你報啦, 錢我一定唔賠架啦, 我都覺得報警好D" (當然繼續行)
"係咪報警先?" "係呀你咪報囉"
"咁你停低先啦, 你行去邊?" "你咪行住打電話囉, 我趕時間"
"你企係度先!" "喂, 一係咁, 前面成日都有警車停係度 (恆生果度係成日都有的), 直接去搵警察啦, 唔洗煩" "我趕時間呀, 你返過黎先" "我都趕呀, 拿拿臨過去搵左警察先啦"
呢個時候我已經行到出左加拿芬道, 而佢亦都停低左
"喂係咪報警JE, 就到啦" "你返尼先"
"兩步就到啦, 見唔見? 警車係果度"
於是, 佢走左了 (其實, 係無警車的, 只係鬥大而已)
仆街想呃我錢, 我唔驚佢 我心諗, 係大陸大把屈人錢既故仔, 你夠膽對個大陸人下手?!
EVEN 發展到單打都唔驚, 因為佢唔大隻但我真係驚佢吹雞, 所以都係走為上著
好彩我走得快同無停低 因為.... 由於太興奮, 之後返屋企果陣打比 FD 分享呢個故事
返到屋企果陣個 FD send 左條link比我.... http://www.police.gov.hk/ppp_tc/03_police_message/vp_gallery/video_pm_d.html?video=04
(為照顧 IPHONE 睇唔到片既各位, 在此解釋一下, 內容係同一件案, 不過有個同黨走左出尼扮途人呃個事主, 話個眼鏡好貴要賠好多云云....)
警訊 !!!!!!!! 好彩我無停低, 一停低就比佢地夾啦
大家小心小小心, 千祈唔好停低呀!
PLS FEEL FREE TO SHARE WITH YOUR FDS TO ALERT THEM更多
作者： Kwan Ho Man
|
|
發表於 
我要瞓八個鐘
返回列表
