吹水玩樂

時事理財

由家出發

媽媽天地

育兒教養

情報分享

意見反饋

聯絡管理員

我的中心

Baby Kingdom - 親子王國香港討論區 › 首頁 › 婆媳關係› 我係惡姑奶!!!!

婆媳關係今日: 0|主題: 27778

收藏本版

發帖

返回列表

跳至頁

查看: 3430 | 回覆: 30

我係惡姑奶!!!! [複製鏈接]

rean_chau

公爵府

積分: 28591

1^#

發表於 11-5-21 12:33 |只看該作者 |倒序瀏覽 |打印

我同大弟婦相處都可以, 不過做錯野我一定WARN佢, 例如對我媽無禮, 對我D親人無禮, 比我見到佢死硬, 我一定會剷到佢上天花板!!!不過另一方面我都好欣賞佢對我地屋企既付出, 係抵讚既!!細佬係呢幾年成熟左好多, 咁多少都係因為佢既!!不過有時真係好騎呢, 唔比人炳唔舒服, 炳完先死死地氣SAY SORRY...

未過門果個, 驚死我摷禍佢堂婚事, 由決定結婚到去酒樓落訂只係2個星期, 但就訂左仲有20個月先到既酒席...明知我兩姐弟仲因細節既野未傾掂吵到火紅火綠, 轉個頭馬上立刻走左去落訂!!!係咪抵死...邊個話唔比你結婚, 兩個都未有經濟能力, 走去包左一個20萬既場...口口聲聲話搞得掂, 到時埋尾咪又要揾著老豆老母黎搞~~~我本來對佢無偏見, 雖然佢係一個好大駛好無手尾褸休既人(後者真係影響到我), 對佢地結婚真係欣然接受, 但由佢去左落訂果刻開始, 我一定會係個惡姑9,佢要睇我面色, 除非有本事唔駛同我住!!!

0 0 0

私人傳訊

Ocean11

伯爵府

積分: 19437

2^#

發表於 11-5-21 16:19 |只看該作者

HAHHA>..你似佢呀媽多過佢姑奶, 幫人教女!

私人傳訊

lovelycats1437

子爵府

積分: 13871

貓狗褓姆畀面勳章

3^#

發表於 11-5-21 16:26 |只看該作者

回覆 rean_chau 的帖子

你係想講你罵佢地都一定係正確 ? 佢地抵罵?

未入門既同你住,指層樓係你買,你既名? 定係都係你父母既?

當然長輩可以對後輩作出提點, 但最有資格出聲既唔應該係你父母(6299) 嗎?

有時唔需要下下擺曬款既.... 咪攪到個個見到你都唔開心....

點評

rean_chau 我父母對細佬已經放棄左啦...唔理所以要我理!!!至於層樓, 屋企人比首期我自己供, 同細佬住!!所有野都係我包!!! 發表於 11-5-21 21:28

私人傳訊

MYL0808

洋房

積分: 51

4^#

發表於 11-5-21 16:43 |只看該作者

有你呢D咁既家姐,D細佬咪做死一世裙腳仔囉!
乜你D細佬係90後來的?剛剛成年就學人結婚?保護自己父母係應該,但都要尊重人地個女.......咦.....樓主,你冇6299的嗎?

點評

rean_chau 宜家佢整二十萬出黎喎...我地男家唔會一齊擺!! 發表於 11-5-21 18:47

montana agree...樓主有d似係度軍訓緊d弟婦發表於 11-5-21 17:06

小mama 勁呀你...講野好白呀^^ 發表於 11-5-21 17:00

私人傳訊

Ocean11

伯爵府

積分: 19437

5^#

發表於 11-5-21 16:51 |只看該作者

MYL0808 發表於 11-5-21 16:43
有你呢D咁既家姐,D細佬咪做死一世裙腳仔囉!
乜你D細佬係90後來的?剛剛成年就學人結婚?保護自己父母係應該, ...

你嘅回應我好同意呀...仲有你個問題係GOOD QUESTION - 樓主可能仲未家得.....
出.

私人傳訊

小mama

珍珠宮

積分: 41553

6^#

發表於 11-5-21 17:13 |只看該作者

本帖最後由小mama 於 11-5-21 17:16 編輯

樓主可能真係未結婚, 唔知d好既酒樓係好日係好快full book...
依加book定兩年後, 都唔算係d咩一回事...
諗得太多...以為人地驚佢摷禍, 未免太誇張啦...

私人傳訊

幸福謝師奶

珍珠宮

積分: 39732

畀面勳章貢獻勳章環保接龍勳章

7^#

發表於 11-5-21 17:15 |只看該作者

我覺得做姑奶唔好咁惡呀,有咩都好聲好氣同佢講, 咁樣先可以相處融洽~

我細佬既gf , 我地都好好傾ga, 有講有笑, 佢做得唔arm既, 當係朋友解釋比佢聽, 咁樣大家都好~

私人傳訊

LHLMother

男爵府

積分: 7867

8^#

發表於 11-5-21 18:15 |只看該作者

私人傳訊

alik

公爵府

積分: 25507

9^#

發表於 11-5-21 18:21 |只看該作者

本帖最後由 alik 於 11-5-21 18:21 編輯

rean_chau 發表於 11-5-21 12:33
我同大弟婦相處都可以, 不過做錯野我一定WARN佢, 例如對我媽無禮, 對我D親人無禮, 比我見到佢死硬, 我一定 ...

如果你父母都未出聲，你做人姑奶的就靠邊站啦唔該！唔好做到自己咁討厭

點評

LittleMss AGREE! 發表於 11-5-22 05:35

唔該唔好同我打招呼，不要點評！

私人傳訊

Crystalko

大宅

積分: 1780

10^#

發表於 11-5-21 18:23 |只看該作者

你細佬決定結婚就係大個仔表現la, 你都讚個弟婦有功勞令你細佬變成熟, 咁咪由佢自由發展lor! 每個人都係獨立個體, 過份保護/ 管束因住有反後果!

私人傳訊

ginnyhkc

禁止訪問

積分: 9945

畀面勳章大廚勳章

11^#

發表於 11-5-21 18:35 |只看該作者

提示: 作者被禁止或刪除內容自動屏蔽

私人傳訊

rean_chau

公爵府

積分: 28591

12^#

發表於 11-5-21 18:42 |只看該作者

本帖最後由 rean_chau 於 11-5-21 21:30 編輯

其實你地講既野我都明...
我有兩個弟婦, 大果個生性D, 係講野唔經大腦, 有時好無禮貌, 你唔大聲話, 佢係唔會明, 好多唔應該講既野會隨口講, 得罪好多人, 親戚對佢有微言. 幾多面都唔夠比佢丟, 唔大聲炳唔聽講. 其他事我都好欣賞佢既..

細果個要結婚, 本來結婚係開心事, 我地都會幫佢搞. 我唔係想佢做群腳仔. 只係好多細節野都未搞掂就走左去落訂...連我地男家幾多人會出席都未知(我地香港人少, 可能唔會一齊擺都未定). 而佢地兩個係一D經濟基礎都無, 果幾萬蚊訂都係之前我地比佢既學費, 所以積儲可以話係'0'.....如果用20萬擺十五圍(女家要既), 以佢地情況係咪大個頭左D呢? 我地一直強調係, 慢慢再傾下先, 結過婚都知道好大洗費, 結婚唔係一個婚禮, 係一個新生活...就係酒席都二十萬, 咁其他呢?

點評

dearqueen1314 如果決定左邊間酒樓,比訂hold左個期先,無問題格,因為好日子實在太搶手啦! 發表於 11-5-22 00:56

私人傳訊

joys2334

子爵府

積分: 12324

13^#

發表於 11-5-21 19:05 |只看該作者

吓, 乜輩份啊!? 有資格剷到人上天花板嗎?

點評

fairyfloss 其實佢冇講錯喎,雖然唔係幾好聽. 但如果你咁都剷佢上天花,好似係你過份啲喎, 發表於 11-5-22 00:51

rean_chau 我個仔問:咩叫百年歸壽, 佢話遲D你咪會去果度羅!! 你會唔會剷佢上天花!!! 發表於 11-5-21 19:09

私人傳訊

rean_chau

公爵府

積分: 28591

14^#

發表於 11-5-21 19:07 |只看該作者

本帖最後由 rean_chau 於 11-5-21 19:22 編輯

回覆 MYL0808 的帖子

可能故事真係唔可以用一千幾百個字講啦~~ 係呢度我都係呻下...

個女仔識左三年, 期間有黎我屋企同細佬住.. 好老實, 我未見過D女係咁亂, 次次出門口間房好似打台風咁, 執餐慒, 無手尾, 沖完涼D毛巾到處放. 唔識執野, 果時我當佢細, 細佬女唔識同埋屋企有工人, 尚且頂得住!! 大駛不在話下. 後尾細佬去左外國半工讀, 做左年幾野返黎儲左五六萬返黎放假, 唔駛一個月全部錢駛晒, 個女仔日日返屋企都有新野買..都算....唔係我既錢. 細佬返左外國無耐又問亞哥借錢, 因為個女仔要買機票去佢地住~~~~ 啱啱借完錢買機票, 果頭就話結婚..

酒席, 當初我地係話比女家十五圍既, $9000圍/X15=都係十三萬五千, 宜家佢地搞出黎既係二十萬, 仲未計其他野. 細佬結婚點會唔開心, 我都恨不住佢嫁鬼左佢算啦. 落訂之前一晚同個女仔通過電話, 叫佢唔駛急先,我地男家人數未定, 可能只係兩圍(當回門酒), 所以唔好包個場住....唔想明明$10蚊買既野要用$20蚊去買. 佢地無錢架錢,連果三萬蚊訂金都係我之前留比細佬交學費用既. 點知第二日打比佢, 話有朋友做婚宴, 叫佢參考下, 佢話落左訂!!!!!

佢落訂我地一個人都唔知...乜人地話比幾多圍你, 係你地自己話幾多就幾多, 話去邊就去邊架??? 我都好強調, 唔係唔係果度擺, 而係用唔晒果20萬,要係其他地方度夾硬駛左佢, 好唔值, 所以可以再慢慢計下!!!

仲有, 個女仔讀緊書, 要2012年先畢業......

點評

dearqueen1314 係咪佢地book酒樓無事先得你批準,所以你吾高興? 發表於 11-5-22 00:59

私人傳訊

心抱

子爵府

積分: 13095

好媽媽勳章醒目開學勳章畀面勳章

15^#

發表於 11-5-21 19:16 |只看該作者

本帖最後由心抱於 11-5-21 22:19 編輯

明白樓主既顧慮
但做姑9, 都吾駛做到咁惡既, 可以用第2D方法既
我無細佬, 但我有一個唐細佬, 我地感惰好好, 對住佢條女(無錯, 我係打 "係佢條女", 吾係女朋友), 我都薄有微言, 吾只我, 仲有唐細佬既親家姐, 唐細佬既表姐們, 呢個女仔, 亦同我唐細佬傾到談婚論嫁地步, 唐細佬想屋企出錢結婚, 果條囡都係咁諗, 佢地0積蓄.....但我地可以點?? 女人係佢自己選, 好吾好佢先知, 可能條女真係鑲金呢? 我地做姑9做長輩既, 咪唯有企埋一邊睇戲, 乜都吾會幫, 要選擇結婚, 即佢當自己係大人, 咪佢自己搞得掂D $$先結囉.
亦都就住自己唐細佬有幾多斤兩自己吾知咩, 0積蓄都有女人跟佢, 咪當賺到囉. 正所謂貧賤夫妻百事哀, 係好既女人, 會同佢行一世, 吾好既, 話咁快就現形走頭啦.
點都好, 吾好管吾好教人地果個, 要管要教, 搞掂自己果件先, 自己果件先係最親, 吾知幾多年後, 佢地離埋婚咪盞幫人教精左個女:;pppp:
打到呢度, 其實我都吾知自己講緊乜

點評

rean_chau 你都好D, 係唐細佬, 我果個係親細佬丫~~甩唔到!!! 發表於 11-5-21 20:38

私人傳訊

angelicak

大宅

積分: 1959

16^#

發表於 11-5-21 19:58 |只看該作者

你點對人, 將來人地點對你.

私人傳訊

rean_chau

公爵府

積分: 28591

17^#

發表於 11-5-21 20:37 |只看該作者

回覆 angelicak 的帖子

我絶對認同呢一句....
呢個細佬, 我父母都放棄左, 返左大陸住無眼睇, 我呢個家姐可以唔理咩???
出左事, 又係我搞, 擝律師, 擝朋友...
受過教訓都仲係唔聽話, 搞搞震, 有一段時間真係唔係佢死就係我死, 未試過一晚係瞓得好, 佢未返屋企我都唔敢瞓!!!
後尾我頂唔順, 真係無辦法, 同移民外國既大細佬商量, 買機票逼佢離開香港...學費我地幫佢比, 食亞哥用亞哥, 自己打工擝到錢都係比一百幾十做家用...都算, 一家人無計...同埋呢年都叫做生性左, 我自己就好似死過番生咁, 同埋終於有番個似人既細佬...

個女仔, 佢地講結緍, 我父母第一句就係:吓, 你揾幾多錢先夠佢駛丫? 我都同佢地講, 由得佢地, 結左婚就會識諗!!!搞埋佢結婚, 我地責任完成架啦!!

至於個女子既優點, 我好清楚, 心地善良, 聰明...係比屋企人寵壞左....好多野都唔識, 與其話我唔尊重佢, 不如話佢未識尊重我...

問係唔係屋企食飯,答你係..轉個頭開好飯, 就換衫出街食..
佢沖完涼, 我成個沖涼房上上下下濕晒, 廁紙成卷濕晒..
將我放CD櫃D野倒晒出來, 放佢 D M巾..掉晒我放係樻桶衫出黎, 放佢D野...
過年有一日我返到屋企, 見到成屋掛滿白布, 原來佢要做PROJECT...仲要攞我飲水既茶黎洗畫筆..
仲有我部電腦, 都係佢地用完先到我用....

係結緍之前, 佢上黎咁多次, 我未有講過一句說話比佢聽, 要怪只會怪自己細佬唔體諒屋企人..

點評

fairyfloss 唔好再理佢哋,唔好再出錢,冇咗30k好過幫佢哋俾幾十萬發表於 11-5-22 00:59

私人傳訊

tantanmama

公爵府

積分: 28711

虎到金來勳章牛年勳章 HiPP勳章(1) 2018復活節勳章環保接龍勳章 wyeth冷知識勳章 BK Milk勳章 DHA勳章育兒性格勳章開心吸收勳章

18^#

發表於 11-5-21 22:03 |只看該作者

睇得出樓主好錫兩個細佬,對住呢D親人的確有切膚之痛,但你要學識放低呀. 你話細弟婦俾人緃壞咗,你細細佬何嘗唔係呢? 你乜都幫佢張羅, 佢點會長大? 而家係佢結婚, 你搞到好似自己結婚咁, 你要明白,就算你出錢出力,個婚事始終唔係你架,你呢D"架兩"只會吃力不討好.
你細細佬都結婚喇,你仲唔俾佢自立? 你口口聲聲話幫埋今次,你功成身退, 有心退的,點解唔趁今次退落黎? 你想佢好,就要忍手同放手. 佢落咗訂又點?你地話咗俾幾多就幾多,企梗唔幫佢包底,由得佢自己去收拾爛攤子囉. 話唔定個女仔預咗女家包底呢,你亞之唔咗, 佢唔會感激你所做的,只會嫌你多事幹.
你而家趁早,同你未來細弟婦炒一舖,乘機唔幫佢地搞,乜都唔問唔知唔理. 你唔理,佢地先學到嘢的,到佢地認真籌備時,發現現實咁殘酷,分分鐘因了解而分手唔結婚添. 你再硬要幫佢地, 只係推佢地夫妻同心發天真架咋.

點評

Winky889 我都贊成今次結婚真係吾好幫佢地，等佢地受下教訓同埋知道下出面世界唔係咁容易捱發表於 11-5-22 11:17

rean_chau 所言甚是!!!我已經決定左將做賀禮D錢一家三口去個大旅行!!! 發表於 11-5-22 00:22

私人傳訊

Suissesse

伯爵府

積分: 19862

19^#

發表於 11-5-21 22:11 |只看該作者

其實我真係好同情樓主
因為我都有個咁ge細佬

對住佢兩隻野真係

不過我好彩過你少少
無我應承，我細佬唔敢同個女仔結婚

雖然我只係家姐
但係細佬真係好尊重我

我真係有d安慰

PS: 無人想一心一意想做惡姑奶ga，真係環境逼成

請盡量唔好點評我，因為我通常用手機版，睇唔到ga！！！

私人傳訊

MYL0808

洋房

積分: 51

20^#

發表於 11-5-21 23:18 |只看該作者

回覆 rean_chau 的帖子

樓主,為到我未了解整件事就"罵"你,要向你say sorry,希望你原諒!
看見你的"剖白"後,我一樣咁嬲,都係嬲你,因為你太放不下你的細佬了!你一次又一次"幫"佢,這樣做只會傷害了自己,不要說什麼"咁佢係我細佬,唔通唔理佢咩"之類,因為你真係冇需要理佢啦,作為一個男人(學得人結婚就係男人啦),不懂得找一個"正常"的女人,只看見眼前的鏡花水月,父母恩何在?兄姊情何在?不要俾機會佢做裙腳仔了,等佢衰左就知自己揀錯女人!